Launakönnun 2015

Samanburður milli VR, SFR og StRv

VR hefur undanfarin ár birt samanburð á niðurstöðum launakannanna hjá VR, SFR stéttarfélagi og Starfsmannafélagi Reykjavíkur. VR hefur kannað laun og önnur kjör sinna félagsmanna nær samfellt í tvo áratugi, SFR stéttarfélag hefur gert samskonar launakönnun meðal félagsmanna sinna frá árinu 2007 og Starfsmannafélag Reykjavíkurborgar bættist nýlega við.

Félagsmenn VR vinna á almennum vinnumarkaði, félagsmenn SFR starfa hjá ríki, sjálfseignarstofnunum og opinberum fyrirtækjum og félagsmenn StRv hjá Reykjavíkurborg, Akraneskaupstað og fleiri opinberum fyrirtækjum og stofnunum. Það er því áhugavert að bera saman niðurstöður þessara félaga.
 

VR, SFR og StRv 2015

     VR    SFR     StRv 
   Meðaltal heildarlauna á mánuði 547.991 kr.    420.991 kr.    445.496 kr.
   Hækkun heildarlauna milli ára     3%   6%    12% 
   Kynbundinn launamunur á heildarlaunum  9,9%    8,6%   7,4%
   Lengd vinnuvikunnar (100% starf)  43,8 klst.    42,9 klst.    43,8 klst.
   Hlutfall félagsmanna sem fær hlunnindi  72%   63%   70%
   Hlutfall félagsmanna með háskólamenntun 33%    11%    34%
   Hlutfall félagsmanna sem eru ánægð með launakjör sín 49%    21%    20%
   
*Að teknu tilliti til aldurs, vinnutíma (fjölda vinnustunda á viku), starfsaldurs, starfsstéttar, atvinnugreinar, menntunar, vaktavinnu og mannaforráða.  

Athugið:

Á samanburðartíma könnunar VR, janúar 2014 til janúar 2015, voru engar kjarasamningsbundnar launahækkanir. Laun hækkuðu hins vegar á hinum opinbera vinnumarkaði samkvæmt kjarasamningum á tímabilinu.

Reiknaðu launin

Hér getur þú séð hver launin eru fyrir einstaka starfsstéttir, ýmist innan atvinnugreina eða án tillits til atvinnugreinarinnar.

Sjá nánar

Helstu niðurstöður

Laun félagsmanna VR hækkuðu um 2,9% á milli janúarmánaðar 2014 og sama mánaðar 2015, skv. launakönnun VR. Grunnlaunin hækkuðu um 2,1%.

Sjá nánar

Launamunur kynjanna

Niðurstöður launakönnunar VR 2015 gefa vísbendingar um að launamunur kynjanna innan félagsins kunni að vera að aukast eftir að hafa dregist saman jafnt og þétt síðustu ár. Breytingin er innan vikmarka, 1,4% á meðan vikmörkin eru 1,6%, en engu að síður umtalsverð og mesta aukning milli tveggja ára sem mælst hefur í launakönnun félagsins.

Sjá nánar

Ávinningur menntunar

Menntun á háskólastigi skilar konum hlutfallslega meiri ávinningi en körlum en það dregur saman með kynjunum. Á árinu 2009 skilaði stúdentspróf að meðaltali 6% hærri launum í launaumslagið en grunnskólanám þegar búið er að taka tillit til þeirra þátta sem hafa áhrif á launin, s.s. vinnutíma, starfs, atvinnugreinar, mannaforráða, aldurs, starfsaldurs og kyns.

Sjá nánar

Samanburður VR, SFR og STRV

VR hefur undanfarin ár birt samanburð á niðurstöðum launakannanna hjá VR, SFR stéttarfélagi og Starfsmannafélagi Reykjavíkur. VR hefur kannað laun og önnur kjör sinna félagsmanna nær samfellt í tvo áratugi, SFR stéttarfélag hefur gert samskonar launakönnun meðal félagsmanna sinna frá árinu 2007 og Starfsmannafélag Reykjavíkurborgar bættist nýlega við.

Sjá nánar

Framkvæmdin

Markmið launakönnunar VR er tvíþætt. Í fyrsta lagi að kanna kjör félagsmanna og samsetningu launa og í öðru lagi að meta hvort kynbundinn launamunur sé fyrir hendi og hversu mikill hann er. Launakönnunin er mikilvægt tæki fyrir félagsmenn VR í kjarabaráttunni.

Sjá nánar