VR - Virðing, réttlæti | Hástökkvararnir

Hástökkvarar 2009

Íslandspóstur og Atlantsolía eru hástökkvararnir í ár, Íslandspóstur í hópi stærri fyrirtækja en Atlantsolía í hópi minni fyrirtækja. Til að skoða samanburð fyrirtækjanna á milli ára verður að nota raðeinkunn sem byggir á heildarlista allra fyrirtækja, stærri og minni, og er hæsta einkunnin 100 og sú lægsta 1.

Íslandspóstur

Íslandspóstur er hástökkvari ársins í hópi stærri fyrirtækja með einkunnina 4,35 og 8.sætið á listanum í ár en var í 42. sæti með einkunnina 4,03 í fyrra. Fyrirtækið er með raðeinkunnina 82 af 100 mögulegum. Þetta þýðir að 82% allra fyrirtækja sem tóku þátt í ár eru með sömu eða lægri heildareinkunn en Íslandspóstur og einungis 18% með hærri einkunn. Í fyrra var raðeinkunn Íslandspóst 46, þá voru 46% fyrirtækja með sömu eða lægri einkunn en Íslandspóstur en 54% með hærri einkunn. Fyrirtækið hækkar því töluvert á milli ára eða um 36 stig miðað við raðeinkunnirnar. Ef einkunnir fyrirtækisins fyrir einstaka þætti eru skoðaðar má sjá að mesta hækkunin er fyrir þættina launakjör og ímynd fyrirtæksins en einkunn fyrir þessa þætti hækka um meira en 100% á milli ára.

Atlantsolía

Atlantsolía er hástökkvarinn í hópi minni fyrirtækja, var í 191. sæti árið 2008 með 3,38 í einkunn en er núna í 68. sæti með 4,31 í einkunn. Ef litið er á raðeinkunnir má sjá að árið 2008 var heildarraðeinkunn fyrirtækisins 5, þ.e. einungis 5% fyrirtækja voru með lægri eða sömu einkunn og Atlantsolía en 95% með hærri einkunn. Í ár er raðeinkunn Atlantsolíu 77 og hækkar því um 72 stig á milli ára sem er næstmesta hækkun frá því að fyrst var farið að tiltaka sérstaklega hástökkvara í Fyrirtæki ársins árið 2001. Trúverðugleiki stjórnenda hefur aukist mikið, úr 5 í raðeinkunn árið 2008 í 88 í í ár. Starfsandinn fékk falleinkunn hjá starfsmönnum í fyrra eða 3 í raðeinkunn en í ár fær starfsandinn einkunnina 71. Hæsta einkunn fyrirtækisins er fyrir sveigjanleika í vinnu, 92 samanborið við 34 í fyrra.

Flýtileiðir

	Ályktanir stjórnar
	Reiknivélar
	Hvað gerir VR fyrir þig?
	Afsláttur í ferðina
	VR in English
	Auglýsingar VR
	VR blaðið
	Fyrir launagreiðendur
	VR á Twitter
	VR á Facebook

VR

Flýtileiðir

Lykiltölur VR