Verzlunarmannafélag Reykjavíkur, VR, var stofnað 27. janúar árið 1891 af launþegum og atvinnurekendum í verslunarstétt en hefur verið hreint launþegafélag frá árinu 1955. Th. Thorsteinsson var fyrsti formaður félagsins en núverandi formaður er Kristinn Örn Jóhannesson sem tók við árið 2009.

Á síðustu árum hefur VR sameinast nokkrum verslunarmannafélögum (sjá um félagasvæðið).

• Þann 1. janúar 2004 kom sameining VR og Verslunarmannafélags Akraness til framkvæmda eftir tveggja ára samstarf.
• Árið 2006 sameinaðist VR Verslunarmannafélagi Hafnarfjarðar eftir eins árs samstarf.
• Árið 2007 sameinuðust VR og Verslunarmannafélag Vestmannaeyja á grundvelli samstarfssamnings sem undirritaður var 2005.
• Um mitt ár 2007 gekk einnig í gildi sameining VR og Verslunarmannafélags Vestur-Húnvetninga eftir eins árs samstarf.
• Í maí árið 2008 var tillaga um sameiningu við VR samþykkt á aðalfundi Verslunarmannafélags Austurlands.