Fréttir frá VR

Lágmarksþjónusta á skrifstofum VR 19.07 – 6.08

Thu, 15 Jul 2010 09:00:00 GMT

Vegna sumarleyfa starfsmanna mun VR veita lágmarksþjónustu frá og með 19. júlí til og með 6. ágúst. Starfsmenn sem verða við störf þessa daga munu taka á móti umsóknum félagsmanna og veita allar brýnar upplýsingar varðandi kjaramál og önnur hagsmunamál.
Með sumarkveðju,
Starfsfólk VR

Afsláttur í ferðalagið

Mon, 12 Jul 2010 14:00:00 GMT

VR býður fullgildum félagsmönnum afslátt í flug og pakkaferðir Icelandair og Iceland Express. Afslátturinn er í formi orlofsmiða sem hægt er að kaupa hjá VR. Orlofsmiði frá Iceland Express kostar kr. 20.000 og kr. 22.000 frá Icelandair og jafngilda þeir kr. 30.000 greiðslu upp í ferð á vegum flugfélaganna. Hægt er að nota inneign í VR varasjóði til að greiða fyrir miðann. Orlofsmiðarnir eru seldir á skrifstofu VR en verða verða EKKI seldir á heimasíðu VR. Sjá nánar.

Allir vinna - hvatningarátak

Thu, 08 Jul 2010 10:00:00 GMT

Nú í vikunni hefst hvatningarátak stjórnvalda í samstarfi við Alþýðusamband Íslands og aðildarfélög, Samtök atvinnulífsins, Samtök iðnaðarins, Samtök verslunar og þjónustu og Nýsköpunarmiðstöð Íslands til að vekja athygli á endurgreiðslu virðisaukaskatts og skattfrádráttar vegna framkvæmda við íbúðarhúsnæði og frístundarhús þegar fagmenn vinna verkin.VR tekur þátt í þessu átaki sem ber heitið Allir vinna.

Ánægja með Sjúkrasjóð VR

Wed, 07 Jul 2010 13:00:00 GMT

Mikil ánægja er með Sjúkrasjóð VR meðal félagsmanna en 93% þeirra sem notið hafa aðstoðar sjóðsins eru ánægð með hann samkvæmt nýlegri könnun.

Ályktun stjórnar VR

Thu, 01 Jul 2010 11:00:00 GMT

Stjórn VR samþykkti á fundi sínum í gær, 30. júní 2010, svohljóðandi ályktun vegna tilmæla sem Fjármálaeftirlit og Seðlabanki beindu til fjármálafyrirtækja um vaxtakjör gengistryggðra lána:

"Stjórn VR harmar þau skilaboð sem Fjármálaeftirlitið og Seðlabanki Íslands sendu frá sér í gær. Stjórnin óskar þess af íslenskum stjórnvöldum að þau beini þeim tilmælum til fjármálafyrirtækja að þau innheimti gengistryggð lán skv. umsömdum vöxtum þar til dómur fellur í Hæstarétti um kjör lánanna.

Dómstólar fjalla um gildissvið kjarasamninga

Tue, 29 Jun 2010 11:00:00 GMT

Héraðsdómur Reykjavíkur fjallaði nýverið um mál sem snerist um veikindarétt og hvaða kjarasamningur skuli gilda milli aðila. Dómurinn féllst ekki á að kjarasamningur VR og SA hafi átt við í málinu og átti starfsmaðurinn þar af leiðandi ekki þann veikindarétt sem þar er kveðið á um.

Launin hækka!

Fri, 25 Jun 2010 12:00:00 GMT

Þann 1. júní hækkuðu launataxtar í kjarasamningum VR við SA og FA og koma þessar hækkanir til útborgunar þann 1. júlí n.k. Þeir sem ekki taka laun samkvæmt kjarasamingsbundum launatöxtum fá 2,5% almenna launahækkun.

Uppsögn og miskabætur fyrir Hæstarétt

Wed, 23 Jun 2010 13:00:00 GMT

Hæstiréttur hefur staðfest dóm Héraðsdóms Reykjavíkur í máli sem varðaði ágreining um uppsögn félagsmanns VR og miskabætur vegna rangra ásakana um misferli í starfi.

Mundu eftir launahækkuninni!

Mon, 21 Jun 2010 13:00:00 GMT

Þann 1. júní 2010 hækkuðu laun skv. kjarasamningum VR um 2,5% og kemur hækkunin fyrst til útborgunar þann 1. júlí nk. Byrjunarlaun verða þá að lágmarki kr. 162.450 en voru fyrir hækkun kr. 155.950.

Halló atvinnuleitandi !

Tue, 15 Jun 2010 10:00:00 GMT

Atvinnuleitendum í VR stendur margt til boða þó nú sé komið sumar. Nýtt námskeið um markaðssetningu á vefnum hefst í lok júní, ekki seinna vænna að skrá sig. Nokkur pláss eru enn laus í sumarbúðum og leikjanámskeiðum KFUM&K fyrir börnin og fyrir þá sem hafa græna fingur eru nokkur pláss enn laus í matjurtargörðum borgarinnar. Skoðuðu hvað atvinnulausum félagsmönnum VR stendur til boða.

Styrkir til tekjulægri félagsmanna

Mon, 07 Jun 2010 13:00:00 GMT

Stjórn VR hefur samþykkt styrkveitingar úr Sjúkrasjóði VR til tekjulágra félagsmanna umfram almenna styrki sjóðsins. Þessir styrkir ná m.a. til tannlækninga, sjúkraþjálfunar og sálfræðikostnaðar. Með þessu vill VR koma til móts við tekjulága félagsmenn sem þurfa á því að halda.

Þjóðin býður heim

Thu, 03 Jun 2010 12:00:00 GMT

Þjóðarátak í landkynningu er í dag en stjórnvöld, Reykjavíkurborg og aðilar í ferðaþjónustu hvetja landsmenn til að senda ættingjum og vinum erlendis póst í dag þar sem vakin er athygli á Íslandi sem ákjósanlegum stað til að heimsækja. Átakið kallast; Þjóðin býður heim. Fólk er hvatt til að senda skemmtilegt landkynningarmyndband út um allan heim milli kl. 13 og 14 í dag. VR hvetur alla til að taka þátt og efla þar með ferðaþjónustu í landinu sem er einn af burðarstólpum íslensks atvinnulífs.

2,5% launahækkun - Orlofsuppbót

Tue, 01 Jun 2010 13:00:00 GMT

Þann 1. júní 2010 hækka laun skv. kjarasamningum VR um 2,5%. Hækkunin kemur fyrst til útborgunar þann 1. júlí nk. Byrjunarlaun verða þá að lágmarki kr. 162.450 en voru fyrir hækkun kr. 155.950.

Orlofsuppbót er kr. 19.500 á árinu 2010 skv. kjarasamningum VR og hana ber að greiða þann 1. júní. Orlofsuppbótin er föst tala sem inniheldur orlof og tekur ekki launabreytingum skv. öðrum ákvæðum kjarasamnings. Sjá nánar hér.

VR vill auka jákvæðni

Thu, 20 May 2010 10:00:00 GMT

VR hefur hleypt af stokkunum nýrri auglýsingaherferð og er yfirskrift hennar "jákvæðni". Á tímum atvinnuleysis og fjárhagslegrar óvissu er mikilvægara en nokkru sinni að efla jákvæðnina því hún smitar út frá sér og hefur margfeldisáhrif í samskiptum fólks. Hin fleygu orð Einars Benediktssonar, Eitt bros getur dimmu í dagsljós breytt, eiga því við nú sem endranær og sjaldan hefur mikilvægi þeirra verið meira.

Fyrir unga fólkið

Tue, 18 May 2010 11:00:00 GMT

VR tryggir lágmarksréttindi á vinnumarkaði í kjarasamningum. Það er mikilvægt að allt starfsfólk þekki sín réttindi, hvort sem það vinnur í nokkar vikur yfir sumarið eða allan ársins hring. VR birtir á heimasíðu sinni upplýsingar fyrir ungt fólk á vinnumarkaði, launataxta og svör við algengum spurningum - kynntu þér réttindi og skyldur á vinnumarkaði áður en sumarvinnan hefst.

Sumarið er komið !

Wed, 12 May 2010 12:00:00 GMT

Nú eru margir að huga að sumarfríinu og ekki úr vegi að minna á orlofsréttinn. Orlofsárið er frá 1. maí og er orlofsrétturinn mismunandi eftir reynslu í starfsgrein og/eða fyrirtæki. Kynntu þér vel þinn orlofsrétt. Þá minnum við á orlofsuppbótina sem er kr. 19.500 samkvæmt samningum VR.

Fyrirtæki ársins 2010

Fri, 07 May 2010 18:00:00 GMT

Íslenska gámafélagið og Spölur voru valin Fyrirtæki ársins í könnun VR en niðurstöðurnar voru kynntar í dag. Íslenska gámafélagið vann í hópi stærri fyrirtækja en Spölur í hópi minni fyrirtækja þar sem starfa 49 eða færri starfsmenn. Johan Rönning bætti sig mest á milli ára í hópi stærri fyrirtækja og er hástökkvari ársins. Í hópi minni fyrirtækja er það Hagvangur sem er hástökkvarinn.

Kartöflurækt og sumarbúðir

Thu, 06 May 2010 10:00:00 GMT

VR býður atvinnulausum félagsmönnum margvísleg tækifæri til að njóta sumarsins. Fjölskyldan getur hafið ræktun matjurta, skellt sér í veiði eða í útilegu. Þá geta börnin farið í sumarbúðir eða leikjanámskeið. Við bendum líka á að ný námskeið hjá Nýttu kraftinn hefjast síðar í maí. Atvinnuleitandi, skoðaðu möguleikana.

VR fagnar ályktun Jafnréttisráðs

Wed, 05 May 2010 09:00:00 GMT

Jafnréttisráð samþykkti undir lok apríl ályktun vegna niðurstaðna í nýafstöðum kosningum til stjórnar og trúnaðarráðs VR og lýsti yfir ánægju með þær. VR þakkar hlý orð og fagnar ályktuninni.

Viltu verða hamingjusamari?

Tue, 04 May 2010 11:00:00 GMT

VR vill leggja sitt af mörkum til að styrkja félagsmenn sína á alla vegu og býður þeim nú námskeið um það hvernig bera eigi sig að til að verða hamingjusamari.

Ársfundur deildar VR í Eyjum

Mon, 03 May 2010 15:00:00 GMT

Ársfundur deildar VR í Eyjum verður haldinn þriðjudaginn 11. maí í Svölukoti við Strandveg. Fundurinn hefst kl. 19.00 og mun fara fram kynning á starfseminni að honum loknum.

Frá aðalfundi VR 2010

Thu, 29 Apr 2010 16:00:00 GMT

Afkoma félagsins á síðasta ári var góð þrátt fyrir afar erfitt árferði, hagnaður nam 341 milljón króna, sem er umtalsvert meira en áætlanir gerðu ráð fyrir, og ávöxtun eigna félagsins var ásættanleg. Þetta kom fram á aðalfundi sem haldinn var í gærkvöldi, 28. apríl. Á fundinum var lýst kjöri stjórnar og trúnaðarráðs.

Mætum öll í kröfugöngu 1. maí

Thu, 29 Apr 2010 13:00:00 GMT

VR hvetur félagsmenn sína að taka þátt í kröfugöngu 1. maí og sýna þannig samstöðu í verki. Á heimasíðu ASÍ má sjá upplýsingar um hátíðahöldin víðsvegar, á höfuðborgarsvæðinu og félagssvæði VR í Vestmannaeyjum, á Akranesi og Austurlandi. VR býður félagsmönnum sínum í kaffi og meðlæti á Broadway í Reykjavík að útifundi loknum og tekur þátt í kaffisamsæti stéttarfélaganna víða annars staðar.

Lýðræði - ábyrgð - þátttaka

Tue, 27 Apr 2010 14:00:00 GMT

Á annað hundrað félagsmenn sátu Stefnuþing VR sl. laugardag. Þingið bar yfirskriftina Lýðræði – ábyrgð – þátttaka og var tilgangur þess að efla lýðræði innan félagsins og tryggja að sem flestir komi að mótun stefnu þess í opnu og gegnsæju ferli.

Aðalfundur VR

Fri, 23 Apr 2010 13:00:00 GMT

Við minnum á aðalfund VR sem verður haldinn miðvikudaginn 28. apríl á Hilton Reykjavík Nordica hóteli og hefst kl. 19:30.

Félagsmanni dæmd laun í uppsagnarfresti

Fri, 23 Apr 2010 09:00:00 GMT

Héraðsdómur Reykjavíkur hefur dæmt félagsmanni VR í vil í máli sem varðaði deilur um laun í uppsagnarfresti. Ágreiningur var m.a. um tímalengd samningsins og enginn skriflegur ráðningarsamningur gerður.

Samningur í höfn við Norðurál

Wed, 21 Apr 2010 13:00:00 GMT

Nýr kjarasamningur hefur verið undirritaður vegna starfsmanna hjá Norðuráli eftir margra mánaða samningaviðræður.

Félagsmenn móta stefnuna

Mon, 19 Apr 2010 14:00:00 GMT

Lýðræði - ábyrgð - þátttaka er yfirskrift Stefnuþings VR sem verður haldið laugardaginn 24. apríl. VR hefur aldrei áður staðið fyrir svo fjölmennri stefnumótun. Hlutverk þingsins er að marka stefnu VR til næstu ára.

Heilsunámskeið og útilegu- og veiðikort

Fri, 16 Apr 2010 16:00:00 GMT

Nú þegar sumarið er á næsta leiti bjóðum við atvinnuleitendum í VR skemmtilegar leiðir til að bæta heilsu og breyta lífsstíl; heilsunámskeið í apríl og útilegu- og veiðikort í sumar. Sjá nánar um það sem atvinnulausum félagsmönnum í VR stendur til boða.

1. maí á að vera frídagur launafólks

Thu, 15 Apr 2010 14:00:00 GMT

VR harmar þá þróun sem átt hefur sér stað varðandi opnunartíma verslana undanfarin ár. Nú bendir allt til þess að opið verði í mörgum verslunum á baráttudegi verkafólks, þ.m.t. í stóru verslanamiðstöðvunum. VR krefst þess að verslunareigendur virði frídaga vinnandi fólks og samþykkti stjórn í gærkvöldi ályktun þar að lútandi.

Ný orlofshús bætast í hópinn

Thu, 15 Apr 2010 08:00:00 GMT

Nú er hægt að bóka dvöl í tæplega 50 orlofshúsum VR víðsvegar um land í sumar. Í dag bættust við orlofshús á Blönduósi, Einarsstöðum, Illugastöðum, Ólafsfirði, Súðavík, í Hrísey, Ölfusborgum og við Meðalfellsvatn. Það er til viðbótar orlofshúsum VR á Akureyri, Flúðum, Húsafelli, í Miðhúsaskógi og Stykkishólmi. Og ekki má gleyma tjaldvögnum.

Ný orlofshús til bókunar í fyrramálið

Wed, 14 Apr 2010 14:00:00 GMT

Opnað verður fyrir bókanir í fjórtán ný orlofshús á vegum VR víðsvegar um landið kl. 8:30 fimmtudaginn 15. apríl. Þangað til er lokað fyrir allar bókanir orlofshúsa á vef VR. Við biðjumst velvirðingar á þeim óþægindum sem það kann að valda félagsmönnum.

Happdrættið 2010 - vinningsnúmerin

Fri, 09 Apr 2010 09:00:00 GMT

Dregið hefur verið í happdrætti sem haldið var í tengslum við könnun VR á Fyrirtæki ársins og launakjörum 2010. Vinningshöfum er bent á að hafa samband við VR í síma 510 1700. Vinningsnúmerin eru sem hér segir: 300332, 300747, 302995, 304810, 317072, 325615, 328399, 331853, 332498 og 334175.

Settu þig í stellingar fyrir sumarið!

Wed, 07 Apr 2010 10:00:00 GMT

Nú er vor í lofti og því ekki úr vegi að setja sig í stellingar og nota kraftinn sem gjarnan fylgir hækkandi sól til að bæta heilsu og breyta lífsstíl. Ýmislegt nýtt af nálinni verður í boði fyrir atvinnuleitendur í apríl.

A-listinn sigraði í kosningum í VR

Tue, 30 Mar 2010 17:00:00 GMT

A-listi núverandi forystu sigraði í kosningum í VR sem fram fóru dagana 15. - 29. mars. Í annað sinn á tveimur árum var kosið um forystu félagsins í sérstakri allsherjarkosningu. Tæp 27% félagsmanna nýttu kosningarétt sinn fyrir ári, en mun færri tóku þátt í kosningunum að þessu sinni eða 2.102. Á kjörskrá voru alls 27.879 og kosningaþátttaka var því 7,54%.

Frá kjörstjórn – niðurstöður allsherjaratkvæðagreiðslu

Mon, 29 Mar 2010 13:00:00 GMT

Allsherjaratkvæðagreiðslu vegna kosninga til trúnaðarstarfa hjá VR sem stóð frá 15. mars til kl. 12:00 á hádegi þann 29. mars er nú lokið. Atkvæði greiddu 2102. Á kjörskrá voru alls 27879 og kosningaþátttaka var því 7,54%.

Yfirlýsing frá VR

Thu, 25 Mar 2010 15:00:00 GMT

Vegna fyrirspurna um ferð stjórnar VR til London árið 2006 vill VR koma á framfæri eftirfarandi upplýsingum um þessa ferð:

Stjórn VR og sviðsstjórar félagsins sem og stjórnir verslunarmannafélaga Vestmannaeyja og Hafnarfjarðar fóru í vinnuferð til London árið 2006. Á þessum tíma var í gangi sameiningarferli VR og verslunamannafélaganna tveggja sem skýrir þátttöku þeirra í ferðinni. Síðan hafa félögin sameinast. Skýrt var frá þessari ferð í ársskýrslu fyrir árið 2006 sem og á aðalfundi félagsins árið 2007.

Dræm þátttaka í kosningum VR

Tue, 23 Mar 2010 12:00:00 GMT

Þátttaka í kosningum til stjórnar og trúnaðarráðs VR hefur hingað til verið afar dræm, um hádegi í dag, þriðjudaginn 23. mars, höfðu um 970 manns kosið eða 3,5%. Á kjörskrá eru um 27.800 manns sem þýðir að hver og einn þessara 970 kjósenda talar fyrir hönd nær 30 félagsmanna. Kosið er um sjö stjórnarmenn og trúnaðarráð.

Frambjóðendur kynntu sig á félagsfundi

Thu, 18 Mar 2010 15:00:00 GMT

Á annað hundrað félagsmenn sátu kynningarfund frambjóðenda í kosningum til stjórnar og fulltrúa framboðslista í gærkvöldi eða fylgdust með honum á netinu þar sem hann var sýndur í beinni útsendingu. Hægt er að sjá upptöku af fundinum á Mínum síðum.

Kosning til stjórnar og trúnaðarráðs VR hafin

Mon, 15 Mar 2010 09:00:00 GMT

Kosning til stjórnar og trúnaðarráðs VR hófst kl. 9:00 í morgun, mánudaginn 15. mars. Henni lýkur kl. 12:00 á hádegi mánudaginn 29. mars. Kosið er til helmings sæta í stjórn og til trúnaðarráðs. VR hefur opnað sérstakan kosningavef, kosningar.vr.is, og mun halda félagsfund næstkomandi miðvikudag þar sem frambjóðendur kynna sig.

Engar athugasemdir við kortanotkun

Thu, 11 Mar 2010 15:00:00 GMT

Stjórn VR fór fram á það við Deloitte endurskoðun í byrjun feb s.l. að fyrirtækið skoðaði alla notkun starfsmanna á greiðslukortum félagsins þrjú ár aftur í tímann. Skýrsla endurskoðendanna liggur nú fyrir og voru engar athugasemdir gerðar.

Stjórn VR fagnar niðurstöðunni og segir starfsmenn félagsins njóta fyllsta trausts.
Kostnaður greiddur með greiðslukortum var 1,42% af rekstrarkostnaði VR árið 2009.

Kosningavefur VR - félagsfundur í næstu viku

Wed, 10 Mar 2010 15:00:00 GMT

Allsherjaratkvæðagreiðsla í VR til stjórnar og trúnaðarráðs fyrir næsta kjörtímabil hefst mánudaginn 15. mars n.k. (nánar um kosninguna). Opnaður hefur verið sérstakur kosningavefur, kosningar.vr.is, þar sem frambjóðendur og listaframboð eru kynnt og haldinn verður félagsfundur á miðvikudaginn í næstu viku.

SPILUM SAMAN – þjóðarátak í allra þágu

Wed, 10 Mar 2010 09:00:00 GMT

VR og SVÞ – Samtök verslunar og þjónustu snúa bökum saman í sameiginlegu átaki!

VR og Samtök verslunar og þjónustu ætla að blása til sérstakrar Viku verslunar og þjónustu dagana 11. – 17. mars n.k.

Alþjóðlegur baráttudagur kvenna 100 ára

Mon, 08 Mar 2010 09:00:00 GMT

8. mars, alþjóðlegur baráttudagur kvenna fyrir friði og jafnrétti, er 100 ára í dag. Ýmsir viðburðir verða af því tilefni, þ.á m. hádegisfundur undir yfirskriftinni Frelsi til fjölskyldulífs. Við hvetjum konur og karla til að þátt í viðburðum dagsins (sjá yfirlit).

Skilafrestur framlengdur til 12. mars

Fri, 05 Mar 2010 09:00:00 GMT

Skilafrestur í könnun VR á Fyrirtæki ársins 2010 og launakjörum hefur verið framlengdur til 12. mars. Við hvetjum félagsmenn að taka þátt í þessari stærstu vinnumarkaðskönnun landsins.

Taktu frá nokkra fimmtudaga

Tue, 02 Mar 2010 08:00:00 GMT

Á næstu vikum býður VR félagsmönnum sínum á nokkra áhugaverða hádegisfyrirlestra. Umfjöllunarefnin eru framkoma, draumar og jákvæðni.

Frá kjörstjórn VR

Fri, 26 Feb 2010 18:00:00 GMT

Framboðsfrestur vegna annarra framboða en framboðs trúnaðarráðs og trúnaðarmanna VR vegna kosninga til stjórnar og trúnaðarráðs VR 2010 rann út á hádegi miðvikudaginn 24. febrúar sl. Tvö framboð bárust til stjórnar í einstaklingskjöri og einn listi til stjórnar og trúnaðarráðs.

Gleymdirðu nokkuð könnuninni?

Fri, 26 Feb 2010 11:00:00 GMT

Skilafrestur á könnun VR á Fyrirtæki ársins og launakjörum hefur verið framlengdur til 8. mars. Við hvetjum félagsmenn að taka þátt í þessari stærstu vinnumarkaðskönnun landsins. Niðurstöðurnar eru okkur öllum mikilvægt og öflugt vopn í baráttunni fyrir bættum kjörum.

Fylltu á tankinn - frítt

Thu, 25 Feb 2010 11:00:00 GMT

Fimmtudaginn 4. mars býður VR félagsmönnum sínum á hressandi hádegisfyrirlestur með hinni einu sönnu Sirrý. Hópastarf og happdrætti sem kryddar tilveruna og styrkir ónæmiskerfið. Skráðu þig núna því hámarksfjöldi þátttakenda er 50 manns. Nánar um fyrirlesturinn og skráningu á hann.

Fyrirvaralaus uppsögn fyrir dóm

Mon, 22 Feb 2010 16:00:00 GMT

Héraðsdómur Reykjavíkur dæmdi nýlega í deilumáli félagsmanns VR og fjármálafyrirtækis sem fjallaði um réttmæti fyrirvaralausrar uppsagnar.

Atvinnuleitendur takið eftir!

Thu, 18 Feb 2010 13:00:00 GMT

Hvernig nýtur maður sín í mannlegum samskiptum? Á næstunni hefjast tvö ný og spennandi námskeið fyrir atvinnulausa félagsmenn í VR sem miða að því að styrkja og efla sjálfstraustið; samskiptafærni með Sirrý og sjálfsstyrking með Guðnýju.

Megum við koma í heimsókn?

Tue, 16 Feb 2010 12:00:00 GMT

Undanfarna mánuði hefur VR lagt áherslu á að sækja félagsmenn heim á þeirra vinnustaði til að ræða um félagið, framtíðina eða hvaðeina sem þeir óska eftir. Markmiðið er að efla og styrkja tengslin milli félagsmanna og félags. Formaður VR, Kristinn Örn Jóhannesson, hefur nú þegar haldið fundi í mörgum fyrirtækjum en við viljum ræða við sem flesta. Og í ljósi þess að samningar eru lausir síðar á þessu ári er brýnt að við heyrum beint frá félagsmönnum hverjar þeirra áherslur eru. Ef þú hefur áhuga á að fá heimsókn frá VR vinsamlega hafðu samband við Laufeyju Eydal í síma 510 1700 eða sendu póst á netfangið laufey@vr.is.

Uppbókað á hádegisfyrirlestur

Tue, 16 Feb 2010 10:00:00 GMT

Félagsmenn vinsamlega athugið: Uppbókað er á hádegisfyrirlestur næstkomandi fimmtudag í Reykjavík en laus sæti á Egilsstöðum, Akranesi og Vestmannaeyjum þaðan sem hægt er að fylgjast með fyrirlestrinum í gegnum fjarfundabúnað. Þeir sem þegar hafa skráð sig hafa tryggt sér sæti á fyrirlestrinum en ekki er tekið við fleiri skráningum á höfuðborgarsvæðinu.

Frá kjörstjórn VR

Wed, 10 Feb 2010 12:00:00 GMT

Breyting hefur verið gerð á framboði trúnaðarráðs og trúnaðarmanna VR sem kynnt var í gær. Hún tekur til framboðs varamanna til stjórnar en fyrsti varamaður hefur dregið framboð sitt til baka.

Frá kjörstjórn VR

Tue, 09 Feb 2010 17:00:00 GMT

Kosningu trúnaðarráðs VR og trúnaðarmanna, um þrjá aðalmenn í stjórn og þrjá til vara í einstaklingskosningu vegna framboðs trúnaðarráðs og trúnaðarmanna VR, sbr. 20. gr. laga VR, lauk kl. 13:00 í dag, þriðjudaginn 9. febrúar 2010. Atkvæðisrétt höfðu allir í trúnaðarráði VR og trúnaðarmenn á vinnustöðum eða 263. Alls kusu 87 eða 33,1%. Niðurstöðurnar eru sem hér segir:

Héraðsdómur staðfestir uppsagnarfrest

Fri, 05 Feb 2010 13:00:00 GMT

Héraðsdómur Reykjaness hefur dæmt fyrirtæki til að greiða félagsmanni VR laun í uppsagnarfresti, orlof og uppbætur en launagreiðandi hans hafði ekki staðið skil á launagreiðslum í uppsagnarfresti.

Þetta er í boði !

Tue, 02 Feb 2010 14:00:00 GMT

Fyrirlestur hjá Heiðari, nýtt námskeið hjá þeim stöllum í Nýttu kraftinn, öðruvísi námskeið um sjálfsstyrkingu, Leiðin til velgengni og síðast en ekki síst Bóthildur. Ef þú ert atvinnuleitandi í VR getur þú valið - eða bara tekið þátt í þessu öllu á næstu dögum.

Frá kjörstjórn VR

Mon, 01 Feb 2010 08:00:00 GMT

Á árlegum Nýársfundi VR, sem haldinn var þann 28. janúar 2010, var gengið frá listaframboði trúnaðarráðs og trúnaðarmanna á vinnustöðum til fjögurra sæta í stjórn félagsins og 82ja sæta í trúnaðarráði fyrir næsta kjörtímabil.

Frá meirihluta stjórnar VR

Fri, 29 Jan 2010 13:00:00 GMT

Meirihluti stjórnar VR hefur sent frá sér ályktun sem birt er hér að neðan vegna áskorunar frá þremur stjórnarmönnum. Áskorunina má sjá hér.

Ályktun stjórnar VR dags. 29. janúar 2010

Á þeim 24 stjórnarfundum sem hafa verið haldnir frá því ný stjórn tók við í VR í apríl sl. hafa stjórnarmennirnir Bjarki Steingrímsson, Guðrún Jóhanna Ólafsdóttir og Ragnar Þór Ingólfsson ekki lagt fram eina einustu formlega tillögu sem tengist þessari áskorun þeirra á nokkurn hátt né almennum kjarabaráttumálum félagsmanna VR.

Ályktun meirihluta stjórnar VR

Fri, 29 Jan 2010 13:00:00 GMT

Meirihluti stjórnar VR harmar að nokkrir stjórnarmenn í félaginu tengist samtökum sem virðast m.a. hafa það á stefnuskrá sinni að leggja niður Alþingi Íslendinga. Samtök þessi, Nýtt Ísland, voru stofnuð í tengslum við kosningar í VR á síðasta ári en beina nú kröftum sínum að því að brjóta félagið niður.

Athugasemd frá VR

Wed, 27 Jan 2010 15:00:00 GMT

Vegna rangfærslna í frétt Stöðvar 2 í gærkvöldi um VR vill félagið koma á framfæri eftirfarandi athugasemdum. Í fréttinni var því haldið fram að skattrannsóknarstjóri stundi nú sérstaka skoðun á rekstri stéttarfélaga, þ.m.t. VR. Það er rangt. Hér er um að ræða almennt skatteftirlit ríkisskattstjóra, ekki skattrannsóknarstjóra, með skattframkvæmd aðila sem ekki stunda atvinnurekstur, eins og embætti ríkisskattstjóra getur staðfest. Notkun greiðslukorta hjá félaginu er ekki til skoðunar, eins og ýjað var að í fréttinni. VR gerir þá kröfu til fjölmiðla að þeir sannreyni sannleiksgildi frétta áður en þær eru birtar.

Deilt um uppgjör launa

Mon, 25 Jan 2010 15:00:00 GMT

Héraðsdómur Reykjavíkur hefur dæmt félagsmanni VR í vil í máli sem varðaði deilur um starfslok, ráðningarsamning og ágreining um uppgjör launa.

Átt þú erindi í stjórn Lífeyrissjóðs verzlunarmanna?

Wed, 20 Jan 2010 15:00:00 GMT

Stjórn VR skipar 4 fulltrúa í stjórn Lífeyrissjóðs verzlunarmanna og 4 til vara. Áhugasamir geta gefið kost á sér með því að senda inn skriflegt erindi til Elísabetar Magnúsdóttur á skrifstofu VR fyrir kl. 12:00 á hádegi fimmtudaginn 28. janúar 2010.

Frá kjörstjórn VR

Tue, 12 Jan 2010 14:00:00 GMT

Kjörstjórn VR hefur fjallað um framboð sem bárust til stjórnar og trúnaðarráðs í VR fyrir lok framboðsfrests kl. 12:00 á hádegi 31. desember 2009. Öll framboðin sem bárust uppfylla skilyrði 5. gr. laga VR um kjörgengi til trúnaðarstarfa til félagsins, utan eins til trúnaðarráðs.

Munið eftir skattabreytingunum

Fri, 08 Jan 2010 10:00:00 GMT

Um áramótin komu til framkvæmda viðamiklar breytingar á skattkerfi landsmanna sem munu hafa mikil áhrif á laun fjölda félagsmanna VR. Reiknivél fyrir launaseðla á vefnum hefur verið uppfærð m.v. þær breytingar sem hér um ræðir. Hér að neðan er stutt útskýring á breytingunum á skattkerfinu en einnig má fá nánari upplýsingar á vef Ríkisskattstjóra.

Atvinnuleitandi – er þetta eitthvað fyrir þig?

Wed, 06 Jan 2010 12:00:00 GMT

Hættum að reykja og tökum til við að skapa. VR og Krabbameinsfélag Reykjavíkur bjóða þeim atvinnuleitendum í VR sem vilja hætta að reykja ókeypis námskeið. Námskeiðið hefst næstkomandi mánudag, 11. janúar. Sköpunargleðin getur svo tekið við af rettunni því miðvikudaginn 13. janúar hefst námskeið í hönnun fyrir fólk á ÖLLUM aldri sem hefur gaman af því að skapa. Skoðaðu hvað er í boði fyrir atvinnulausa félagsmenn VR.

2009 er annað stærsta árið hjá VR

Mon, 04 Jan 2010 15:00:00 GMT

Árið 2009 er annað stærsta árið á kjarasviði VR frá upphafi en alls komu rúmlega 1.600 mál til skoðunar hjá sviðinu á árinu. Til samanburðar má nefna að árið 2007 voru málin alls 1.219 talsins og 1.048 árið 2006. Stærsta árið var hins vegar 2008.

Nýju ári fylgja nýjar áherslur !

Tue, 22 Dec 2009 12:00:00 GMT

Með hækkandi sól er tími til að huga betur að eigin líðan. VR býður félagsmönnum sínum áhugaverða hádegisfyrirlestra í janúar og febrúar á nýju ári þar sem áhersla er lögð á að efla einstaklinginn.

Gæludýr leyfð í einu orlofshúsi VR

Fri, 18 Dec 2009 10:00:00 GMT

Heimilt er að hafa gæludýr í einu orlofshúsi VR, orlofshúsi nr. 29 á Flúðum. Ekki er heimilt að hafa gæludýr í öðrum orlofshúsum félagsins. Athugið að velja þarf þetta hús sérstaklega þegar bókað er á netinu, það er merkt sem Flúðir – gæludýr leyfð.

Vantraust samþykkt á varaformann VR á fundi stjórnar

Wed, 16 Dec 2009 13:00:00 GMT

Stjórn VR samþykkti tillögu um vantraust á Bjarka Steingrímsson sem varaformann stjórnar VR á fundi í hádeginu í dag. Ástæðurnar eru trúnaðarbrestur og samstarfsörðugleikar. Að mati stjórnar tók steininn úr þegar hann hélt ræðu á útifundi á Austurvelli þann 5. desember s.l. þar sem hann lítilsvirti ekki eingöngu störf eigin félags heldur verkalýðshreyfingarinnar í heild sinni.

Um kosningu stjórnar og trúnaðarráðs VR

Tue, 15 Dec 2009 12:00:00 GMT

VR hefur auglýst framboðsfrest vegna kosningar stjórnar og trúnaðarráðs VR en hann er til kl. 12:00 þann 31. desember 2009.

Breyttur skilatími umsókna í varasjóð og fræðslusjóði

Mon, 14 Dec 2009 13:00:00 GMT

Félagsmenn athugið breytta skilatíma umsókna um styrk úr VR varasjóði og starfsmenntasjóðum yfir hátíðarnar. Til að greiðsla geti borist fyrir jól þarf að skila umsóknum og gögnum í síðasta lagi föstudaginn 18. desember 2009. Til að greiðsla geti borist fyrir áramót þarf að skila umsóknum og gögnum í síðasta lagi mánudaginn 28. desember 2009.

Hefur þú áhuga á að starfa í forystu VR?

Fri, 11 Dec 2009 12:00:00 GMT

Samkvæmt 20. gr. laga VR auglýsir kjörstjórn eftir framboðum í stjórn og trúnaðarráð félagsins. Um er að ræða 7 sæti í stjórn og 82 í trúnaðarráði.

Héraðsdómur dæmir félagsmanni laun í uppsagnarfresti

Thu, 10 Dec 2009 11:00:00 GMT

Héraðsdómur Reykjavíkur dæmdi nýlega félagsmanni VR í hag í máli sem snerist um laun í uppsagnarfresti og greiðslu áunnins orlofs og uppbóta.

Af sköttum og neyslu

Tue, 08 Dec 2009 15:00:00 GMT

Beinir skattar og há skattleysismörk tryggja best hagsmuni lágtekjufólks. Boðaðar skattkerfisbreytingar munu ekki skila eins miklu í kassa ríkisins og vonir stjórnvalda stóðu til, mikill meirihluti landsmanna mun einfaldlega draga úr neyslu. Þetta kom fram á fundi sem VR og FÍS stóðu fyrir í morgun um skattamál og breytta hegðun neytenda á samdráttartímum.

Jólaaðstoð VR 2009

Tue, 08 Dec 2009 13:00:00 GMT

Stjórn VR hefur samþykkt að styrkja hjálparsamtök um alls fimm milljónir króna þessi jól og vill félagið þannig leggja sitt af mörkum til að hjálpa þeim sem minna mega sín á þessum tímum.

VR styrkir átakið Karlmenn og krabbamein

Mon, 07 Dec 2009 14:00:00 GMT

Krabbameinsfélag Íslands stóð fyrr á árinu fyrir átakinu Karlmenn og krabbamein til að vekja athygli á mikilvægi þess að karlar fylgist með einkennum krabbameins og bregðist rétt við þeim. Stjórn VR hefur ákveðið að styrkja málefnið um eina milljón króna. Formaður VR, Kristinn Örn Jóhannesson, afhenti Guðrúnu Agnarsdóttur, forstjóra Krabbameinsfélagsins, styrkinn á dögunum.

Þurfa skattar að vera ósanngjarnir?

Fri, 04 Dec 2009 15:00:00 GMT

FÍS og VR boða til opins fundar um skattamál og breytta hegðun neytenda á samdráttartímum, þriðjudaginn 8. desember kl. 8:30–10:00 í Gullteig á Grand Hótel. Niðurstöður nýrrar skoðanakönnunar meðal almennings um skattabreytingar og tengd mál verða birtar á fundinum. Þátttökugjald er kr. 1.850. Frítt fyrir félagsmenn FÍS og VR félaga. Skráning er á heimasíðu FÍS eða í síma 588 8910.

Skila þarf umsóknum um sjúkradagpeninga 15. desember

Thu, 03 Dec 2009 12:00:00 GMT

Félagsmenn athugið að skila þarf umsóknum um sjúkradagpeninga eða gögnum vegna umsókna í síðasta lagi þriðjudaginn 15. desember til að greiðsla geti borist þann 1. janúar. Almennur skiladagur er 21. dagur mánaðarins en vegna jólafrídaga er sá fyrirvari of skammur til að hægt sé að afgreiða umsóknina tímanlega fyrir mánaðamót.

Fyrirtæki ársins 2010

Wed, 02 Dec 2009 08:00:00 GMT

Undirbúningur fyrir könnun VR á Fyrirtæki ársins 2010 er kominn á fullt en könnunin verður gerð í febrúar og mars. Allir fullgildir félagsmenn VR fá sent spurningaeyðublað en stjórnendur fyrirtækja geta óskað eftir því að aðrir starfsmenn, óháð því í hvaða stéttarfélagi þeir eru, fái einnig senda könnun. Þannig sýna niðurstöðurnar heildstæðari mynd af stöðu fyrirtækisins. Sjá nánar um könnunina og hvernig allir starfsmenn geta verið með.

Málin rædd á félagsfundi

Tue, 01 Dec 2009 10:00:00 GMT

Fámennt var á félagsfundi VR í lok nóvember þar sem rætt var um skipulag verkalýðshreyfingarinnar, efnahagsmálin, stefnumótun félagsins og deilur sem verið hafa innan stjórnar. Nokkur orðaskipti urðu á fundinum og hvöttu margir fundarmanna stjórnina til að leggja til hliðar ágreiningsmál sín og einbeita sér að framtíðinni.

Munið launahækkunina

Thu, 26 Nov 2009 13:00:00 GMT

Samkvæmt kjarasamningum VR hækka laun frá 1. nóvember. Launataxtar afgreiðslufólks hækka um kr. 6.750 en launataxtar skrifstofufólks hækka um kr. 8.750. Þessi hækkun tekur til launa frá og með nóvember og kemur því til útborgunar 1. desember hjá þeim sem eru á eftirágreiddum launum.

Skerðing greiðslna í fæðingarorlofi ógnar jafnrétti kynjanna

Wed, 25 Nov 2009 17:00:00 GMT

VR ályktar um réttindi í fæðingarorlofi

VR mótmælir harðlega frekari skerðingu réttinda í fæðingarorlofi. Árið 1999 hóf VR að greiða félagsmönnum sínum 80% laun í fæðingarorlofi sem síðar varð þáttur í almennum lögum um fæðingarorlof í landinu. Þetta var stórt skref í jafnréttismálum á sínum tíma og vegur þessi skerðing nú freklega að réttindum fjölskyldna í landinu.

Stjórn VR gagnrýnir skerðingu bóta ungs fólks

Mon, 23 Nov 2009 10:00:00 GMT

Stjórn VR mótmælir harðlega hugmyndum stjórnvalda að skerða atvinnuleysisbætur ungs fólks, það gangi þvert á sanngirnissjónarmið og kippi grundvellinum undan sjálfstæði margra ungmenna þegar þau eru að stíga sín fyrstu skref inn í framtíðina.

Fyrirtæki þvinga starfsfólk til að falla frá launahækkunum

Thu, 19 Nov 2009 09:00:00 GMT

VR er kunnugt um fyrirtæki sem reyna að þvinga starfsfólk sitt til að falla frá umsömdum launahækkunum sem koma eiga að koma til framkvæmda frá og með 1. nóvember sl. Málið var tekið upp á miðstjórnarfundi ASÍ í gær þar sem samþykkt var harðorð gagnrýni og þess krafist að launafólk njóti þeirra hækkana sem samið hefur verið um. Hér að neðan er birt frétt af heimasíðu ASÍ um málið.

Mundu eftir desemberuppbótinni

Wed, 18 Nov 2009 15:00:00 GMT

Desemberuppbót árið 2009 er kr. 51.800 og á að greiða ekki síðar en 15. desember. Allir starfsmenn sem verið hafa samfellt í starfi hjá atvinnurekanda í 12 vikur á síðustu 12 mánuðum eða eru í starfi fyrstu viku í desember eiga rétt á desemberuppbót og miðar upphæðin við starfshlutfall og starfstíma.

Þúsundir nemenda fá fræðslu frá VR

Tue, 17 Nov 2009 09:00:00 GMT

Eitt þúsund nemendur í grunn- og framhaldsskólum fá í haust fræðslu frá VR um réttindi og skyldur á vinnumarkaði. Þar með eru nemendurnir sem fengið hafa slíka fræðslu frá félaginu á síðustu fjórum árum orðnir rúmlega átta þúsund.

Því miður – uppbókað !

Mon, 16 Nov 2009 11:00:00 GMT

Uppbókað er á hádegisfyrirlestur Heiðars Jónssonar á fimmtudaginn en þetta er annar fyrirlestur Heiðars þetta haustið og óhætt að segja að hann hafi slegið í gegn. Við erum þó ekki alveg hætt og bjóðum félagsmönnum þriðja fyrirlesturinn, 3. desember, og nú á huglægu nótunum. Í millitíðinni heldur Margrét Pála Ólafsdóttir, höfundur Hjallastefnunnar, fyrirlesturinn Stelpa, strákur – skiptir það máli? Nánar um fyrirlestra VR og skráning á þá.

Fræðslustjóri að láni

Fri, 13 Nov 2009 12:00:00 GMT

Starfsmenntasjóður verslunar- og skrifstofufólks, sem VR/LÍV og SA standa að, skrifaði nýlega undir fyrsta samninginn um verkefnið "Fræðslustjóri að láni" en það byggir á því að lána út mannauðsráðgjafa til fyrirtækja.

Af stjórnarfundi VR

Thu, 12 Nov 2009 13:00:00 GMT

Stjórn VR samþykkti á fundi sínum í gærkvöldi viðmiðunarreglur ASÍ um réttindi og skyldur stjórnarmanna og vinnureglur fyrir stjórn um aðgang, umgengni og notkun bókhaldsupplýsinga. Á fundinum var einnig samþykktur styrkur til Neytendasamtakanna að upphæð kr. 250 þúsund.

Félagsfundur VR 30. nóvember

Wed, 11 Nov 2009 13:00:00 GMT

Félagsfundur VR, upplýsinga- og umræðufundur, verður haldinn 30. nóvember 2009 kl. 19:30 á Hilton Reykjavík Nordica. Dagskrá er sem hér segir:

1. Samningar og stöðugleikasáttmáli (Kristinn Örn Jóhannesson, formaður VR)

2. Skipulag launþegahreyfingarinnar:

VR (Kristinn Örn Jóhannesson, formaður VR)
LÍV (Ingibjörg R. Guðmundsdóttir, formaður LÍV)
ASÍ (Halldór Grönvold, aðstoðarframkvæmdastjóri ASÍ)

3. Stefnumótun VR (fulltrúar ParX kynna)

4. Umræður, stjórn VR situr fyrir svörum.

Félagsmenn eru hvattir til að mæta.

Athugasemd frá formanni VR

Tue, 10 Nov 2009 11:00:00 GMT

Formaður VR harmar það að stjórnarmaður í VR skuli ekki hafa kynnt sér hvernig staðið var að viðræðum um stöðu kjarasamninga í upphafi þessa árs áður en hann fjallaði um málið á bloggsíðu sinni. Þar varpar stjórnarmaðurinn fram órökstuddum ásökunum á hendur forystu verkalýðshreyfingarinnar.

Mundu að þú átt okkur að

Wed, 04 Nov 2009 13:00:00 GMT

Félagsmenn í VR geta leitað til félagsins með alls kyns mál sem upp kunna að koma á vinnustaðnum, fengið ráðgjöf og rætt málin. Á þeim óvissutímum sem nú ríkja á vinnumarkaði er mikilvægt að félagsmenn þekki rétt sinn. Því viljum við minna á að við erum reiðubúin til að koma þér til aðstoðar, í fullum trúnaði og með hagsmuni þína að leiðarljósi.

Framandi og einfalt - viltu læra asíska matargerð?

Tue, 03 Nov 2009 10:00:00 GMT

VR býður atvinnulausum félagsmönnum sínum skemmtileg og fræðandi námskeið, þeim að kostnaðarlausu. Eitt af því sem nú stendur fyrir dyrum er matreiðslunámskeiðið Lærum að elda ódýrt þar sem farið er yfir þá þætti sem gera asíska matargerð svo heillandi.

Alþjóðleg athafnavika á Íslandi

Mon, 02 Nov 2009 10:00:00 GMT

Dagana 16.-22. nóvember verður haldin Alþjóðleg athafnavika á Íslandi og í rúmlega 100 öðrum löndum. Markmiðið er að vekja fólk til umhugsunar um gildi nýsköpunar og athafnasemi fyrir samfélagið, senda jákvæð og uppbyggileg skilaboð til Íslendinga og snúa við umræðunni um atvinnulífið og gefa þjóðinni tilefni til að horfa björtum augum fram á veginn.

Kjarasamningur VR og FÍS framlengdur

Fri, 30 Oct 2009 09:00:00 GMT

Kjarasamningur milli VR og FÍS mun gilda út nóvember á næsta ári og koma launahækkanir samkvæmt samningnum til framkvæmda frá 1. nóvember 2009.

VR styrkir Þjóðfund 2009

Thu, 29 Oct 2009 12:00:00 GMT

Stjórn VR samþykkti á fundi sínum í gærkvöldi tillögu formanns félagsins að styrkja Þjóðfund sem haldinn verður 14. nóvember n.k. Til Þjóðfundar er boðið um 1.500 Íslendingum og er honum ætlað að marka leið þjóðarinnar til sóknar, nýsköpunar og bjartsýni.

Kjarasamningar halda - Stöðugleikasáttmálinn næsta áskorun

Wed, 28 Oct 2009 12:00:00 GMT

Formaður VR fagnar því að kjarasamningar skuli gilda til loka nóvember á næsta ári en sem kunnugt er ákvað stjórn SA að nýta ekki uppsagnarákvæði kjarasamninga í gær. Umsamdar launahækkanir koma því til framkvæmda (sjá frétt). Samkomulag hefur ekki enn náðst við ríkisstjórn um áframhaldandi samstarf á grundvelli Stöðugleikasáttmálans en vonir standa til að það náist fljótlega.

Launin hækka þann 1. nóvember

Wed, 28 Oct 2009 11:00:00 GMT

Kjarasamningur milli VR og SA mun gilda út nóvember á næsta ári en eins og kunnugt er var eindagi fyrir uppsögn þeirra í gær. Launahækkanir samkvæmt samningnum koma því til framkvæmda frá 1. nóvember 2009.

Borð fyrir Báru og fleira skemmtilegt

Tue, 27 Oct 2009 12:00:00 GMT

- VR býður þér á fyrirlestur um algeng rammíslensk orðatiltæki sem allir hafa gagn og gaman af

Íslenskan er full af orðatiltækjum sem setja skemmtilegan blæ á samskiptin. Þau auðga og skreyta málið en það getur verið erfitt að fóta sig í þeirra heimi því margir þekkja ekki hver upprunaleg merking þeirra er. Í hádegisfyrirlestri fimmtudaginn 29. október mun Eyþór Eðvarðsson fara yfir 150 íslensk orðatiltæki. Nánar um fyrirlesturinn og skráningu.

Ræða formanns VR á ársfundi ASÍ

Thu, 22 Oct 2009 15:00:00 GMT

Ársfundur ASÍ var settur í morgun. Formaður VR, Kristinn Örn Jóhannesson, hélt ávarp á fundinum og sagði m.a.: "Ég trúi því að nú sé lag, að nú sé tækifæri til að byggja upp betra og réttlátara samfélag. Ég trúi því og treysti að við sem erum hér saman komin séum tilbúin í þá vinnu af einurð, einlægni og heilindum. Það er okkar skylda og tækifærið til þess er núna."

Ræðan er birt í heild sinni hér að neðan. Umfjöllun um ársfundinn má finna á heimasíðu ASÍ.

Leikreglur lýðræðisins

Wed, 21 Oct 2009 15:00:00 GMT

Stjórn VR hefur samþykkt að ganga óbundin til ársfundar ASÍ í lok vikunnar og taka ekki afstöðu til málefna fyrr en á fundinum sjálfum. Því vekur það furðu að fjórir stjórnarmenn VR, af fimmtán sem sæti eiga í stjórn, hunsi þessa ákvörðun stjórnar og skipi sér við hlið annars stéttarfélags þegar kemur að málefnum lífeyrissjóðanna, segir formaður VR. Hann telur einkennilegt að stjórnarmenn í VR sendi frá sér yfirlýsingu um stuðning við tillögur Verkalýðsfélags Akraness þegar þeir hafi næg tækifæri til að ræða málið og taka afstöðu til þess á ársfundi ASÍ.

Viðbragðsáætlun vegna inflúensu

Tue, 20 Oct 2009 13:00:00 GMT

Að beiðni formanns VR í maí var gerð viðbragðsáætlun fyrir skrifstofu VR vegna svínaflensu, H1N1. Markmiðið er að vernda bæði starfsmenn og félagsmenn og tryggja lágmarksþjónustu komi til þess að skerða þurfi starfsemina vegna veikinda á skrifstofunni. Lágmarksþjónusta felur m.a. í sér greiðslur úr sjóðum félagsins og aðstoð sérfræðinga hvort sem er á skrifstofunni, í síma eða á netinu. Áhersla verður lögð á upplýsingagjöf, m.a. á heimasíðu félagsins.

Sláðu tvær flugur í einu höggi

Mon, 19 Oct 2009 15:00:00 GMT

VR býður atvinnulausum félagsmönnum frítt á tvö námskeið sem opna fyrir nýja möguleika og betri heilsu. HÆTTU að reykja er námskeið sem stendur í fimm vikur og hefst 26.október. Að loknu námskeiði er þátttakendum fylgt eftir í eitt ár. LEIÐIN til velgengni hefst 28. október og stendur einnig í fimm vikur. Margskonar stuðningur sem veitir félagsmönnum nýja sýn á lífsgildin og lausn á fjármálunum. Láttu sjá þig --- skráðu þig strax. Fyrstur kemur fyrstur fær.

Tafarlausa úrlausn Icesave málsins

Wed, 14 Oct 2009 16:00:00 GMT

Stjórnir VR og FÍS hafa sent frá sér sameiginlega áskorun um tafarlausa úrlausn Icesave málsins, málið hafi dregist mjög á langinn og haldi öðrum brýnum úrlausnarefnum í efnhagsmálum í gíslingu ásamt því að ógna stöðugleika á vinnumarkaði. Áskorunin er hér í pdf skjali en textinn er einnig birtur í heild að neðan.

Minnum á versló ballið í Eyjum

Tue, 13 Oct 2009 10:00:00 GMT

Hið stórskemmtilega verslunarmannaball í Vestmannaeyjum verður að þessu sinni haldið laugardaginn 24. október.

Stjórn VR gagnrýnir stjórnvöld

Wed, 07 Oct 2009 14:00:00 GMT

Stjórn VR hefur samþykkt svohljóðandi ályktun:

"Stjórn VR mótmælir harðlega þeim fyrirætlunum stjórnvalda að ætla ekki að standa við hækkun persónuafsláttar. Slík framkoma er ekki trúverðug fyrir ríkisstjórn sem kennir sig við velferð og skjaldborg um heimilin í landinu. Ekki frekar en sú þversögn að á sama tíma og vinstri höndin hækkar álögur á almenning í formi neysluskatta og eykur á skuldavanda heimila og fyrirtækja er sú hægri að leysa þann sama skuldavanda með lánalengingum. Slíkt gengur einfaldlega ekki upp.

Baráttan fyrir mannsæmandi störfum

Wed, 07 Oct 2009 09:00:00 GMT

Í dag, 7. október, er alþjóðlegur baráttudagur fyrir mannsæmandi störfum, World Day for Decent Work. Markmiðið er að varpa ljósi á kröfuna um mannsæmandi vinnu. Þema dagsins í ár er efnahagsástandið sem ógnar lífsafkomu og framtíð milljarða manna.

Fullt í boði – og allt frítt fyrir atvinnuleitendur

Mon, 05 Oct 2009 13:00:00 GMT

Það eru margir áhugaverðir viðburðir fyrir atvinnuleitendur í VR á næstunni. Þann 12. október verður námskeiðið Komdu þér á framfæri – ekki lesa atvinnuauglýsingar haldið en það fjallar um áhrifaríkustu leiðina til að leita að nýrri vinnu.

Hvernig náum við lífsmarkmiðum okkar?

Mon, 05 Oct 2009 10:00:00 GMT

VR býður félagsmönnum á hádegisverðarfyrirlestur fimmtudaginn 8. október. Þar mun Jón Bjarni Bjarnason markþjálfi fjalla um hin stóru lífsmarkmið sem hver einstaklingur hefur sett sér og þær leiðir sem hann hefur til að ná þeim.

VR fagnar tillögum FÍS

Fri, 02 Oct 2009 11:00:00 GMT

VR fagnar efnahagstillögum FÍS sem kynntar voru nýlega, sérstaklega áherslum þeirra að styrkja lítil og meðalstór fyrirtæki. Formaður VR hefur leitað eftir frekara samstarfi við FÍS og segir mikilvægt að fleiri komi að því að þróa og vinna áfram þessar tillögur svo renna megi styrkari stoðum undir atvinnulífið í landinu.

Megum við koma í heimsókn?

Mon, 28 Sep 2009 11:00:00 GMT

Undanfarin ár hefur VR lagt áherslu á bein samskipti við félagsmenn sína og m.a. boðið þeim á morgunverðarfundi í húsakynni félagsins til skrafs og ráðagerða. Nú viljum við bæta við vinnustaðaheimsóknum. Formaður VR, Kristinn Örn Jóhannesson, óskar eftir því að fá að heimsækja félagsmenn á þeirra vinnustaði til tala um félagið og framtíðina eða hvaðeina sem þeir óska eftir að ræða. Ef þú hefur áhuga á að fá heimsókn frá VR vinsamlega hafðu samband við Laufeyju Eydal í síma 510 1700 eða sendu póst á netfangið laufey@vr.is.

VR blaðið komið út

Fri, 25 Sep 2009 10:00:00 GMT

4. tbl. VR blaðsins 2009 er komið út. Fjallað er um niðurstöður launakönnunar 2009, birtur listi fyrir hádegisfyrirlestra og upplýsingar um námskeið fyrir trúnaðarmenn. Hagfræðingur ASÍ fjallar um verðrygginguna, sagt er frá umtalsverðri aukningu á greiðslum dagpeninga úr Sjúkrasjóði og fjallað á ítarlegan hátt um framboð námsefnis fyrir atvinnulausa. Í leiðara fjallar formaður um mikilvægi þess að horfa til framtíðar. Blaðið er sent til félagsmanna en einnig er hægt að skoða það á vefnum, í pdf formati (990 kb) eða hægt er að fletta því í html formati.

Málið í eðlilegum farvegi

Tue, 22 Sep 2009 12:00:00 GMT

Formaður VR fagnar því að athugasemdir tveggja stjórnarmanna félagsins við störf fyrrverandi stjórnenda Lífeyrissjóðs verzlunarmanna séu nú komnar í lögformlegan farveg. Stjórn VR sé ekki rannsóknaraðili þegar komi að ásökunum um brot fyrrum stjórnar lífeyrissjóðsins gegn samþykktum hans. Formaðurinn segir núverandi fulltrúa VR í stjórn lífeyrissjóðsins njóta fulls stuðnings stjórnar VR.

Að laða til sín það góða

Mon, 21 Sep 2009 11:00:00 GMT

Hádegisfyrirlestur VR fimmtudaginn 24. september er með Sigríði Arnardóttur fjölmiðlakonu sem lætur þátttakendum í té tæki og tól til að halda út í framtíðina bjartsýnir og upplitsdjarfir og laða að sér hamingjudaga. Fyrirlesturinn er félagsmönnum að kostnaðarlausu. Hann er haldinn í hádeginu í fundarsal VR í Kringlunni 7, í boði eru léttar veitingar. Nánar um fyrirlestra VR og skráningu.

Launamunur kynjanna dregst saman

Fri, 18 Sep 2009 09:00:00 GMT

- heildarlaun félagsmanna VR hækka um 1% milli ára og grunnlaun um 4% samkvæmt launakönnun 2009 - afgreiðslufólk á kassa hækkar mest

Heildarlaun félagsmanna VR eru að meðaltali 403 þúsund á mánuði og grunnlaun 375 þúsund að meðaltali. Heildarlaunin hækka um 1% á milli ára en grunnlaunin um 4%. Miðað er við janúarmánuð bæði ár. Ef litið er á einstakar starfsstéttir hækkaði afgreiðslufólk á kassa mest á milli ára, um 11% í heildarlaunum og 16% í grunnlaunum. Kynbundinn launamunur er nú 10,1%. Þetta er meðal þess sem lesa má úr launakönnun VR 2009.

Vinnuvika félagsmanna styttist

Tue, 15 Sep 2009 12:00:00 GMT

Félagsmenn VR í fullu starfi vinna að meðaltali 43,3 klukkustundir á viku sem er um einni og hálfri klukkustund skemur en á árunum 2004 – 2008 en þá var vinnuvikan um 45 stundir. Þetta kemur fram í niðurstöðum launakönnunar VR fyrir árið 2009 en niðurstöðurnar í heild verða birtar í vikunni.

Minnum á styrkina!

Mon, 14 Sep 2009 09:00:00 GMT

Með haustinu koma ný tækifæri og nýir möguleikar. Þess vegna viljum við minna félagsmenn VR á varasjóð og starfsmenntasjóðina. Þeir sem eiga réttindi í sjóðunum geta séð sína stöðu á Mínum síðum á vefnum.

Trúnaðarmenn – námskeiðin eru hafin

Thu, 03 Sep 2009 12:00:00 GMT

Mikil fjölbreytni einkennir trúnaðarmannanámskeiðin haustið 2009. Fyrsta námskeiðið hófst þann 9. september þegar tekið var á móti nýjum trúnaðarmönnum og farið yfir það helsta í starfi þeirra.

Daður, stress, markmiðasetning og jafnrétti

Wed, 02 Sep 2009 09:00:00 GMT

Það er óhætt að segja að hádegisfyrirlestrar VR haustið 2009 séu fjölbreyttir að vanda en fyrirlestraröðin hefst þann 10. september þegar Heiðar Jónsson fjallar um sjálfstraust, framkomu og örlítið daður. Sigríður Árnadóttir tekur svo við með uppbyggilegan fyrirlestur þar sem hún nestar okkur út í lífið og Jón Bjarni Bjarnason fylgir á eftir með leiðina að lífsmarkmiðunum.

43% hækkun á dagpeningagreiðslum

Mon, 31 Aug 2009 12:00:00 GMT

-persónuleg aðstoð og stuðningur Sjúkrasjóðs skiptir sköpum fyrir marga félagsmenn

Heildarupphæð dagpeningagreiðslna úr Sjúkrasjóði VR fyrstu sex mánuði ársins var 43% hærri en á sama tíma í fyrra. VR hefur undanfarin ár boðið félagsmönnum sem leita til sjóðsins ráðgjöf og stuðning til að auðvelda þeim að snúa aftur til vinnu og var fyrst stéttarfélaga til að bjóða slík úrræði. VR á nú í samstarfi við Starfsendurhæfingarsjóð um aðstoð og ráðgjöf og hafa margir félagsmenn notið góðs af því. Í því ástandi sem nú ríkir er mikilvægt að þeir sem þurfa á aðstoð að halda bregðist við áður en í óefni er komið.

Evrópsk atvinnulaus æska

Thu, 27 Aug 2009 09:00:00 GMT

Um fimm milljónir ungmenna eru án atvinnu í aðildarríkjum Evrópusambandsins eða 20% af ungu fólki undir 25 ára að mati sambandsins. Þetta er þriðjungi meira atvinnuleysi í þessum hópi en fyrir ári og mun meira en meðaltalið í ESB sem er 8,9%. Þetta má lesa í nýlegri grein í Businessweek.

Af hverju styður VR atvinnulausa félagsmenn?

Mon, 24 Aug 2009 10:00:00 GMT

VR leggur mikla vinnu og fjármuni í verkefni sem miða að því að efla atvinnulausa félagsmenn. Af hverju? Svarið er í raun sáraeinfalt; því lengur sem einstaklingur er atvinnulaus því meiri hætta er á einangrun og félagsfælni, æ erfiðara verður fyrir viðkomandi að taka virkan þátt í samfélaginu og örorkutíðni eykst. Bandarískar tölur sýna að 85% öryrkja sem eru frá vinnu í 6 mánuði fara ekki í vinnu aftur. Mannúðarsjónarmið kalla á aðgerðir auk þess sem það felur í sér meiri kostnað fyrir einstaklinginn, fjölskyldu hans og samfélagið í heild að gera ekki neitt.

Vantar þig styrk fyrir námi, líkamsrækt, tómstundum barnanna?

Thu, 20 Aug 2009 14:00:00 GMT

Nú þegar allt er að fara á fullt eftir sumarfrí er ekki úr vegi að minna félagsmenn VR á varasjóð og starfsmenntasjóðina. Þeir sem eiga réttindi í sjóðunum geta séð sína stöðu á Mínum síðum á vefnum.

Atvinnuleitandi - ekki missa af þessu

Thu, 13 Aug 2009 09:00:00 GMT

- ítarlegt námskeið í ráðgjöf og þjónustu þér að kostnaðarlausu

Atvinnulausir félagsmenn VR, sem hafa að baki a.m.k. 6 mánaða reynslu af störfum sem þjónustufulltrúar eða ráðgjafar, geta sótt námskeiðið Ráðgjöf og þjónusta hjá Mími símenntun þeim að kostnaðarlausu. Skráning er til 21. ágúst og því um að gera að tryggja sér sæti sem fyrst. Námskeiðið hefst 31. ágúst.

Ertu búinn að skrá þig í stefnumótun?

Wed, 12 Aug 2009 09:00:00 GMT

Við leitum að áhugasömum félagsmönnum til að taka þátt í stefnumótun VR til framtíðar. Þátttaka félagsmanna í þeirri vinnu skiptir höfuðmáli og því hvetjum við þig að leggja þitt af mörkum. Ef þú hefur áhuga, endilega skráðu þig á netinu eða hjá þjónustuveri VR í síma 510 1700. Fyrirhugað er að hefja vinnu við stefnumótun félagsins í september og verður haft samband við áhugasama í lok ágúst. Nánari upplýsingar og skráning.

Stjórnendum fjölgar - skrifstofufólki fækkar

Wed, 05 Aug 2009 11:00:00 GMT

Miklar breytingar hafa orðið á samsetningu VR undanfarin ár, innan við 5% félagsmanna setja sig í hóp skrifstofufólks á meðan rúmlega 40% skilgreina sig sem stjórnendur eða sérfræðinga.

Mikilvægi ráðningarsamnings ítrekað fyrir dómi

Thu, 30 Jul 2009 09:00:00 GMT

Héraðsdómur Reykjavíkur hefur fallist á kröfu VR um að fyrirtæki í Reykjavík beri að greiða félagsmanni VR laun fyrir yfirvinnu á uppsagnarfresti. Ekki var gerður skriflegur ráðningarsamningur milli félagsmannsins og vinnuveitanda og segir í dómi Héraðsdóms að vinnuveitandinn verði að bera hallann af því. Nokkur mál félagsmanna VR hafa komið fyrir dómstóla nýlega þar sem ráðningarsamningar hafa ekki verið gerðir og hafa niðurstöðurnar sýnt fram á mikilvægi ráðningarsamninga.

Deilt fyrir dómi um upphaf starfstímans

Tue, 28 Jul 2009 11:00:00 GMT

Héraðsdómur Reykjavíkur hefur dæmt fyrirtæki í borginni til að greiða félagsmanni VR vangreidd laun og ökutækjastyrk. Ágreiningur var m.a. um hvenær félagsmaðurinn hóf störf hjá vinnuveitanda sínum en vinnuveitandi hafði vanrækt að gera ráðningarsamning eins og honum ber skylda til.

Helmingur með ráðningarsamning hjá minni fyrirtækjum

Thu, 23 Jul 2009 13:00:00 GMT

Tæplega átta af hverjum tíu félagsmönnum VR hafa skriflegan ráðningarsamning, samkvæmt niðurstöðum í launakönnun 2009. Þeir yngstu hafa síður ráðningarsamning en þeir eldri en mestur er munurinn eftir stærð fyrirtækja.

Áskrift eða twitter – þitt er valið

Mon, 20 Jul 2009 08:00:00 GMT

Á vef VR er nú hægt að skrá sig í áskrift og fá þannig fréttir sem birtast á forsíðu vefsins í tölvupósti. Fréttirnar eru hins vegar einnig birtar á twitter síðu VR, http://twitter.com/vr_iceland. Þitt er valið.

Samninganefnd ASÍ staðfestir endurskoðun kjarasamninga

Mon, 13 Jul 2009 15:00:00 GMT

Fulltrúar landssambanda og félaga með beina aðild að ASÍ samþykktu í dag samkomulag ASÍ og SA frá 25. júní s.l. eftir að hafa leitað eftir afstöðu aðildarfélaga sinna. Víðtæk samstaða er innan Alþýðusambandsins um samkomulagið svo og gerð stöðuleikasáttmálans milli aðila vinnumarkaðarins og ríkisstjórnarinnar. SA hafði áður samþykkt samkomulagið fyrir sitt leyti.

Fjárhagsráðgjöf fer vel af stað

Fri, 10 Jul 2009 13:00:00 GMT

Fjárhagsráðgjöf VR hefur mælst vel fyrir hjá félagsmönnum og ljóst að þörf er fyrir aðstoð af þessu tagi. Á næstu dögum verður ráðgjafi VR á ferðinni í Vestmannaeyjum og á Egilsstöðum. Þessi aðstoð er félagsmönnum VR að kostnaðarlausu.

Miskabætur og laun í uppsagnarfresti

Tue, 07 Jul 2009 14:00:00 GMT

Héraðsdómur Reykjavíkur hefur dæmt fyrirtæki í Reykjavík til að greiða félagsmanni VR laun í uppsagnarfresti auk miskabóta vegna rangra ásakana.

Fjárhagsráðgjöf fyrir félagsmenn á landsbyggðinni

Thu, 02 Jul 2009 10:00:00 GMT

Félagsmenn VR á Akranesi, Egilsstöðum og í Vestmannaeyjum geta nú fengið fjárhagsráðgjöf sérfræðings VR í heimabyggð.

Nokkur pláss laus - sumarbúðir fyrir börnin

Wed, 01 Jul 2009 11:00:00 GMT

- nú fá börnin tækifæri til að sletta ærlega úr klaufunum úti í guðsgrænni náttúrunni - FRÍTT fyrir börn atvinnulausra félagsmanna í sumarbúðir og leikjanámskeið KFUM og KFUK

Fjör og sprell með nýjum vinum í sól og sumaryl - það er fátt betra en það! Enn eru nokkur pláss laus í sumarbúðir eða leikjanámskeið fyrir börn atvinnulausra félagsmanna í sumar í boði VR. Fjöldi plássa er takmarkaður og hér gildir því reglan "fyrstur bókar, fyrstur fær". Sjá nánari upplýsingar um skráningu.

Samningar í höfn um stöðugleikasáttmála og kjarasamninga

Thu, 25 Jun 2009 15:00:00 GMT

Í dag var undirritaður stöðugleikasáttmáli um endurreisn íslensks efnahagslífs milli ríkistjórnarinnar, sveitarfélaga og aðila vinnumarkaðarins. Þá hefur jafnframt verið undirritað samkomulag um breytingar á kjarasamningum sem gilda á til nóvemberloka árið 2010, þar sem áhersla er lögð á að styrkja stöðu þeirra tekjulægstu. Þetta samkomulag er háð samþykki samninganefndar ASÍ og SA.

Samninganefnd fær umboð

Wed, 24 Jun 2009 13:00:00 GMT

Á fundi trúnaðarráðs VR og trúnaðarmanna á vinnustöðum, sem haldinn var í gær, var samþykkt með miklum meirihluta atkvæða að fela samninganefnd félagsins umboð til að taka afstöðu til þeirrar tillögu sem nú liggur fyrir um endurskoðun kjarasamninga.

Bætur vegna riftunar á ráðningarsamningi

Wed, 24 Jun 2009 12:00:00 GMT

Héraðsdómur Reykjavíkur hefur dæmt félagsmanni VR í hag í máli sem fjallaði um riftun á ráðningarsamningi. Félagsmanninum var fyrirvaralaust sagt upp störfum og tilboði hans um vinnu á uppsagnarfresti var ekki sinnt.

Notaðu varasjóðinn í tómstundastarf barnanna

Mon, 22 Jun 2009 13:00:00 GMT

Félagsmenn geta nú nýtt inneign sína í VR varasjóði til að greiða fyrir tómstundastarf barna sinna. Þetta var samþykkt á síðasta fundi stjórnar félagsins.

Fjárhagsráðgjöf fyrir félagsmenn VR

Thu, 18 Jun 2009 12:00:00 GMT

VR býður félagsmönnum sem eiga í greiðsluerfiðleikum ráðgjöf við fjármálin og aðstoð við að leysa fjárhagsvanda þeirra, þeim að kostnaðarlausu. Ráðgjafi VR mun fara yfir stöðuna með félagsmanninum, veita upplýsingar um þau úrræði sem standa til boða og aðstoða við samningaumleitanir við kröfuhafa, ef forsendur eru til. Það er mikilvægt að grípa strax til ráðstafana þegar fjárhagslegir erfiðleikar koma upp og stendur ráðgjöf VR öllum fullgildum félagsmönnum VR til boða sem á henni þurfa að halda.

Mikilvægi ráðningarsamnings ítrekað fyrir dómi

Thu, 18 Jun 2009 10:00:00 GMT

Héraðsdómur Reykjavíkur hefur dæmt félagsmanni VR í hag í máli sem varðar deilur hans og vinnuveitandans um ráðningarkjör, m.a. um laun, orlofsgreiðslur og starfshlutfall. Skriflegur ráðningarsamningur lá ekki fyrir en samkvæmt kjarasamningum skal atvinnurekandi gera ráðningarsamning við starfsmann sem ráðinn er til lengri tíma en eins mánaðar og lengur en 8 klst. á viku.

Laus orlofshús á Ólafsfirði og Blönduósi

Thu, 18 Jun 2009 09:00:00 GMT

Þrjú orlofshús VR eru laus í vikuleigu í sumar, eitt á Ólafsfirði frá og með föstudeginum 19. júní. Húsið í Ólafsfirði er svo aftur laust í viku frá 21. ágúst og frá sama tíma er húsið á Blönduósi laust, einnig í vikuleigu. Hér gildir fyrirkomulagið "fyrstur bókar, fyrstur fær". Húsin er hægt að bóka á netinu. Ef þú vilt nota inneign þína í VR varasjóði, smelltu hér. Nú er að grípa tækifærið og skella sér í afslöppun í orlofshús í viku.

Sumarið kallar

Mon, 15 Jun 2009 10:00:00 GMT

- veiðikort og útilegukort í boði fyrir félagsmenn á góðu verði

Hin vinsælu veiði- og útilegukort eru nú í boði fyrir fullgilda félagsmenn VR sumarið 2009 á góðu verði. Veiðikortið veitir nær ótakmarkaðan aðgang að 31 vatnasvæði vítt og breitt um landið. Glæsileg handbók fylgir hverju korti þar sem má finna leiðbeiningar og reglur. Útilegukortið nær yfir 31 tjaldsvæði, ef þú ætlar að tjalda lengur en til einnar nætur í sumar getur verið gott að grípa til kortsins. Útilegukortið kostar kr. 6.000 en veiðikortið kr. 3.500. Til að fá kort þarftu að koma á skrifstofu VR. Upplagið er takmarkað og því gildir reglan "fyrstur kemur, fyrstur fær".

Sumarið er tíminn fyrir börnin

Fri, 12 Jun 2009 13:00:00 GMT

- VR býður börnum atvinnulausra félagsmanna leikjanámskeið, sumarbúðir og hestaferðir FRÍTT. Skoðaðu hvað þér stendur til boða.

VR vill leggja félagsmönnum lið til að gera sumarið að ánægjulegum tíma fyrir alla fjölskylduna og hefur ákveðið að bjóða börnum atvinnulausra félagsmanna ýmis skemmileg tækifæri í sumar, þeim að kostnaðarlausu.

Njótið náttúrunnar í sumar með fjölskyldunni

Wed, 10 Jun 2009 09:00:00 GMT

- veiðikort og útilegukort frítt fyrir atvinnulausa félagsmenn

Ef þig langar í veiði í sumar eða bara að skella þér í tjaldferðalag um landið lestu alla fréttina því atvinnulausum félagsmönnum VR stendur til boða að fá hin vinsælu veiði- og útilegukort þeim að kostnaðarlausu.

Taktu þátt í að móta stefnuna með okkur

Tue, 09 Jun 2009 13:00:00 GMT

Á haustmánuðum mun VR hefja stefnumótun fyrir félagið til næstu ára. Aðkoma félagsmanna að þeirri vinnu skiptir sköpum og því leitum við til þín. Ef þú vilt leggja þitt af mörkum og taka þátt í að móta framtíðina með okkur, endilega skráðu þig.

Efnahagsmál, kjaramál og jafnréttismál á félagsfundi

Mon, 08 Jun 2009 14:00:00 GMT

Hátt í 150 manns sátu félagsfund VR nýlega. Á fundinum var fjallað um stöðuna í efnahagsmálum og kjaraviðræðunum, samskipti VR og ASÍ, sýnileika VR út á við sem og jafnréttismál innan félagsins. Nokkrar umræður urðu á fundinum um þessi mál.

Sigrastu á hindrunum

Mon, 08 Jun 2009 09:00:00 GMT

- allt um leiðina leið til árangurs og ánægju

VR býður þér að hefja sumarið á skemmtilegan og uppbyggilegan hátt með fyrirlestri fimmtudaginn 11. júní undir heitinu Að sigrast á hindrunum. Í fyrirlestrinum fjallar Jón Bjarni Bjarnason, markþjálfi (Life Coach) um það sem hindrar okkur í að ná árangri - hverjar hindranirnar eru, hvernig þær verða til, hvernig þær birtast og hvernig við getum losað okkur við þær. Fyrirlestur og léttur hádegisverður á fimmtudag - nánari upplýsingar og skráning á netinu.

Yfirlýsing frá formanni VR

Thu, 04 Jun 2009 18:00:00 GMT

Launanefnd VR og formaður félagsins hafa gengið formlega frá starfskjörum formanns. Eru heildarkjör nýs formanns um 35% lægri en forvera hans. Miðast mánaðarlaun formanns við aðra í sambærilegum störfum.

Ákvörðun Seðlabankans vonbrigði

Thu, 04 Jun 2009 13:00:00 GMT

Ákvörðun Seðlabanka Íslands að lækka stýrivexti ekki meira en raun ber vitni veldur miklum vonbrigðum og gengur þvert á markmið viðræðna um stöðugleikasáttmála, segir formaður VR. Þessi ákvörðun eykur óvissuna í kjaraviðræðunum en sem kunnugt er lýstu Samtök atvinnulífsins því yfir í gær að þau kunni að draga til baka tilboð sitt um tvískiptingu launahækkana á árinu lækki bankinn stýrivexti ekki niður fyrir 10%. Viðbrögð SA liggja ekki fyrir en fyrirhugað er að aðilar vinnumarkaðarins fundi á morgun, föstudag.

Dagskrá félagsfundar 4. júní 2009

Tue, 02 Jun 2009 16:00:00 GMT

VR boðar til félagsfundar fimmtudaginn 4. júní 2009 á hótel Loftleiðum. Fundurinn hefst kl. 19:30.

Félagsfundur 4. júní 2009

Tue, 02 Jun 2009 14:00:00 GMT

VR boðar til almenns félagsfundar á hótel Loftleiðum fimmtudaginn 4. júní kl. 19:30. Við hvetjum alla félagsmenn til að mæta.

Viltu að fólk segi JÁ við þig?

Tue, 02 Jun 2009 09:00:00 GMT

- má ekki bjóða þér á fyrirlestur og í léttan hádegisverð?

Vegna fjölda fyrirspurna hefur verið ákveðið að halda annan fyrirlestur Gunnars Andra Þórissonar, Viltu að fólk segi JÁ við þig? - Listin að selja frá A til Ö. Hér er á ferðinni hnitmiðaður fyrirlestur sem hentar öllum, hvort sem viðkomandi starfar við þjónustu, sölu, framleiðslu, skrifstofustörf eða er heimavinnandi. Fyrirlesturinn verður haldinn kl. 12:00 – 13:00 þann 4. júní. Léttar veitingar í boði. Sjá nánar um fyrirlestra VR og skráningu.

Óskað eftir félagsfundi

Thu, 28 May 2009 14:00:00 GMT

Formaður VR, Kristinn Örn Jóhannesson, tók í hádeginu við undirskriftalista þar sem þess er krafist að haldinn verði félagsfundur í VR. Samkvæmt 25. gr. laga félagsins er stjórn VR skylt að boða til fundar þegar eigi færri en 200 félagsmenn krefjast þess skriflega og skal fundurinn þá haldinn innan sjö daga eftir að stjórnin fær slíka kröfu í hendurnar. Á undirskriftalistanum voru ríflega 200 nöfn.

Stjórn VR sendir leiðréttingu til lífeyrissjóðsins

Thu, 28 May 2009 14:00:00 GMT

Á ársfundi Lífeyrissjóðs verzlunarmanna, þann 25. maí sl., voru flutt tilmæli frá stjórn VR til stjórnar lífeyrissjóðsins um launakjör hjá sjóðnum. Þessi ummæli hafa verið gagnrýnd í fjölmiðlum og var sú gagnrýni til umfjöllunar á fundi stjórnar VR í hádeginu í dag. Þar var afráðið að senda bréf til lífeyrissjóðsins þar sem þess er óskað að breyting verði gerð á tilmælunum.

Stjórn VR óskar eftir breytingum hjá Lífeyrissjóði verzlunarmanna

Wed, 27 May 2009 10:00:00 GMT

Stjórn VR hefur óskað eftir því að breytingar verði gerðar á skipan fulltrúa félagsins í stjórn Lífeyrissjóðs verzlunarmanna. Þetta var kynnt á ársfundi sjóðsins þann 25. maí.

Opnun nýrrar skrifstofu á Egilsstöðum

Wed, 20 May 2009 17:00:00 GMT

Skrifstofa VR á Egilsstöðum flutti í nýtt og glæsilegt húsnæði að Kaupvangi 3b nýverið og var boðað til móttöku fyrir félagsmenn sl. föstudag.

Sumarið er komið !

Tue, 19 May 2009 12:00:00 GMT

- kynntu þér orlofsrétt þinn og mundu eftir orlofsuppbótinni

Nú eru margir að huga að sumarfríinu og ekki úr vegi að minna fólk á orlofsréttinn. Orlofsárið er frá 1. maí og er orlofsrétturinn mismunandi eftir reynslu í starfsgrein og/eða fyrirtæki. Kynntu þér vel þinn orlofsrétt. Þá er mikilvægt að minna á orlofsuppbótina en á árinu 2009 er hún kr. 19.000 samkvæmt samningum VR við atvinnurekendur. Uppbótin greiðist 1.júní miðað við starfshlutfall og starfstíma á orlofsárinu. Sjá nánar um uppbótina og reiknivél.

Þúsaldarkynslóðin og jafnréttið

Mon, 18 May 2009 10:00:00 GMT

Ungar konur og ungir karlar á bandarískum vinnumarkaði hafa sama metnað í starfi samkvæmt niðurstöðum nýlegrar könnunar og er það í fyrsta skipti sem kynin eru samstíga hvað það varðar.

Families and Work Institute hefur gert kannanir á viðhorfum og líðan starfsmanna á vinnumarkaði í Bandaríkjunum í þrjátíu ár. Í þessum könnunum er jafnan spurt um ýmislegt sem snertir jafnréttismál. Niðurstöðurnar sýna miklar breytingar á þessum þrjátíu árum og mikinn mun eftir aldri.

Yfirlýsing frá formanni VR

Fri, 15 May 2009 14:00:00 GMT

Vegna frétta af stjórnafundi VR er haldinn var 13 maí s.l. er rétt að eftirfarandi komi fram:

Á fundinum sagði Ragnar Þór Ingólfsson stjórnarmaður í VR frá hugmyndum sínum um að leggja fram tilmæli til stjórnar Lífeyrissjóðs verzlunarmanna á ársfundi þann 25 maí þess efnis að kjör framkvæmdastjóra sjóðsins tækju mið af kjörum forsætisráðherra. Óskaði hann eftir stuðningi og aðstoð við gerð tillögunnar.

Samþykkti stjórn VR tillögu formanns þess efnis að hann myndi aðstoða Ragnar við orðalag tillögunnar og að leggja fram slíka tillögu.

Jafnframt var samþykkt að annar stjórnarfundur yrði boðaður um miðja næstu viku m.a. til að fjalla um væntanlega tillögu.

Að ofansögðu er það ljóst að stjórn VR hefur ekki samþykkt neina tillögu sem slíka en var efnislega sammála um að beina þeim tilmælum til stjórnar Lífeyrissjóðs verzlunarmanna að kjör framkvæmdastjóra tækju mið af kjörum forsætisráðherra.

Finnst mér það miður og gagnrýnivert að, fyrir frumhlaup eins stjórnamanns, hafi ekki tekist að halda þessari vinnu í þeim farvegi sem hún var í og sátt ríkti um.

Kristinn Örn Jóhannesson, formaður VR

Orlofshús við Meðalfellsvatn

Thu, 14 May 2009 11:00:00 GMT

Félagsmönnum VR stendur til boða glæsilegt orlofshús við Meðalfellsvatn í sumar. Húsið verður til leigu í viku í senn í sumar. VR hefur nú alls 52 orlofshús og 25 tjaldvagna á sínum snærum í sumar sem hvert og eitt einasta þeirra stendur öllum félagsmönnum til boða. Við bókun á orlofshúsum VR gildir reglan fyrstur bókar, fyrstur fær. Hægt er að bóka á netinu eða í þjónustuveri VR í síma 510 1700.

Um launainnheimtu, lokun fyrirtækja og gjaldþrot

Wed, 13 May 2009 10:00:00 GMT

Félagsmenn VR geta leitað til félagsins vegna ýmissa mála sem m.a. varða ágreining við vinnuveitanda, ef fyrirtækið hættir skyndilega starfsemi eða fer í þrot. Hér að neðan eru upplýsingar sem mikilvægt er að hafa í huga standir þú frammi fyrir vanda af því tagi sem lýst er hér að ofan. Þú getur einnig leitað til kjarasviðs VR í síma 510 1700 eða sent fyrirspurn til vr@vr.is.

VR Austurlandi flytur

Wed, 13 May 2009 09:00:00 GMT

VR á Austurlandi flytur í ný og glæsileg húsakynni, Kaupvang 3B á Egilsstöðum. Af því tilefni er félagsmönnum boðið að kíkja í heimsókn þann 15.maí á milli kl. 17:00 til 20:00. Léttar veitingar, tónlist og góður félagsskapur. Allir eru velkomnir.

Bætir, hressir, kætir?

Tue, 12 May 2009 10:00:00 GMT

- hádegisfyrirlestur um heilsufarslega ávinninga ástar og kynlífs

Í skemmtilegum hádegisfyrirlestri Jónu Ingibjargar Jónsdóttur kynfræðings fimmtudaginn 14. maí verður sagt frá heilsubætandi áhrifum ástar og kynlífs á einstaklinga. Jóna tekur mið af nýjustu rannsóknum á þessu sviði og fléttar inn í reynslu af störfum sínum við kynlífsráðgjöf. Hægt er að skrá sig á fyrirlestra VR á netinu.

Mikilvægi launaseðla

Mon, 11 May 2009 16:00:00 GMT

Af gefnu tilefni vill VR ítreka við félagsmenn sína mikilvægi þess að þeir varðveiti launaseðla sína og yfirfari þá reglulega. Samkvæmt kjarasamningum á starfsmaður að fá launaseðil við hverja útborgun þar sem greiðslan er sundurliðuð, t.d. í dagvinnu, eftirvinnu og yfirvinnu, og frádráttur frá launum einnig, t.d. í skatta, félagsgjöld, iðgjöld í lífeyrissjóð osfr.

Ný orlofshús – Ólafsfjörður og Vaðlaborgir

Mon, 11 May 2009 12:00:00 GMT

Nú hafa fleiri orlofshús bæst í þann fjölda sem félagsmönnum VR standa til boða í sumar, Ólafsfjörður og Vaðlaborgir í Svalbarðsstrandahreppi. Bæði húsin eru glæsileg og vel búin, og að sjálfsögðu með heitum pottum. Athugið að eingöngu er um að ræða vikuleigur þessara húsa, frá föstudegi til föstudags. Húsin eru leigð frá 5. júní til 28. ágúst. Nú er um að gera að hafa hraðar hendur og festa sér orlofshús fyrir sumarið. Hægt er að bóka orlofshús á netinu.

Kraftvélar og Microsoft Íslandi eru Fyrirtæki ársins 2009

Fri, 08 May 2009 17:00:00 GMT

Kraftvélar og Microsoft Íslandi eru Fyrirtæki ársins 2009 í könnun VR, það fyrra í hópi stærri fyrirtækja en það síðara í hópi minni fyrirtækja. Íslandspóstur og Atlantsolía bættu sig mest á milli ára og eru hástökkvarar ársins 2009. Þrátt fyrir mjög erfiða stöðu á vinnumarkaði benda niðurstöður í könnuninni til þess að samheldni sé mikil og að samskipti stjórnenda og annarra starfsmanna séu almennt góð. Könnunin er gerð í samstarfi við SFR stéttarfélag, sem velur Stofnun ársins, og er stærsta vinnumarkaðskönnun á Íslandi. Ítarleg umfjöllun er um niðurstöður könnunarinnar á vefnum og listar yfir stöðu fyrirtækja birtir.

Atvinnuleysisbætur falla niður í veikindum

Fri, 08 May 2009 09:00:00 GMT

Vinnufærni er skilyrði fyrir greiðslu atvinnuleysisbóta. Atvinnulaus einstaklingur sem veikist eða slasast missir því bætur þann tíma sem hann er ekki vinnufær. Ef sá hinn sami hefur ekki greitt iðgjald til stéttarfélags á hann ekki rétt á aðstoð þaðan heldur dagpeningum frá Tryggingastofnun, innan við 1.500 krónur á dag fyrir utan greiðslur vegna barna (sjá nánar á vef TR). Atvinnulausir einstaklingar sem ekki greiða iðgjald til stéttarfélags verða þannig af réttindum sem e.t.v. hefur tekið þá mörg ár að vinna sér inn. Eins og fram hefur komið á vef VR greiða rúmlega 40% þeirra sem eru á atvinnuleysisbótum ekki iðgjald til stéttarfélags. Iðgjöld eru ekki innheimt sjálfkrafa af atvinnuleysisbótum heldur þarf hver og einn að óska sérstaklega eftir því þegar hann skráir sig, hann þarf að haka við á skráningareyðublaðinu og tiltaka stéttarfélagið. Við hvetjum atvinnulausa félagsmenn okkar til að skoða sína stöðu og tryggja að þeir fáir áfram þau réttindi sem þeir hafa áunnið sér hjá VR.

Heimilin í forgang!

Fri, 08 May 2009 08:00:00 GMT

Við minnum á mótmælin í dag, föstudaginn 8. maí 2009, þar sem krafan er að heimilin séu í forgangi. Fjölmennt verður við Alþingishúsið klukkan 13:00 og gengið að Stjórnarráðinu. Í gegnum tíðina hafa stjórnvöld hlustað þegar að almenningur fjölmennir og mótmælir, reynslan hefur sýnt okkur það og kennt okkur að samstaða er það eina sem skiptir máli. Sýnum samstöðu - Mætum öll!

Blundar í þér kokkur?

Thu, 07 May 2009 11:00:00 GMT

VR býður atvinnulausum félagsmönnum, karlmönnum eingöngu, matreiðslunámskeið á mánudag og þriðjudag í næstu viku. Námskeiðið er haldið í samvinnu við MH. Tvö sæti laus, strákar skellið ykkur á námskeið (sjá nánar).

10% atvinnuleysi hjá VR

Wed, 06 May 2009 12:00:00 GMT

- yfir 40% atvinnulausra greiða ekki til stéttarfélags og tapa þannig réttindum

Atvinnuleysi meðal félagsmanna VR var 10,3% í lok mars síðastliðnum. Til samanburðar var skráð atvinnuleysi í mars á landinu öllu 8,9% en 9,5% á höfuðborgarsvæðinu, samkvæmt upplýsingum á heimasíðu Vinnumálastofnunar. Yfir 40% atvinnulausra greiða ekki iðgjald í stéttarfélag af atvinnuleysisbótum sínum og tapa þannig réttindum.

Hvað heldur þú að þú sért?

Wed, 06 May 2009 10:00:00 GMT

Þorvaldur Þorsteinsson, rithöfundur og myndlistamaður, heldur hressandi hádegisfyrirlestur fimmtudaginn 7. maí fyrir alla sem halda að þeir séu eitthvað. Erum við etv. að misskilja eitthvað hlutverk okkar í lífinu? Höldum við kannski að við séum hér til taka út refsingu fyrir gamlar syndir eða að æfa hlutverk í leikriti sem aðrir skrifa og leikstýra? Allir félagsmenn eru velkomnir á fyrirlesturinn, léttur hádegisverður í boði. Nánar um hádegisyfirlestra VR, staðsetningu og skráningu.

Drög að siðareglum liggja fyrir

Mon, 04 May 2009 13:00:00 GMT

Á félagsfundi VR í nóvember á síðasta ári var lagt til að mótaðar yrði siðareglur og reglur um setu fulltrúa VR í stjórnum félaga og fyrirtækja sem VR á aðkomu að. Auglýst var eftir áhugasömum félagsmönnum til að koma að því starfi. Myndaður var málefnahópur til að vinna að tillögum og tóku nær fjörutíu félagsmenn þátt í þeirri vinnu. Hópurinn hefur lagt fram drög að siðareglum VR sem og drög að verklagsreglum um setu í nefndum og stjórnum sem eru kynntar hér á heimasíðunni. Athugið að hér er um drög að ræða sem stjórn VR hefur til umfjöllunar og afgreiðslu.

Verkaskipting stjórnar VR

Fri, 01 May 2009 13:00:00 GMT

Á fundi að kvöldi miðvikudagsins 29. apríl skipti stjórn VR með sér verkum. Verkaskiptingu stjórnar og skipan í stjórn orlofssjóðs og framkvæmdastjórn Sjúkrasjóðs VR má sjá hér að neðan.

Stjórn VR
Formaður	Kristinn Örn Jóhannesson
Varaformaður	Bjarki Steingrímsson
Ritari	Jóhanna S. Rúnarsdóttir

Munið eftir göngunni og hátíðahöldum 1. maí

Tue, 28 Apr 2009 12:00:00 GMT

- VR býður í kaffi og meðlæti eftir útifundinn

Við minnum á hátíðahöldin 1. maí. Gangan í Reykjavík fer frá Hlemmi kl.13.30. Lúðrasveit verkalýðsins og Lúðrasveitin Svanur leika fyrir göngu og leikarar flytja örræður af svölum húsa á gönguleiðinni. Útifundurinn hefst á Austurvelli kl. 14.10. VR býður félagsmönnum sínum í kaffi og meðlæti á Broadway eftir útifundinn. Hér að neðan er dagskrá útifundar í Reykjavík og upplýsingar um hátíðahöldin í Eyjum og á Akranesi. Við hvetjum alla til að mæta.

Að stjórna eigin hugarfari og vellíðan

Mon, 27 Apr 2009 14:00:00 GMT

Það eru nokkur atriði sem við öll getum lært af farsælum einstaklingum, hvernig þeir hugsa og hvernig þeir vinna úr þeim atburðum sem gerast í kringum þá. Einstaklingar sem búa yfir seiglu halda ró sinni undir pressu og stjórna hvötum sínum. Í hádegisfyrirlestri á fimmtudag fjallar Ingrid Kuhlman um þennan eiginleika sem á fræðimáli kallast seigla. Nauðsynlegur fyrirlestur fyrir alla þá sem vilja öðlast meiri persónulegan styrk. Nánar um fyrirlesturinn og hvernig á að skrá sig á hann.

Atvinnuleitandi - veistu hvað er í boði?

Tue, 21 Apr 2009 14:00:00 GMT

Félagsmönnum VR sem misst hafa vinnuna standa til boða námskeið um nánast allt milli himins og jarðar. Námskeið til að hætta að reykja, hvernig á að sækja um vinnu, hvernig á að takast á við fjárhagsleg vandamál, matreiðslunámskeið eða námskeið í tímastjórnun og markmiðasetningu, líkamsrækt o.s.fr. Það er engin ástæða til að sitja heima, skoðaðu listann. Ef ekkert heillar þig þarna, þá hefur Rauðakrosshúsið tekið saman lista yfir námskeið og frístundir sem kosta lítið eða ekki neitt.

Nú er hægt að panta tjaldvagn fyrir sumarið

Fri, 17 Apr 2009 09:00:00 GMT

Mörgum hentar betur að vera á faraldsfæti í sumarfríinu sínu en dvelja í orlofshúsi í viku. Þá er hægt að bóka tjaldvagn á sama hátt og orlofshús en 25 vagnar verða til ráðstöfunar í sumar. Vagnana er hægt að bóka í viku eða hálfan mánuð, frá fimmtudegi til miðvikudags. Vikuleigu er hægt að bóka og greiða fyrir á netinu en hálfsmánaðarleigu verður að bóka í síma þjónustuvers VR 510 1700 eða á skrifstofum félagsins. Sú nýbreytni verður í sumar að þrír vagnar verða til afhendingar á Egilsstöðum og 22 á höfuðborgarsvæðinu. Skila þarf vögnunum á sama stað og þeir eru afhentir.

Afsláttur í sólina 2009

Wed, 08 Apr 2009 18:00:00 GMT

- afsláttur í formi orlofsmiða sem seldir verða á skrifstofum VR eða hjá þjónustuveri frá og með kl. 8:30 miðvikudaginn 15. apríl

VR og Sumarferðir bjóða félagsmönnum afslátt á sólarlandaferðum sumarið 2009. Ýmsir áfangastaðir eru í boði, Spánn, Mallorca, Portúgal, Tenerife, Benidorm, Tyrkland og Krít. Ferðatímabilið er frá 15. maí til 15. september 2009 og gilda miðarnir eingöngu í pakkaferðir, þ.e. flug og gistingu, en ekki eingöngu í flug. Í boði eru 150 orlofsmiðar og gildir reglan fyrstur borgar fyrstur fær.

Nú er lag ...

Wed, 08 Apr 2009 10:00:00 GMT

Viltu hætta að reykja eða viltu læra moltugerð og ræktun matjurtargarða? Nú er tækifærið.

Næstu greiðslur úr sjóðum VR verða eftir páska

Mon, 06 Apr 2009 09:00:00 GMT

Félagsmenn vinsamlega athugið að vegna páskafría verða næstu greiðslur úr starfsmenntasjóðum og VR varasjóði föstudaginn 17. apríl.

Aðalfundur VR

Fri, 03 Apr 2009 10:00:00 GMT

Á aðalfundi VR sem haldinn var fimmtudaginn 2. apríl á Hilton Nordica hóteli tóku nýr formaður, stjórn og trúnaðarráð formlega við. Á fundinum voru samþykktar lagabreytingar sem m.a. varða ávöxtunarheimildir sjóða VR og samþykkt um 450 milljóna króna framlag í varasjóð. Skilgreiningu á lágmarksfélagsgjaldi var breytt á þann veg að fleiri falla nú undir þau skilyrði sem sett eru fyrir fullgildingu félagsmanna.

Um 450 milljónir lagðar inn í VR varasjóð

Fri, 03 Apr 2009 10:00:00 GMT

Aðalfundur þann 2. apríl sl. samþykkti að leggja um 450 milljónir inn í VR varasjóð félagsmanna. Sjóðurinn verður uppfærður í samræmi við þessa ákvörðun síðar í dag . Yfirlit verða ekki send til félagsmanna í ár en hægt er að sjá stöðuna í sjóðnum á Mínum síðum hér á heimasíðunni.

Fleiri orlofshús fyrir sumarfríið

Tue, 31 Mar 2009 10:00:00 GMT

Miðvikudaginn 1. apríl 2009 bætast við fleiri orlofshús fyrir félagsmenn í sumar, hús í Súðavík, á Illugastöðum og í Hrísey, og verð þau leigð í viku í senn yfir sumartímann sem er frá 5. júní til 31. ágúst. Þá bætast við fjögur hús á Einarsstöðum og er VR nú með sex hús í boði þar í sumar. Hægt er að leigja þessi hús frá og með kl. 8:30 miðvikudaginn 1. apríl (bóka orlofshús á netinu). Á næstu vikum bætast svo fleiri orlofshús við sem og tjaldvagnar sem verða til afhendingar á höfuðborgarsvæðinu og á Austurlandi í sumar.

Frestun endurskoðunar kjarasamninga og almennra launahækkana

Mon, 30 Mar 2009 10:00:00 GMT

VR vill benda félagsmönnum sínum og atvinnurekendum á að samþykkt hefur verið að fresta til júníloka endurskoðun kjarasamninga og almennum launahækkunum til starfsmanna á hinum almenna vinnumarkaði sem áttu að koma til framkvæmda frá og með 1. mars 2009, þ.e. sem áttu að koma til greiðslu þann 1. apríl n.k. Önnur ákvæði samninganna koma til framkvæmda, s.s. lenging orlofs. Hér má sjá greinargerð samninganefndar ASÍ vegna frestunar endurskoðunar samnings við SA og svo er hér samkomulag VR og FÍS vegna frestunar endurskoðunar þess samnings.

Fjármálin, líkamsrækt, reykleysi, moltugerð ….

Thu, 26 Mar 2009 11:00:00 GMT

Atvinnulausir félagsmenn VR geta nú sótt námskeið í því að hætta að reykja, að taka á fjármálum heimilisins og að undirbúa atvinnuleitina svo eitthvað sé nefnt. Námskeið í moltugerð, matjurtargörðum og öðru árstíðartengdu eru einnig í boði, matreiðsla fyrir karlpeninginn og fleira. Þessi námskeið eru hluti af átaki sem VR, í samstarfi við fjölmarga aðila, hefur hleypt af stokkunum til að aðstoða félagsmenn sem misst hafa vinnuna.

Aðalfundur VR

Wed, 18 Mar 2009 10:00:00 GMT

Aðalfundur VR verður haldinn á Hilton Nordica hótel fimmtudaginn 2. apríl nk. og hefst kl. 19:30.

Hér eru vinningsnúmerin

Tue, 17 Mar 2009 14:00:00 GMT

- niðurstöðurnar í Fyrirtæki ársins verða kynntar þann 8. maí

Dregið hefur verið í happdrætti sem haldið var í tengslum við könnun VR á Fyrirtæki ársins og launakjörum 2009. Vinningshöfum er bent á að hafa samband við VR í síma 510 1700. Númerin eru sem hér segir: 13168, 20265, 21029, 24508, 28006, 42840, 43143, 51077, 62249 og 71878.

Félagsmaður dæmdur til sektargreiðslu í Office One málinu

Mon, 16 Mar 2009 09:00:00 GMT

- lögmaður VR hvetur félagsmenn til að hafna samkeppnishindrandi ákvæðum í ráðningarsamningi

Hæstiréttur hefur dæmt félagsmann VR til að greiða fyrrum vinnuveitanda sínum 500 þúsund krónur í sekt vegna brota á ráðningarsamningi. Málsatvik voru þau að félagsmaðurinn réði sig sem sölumaður í Egilsson hf, heildsölu, og skrifaði þá undir samkeppnishindrandi ákvæði í ráðningarsamningi. Við starfslok var hann orðinn rekstrarstjóri í ritfangaversluninni Office One sem þá var komin í eigu Egilsson hf.

Nýr formaður tekur við á aðalfundi 2. apríl

Thu, 12 Mar 2009 11:00:00 GMT

Nýr formaður, sjö nýir stórnarmenn og nýtt trúnaðarráð VR taka við á aðalfundi félagsins sem haldinn verður fimmtudaginn 2. apríl n.k. Fyrir eru í stjórn sjö stjórnarmenn en alls eru fimmtán í stjórn félagsins, að formanni meðtöldum. Nýkjörinn formaður, Kristinn Örn Jóhannesson, fékk alls 41,9% atkvæða í kosningum í VR sem lauk í gær. Kristinn nam flugrekstrarfræði, Aviation Business Studies, við St. Francis College, Brooklyn, N.Y og starfar sem vaktstjóri í flugrekstrareftirliti hjá Primera Air ehf. en starfaði áður hjá Icelandair, Air Atlanta, Nýherja og EJS. Kristinn er fæddur árið 1966, kvæntur og þriggja barna faðir.

Fyrirspurnir um séreignarsparnað

Thu, 12 Mar 2009 11:00:00 GMT

Vegna fjölda fyrirspurna til VR um úttekt séreignarsparnaðar viljum við benda félagsmönnum á að hafa samband við lífeyrissjóð sinn eða vörsluaðila sparnaðarins. Til upplýsinga eru hér birt eftirtalin símanúmer: Lífeyrissjóður verzlunarmanna, s: 580 4000 og Stafir lífeyrissjóður, s: 569 3000.

Frá kjörstjórn VR

Wed, 11 Mar 2009 14:00:00 GMT

Allsherjaratkvæðagreiðslu vegna kosninga til trúnaðarstarfa hjá VR sem stóð 23. febrúar til kl. 12:00 á hádegi 11. mars er nú lokið. Atkvæði greiddu 6.738. Á kjörskrá voru alls 25.137. Kosningaþátttaka var því 26,8%.

Áfram konur!

Sat, 07 Mar 2009 12:00:00 GMT

Launamunur kynjanna er 22,4% samkvæmt skýrslu ITUC en hún byggir á svörum 300 þúsund manna og kvenna í 20 löndum (sjá fréttatilkynningu ITUC). Skýrslan sýnir, þvert á það sem flestir halda, að aukin menntun virðist ekki draga úr launamuninum heldur auka hann.

Ríkisskattstjóri leiðréttir færslur á skattframtali

Fri, 06 Mar 2009 10:00:00 GMT

Félagsmenn VR sem fengu greitt úr VR varasjóði og/eða Sjúkrasjóði VR árið 2008 fengu senda launamiða frá félaginu í febrúar sl. Við viljum benda þeim félagsmönnum sem opnuðu framtal sitt fyrir 5. mars á það að upphæð á launamiða ber ekki saman við forskráða upphæð á framtalinu; forskráða upphæðin er tvöfalt hærri en upphæðin á launamiðanum. Ríkisskattstjóri hefur nú leiðrétt þetta fyrir VR og hjá félagsmönnum sem opna framtal sitt eftir 5. mars eru upphæðirnar réttar.

Mundu eftir að kjósa

Thu, 05 Mar 2009 10:00:00 GMT

Við viljum minna félagsmenn á að kjörfundur í VR stendur til kl. 12:00 á hádegi þann 11. mars næstkomandi. Kosningin er rafræn og hafa allir kosningabærir félagsmenn fengið sent lykilorð í pósti. Lykilorðin inn á rafræna atkvæðaseðilinn eru einnig birt á Mínum síðum á heimasíðu VR en þær síður eru aðgangsstýrðar síður félagsmanna (sjá nánar um innskráningu). Lykilorðið inn á Mínar síður og lykilorð inn á rafrænan atkvæðaseðil er ekki eitt og hið sama. Við hvetjum félagsmenn til að kynna sér frambjóðendur á kosningavef VR.

Meðhöndlun á vangoldnum launum á skattskýrslu

Wed, 04 Mar 2009 14:00:00 GMT

Kjarasvið VR vill benda launþegum á að fara vel yfir forskráðar upplýsingar á skattaframtölum, því þær eru ekki í öllum tilvikum réttar.

Lífeyrissjóðir beiti vægustu innheimtuaðgerðum

Wed, 04 Mar 2009 11:00:00 GMT

- stjórn VR skorar á lífeyrissjóðina og óskar eftir samstarfi um útfærslu á úrræðum

Stjórn VR samþykkti á fundi sínum nýlega áskorun til þeirra lífeyrissjóða sem félagsmenn VR greiða til að beita vægustu innheimtuaðgerðum sem kostur er og að óska ekki eftir nauðungarsölu á íbúðum nema fullreynt sé að ekki sé unnt að leysa greiðsluerfiðleika viðkomandi. Stjórnin óskar eftir samstarfi við lífeyrissjóðina um útfærslu úrræðna og starfsreglna.

Upplýsingar til félagsmanna vegna skattframtala

Mon, 02 Mar 2009 11:00:00 GMT

Allir félagsmenn VR sem fengu greitt úr VR varasjóði eða Sjúkrasjóði VR árið 2008 fengu senda launamiða frá félaginu þess efnis í febrúar sl.

VR tekur þátt í kostnaði vegna örlitameðferðar

Fri, 27 Feb 2009 12:00:00 GMT

Stjórn VR hefur samþykkt að félagið greiði 50% af kostnaði af örlitameðferð sem stafar af sjúkdómi og læknir hefur samþykkt, það sem kallað hefur verið medical tattoo. Þessi meðferð er nýjung hér á landi og er m.a. til þess fallin að bæta ásýnd geirvörtu eftir að lýtaðagerð hefur verið gerð á brjósti, t.d. vegna brottnáms brjósts vegna krabbameins.

Frambjóðendur kynna sig á félagsfundi

Thu, 26 Feb 2009 12:00:00 GMT

Um eitt hundrað manns sátu félagsfund VR í gærkvöldi, miðvikudagskvöldið 25. febrúar, vegna kosninga sem nú standa yfir í félaginu. Frambjóðendur til formanns og stjórnar voru með framsögu á fundinum og svöruðu fyrirspurnum úr sal. Fundurinn var sendur út beint á Mínum síðum á vef VR og horfðu 70 félagsmenn á fundinn þar. Upptaka af fundinum er aðgengileg á Mínum síðum. Félagsfundur var haldinn á Egilsstöðum á þriðjudagskvöld og í kvöld verður svo síðasti fundurinn en hann er haldinn í Vestmannaeyjum. Við viljum einnig benda á að VR hefur opnað sérstakan kosningavef, http://kosningar.vr.is, þar sem frambjóðendur eru kynntir sem og listaframboð.

Tuttugu og fimm þúsund á kjörskrá

Thu, 26 Feb 2009 10:00:00 GMT

Rétt rúmlega tuttugu og fimm þúsund félagsmenn VR, eða nákvæmlega 25.095, hafa kosningarétt í þeim kosningum sem nú standa yfir til formanns, helming stjórnar og trúnaðarráðs (sjá um kjörskrá). Allir kosningabærir félagsmenn fengu sent í pósti lykilorð inn á rafrænan atkvæðaseðil. Kosningarnar hófust þann 23. febrúar og lýkur á hádegi þann 11. mars. Ef þú hefur ekki fengið sent lykilorð í pósti en telur þig eiga rétt til að taka þátt í atkvæðagreiðslunni vinsamlega hafðu samband við þjónustuver VR í síma 510 1700 eða komdu á skrifstofu félagsins (sjá upplýsingar um staðsetningu skrifstofanna).

Kosning hafin í VR

Mon, 23 Feb 2009 07:00:00 GMT

- félagsfundur í beinni útsendingu á Mínum síðum á miðvikudagskvöld

Allsherjaratkvæðagreiðsla meðal félagsmanna VR um framboð til formanns félagsins, einstaklingsframboð til stjórnar og listaframboð til stjórnar og trúnaðarráðs er hafin og stendur til kl. 12:00 á hádegi 11. mars 2009 - GREIÐA ATKVÆÐI - Kosningin er rafræn og fá allir kosningabærir félagsmenn lykilorð í pósti. Félagsmenn geta einnig nálgast lykilorð sín á Mínum síðum. Félagsfundir verða haldnir á þriðjudags-, miðvikudags- og fimmtudagskvöld og verður fundurinn að kvöldi miðvikudags sendur beint út á Mínum síðum. (Information in English)

Frestur til að skila könnun á Fyrirtæki ársins framlengdur

Fri, 20 Feb 2009 11:00:00 GMT

Ákveðið hefur verið að framlengja skilafrest í könnun VR á Fyrirtæki ársins 2009 og launakjörum félagsmanna til 28. febrúar n.k.

Þúsundir unglinga í kynningu

Thu, 19 Feb 2009 11:00:00 GMT

- Jón Gnarr fjallar um virðingu og réttlæti á vinnumarkaði á sinn hátt

Á síðustu þremur árum hafa rúmlega sex þúsund unglingar fengið kynningu á réttindum og skyldum á vinnumarkaði frá VR. Starfsmenn VR ýmist fara í grunnskólana eða nemendurnir koma til VR. VR hefur sýnt á þessum kynningum efni sem Jón Gnarr gerði fyrir félagið við góðar undirtektir unglinganna – og kennaranna. Nú er komið að framhaldsskólum.

Frestun samþykkt en lágmarkstekjur verði hærri en atvinnuleysisbætur

Thu, 19 Feb 2009 10:00:00 GMT

Fundur trúnaðarráðs og trúnaðarmanna VR, sem haldinn var í gærkvöldi, samþykkti að styðja þá ákvörðun að fresta til júníloka endurskoðun kjarasamninga og almennum launahækkunum til starfsmanna á hinum almenna vinnumarkaði sem ættu að koma til 1. mars samkvæmt kjarasamningum. En jafnframt var samþykkt að krefjast þess að kauptrygging yrði hækkuð og lágmarkstekjur verði hærri en atvinnuleysisbætur.

Kosningavefur VR opnar

Tue, 17 Feb 2009 18:00:00 GMT

VR hefur opnað sérstakan kosningavef, http://kosningar.vr.is, þar sem kynntir eru frambjóðendur og listar vegna kosninganna hjá VR. Kosningar hefjast þann 23. febrúar næstkomandi og lýkur kl. 12:00 á hádegi 11. mars. Öllum kosningabærum félagsmönnum hefur verið sent lykilorð inn á rafrænan atkvæðaseðil en lykilorðið má einnig nálgast á Mínum síðum. Í næstu viku verða haldnir félagsfundir með frambjóðendum.

Frá kjörstjórn

Tue, 17 Feb 2009 16:00:00 GMT

Kjörstjórn VR hefur fjallað um lista 4 stjórnarmanna og 82 trúnaðarráðsmanna við kjör til trúnaðarstarfa hjá VR 2009, sem borinn er fram af Ástu Rut Jónasdóttur o.fl. Samkvæmt ákvörðun kjörstjórnar 14. febrúar var framboðinu gefinn frestur til kl. 12:00 á hádegi í dag, þriðjudaginn 17. Febrúar, til að lagfæra þá ágalla sem á framboðinu voru. Lagfærður listi var lagður fram fyrir tilsettan tíma og hefur kjörstjórn úrskurðað hann lögmætan.

Allsherjaratkvæðagreiðsla

Mon, 16 Feb 2009 08:00:00 GMT

Ákveðið hefur verið að viðhafa leynilega allsherjaratkvæðagreiðslu um kjör vegna framboða til trúnaðarstarfa í VR.

Allsherjaratkvæðagreiðslan sem verður rafræn mun hefjast 23. febrúar nk. og henni lýkur kl. 12:00 á hádegi þann 11. mars 2009.

Síðdegis þriðjudaginn 17. febrúar verður opnaður sérstakur kosningavefur VR. Þar verður gerð frekari grein fyrir fyrirkomulagi vegna allsherjaratkvæðagreiðslunnar og framkvæmd hennar. Þar verður jafnframt kynning á öllum frambjóðendum/framboðum sem gefa kost á sér í kosningunum.

16. febrúar 2009
Kjörstjórn VR

Frá kjörstjórn

Sat, 14 Feb 2009 14:00:00 GMT

Kjörstjórn VR hefur fjallað um álitaefni sem komu upp vegna framlagningar lista 4 stjórnarmanna og 82 trúnaðarráðsmanna við kjör til trúnaðarstarfa hjá VR 2009, sem borinn er fram af Ástu Rut Jónasdóttur o.fl.

Niðurstaða kjörstjórnar er eftirfarandi:

Framboðinu er gefinn frestur til kl. 12:00 á hádegi þriðjudaginn 17. febrúar til að lagfæra þá ágalla sem á framboðinu eru. Það felur í sér að fyrir þann tíma verði lagður fram fullgildur framboðslisti með 4 kjörgengum frambjóðendum til stjórnar, 82 kjörgengum frambjóðendum til trúnaðarráðs, sem samtals 300 meðmælendur samþykkja.

14. febrúar 2009.
Kjörstjórn VR

Frá kjörstjórn

Thu, 12 Feb 2009 13:00:00 GMT

Á hádegi í dag, 12. febrúar 2009, rann út frestur til að skila inn listum vegna kosningar 4 stjórnarmanna VR og 82 fulltrúa í trúnaðarráð skv. 3. tölulið 20. gr. laga VR. Þá rann einnig út frestur sem einstaklingar, sem ekki náðu kjöri vegna framboðs trúnaðarráðs og trúnaðarmanna til formanns og í stjórn á Nýársfundi trúnaðarmanna og trúnaðarráðs 27. janúar sl., höfðu til að óska eftir allsherjaratkvæðagreiðslu í félaginu um sitt framboð sbr. 2. tölulið 20. gr. laga VR.

Kjörstjórn VR hefur fjallað um framboð sem bárust til formanns VR og 3ja stjórnarmanna í einstaklingskjöri. Öll framboðin sem bárust uppfylla skilyrði 2. töluliðar 20. gr. laga VR.

Framboðin eru sem hér segir:

Framboðsfrestur útrunninn

Thu, 12 Feb 2009 12:00:00 GMT

Á hádegi í dag, 12. febrúar 2009, rann út frestur til að skila inn listum vegna kosningar 4 stjórnarmanna VR og 82 fulltrúa í trúnaðarráð skv. 3. tölulið 20. gr. laga VR. Þá rann einnig út frestur sem einstaklingar, sem ekki náðu kjöri vegna framboðs trúnaðarráðs og trúnaðarmanna til formanns og í stjórn á Nýársfundi trúnaðarmanna og trúnaðarráðs í janúar sl., höfðu til að óska eftir allsherjaratkvæðagreiðslu í félaginu um sitt framboð sbr. 2. tölulið 20. gr. laga VR.

Samið við Norðurál Grundartanga

Tue, 10 Feb 2009 16:00:00 GMT

Samkomulag hefur náðst milli stéttarfélaga og Norðuráls Grundartanga um launabreytingar fyrir árið 2009. Í kjarasamningi aðila árið árið 2005 var ákvæði sem kvað á um að laun eftir árið 2008 taki að meðaltali sömu breytingum og laun samkvæmt kjarasamningum í orkufrekum iðnaði.

Ókeypis ráðgjöf fyrir félagsmenn

Fri, 06 Feb 2009 12:00:00 GMT

VR býður félagsmönnum sem lent hafa í uppsögnum vegna samdráttar á vinnumarkaði ráðgjöf um kjaramál, atvinnuleysisbætur, atvinnuleit, lögfræðiaðstoð auk sálgæslu.

Boðið verður upp á viðtöl milli kl. 18:00 – 20:00 þriðjudagana 10., 17. og 24. febrúar nk. Þar verða til staðar sérfræðingar sem veita ráðgjöf (sjá ítarlegi upplýsingar).

Hvenær á að greiða út laun?

Mon, 02 Feb 2009 14:00:00 GMT

- helgar teljast til frídaga og því átti að borga út laun fyrir helgi. VR skorar á fyrirtæki að virða ákvæði kjarasamninga um launagreiðslur

Vegna umfjöllunar í fjölmiðlum síðustu daga og fyrirspurna sem borist hafa til VR um útgreiðslu launa viljum við ítreka ákvæði um launagreiðslur í kjarasamningum VR við samtök vinnuveitenda. Þá vill VR hvetja atvinnurekendur um að stíga varlega til jarðar þegar kemur að uppsögnum og gæta að sanngirni og réttlæti. Hér má svo sjá yfirlit yfir þá þjónustu sem kjarasvið VR veitir félagsmönnum vegna launainnheimtu eða ágreinings við atvinnurekendur.

Framboð lista við kjör stjórnar og trúnaðarráðs

Thu, 29 Jan 2009 10:00:00 GMT

Auglýst er eftir listum vegna kosningar 4 stjórnarmanna og 82 fulltrúa í trúnaðarráð skv. 3. tölulið 20. gr. laga VR.

Gunnar Páll með meirihluta atkvæða

Wed, 28 Jan 2009 12:00:00 GMT

Gunnar Páll Pálsson, formaður VR, fékk 70% atkvæða í kosningu um formannsefni trúnaðarráðs og trúnaðarmanna á Nýársfundi þeirra í gærkvöldi en þrír voru í framboði. Á fundinum var gengið frá framboði trúnaðarráðs og trúnaðarmanna til formanns, stjórnar, varamanna í stjórn og trúnaðarráðs VR fyrir næsta kjörtímabil. Á næstu tveimur vikum skýrist það hvort efnt verður til allsherjaratkvæðagreiðslu meðal félagsmanna.

Frá kjörstjórn VR

Wed, 28 Jan 2009 00:00:00 GMT

Á Nýársfundi í VR 27. janúar 2009 var gengið frá framboði trúnaðarráðs og trúnaðarmanna til formanns, stjórnar, varamanna í stjórn og trúnaðarráðs VR fyrir næsta kjörtímabil.

Eftirtalin verða í framboði af hálfu trúnaðarráðs og trúnaðarmanna VR:

Skref upp á við

Fri, 23 Jan 2009 15:00:00 GMT

Ókeypis námskeið, líkamsrækt á kostakjörum og frí ráðgjöf fyrir félagsmenn - Láttu sjá þig !

VR hefur tekið höndum saman með fjölmörgum aðilum til að bjóða upp á fjölbreytta valkosti í námi, hreyfingu og ráðgjöf fyrir þá félagsmenn sem hafa misst vinnuna vegna efnahagsástandsins. Sjá ítarlegri umfjöllun.

Við leitum að áhugasömum félagsmönnum

Thu, 22 Jan 2009 15:00:00 GMT

- til að sitja í málefnahópi um siðareglur VR og stjórnarsetu í fyrirtækjum og félögum

Á félagsfundi VR í nóvember á síðasta ári voru lagðar fram tillögur sem lúta annars vegar að því að móta siðareglur fyrir VR og hins vegar að setu í stjórnum félaga og fyrirtækja sem VR hefur aðkomu að. Ákveðið hefur verið að setja á laggirnar málefnahóp til að vinna í þessum tillögum og auglýsum við nú eftir áhugasömum félagsmönnum til að taka þátt í þeirri vinnu. Gert er ráð fyrir að fyrsti fundur hópsins verði haldinn kl. 19:30 þriðjudaginn 3. febrúar. Hægt er að skrá sig á netinu, í gegnum þjónustuver VR í síma 510 1700 eða með því að senda póst til vr@vr.is merktan Málefnahópur VR.

Lykilorð á Mínar síður í heimabankann

Wed, 21 Jan 2009 10:00:00 GMT

Frá og með deginum í dag, miðvikudeginum 21. janúar 2009, getur þú sótt um lykilorð inn á Mínar síður og fengið það sent beint í heimabankann þinn. Lykilorðið birtist sem rafrænt skjal í heimabankanum, örfáum mínútum eftir að þú sóttir um. Þetta sparar þér umtalsverðan tíma og félaginu kostnað sem felst í útsendingu lykilorða. Athugaðu að þú getur ennþá fengið sent lykilorð í pósti með því að hringja í þjónustuver VR í síma 510 1700 eða senda póst til vr@vr.is.

Frá kjörstjórn VR

Thu, 15 Jan 2009 11:00:00 GMT

Kjörstjórn VR hefur fjallað um framboð sem bárust til trúnaðarstarfa fyrir auglýstan framboðsfrest kl. 12:00 á hádegi 12. janúar 2009. Öll framboðin sem bárust uppfylla skilyrði 20. gr. laga VR.

Ávöxtun sjóða VR árið 2008 – áætlun

Wed, 14 Jan 2009 14:00:00 GMT

samkvæmt mati fagaðila á peningalegum verðmætum sjóða félagsins

Faglegt bráðabirgðamat viðskiptabanka VR og óháðra endurskoðenda á verðmætum sjóða félagsins fyrir árið 2008 í heild liggur nú fyrir. Samkvæmt mati þeirra hefur verðmæti félagsins í sjóðum þess rýrnað um 6,9% á árinu 2008 í heild en fyrra mat frá því í nóvember gerði ráð fyrir 5%. Helstu peningalegar eignir VR eru í sjúkrasjóði, orlofssjóði, varasjóði og félagssjóði og hefur fjárfestingastefna þeirra ætíð einkennst af mikilli varfærni.

Fjöldi kjaramála aldrei fleiri

Wed, 14 Jan 2009 14:00:00 GMT

Í nóvember árið 2008 komu 256 ný mál inn á borð starfsmanna kjarasviðs VR, ríflega þrefalt fleiri en í nóvember árið áður þegar málin voru 80 talsins. Aldrei áður hafa jafnmörg ný mál komið til kasta félagsins í einum og sama mánuði. Aukning á fjölda mála á ársgrundvelli milli ára er 38% (sjá samanburð, pdf skjal).

Framboðsfrestur runninn út - tilkynning kjörstjórnar

Mon, 12 Jan 2009 14:00:00 GMT

Kjörstjórn VR sendi frá sér eftirfarandi tilkynningu:

Á hádegi 12. janúar 2009 rann út framboðsfrestur til formanns, stjórnar og trúnaðarráðs VR vegna framboðs til forystu VR á árinu 2009. Þrjú framboð bárust til formanns. 23 framboð bárust til stjórnarsettu. Þá bárust 86 framboð í trúnaðarráð. Verið er að yfirfara lögmæti framboðanna og verður niðurstaðan kynnt um leið og hún liggur fyrir.

Þrjú framboð til formanns

Mon, 12 Jan 2009 14:00:00 GMT

Þrjú framboð hafa borist til formanns í VR en framboðsfrestur rann út á hádegi í dag, mánudaginn 12. janúar 2009. Fresturinn náði til framboða til formanns, stjórnar og trúnaðarráðs. Framboð til formanns bárust frá Gunnari Páli Pálssyni, núverandi formanni, Kristni Erni Jóhannessyni og Lúðvík Lúðvíkssyni. Alls bárust 23 framboð til stjórnar en kosið er um sjö stjórnarmenn ár hvert, fjóra samkvæmt listakosningu og þrjá í einstaklingskosningu, og þrjá varamenn í stjórn, Þá bárust 86 framboð til trúnaðarráðs. Haft verður samband við alla frambjóðendur eins fljótt og auðið er.

Samningur við Flugfélag Íslands

Mon, 12 Jan 2009 14:00:00 GMT

Skrifað hefur verið undir kjarasamning milli VR / LÍV og Flugfélags Íslands. Samningurinn tekur til starfsmanna fyrirtækisins á höfuðborgarsvæðinu, Akureyri, Egilsstöðum, Vestmannaeyjum og Ísafirði. Skrifað var undir þann 17. desember sl. og er gildistími samningsins til 30. nóvember 2010. Samningurinn var borinn undir atkvæði starfsmanna fyrirtækisins og samþykktur með miklum meirihluta atkvæða.

Fyrirtæki ársins 2009 – skilafrestur til 14. janúar

Fri, 09 Jan 2009 15:00:00 GMT

Fyrirhugað er að senda út könnun VR á fyrirtæki ársins 2009 í byrjun febrúar og verður hún send út til allra fullgildra félagsmanna. Eins og fyrri ár geta fyrirtæki óskað eftir því að allir starfsmenn, óháð því hvort þeir eru í VR eða ekki, fái sendan spurningalista. Frestur til að taka þátt hefur verið framlengdur til 14. janúar. Sjá nánar.

Viltu tjá þig um VR?

Fri, 09 Jan 2009 09:00:00 GMT

- Eða heyra frá okkur? VR býður til morgunverðarfunda sjöunda árið í röð

Í ár, eins og undanfarin ár, býður VR félagsmönnum sínum á morgunverðarfundi til að ræða starfsemi félagsins. Þessir fundir eru liður í auknu lýðræði innan félagsins og þjóna þeim tilgangi að skapa vettvang til beinna skoðanaskipta. Formaður og varaformaður félagsins sitja fundina og ræða um allt sem varðar réttindi félagsmanna, stöðu félagsins, framtíðarhorfur og hvað eina sem fundarmönnum dettur í hug. Það er stjórnendum félagsins mikilvægt að heyra frá félagsmönnum og fá tækifæri til að ræða við þá beint og milliliðalaust. Boðað er til fundanna en hverjum og einum er velkomið að skrá sig án boðunar. Hægt er að skrá sig á vefnum eða hjá þjónustuveri í síma 510 1700. Nú þegar hafa um fjögur þúsund félagsmenn setið slíka fundi og hvetjum við félagsmenn til að taka þátt í lýðræðislegri umræðu um framtíð félagsins. Fyrsti fundurinn verður haldinn 15. janúar.

Yfirlýsing frá stjórnarmönnum í VR

Sun, 04 Jan 2009 17:00:00 GMT

Nokkrir félagsmenn í VR hafa boðað mótframboð til stjórnar VR. Fjölmiðlar hafa birt viðtöl við talsmann hópsins, Lúðvík Lúðvíksson, og þar hefur hann farið mikinn um hversu flókið sé að bjóða fram og kennt starfsmönnum VR um vankunnáttu sína í þeim efnum. Hverjum þeim sem stýra vill 28 þúsund manna félagi verður að vera ljóst að hann verður að treysta á eigin burði til að kynna sér lög og reglur. Öllum félagsmönnum er að sjálfsögðu frjálst að leggja fram nýjan framboðslista en hann verður að vera í samræmi við lög VR. Enginn starfsmaður VR getur breytt nokkru þar um - er aðeins hægt að breyta lögum félagsins á aðalfundi.

Frá kjörstjórn VR

Fri, 02 Jan 2009 15:00:00 GMT

Kjörstjórn VR hefur sent frá sér svohljóðandi tilkynningu vegna framboðs til formanns, stjórnar og trúnaðarráðs:

"Samþykkt kjörstjórnar VR

Alvarlegur misskilningur hefur komið upp hvað varðar reglur skv. lögum VR um framboð til formanns, stjórnar og trúnaðarráðs félagsins í tengslum við framboðsfrest sem auglýstur var til kl. 12:00 á hádegi 22. desember sl. Ástæða er til að ætla að þetta hafi orðið til þess að einhverjir félagsmenn VR sem höfðu áhuga á að bjóða sig fram til forystu í félaginu skiluðu ekki inn framboðum fyrir tilsettan tíma.

Í ljósi þess sem að framan segir hefur kjörstjórn VR ákveðið að framlengja framboðsfrest til formanns, stjórnar og trúnaðarráðs sbr. 1. mgr. 20. gr. laga VR til kl. 12:00 á hádegi mánudaginn 12. janúar 2009.

Kjörstjórn VR mun láta birta auglýsingar í dagblöðum um framlengdan framboðsfrest eins fljótt og auðið er. Jafnframt verður auglýsingin birt á heimasíðu VR og send á trúnaðarmenn félagsins til upplýsingar. Einnig mun kjörstjórnin birta á heimasíðu VR leiðbeiningar til þeirra sem hafa áhuga á að bjóða sig fram til forystu í félaginu.

2. janúar 2009.
Kjörstjórn VR"

Framboðsfrestur framlengdur

Fri, 02 Jan 2009 15:00:00 GMT

Samkvæmt 20. gr. laga VR auglýsir kjörstjórn eftir framboðum til formanns og í stjórn og trúnaðarráð félagsins. Áhugasamir geta gefið kost á sér með því að senda inn skriflegt erindi til kjörstjórnar á skrifstofu VR. Skrifleg meðmæli 10 félagsmanna þarf vegna framboðs til formanns og til setu í stjórn. Framboð til setu í trúnaðarráði er hægt að senda rafrænt á kjorstjorn@vr.is. Framboðsfrestur er til kl. 12:00, 12. janúar 2009.

Nánari upplýsingar og leiðbeiningar eru á vef VR. Þá er hægt að leita frekari upplýsinga hjá kjörstjórn VR með því að hafa samband við skrifstofu félagsins.

Ræktum líkama og sál

Fri, 02 Jan 2009 09:00:00 GMT

- tilboð í líkamsrækt fyrir þá sem hafa misst atvinnuna og hækkun fræðslustyrkja

VR og nokkrar líkamsræktarstöðvar hafa tekið höndum saman til að koma til móts við þá félagsmenn VR sem misst hafa atvinnuna, þeim stendur nú til boða kort í líkamsrækt fyrir aðeins 2.000 krónur á mánuði. Tilboð þetta gildir í World Class, Baðhúsið, Sporthúsið og Hreyfingu á tímanum frá kl. 08:00 – 11:00 og 14:00 – 16:00 á daginn (sjá nánar og umsóknareyðublað). Þá hafa stjórnir fræðslusjóðanna samþykkt að hækka starfsmenntastyrki í 75% af námsgjaldi fyrir þá sem eru á atvinnuleysisbótum. Styrkir eru veittir eftir stigainneign. Hér má sjá umfjöllun um nokkur sérsniðin námskeið fyrir atvinnulausa og frekari upplýsingar um fræðslustyrki.

Framboðsfrestur runninn út

Mon, 22 Dec 2008 15:00:00 GMT

Á hádegi 22. desember 2008 rann út framboðsfrestur til formanns, stjórnar og trúnaðarráðs VR vegna lista trúnaðarráðs og trúnaðarmanna sem afgreiddur verður á Nýjársfundi 5. janúar n.k. Eitt framboð barst til formanns, frá núverandi formanni Gunnari Páli Pálssyni. Alls bárust 15 framboð til stjórnar.

Um VR varasjóð

Wed, 17 Dec 2008 14:00:00 GMT

Félagsmenn athugið að næsta greiðsla úr VR varasjóði er föstudaginn 9. janúar 2009 og þurfa umsóknir að berast í síðasta lagi þriðjudaginn 6. janúar. Við viljum benda á að réttindainneign í VR varasjóði fellur ekki niður um áramót en ef félagsmenn hætta í VR skerðist réttindainneign um 25% eftir 24 mánuði frá því að síðustu iðgjöld bárust og síðan samsvarandi ár hvert þar til réttindi eru að fullu fyrnd.

Hver hefur launaþróun VR félaga verið?

Tue, 16 Dec 2008 11:00:00 GMT

Breytingar á launum félagsmanna VR má skoða á tvo mismunandi vegu, annars vegar með því að skoða niðurstöður launakannanna og hins vegar með því að skoða þróun félagsgjalda. Í báðum tilfellum er auðvelt að bera niðurstöðurnar saman við launavísitölu Hagstofunnar sem mælir mánaðarlegar breytingar á launum og er byggð á upplýsingum um launagreiðslur fyrirtækja, ríkis og sveitarfélaga. Niðurstöðurnar benda til þess að markaðslaun hafi skilað betri árangri en sem svarar almennri launaþróun á vinnumarkaði.

Það er enn eftirsóknarvert að vera í stjórnunarstöðu

Mon, 15 Dec 2008 14:00:00 GMT

- en samt ekki eins mikið og árið 2006 samkvæmt niðurstöðum stjórnendakönnunar VR 2008

Færri stjórnendur á íslenskum vinnumarkaði telja eftirsóknarvert að vera við stjórnvölinn nú en fyrir tveimur árum. Rétt um þrír af hverjum fjórum eða 76% segja það eftirsóknarvert að vera stjórnandi í dag samkvæmt niðurstöðum stjórnendakönnunar VR 2008 á móti níu af hverjum tíu í stjórnendakönnun VR 2006. Það vekur athygli í könnuninni 2008 að 28% svarenda sögðust oft hafa tekið starfið fram yfir einkalífið á síðustu sex mánuðum. Könnunin var gerð í október sl. Sjá niðurstöðurnar.

Jólaaðstoð 2008

Thu, 11 Dec 2008 15:00:00 GMT

Stjórn VR samþykkti á fundi í gærkvöldi, miðvikudaginn 10. desember, fjögurra milljóna króna fjárframlag til Mæðrastyrksnefndar og Hjálparstarfs kirkjunnar en félögin munu auk Reykjavíkurdeildar Rauða kross Íslands sameinast um jólaaðstoð í ár. Markmiðið með samstarfi þessara þriggja aðila er að bæta skilvirkni og auka aðstoð við þá sem leita eftir henni, hvar á landinu sem þeir búa. Aðstoðin felst fyrst og fremst í úthlutun matvæla. Ljóst er að þörfin er mikil og að margir þurfa á stuðningi að halda um jólin. Með þessu fjárframlagi VR fylgir ósk um gleðileg jól og farsæld á nýju ári til landsmanna allra og ekki síst þeirra sem stríða við erfiðleika og veikindi.

Jólin eru að koma ...

Tue, 09 Dec 2008 15:00:00 GMT

... vertu með réttindi þín á hreinu og passaðu uppá hvíldartímann

Í tilefni þess að framundan er mesta vinnutörn ársins hjá afgreiðslufólki, jólaverslunin, er ekki úr vegi að birta hina árlegu minnispunkta kjarasviðs VR. Í jólavertíðinni er mikilvægt að halda utan um vinnutímann, hvíldartímann, launin, frídagana, matar- og kaffitímana og síðast en ekki síst desemberuppbótina sem á að greiða í síðasta lagi 15. desember. Hér má sjá yfirlit yfir helstu réttindi starfsmanna í verslun á þessum annatíma og reiknivél til að reikna út desemberuppbótina.

Oft var þörf ... en nú er nauðsyn

Wed, 03 Dec 2008 14:00:00 GMT

- könnun VR á fyrirtæki ársins og launakjörum félagsmanna 2009 er í startholunum

Það hefur líklega aldrei verið mikilvægara en nú að starfsmenn fyrirtækja fái tækifæri til að koma því á framfæri við stjórnendur hvernig þeim líður í vinnunni, hvernig starfsandinn er á vinnustaðnum og hvernig samskiptin eru. Það er líka brýnt á tímum eins og nú eru í íslensku atvinnulífi að stjórnendur fái upplýsingar um líðan starfsmanna og hver afstaða þeirra til fyrirtækisins er. Könnun VR á fyrirtæki ársins 2009 og launakjörum félagsmanna verður gerð í febrúar á næsta ári en undirbúningur fyrir hana er hafinn.

Kjarasamningur við Elkem

Wed, 03 Dec 2008 14:00:00 GMT

Skrifað hefur verið undir kjarasamning við Elkem á Íslandi (Íslenska járnblendifélagið á Grundartanga) af fulltrúum allra stéttarfélaga starfsmanna hjá fyrirtækinu. Gildistími samningsins er til 31. desember 2010. Hann verður borinn undir félagsmenn á næstu vikum.

Hefur þú áhuga á að starfa í forystu VR?

Tue, 02 Dec 2008 11:00:00 GMT

Kjörstjórn

Skila þarf umsóknum um sjúkradagpeninga 16. desember

Tue, 02 Dec 2008 10:00:00 GMT

Félagsmenn athugið að skila þarf umsóknum um sjúkradagpeninga eða gögnum vegna umsókna í síðasta lagi þriðjudaginn 16. desember til að greiðsla geti borist þann 1. janúar. Almennur skiladagur er 21. dagur mánaðarins en vegna jólafrídaga er sá fyrirvari of skammur til að hægt sé að afgreiða umsóknina tímanlega fyrir mánaðamót.

Kjarasamningur við Alcan á Íslandi

Fri, 28 Nov 2008 16:00:00 GMT

Skrifað hefur verið undir kjarasamning við Alcan á Íslandi, ÍSAL, af af fulltrúum allra stéttarfélaga starfsmanna hjá fyrirtækinu. Gildistími samningsins er til 31. janúar 2011. Hann verður borinn undir félagsmenn á næstu vikum.

Stjórnunarstaðan ekki eins eftirsóknarverð og áður

Fri, 28 Nov 2008 13:00:00 GMT

Það er ekki eins eftirsóknarvert að vera stjórnandi í dag og það var fyrir tveimur árum, samkvæmt niðurstöðum stjórnendakönnunar VR 2008. Þrír af hverjum fjórum stjórnendum eða 76% segja það eftirsóknarvert að vera stjórnandi en árið 2006 var þessi tala 92%. Mikill munur er á afstöðu hærri stjórnenda og millistjórnenda. Þetta er í annað sinn sem VR gerir könnun meðal stjórnenda 300 stærstu fyrirtækja landsins samkvæmt lista Frjálsrar verslunar, stjórnenda ríkisstofnana og sveitarfélaga auk annarra smærri fyrirtækja. Markmiðið er að leita upplýsinga um stöðu og líðan stjórnenda, hversu eftirsóknarvert það er að vera stjórnandi og hvernig þeim tekst að samræma starf og einkalíf. Könnunin var gerð frá lokum september fram í byrjun nóvember. Heildarniðurstöður verða birtar um miðjan desember.

Komdu á hressandi fyrirlestra hjá VR – það veitir ekki af

Thu, 20 Nov 2008 10:00:00 GMT

- vegna mikillar eftirspurnar eftir skemmtilegum fyrirlestrum bætum við nokkrum við

Næstu fimmtudaga er bráðsniðugt að taka hádegið frá, kíkja á skemmtilega fyrirlestra hjá VR og fá sér léttar veitingar. Þátttaka á hádegisfyrirlestum VR í vetur hefur verið mjög mikil og hefur verið brugðið á það ráð að fjölga fyrirlestrum. Næstkomandi fimmtudag dregur Eyþór Eðvarðsson okkur uppúr stressinu og skoðar fyrirbærið streitu á fræðilegan, léttan og, samkvæmt sumum örugglega óábyrgan hátt.

Mundu eftir desemberuppbótinni

Mon, 17 Nov 2008 11:00:00 GMT

Samkvæmt kjarasamningum á að greiða desemberuppbót eigi síðar en þann 15. desember. Desemberuppbótin er kr. 50.000 fyrir fullt starf á árinu. Sjá allar upplýsingar um desemberuppbótina og reiknivél.

Kosningu verður flýtt

Fri, 14 Nov 2008 09:00:00 GMT

Rúmlega 500 félagsmenn sátu fund í gærkvöldi þar sem umræðuefnið var gagnrýni sem fram hefur komið á störf formanns VR, Gunnars Páls Pálssonar, í stjórn Kaupþings. Niðurstaða fundarins var sú að samþykkt var tillaga formannsins um að kosningu til formanns og stjórnar verði flýtt og er stefnt að því að halda hana eins fljótt og auðið er eftir áramót.

Staða sjóða VR

Wed, 12 Nov 2008 22:00:00 GMT

- samkvæmt mati fagaðila á peningalegum verðmætum sjóða félagsins

Faglegt bráðabirgðamat viðskiptabanka VR og óháðra endurskoðenda á verðmætum sjóða félagsins gefur til kynna mun sterkari stöðu en fyrstu áætlanir gerðu ráð fyrir þegar efnahagskreppan varð að veruleika. Samkvæmt mati þeirra hefur verðmæti félagsins í sjóðum þess rýrnað um innan við 5% það sem af er ári. Helstu peningalegar eignir VR eru í sjúkrasjóði, orlofssjóði, varasjóði og félagssjóði og hefur fjárfestingastefna þeirra ætíð einkennst af mikilli varfærni. Það er því ánægjulegt að sú stefna virðist vera að skila mun betri árangri en búast mátti við í því ástandi sem nú ríkir í efnahagsmálum.

Félagsfundur 13. nóvember

Mon, 10 Nov 2008 11:00:00 GMT

VR boðar til almenns félagsfundar á Grand hóteli, fimmtudaginn 13. nóvember kl. 19:30. Á fundinum mun Gunnar Páll Pálsson, formaður VR, gera grein fyrir störfum sínum í stjórn Kaupþings og í kjölfarið verður opnað fyrir umræður. Félagsmenn eru hvattir til að mæta.

Yfirlýsing frá formanni VR

Sun, 09 Nov 2008 17:00:00 GMT

Hér að neðan er birt yfirlýsing Gunnars Páls Pálssonar, formanns VR, frá 9. nóvember 2008.

"Töluvert hefur verið fjallað um aðkomu mína að þeirri ákvörðun stjórnar Kaupþings að fella niður persónulegar ábyrgðir starfsmanna bankans vegna lána sem tekin voru vegna kaupréttarsamninga. Í ljósi umræðunnar finnst rétt og eðlilegt að ég geri grein fyrir þeim áherslum sem ég hafði að leiðarljósi meðan ég sat í stjórn bankans.

Trúnaðarráð og trúnaðarmenn VR funda

Fri, 07 Nov 2008 15:00:00 GMT

Um eitt hundrað trúnaðarráðsmenn VR og trúnaðarmenn á vinnustöðum sátu fund nú í hádeginu þar sem fjallað var um það mál sem mikið hefur verið í umræðunni þessa viku, samþykki formanns félagsins á stjórnarfundi Kaupþings þann 25. september sl. að fella niður persónulegar ábyrgðir á lánum starfsmanna vegna kaupréttarsamninga. Á fundinum útskýrði formaðurinn ákvörðun sína og svaraði spurningum fundarmanna. Meirihluti fundarins samþykkti með lófataki eftirfarandi ályktun:

"Ákvörðun sem Gunnar Páll Pálsson, formaður VR, stóð að á vettvangi stjórnar Kaupþings í september síðastliðnum byggði hann á hagsmunum sjóðfélaga í Lífeyrissjóði verzlunarmanna. Um mánaðamótin ágúst – september áttu lífeyrissjóðirnir um 60 milljarða króna í Kaupþingi og var það mikið hagsmunamál fyrir þá að varðveita þau verðmæti. Þetta lá til grundvallar því að Gunnar Páll ákvað að styðja þá ákvörðun sem stjórn Kaupþings tók á fundi sínum í september. Ljóst er að draga má þá ákvörðun í efa.

Gunnar Páll Pálsson hefur starfað fyrir VR í hartnær tvo áratugi og leitt félagið í sex ár. Hann hefur skilað góðu starfi fyrir félagið og unnið af heilindum fyrir það. Fundurinn styður störf hans sem formanns VR, en leggur jafnframt til að boðað verði til almenns félagsfundar svo fljótt sem auðið er."

Fjölmargir tóku til máls á fundinum og voru skoðanir skiptar. Nokkrir fundarmenn skýrðu frá óánægju á sínum vinnustöðum þar sem krafa hefði komið um að Gunnar Páll segði af sér en margir lýstu einnig yfir stuðningi við formanninn og hans störf.

Yfirlýsing vegna Kaupþings banka

Wed, 05 Nov 2008 19:00:00 GMT

- frá Gunnari Páli Pálssyni, formanni VR

Eins og fram hefur komið í fréttum samþykkti stjórn Kaupþings að fella niður persónulegar ábyrgðir starfsmanna bankans vegna lána sem tekin voru vegna kaupréttarsamninga.

Ráðgjöf fyrir félagsmenn

Thu, 30 Oct 2008 10:00:00 GMT

- VR býður félagsmönnum sem lent hafa í uppsögnum vegna samdráttar á vinnumarkaði ráðgjöf um kjaramál, atvinnuleysisbætur og atvinnuleit auk sálgæslu

Boðið verður upp á viðtöl milli kl. 18:00 – 20:00 þriðjudagana 4., 11. og 18. nóvember nk. Þar verða til staðar sérfræðingar sem veita ráðgjöf;

á kjarasviði - starfsmenn kjarasvið VR
varðandi atvinnuleysisbætur - Árni Leósson forstöðumaður þjónustusviðs VR
um atvinnuleit - Gylfi Dalmann vinnumarkaðsfræðingur
varðandi sálgæslu - Hallur Guðjónsson sálfræðingur

Miðað er við að hvert viðtal taki ca.15 mín og hver og einn getur þá heimsótt þá sérfræðinga sem hann telur þörf á. Hægt er að bóka tíma á netinu eða í þjónustuveri VR í síma 510 1700. Athugið, félagsmönnum sem búa utan höfuðborgarsvæðisins stendur til boða símaráðgjöf, vinsamlega pantið tíma í síma 510 1700.

VR leitar eftir snyrtifræðingum

Wed, 29 Oct 2008 15:00:00 GMT

Snyrtifræðingar hafa leitað til VR til að kanna mögulega gerð sérkjarasamnings. Til að leita eftir afstöðu annarra snyrtifræðinga til málsins óskum við þess að þeir skrái sig hér eða með því að smella á hnappinn til hægri á síðunni, Skráning snyrtifræðinga.

Saman byggjum við nýja framtíð

Mon, 20 Oct 2008 10:00:00 GMT

Á erfiðum tímum er mikilvægt fyrir okkur að standa saman. Og af því tilefni réðst VR í gerð sjónvarpsauglýsingar sem minnir okkur á að nú sem aldrei fyrr þurfum við að sýna samstöðu og horfa fram veginn. Með því að gæta hvert að öðru byggjum við saman nýja og bjarta framtíð. VR vill þakka þeim fjölda sjálfboðaliða sem brást skjótt við og tók höndum saman við gerð auglýsingarinnar. Þá kunnum við Sigurrós bestu þakkir fyrir afnot af hinu frábæra og kraftmikla lagi Hoppípolla. Auglýsingastofan Fíton ásamt Republik framleiddu auglýsinguna.

Réttar og ítarlegar upplýsingar eru mikilvægar

Wed, 15 Oct 2008 13:00:00 GMT

Vegna umræðunnar um réttindamál launafólks í þeim miklu þrengingum sem nú eru í íslensku efnahagslífi er brýnt að allir hafi aðgang að ítarlegum og réttum upplýsingum. Við viljum því benda félagsmönnum á upplýsingasíðu á heimasíðu ASÍ þar sem fjallað er um lífeyrismálin og stöðu launafólks. Varðandi fyrirspurnir um séreignarlífeyrissparnað viljum við einnig ítreka að fólk hafi samband við þjónustufulltrúann sinn hjá lífeyrissjóðnum eða þeim banka þar sem þeir hafa ákveðið að ávaxta viðbótarlífeyri sinn þar sem ráðgjöf í þessum efnum miðast við stöðu hvers og eins einstaklings. Og að lokum hefur kjarasvið VR tekið saman mikilvægar upplýsingar fyrir félagsmenn varðandi launainnheimtu, lokun fyrirtækja með skömmum fyrirvara eða gjaldþrot.

Hvað um séreignarsparnaðinn?

Fri, 10 Oct 2008 14:00:00 GMT

Félagsmenn hafa undanfarna daga haft samband við VR til að leita svara við því hvort hætta sé á að séreignarlífeyrissparnaður þeirra rýrni í þeirri efnahagslegu ólgu sem nú ríkir. Við viljum benda fólki á að hafa samband við þjónustufulltrúann sinn hjá lífeyrissjóðnum eða þeim banka þar sem þeir hafa ákveðið að ávaxta viðbótarlífeyri sinn þar sem ráðgjöf í þessum efnum miðast við stöðu hvers og eins einstaklings. Lífeyrissjóður verzlunarmanna, í frétt á heimsíðu sinni, hefur lýst því yfir að í ljósi aðstæðna á verðbréfamörkuðum verði útreikningur í séreignardeild leiðréttur með tilliti til áætlaðrar verðlækkunar á mörkuðum og að þær greiðslur sem sjóðnum berist framvegis muni því ekki rýrna vegna þeirrar lækkunar sem þegar er fram komin.

Tilbúin til að leggja okkar af mörkum

Wed, 08 Oct 2008 12:00:00 GMT

VR leggur áherslu á að standa vörð um hag almennings í þeim þrengingum sem nú ganga yfir í íslensku efnahagslífi og er félagið reiðubúið að leggja sitt af mörkum til að tryggja hann. Viðræður helgarinnar miðuðu meðal annars að því að skoða stöðu launafólks og flýta endurskoðun kjarasamninga og tóku fulltrúar félagsins þátt í þeim viðræðum af heilum hug. VR vill leita allra leiða til að koma á stöðugleika á ný og tryggja hagsmuni félagsmanna sem og landsmanna allra. Enginn getur staðið á hliðarlínunum í því alvarlega ástandi sem nú ríkir.

72% félagsmanna með skriflegan ráðningarsamning

Wed, 01 Oct 2008 14:00:00 GMT

Um þrír af hverjum fjórum félagsmönnum hafa skriflegan ráðningarsamning, samkvæmt niðurstöðum launakönnunar VR 2008. Mjög misjafnt er eftir atvinnuvegum hvort starfsmenn eru með skriflegan samning eða ekki og stærð fyrirtækisins hefur mikil áhrif.

Vinnuveitanda skylt að ganga frá ráðningu starfsmanns skriflega ef hann er ráðinn til lengri tíma en eins mánaðar. Mikilvægt er fyrir starfsmenn að lesa samninginn vel yfir áður en þeir skrifa undir.

31% munur á heildarlaunum í VR og SFR

Wed, 17 Sep 2008 11:00:00 GMT

Félagsmenn VR eru að meðaltali með 31% hærri heildarlaun en félagsmenn í SFR, stéttarfélagi í almannaþjónustu eða 399 þúsund að meðaltali á mánuði samanborið við 304 þúsund samkvæmt niðurstöðum launakannanna félaganna fyrir árið 2008. Þegar tekið hefur verið tillit til helstu áhrifaþátta á launin, þ.e. kyn, aldur, starfsaldur, vinnutíma, vaktaálag og menntun, minnkar munurinn og er 20%.

Munurinn á heildarlaunum kvenna hjá VR og SFR er mun meiri en á launum karla. Árið 2008 er annað árið í röð sem félagsmenn SFR, stéttarfélags í almannaþjónustu, taka þátt í launakönnuninni.

Framboð til ASÍ

Thu, 11 Sep 2008 13:00:00 GMT

Ingibjörg R. Guðmundsdóttir, formaður Landssambands íslenskra verzlunarmanna og varaforseti ASÍ, hefur ákveðið að bjóða sig fram til forseta ASÍ. Stjórnir VR og LÍV skoruðu á Ingibjörgu að bjóða sig fram og segir hún í tilkynningu að hún hafi orðið við þeirri áskorun. Hér að neðan er tilkynning Ingibjargar birt í heild sinni. Gylfi Arnbjörnsson, framkvæmdastjóri ASÍ, tilkynnti einnig fyrir skömmu framboð sitt í fjölmiðlum og má sjá viðtal við hann hér en ekki hefur borist tilkynning frá honum.

Heildarlaun félagsmanna VR hækka um tæp 10% á milli ár

Thu, 11 Sep 2008 11:00:00 GMT

Heildarlaun félagsmanna VR hækkuðu að meðaltali um 9,9% á milli áranna 2007 og 2008 og grunnlaun um 9.7% samkvæmt niðurstöðum launakönnunar 2008 sem birtar eru í dag. VR félagar nutu launaskriðs umfram það sem gerðist á almennum vinnumarkaði, laun hækkuðu að meðaltali um rúm 6% á sama tímabili samkvæmt launavísitölu Hagstofunnar. Launamunur kynjanna innan VR stendur nokkurn veginn í stað á milli ára, munurinn á heildarlaunum er rétt tæplega 17%. Það vekur athygli að launamunur kynjanna meðal félagsmanna SFR, sem nú taka samskonar launakönnun og félagsmenn VR annað árið í röð, eykst hins vegar.

Mikil aukning í launa- og starfsmannaviðtölum

Fri, 05 Sep 2008 14:00:00 GMT

- niðurstöður launakönnunar VR 2008 verða birtar fimmtudaginn 11. september nk

Tæplega sjö af hverjum tíu félagsmönnum VR fóru í starfsmanna- og/eða launaviðtal á síðasta ári en það er 40% aukning frá árinu 2004.

Þetta má lesa úr niðurstöðum launakönnunar VR fyrir árið 2008. Hjá miklum meirihluta þeirra sem fóru í viðtal breyttust kjörin til hins betra í kjölfarið, eða hjá 79%.

Skorað á Ingibjörgu R. Guðmundsdóttur að bjóða sig fram til forseta ASÍ

Tue, 02 Sep 2008 15:00:00 GMT

Stjórnir VR og LÍV, Landssambands íslenskra verzlunarmanna, skora á Ingibjörgu R. Guðmundsdóttur, formann LÍV og varaforseta ASÍ, að bjóða sig fram til forseta Alþýðusambands Íslands en kosið verður á ársfundi sambandsins í október. Grétar Þorsteinsson, núverandi forseti, hefur lýst því yfir að hann muni ekki gefa kost á sér til áframhaldandi setu. Ingibjörg hefur starfað í verkalýðshreyfingunni í áratugi, verið formaður LÍV frá árinu 1989 og varaforseti ASÍ alls í 13 ár. Hún er eina konan sem kjörin hefur verið formaður landssambands innan ASÍ og myndi kosning hennar í embætti forseta brjóta blað í sögu verkalýðshreyfingarinnar.

Ertu í atvinnuleit?

Tue, 02 Sep 2008 08:00:00 GMT

Mörg mál sem koma inn á borð starfsmanna kjarasviðs VR þessa dagana snerta uppsagnir á einn eða annan hátt (þekktu þinn rétt ef þér er sagt upp). Það reynist mörgum erfitt að missa vinnuna og þurfa að leita að nýrri vinnu. Mikilvægt er að undirbúa sig vel, bæði fyrir atvinnuleitina sjálfa og ráðningvarviðtalið. Víða má finna góð ráð um hvernig á að leita að vinnu og hvernig best er að undirbúa sig, s.s. á vefum ráðningarskrifstofa. Á vef VR eru nokkur góð ráð varðandi atvinnuleitina, gerð ferilskrár, undirbúning fyrir ráðningarviðtalið og síðast en ekki síst mikilvægar upplýsingar um ráðningu og ráðningarsamninginn.

Launamunur kynjanna í ESB tæplega 16%

Thu, 21 Aug 2008 11:00:00 GMT

Konur í aðildarlöndum ESB auk Noregs fá að meðaltali 15,9% lægri laun en karlar í sambærilegum störfum, samkvæmt tölum evrópsku rannsóknarstofnunarinnar Eurofound sem birtar voru í dag. Góðu fréttirnar eru þær að launamunurinn er að minnka í ESB15 ríkjunum en þær slæmu að hann er umtalsvert hærri í nýju aðildarríkjunum. Munurinn er mestur í Slóvakíu, tæplega 27%.

Þetta má lesa úr nýrri skýrslu Eurofound um þróun launa innan aðildarríkjanna árið 2007.

Áttu ekki eitthvað hjá okkur?

Thu, 14 Aug 2008 15:00:00 GMT

Nú þegar haustið er handan við hornið er tímabært að huga að líkamsræktinni og náminu í vetur. Sem endranær er fjölmargtí boði en áður en þú greiðir fyrir námskeiðið er ekki úr vegi að kanna hvort þú eigir rétt á styrk frá VR. Félagsmenn geta sótt um fræðslustyrk í starfsmenntasjóði en styrkurinn byggir á stigaeign hvers og eins (sjá nánar). VR varasjóður er sá sjóður sem félagsmenn geta nýtt sér til að greiða fyrir líkamsræktina, gleraugun, líftryggingar og margt fleira. Mikill sveigjanleiki einkennir VR varasjóð (sjá nánar) en hann er ótengdur starfsmenntasjóðum . Við hvetjum félagsmenn til að kanna stöðu sína í sjóðum VR áður en þeir greiða fyrir nám eða annað. Hægt er að sjá stöðuna á Mínum síðum á heimasíðunni, þeir sem ekki hafa þegar fengið lykilorð geta sótt um það hér.

Leiðtogaþjálfun á netinu

Thu, 14 Aug 2008 10:00:00 GMT

Viðskiptaumhverfi framtíðarinnar verður allt annað en það sem við eigum að venjast í dag. Vinna fer í auknum mæli fram í hópum, ákvarðanatakan verður dreifðari og samskipti netvædd í meira mæli. Viðskiptajöfrar framtíðarinnar fá þjálfun sína með öðrum hætti en stjórnendur nútímans, nefnilega í netheimi.

Um þetta er fjallað í bandaríska viðskiptatímaritinu Harvard Business Review nýlega.

Er stuðningur við jafnrétti að dvína?

Fri, 08 Aug 2008 09:00:00 GMT

Vísbendingar eru um að stuðningur við jafnrétti kynjanna á vinnumarkaði og heimili virðist hafa náð hámarki bæði í Bandaríkjunum og Bretlandi og að nú kunni að halla undan fæti. Viðhorf til útivinnandi mæðra virðist vera að breytast. Þetta er meðal þess sem lesa má úr niðurstöðum nýrrar könnunar á vegum Cambridge háskóla í Bretlandi. Niðurstöðurnar sýna auknar áhyggjur af því að vinna kvenna utan heimilis bitni á fjölskyldulífinu. Fjallað er um niðurstöðurnar á vef BBC.

Þýskar konur styrkja stöðu sína á vinnumarkaði

Thu, 07 Aug 2008 10:00:00 GMT

Þýskar konur hafa lengi staðið að baki flestum evrópskum kynsystrum sínum þegar kemur að réttindum á vinnumarkaði. Atvinnuþátttaka þeirra er fyrir ofan meðaltal en þegar þær verða barnshafandi kemur babb í bátinn og þær ýmist hætta á vinnumarkaði eða taka upp hlutastörf. Konur í Þýskalandi hafa því staði frammi fyrir erfiðu vali: að eignast börn eða ná frama á vinnumarkaði. The Economist fjallar um stöðu þýskra mæðra í nýlegu tölublaði.

Er námsstyrkur þinn skattlagður?

Fri, 01 Aug 2008 09:00:00 GMT

VR hvetur félagsmenn til að kæra ef námsstyrkir þeirra úr starfsmenntasjóðum eru skattlagðir

Þessa dagana er fjöldi félagsmanna að fá bréf frá skattayfirvöldum þar sem þeim er tilkynnt um breytingu á framtali þeirra og gerð krafa um skatt af styrkgreiðslum úr starfsmenntasjóðum. Að mati VR eru námsstyrkir sem nýtast til öflunar starfsréttinda ekki skattskyldir sbr. úrskurð yfirskattanefndar frá því fyrr í sumar en þá hnekkti nefndin ákvörðun skattstjóra sem hafði skattlagt styrk félagsmanns VR vegna flugnáms (sjá frétt um úrskurðinn). VR hvetur félagsmenn sína sem fengið hafa bréf um skattlagningu námsstyrkja til að kæra þá ákvörðun til skattayfirvalda.

VR gætir hagsmuna starfsmanna Mest

Wed, 30 Jul 2008 10:00:00 GMT

Eins og kunnugt er úr fréttum hefur byggingavörufyrirtækið Mest farið fram á gjaldþrotaskipti. Nokkrir tugir starfsmanna fyrirtækisins eru félagsmenn VR. Fulltrúar félagsins hafa fundað með forráðamönnum fyrirtækisins og hefur VR fengið öll gögn afhent sem málið varðar og mun gera kröfu í þrotabúið. Mikilvægt er að starfsmenn þekki stöðu sína verði fyrirtækið sem þeir starfa hjá gjaldþrota og birtum við því hér helstu upplýsingar hvað það varðar.

Hver er þinn réttur þegar þér er sagt upp?

Fri, 25 Jul 2008 11:00:00 GMT

Flest mál sem koma til kasta kjarasviðs VR þessa dagana snerta uppsagnir á einn eða annan hátt; hvernig að þeim er staðið og rétt starfsmanna til launa í uppsagnarfresti. Það er mikilvægt að starfsmenn þekki rétt sinn þegar kemur að uppsögn, hvort sem þeir segja sjálfir upp starfinu eða fá uppsagnarbréf frá atvinnurekanda.

Kjarasvið VR hefur tekið saman helstu upplýsingar sem varða uppsagnir og eru þær birtar hér. Einnig getur þú haft samaband við þjónustuver VR í síma 510 1700.

35-tíma vinnuvika á undanhaldi í Frakklandi

Thu, 24 Jul 2008 14:00:00 GMT

Franska þingið hefur samþykkt lög sem heimila vinnuveitendum þar í landi að semja um lengri vinnuviku en þá 35 klukkutíma sem vinnulöggjöfin kveður á um. Lögin gera einnig ráð fyrir að atvinnurekendur geti samið við starfsmenn um að fá greidd laun fyrir yfirvinnu en samkvæmt núgildandi lögum geta þeir einungis gefið frí fyrir yfirvinnu.

35-stunda vinnuvika var innleidd í Frakklandi fyrir áratug með það að markmiði að draga úr atvinnuleysi og nýtur hún stuðnings meirihluta franskra starfsmanna. Nýju lögin gera ekki útaf við 35 stunda vinnuviku en færa atvinnurekendum ákvörðunarvaldið.

Þekktu þinn orlofsrétt

Mon, 23 Jun 2008 11:00:00 GMT

Í nýgerðum kjarasamningum VR við SA og FÍS var samið um aukin réttindi félagsmanna við orlofstöku. Þessi samningsákvæði eru samhljóða og því gildir sami réttur varðandi lengd orlofs í báðum samningum.

Það er mikilvægt að þekkja rétt sinn og því birtum við hér helstu atriði um réttindi félagsmanna við orlofstöku.

Ertu upptekinn?

Fri, 20 Jun 2008 11:00:00 GMT

Það er endalaust verið að trufla okkur í vinnunni og einbeitingu þekkingarstarfsfólks er verulega ábótavant samkvæmt nýlegri umfjöllun í tímaritinu Business Week. Á nokkurra mínútna fresti leggja starfsmenn frá sér verkefn sem þeir eru að vinna og fara að gera eitthvað annað, svara tölvupósti, tala í símann, skoða netið osfr. Stöðugar truflanir í vinnu eru einn helsti veikleiki þekkingariðnaðarins í Bandaríkjunum, segir í greininni. Allt að 28% af tíma starfsmanna á hverjum vinnudegi fer í að bregðast við og ná sérá strik aftur eftir truflun eða röskun á vinnuferlinu og er framleiðslutapið áætlað 650 milljarðar dollara á ári.

Fjölga þarf konum í stjórnunarstöðum

Thu, 19 Jun 2008 10:00:00 GMT

Konum virðist fjölga hlutfallslega minna en körlum í hópi stjórnenda og sérfræðinga, samkvæmt niðurstöðum launakönnunar VR. Fjölgun í þessum hópi er mikil undanfarin ár og er svo komið að nær annar hver félagsmaður telur sig til stjórnenda og sérfræðinga. Aukningin hefur einkum verið hjá körlunum, 46% fleiri karlar staðsetja sig í hópi stjórnenda og sérfræðinga nú en fyrir átta árum en ef litið er til kvennanna eru 32% fleiri konur í þessum hópi nú en fyrir átta árum, samkvæmt niðurstöðum launakannanna árin 2000 og 2008. Um leið og við óskum landsmönnum öllum til hamingju með 19. júní leggjum við áherslu á að jafnrétti kynjanna tekur einnig til stöðu kvenna og karla á vinnumarkaði, ljóst er að konum þarf að fjölga í stjórnunarstöðum til jafns á við karla.

Yfirskattanefnd hnekkir ákvörðun skattstjóra

Fri, 13 Jun 2008 21:00:00 GMT

- námsstyrkur félagsmanns vegna flugnáms ekki skattlagður

Yfirskattanefnd hefur úrskurðað að félagsmanni VR hafi verið heimilt að færa kostnað vegna flugnáms til frádráttar námsstyrk sem hann fékk úr starfsmenntasjóði og að ekki komi til skattlagningar á styrknum. Þar með hnekkir yfirskattanefnd ákvörðun skattstjóra sem hafði hafnað því að færa kostnað vegna námsins til frádráttar styrknum og gerði kröfu um að greiddur yrði skattur af honum eins og öðrum tekjum. Guðmundur B. Ólafsson, lögmaður VR, segir úrskurðinn hafa mikla þýðingu fyrir félagsmenn sem margir kunni að eiga endurgreiðslukröfu á skattayfirvöld.

Þær bíða fram á síðustu stundu

Tue, 10 Jun 2008 13:00:00 GMT

Verðandi mæður í Bandaríkjunum vinna margar hverjar þangað til þær eru komnar alveg á steypirinn og stutt er í fæðingu. Samkvæmt nýlegri umfjöllun í bandarískum fjölmiðli vinna 80% barnshafandi kvenna á vinnumarkaði þangað til mánuði eða skemur fyrir fæðingu barns, árið 1965 var þetta hlutfall 35%. Ástæðan er sú að fæstar fá þær launað fæðingarorlof og vilja nota tímann sem þær hafa samkvæmt lögum um fæðingarorlof til að vera með barninu eftir fæðingu.

Er sumarvinnan að hefjast?

Fri, 06 Jun 2008 13:00:00 GMT

- ýmislegt sem gott er að vita áður en sumarvinnan hefst

Ef þú ert félagsmaður í VR tryggir félagið þér lágmarksréttindi á vinnumarkaði með gerð kjarasamninga. Það sem stendur í kjarasamningi er þinn réttur að lágmarki, svo getur þú samið við atvinnurekandann um hærri laun og víðtækari réttindi (sjá svör við nokkrum algengum spurningum um réttindi og skyldur).

Verslunarmenn fyrir austan sameinast VR

Mon, 26 May 2008 11:00:00 GMT

Aðalfundur Verslunarmannafélags Austurlands, sem haldinn var í gær, samþykkti einróma tillögu stjórnar félagsins um sameiningu við VR og stofnun sérstakrar deildar VR á Austurlandi. Í Verslunarmannafélagi Austurlands, VFA, eru um 400 félagsmenn sem verða félagsmenn í VR með öllum þeim réttindum sem því fylgir. Á síðustu fimm árum hafa fimm verslunarmannafélög sameinast VR.

Vinnan eða fjölskyldan

Fri, 23 May 2008 10:00:00 GMT

- eða kannski hvoru tveggja?

Bandarískir stjórnendur sem leggja jafna áherslu á að sinna vinnunni og fjölskyldunni finna fyrir minna stressi en þeir sem leggja höfuðáherslu á vinnuna. Mikill meirihluti stjórnenda leggur hins vegar meiri áherslu á vinnuna en fjölskylduna eða 61%, samkvæmt niðurstöðum rannsóknar Families and Work Institute.

Hvað vinnum við mikið?

Thu, 22 May 2008 15:00:00 GMT

Ísland er í 10. sæti af ríkjum OECD þegar litið er til þess hversu langur vinnudagurinn er samkvæmt tölum frá stofnuninni en um þær er fjallað í frétt á heimasíðu bandaríska tímaritsins Forbes.

Mundu eftir orlofsuppbótinni

Thu, 22 May 2008 14:00:00 GMT

- félagsmenn bæði hjá SA og FÍS eiga að fá greidda orlofsuppbót

Orlofsuppbót er kr. 18.400 á árinu 2008 samkvæmt nýgerðum samningi VR og SA. Félagsmenn sem starfa samkvæmt nýgerðum samningi VR og FÍS eru einnig komnir með orlofsuppbót sem nemur þessari upphæð en fá greitt hlutfallslega fyrir tímabilið 1. janúar - 30. apríl 2008, þar sem þeir hafa þegar fengið hluta af orlofsuppbótargreiðslu með síðustu desemberuppbót. Uppbótin greiðist þann 1.júní miðað við starfshlutfall og starfstíma á orlofsárinu. Sjá nánar um uppbótina og reiknivél.

Stórlaxarnir lækka í launum

Thu, 22 May 2008 10:00:00 GMT

Laun æðstu stjórnenda stærstu fyrirtækja í Bandaríkjunum lækkuðu á síðasta ári í fyrsta skipti frá árinu 2002. Laun forstjóra 500 stærstu fyrirtækja hækkuðu um 38% á árinu 2006, þegar á heildina er litið, en þau lækkuðu um 15% í fyrra. Meðallaunin voru nú svo sem ekkert slor hjá þessum mönnum í fyrra, 12,8 milljónir dollara að meðaltali á ári - á mann það er að segja. Þetta kemur fram í úttekt á heimasíðu bandaríska viðskiptatímaritsins Forbes.

Eruð þið búin að bóka sumarfríið?

Wed, 21 May 2008 09:00:00 GMT

- nú er kjörið að leigja sér tjaldvagn og leggja af stað í óvissuferð

Nú er hægt að bóka tjaldvagn fyrir sumarið á netinu. Vagnarnir eru leigðir í sex daga, frá fimmtudegi til miðvikudags. Þeir sem vilja leigja vagn í lengri tíma, eða þrettán daga, verða að bóka í gegnum þjónustuver VR í síma 510 1700 eða á skrifstofum VR. Vagnarnir eru af gerðinni Combi Camp, ætlaðir fyrir fjóra, og eru leigðir með fylgihlutum (sjá nánar). Verð fyrir sex daga er kr. 18.500 en kr. 29.000 fyrir þrettán daga. Hægt er að sjá yfirlit yfir laus orlofshús og lausa tjaldvagna næstu átta mánuði á netinu.

Fjarhitun og Vélfang eru Fyrirtæki ársins 2008

Fri, 16 May 2008 17:00:00 GMT

Nú liggja niðurstöður fyrir í stærstu vinnumarkaðskönnun á Íslandi, Fjarhitun hf. er Fyrirtæki ársins 2008 í hópi stærri fyrirtækja, þar sem starfa 50 eða fleiri starfsmenn. Fjarhitun varð í öðru sæti í fyrra. Í hópi minni fyrirtækja er Vélfang ehf. Fyrirtæki ársins, annað árið í röð. Tvö fyrirtæki urðu hnífjöfn í öðru sæti stærri fyrirtækja, Línuhönnun hf. og Logos sf. Í hópi minni fyrirtækja varð Gróco ehf. í öðru sæti og Miracle ehf. í því þriðja. Þrek ehf. (World Class) er hástökkvari ársins í hópi stærri fyrirtækja, þ.e. það fyrirtæki sem bætti sig mest á milli ára. Í hópi minni fyrirtækja er EC hugbúnaður ehf. hástökkvarinn.

Sjá allar niðurstöður í könnuninni.

Kjarasamningur við FÍS samþykktur

Wed, 14 May 2008 15:00:00 GMT

Kjarasamningur VR/LÍV og FÍS, sem undirritaður var 17. apríl sl., var samþykktur með afgerandi meirihluta í atkvæðagreiðslu meðal félagsmanna. Niðurstaða atkvæðagreiðslunnar sem hér er birt er fyrir Landssambands ísl. verzlunarmanna í heild en VR er stærsta félagið innan landssambandsins. Já sögðu 69,1% en 30,2% sögðu Nei. Einn tók ekki afstöðu. Á kjörskrá voru 1.482 og var kosningaþáttaka 10,1%.

Hæfni á vinnumarkaði batnar á milli ára

Wed, 14 May 2008 14:00:00 GMT

Nær þrír af hverjum fjórum eða 72% telja að hæfni sín á vinnumarkaði hafi batnað á milli ára, samkvæmt niðurstöðum könnunar VR á Fyrirtæki ársins 2008. Spurt var hvort hæfni á vinnumarkaði hafi batnað, staðið í stað eða versnað síðustu tólf mánuði. Marktækur munur er á afstöðu svarenda eftir kyni, fleiri karlar en konur segja hæfni sína á vinnumarkaði hafa batnað á síðustu 12 mánuðum, 74% á móti 70%. Aldur hefur einnig mikið að segja, eftir þrítugt segja æ færri hæfni sína hafa batnað. Niðurstöður í Fyrirtæki ársins árið 2008 verða birtar á föstudaginn, 16. maí.

Office One málið fer fyrir Hæstarétt

Tue, 06 May 2008 10:00:00 GMT

- félagsmaður VR dæmdur til að greiða á aðra milljón í bætur

Dómi Héraðsdóms Reykjaness, þar sem félagsmanni VR var gert að greiða 1,3 milljónir í sekt fyrir að brjóta gegn ráðningarsamningi, verður áfrýjað til Hæstarétts. Guðmundur B. Ólafsson, lögmaður VR, segir niðurstöðu dómsins mikil vonbrigði.

Nú eru tjaldvagnarnir að detta inn

Mon, 28 Apr 2008 15:00:00 GMT

Mörgum hentar vel að vera á faraldsfæti í sumarfríinu sínu, geta tekið sig upp og elt sólina ef svo ber undir. Þá er nú gott að geta leigt sér tjaldvagn en frá og með miðvikudagsmorgninum 30. apríl verður hægt að bóka tjaldvagn fyrir sumarið. Athugið að einungis er hægt að bóka tjaldvagna í síma þjónustuvers, 510 1700, eða á skrifstofum VR, ekki á netinu. Vagnarnir eru leigðir út í viku eða hálfan mánuði, frá fimmtudegi til miðvikudags. Þeir eru af gerðinni Combi Camp, ætlaðir fyrir fjóra. Sjá nánar.

Kjarasamningur við FÍS undirritaður

Fri, 18 Apr 2008 09:00:00 GMT

Skrifað hefur verið undir nýjan kjarasamning milli VR/ LÍV og FÍS (Félag íslenskra stórkaupmanna) með fyrirvara um samþykki beggja samningsaðila. Samningurinn er sambærilegur og með sama gildistíma og kjarasamningur VR/LÍV og Samtaka atvinnulífsins nema að sérstök launaþróunartrygging er fyrir það starfsfólk sem var í starfi hjá sama atvinnurekanda þann 1. október 2006.

Ertu að tapa milljónum?

Thu, 17 Apr 2008 09:00:00 GMT

- þrír fjórðu hluta launþega afsala sér 2% greiðslu frá launagreiðanda

Innan við 25% launamanna nýta sér séreignarsparnað sem þýðir að rúmlega 75% afsala sér 2% aukagreiðslu frá vinnuveitanda sem þeir hafa rétt á samkvæmt kjarasamningi. Þessir aðilar nýta sér þá ekki heldur skattahagræðið sem felst í séreignarsparnaðinum.

Þetta kemur fram í grein eftir Þór Egilsson, frá Lífeyrissjóði verzlunarmanna, sem birtist í 2. tbl. VR blaðsins 2008. Greinin er birt hér í heild sinni.

Draumar - hvað segja þeir?

Wed, 16 Apr 2008 09:00:00 GMT

VR býður félagsmönnum sínum á hádegisfyrirlestur um drauma á morgun, fimmtudaginn 17. apríl. Í fyrirlestrinum verður fjallað stuttlega um tengsl svefns og drauma. Einnig verður fjallað um kenningar um upptök og orsakir drauma og einnig hvort þeir hafi einhverja þýðingu. Að lokum verður einn draumur skoðaður út frá ólíkum kenningum um drauma. Hægt er að skrá sig á fyrirlesturinn á netinu en einnig er hægt að hringja í þjónustuver VR í síma 510 1700 og skrá sig. Fyrirlesturinn verður haldinn í fundarsal VR á 0. hæð í Húsi verslunarinnar. Boðið verður uppá léttar veitingar.

Gjafabréfin eru búin

Wed, 16 Apr 2008 09:00:00 GMT

Úthlutun gjafabréfa VR í sólina er lokið en sótt hefur verið um öll gjafabréf sem voru í boði. Við þökkum góð viðbrögð.

Við verðum að ná verðbólgunni niður

Thu, 10 Apr 2008 10:00:00 GMT

Stjórn VR samþykkti á fundi sínum í gærkvöldi, miðvikudaginn 9. apríl 2008, ályktun vegna þróunar í verðlagsmálum. Ályktunin er birt hér í heild sinni:

"VR lýsir yfir þungum áhyggjum af þróun efnahags- og verðlagsmála, sérstaklega í kjölfar gengisfalls krónunnar, og skorar á stjórnvöld að beita sér harðar fyrir stöðugleika í verðlagsmálum. Eitt meginmarkmið nýgerðra kjarasamninga var að tryggja kaupmátt og stöðugleika í efnahagsmálum og þar tók launafólk á sig mikla ábyrgð. Framkomnar hækkanir eru miklar og ef boðaðar hækkanir á vörum og þjónustu ná fram að ganga er næsta víst að samningsforsendur kjarasamninganna munu bresta.

VR hvetur stjórnvöld, forsvarsmenn fyrirtækja og opinberra stofnana að gæta að sér við verðhækkanir, staldra við og kanna hvort ekki megi draga úr kostnaði s.s. að minnka opnunartíma verslana til að draga úr hækkanaþörf. Ef óðaverðbólga festist í sessi munu allir sitja eftir í verri stöðu en áður. Það ætti því að vera kappsmál allra að ná tökum á verðbólgunni.

Stjórn VR"

Ert þú með vinningsnúmerið?

Wed, 09 Apr 2008 10:00:00 GMT

- niðurstöður í könnun VR á Fyrirtæki ársins 2008 kynntar í maí

Dregið hefur verið í happdrætti sem haldið var í tengslum við könnun VR á Fyrirtæki ársins og launakjörum 2008. Vinningshöfum er bent á að hafa samband við VR í síma 510 1700. Númerin eru sem hér segir: 4296, 5213, 7384, 9709, 15537, 28097, 31115, 31832, 33455 og 40235.

Bandaríkin vs. Evrópa

Fri, 04 Apr 2008 14:00:00 GMT

Karlmenn á bandarískum vinnumarkaði standa langt að baki þeim evrópsku þegar kemur að réttindum feðra. Í fæstum tilfellum fá þarlendir karlmenn launað feðraorlof, þó eitthvað virðist vera að rofa til. Viðhorfið er annað í Evrópu, sérstaklega á Norðurlöndum þar sem karlar standa hvað best að vígi. Nokkuð hefur verið fjallað um þetta í netmiðlum bæði vestan hafs og austan.

Sumarið er að skella á!

Thu, 03 Apr 2008 08:00:00 GMT

- fleiri orlofshús bætast við framboðið hjá VR

Nú hafa nokkur orlofshús bæst við þann fjölda húsa sem félagsmönnum VR standa til boða í sumar. Þetta eru hús í Súðavík, Illugastöðum, Hrísey, Vestmannaeyjum og Stykkishólmi. Hægt er að bóka orlofshús VR allt að 36 vikur fram í tímann á netinu og hjá þjónustuveri í síma 510 1700 og gildir þá reglan fyrstur bókar fyrstur fær. Ný vika bætist við á hverjum miðvikudegi. Engin úthlutun og engin bið, ef húsið er laust fæst staðfesting samstundis. Bóka verður að lágmarki tvo daga og að hámarki tíu daga og helgar eru leigðar út í heilu lagi, frá föstudegi til sunnudags. Að öðru leyti geta félagsmenn valið þann tíma sem þeir vilja dvelja í húsunum. Sumartíminn er frá 6. júní til og með 29. ágúst. Hægt er að nota inneign í VR varasjóði upp í leiguna. Bóka orlofshús á netinu.

Ársfundur deildar VR í Vestmannaeyjum

Tue, 01 Apr 2008 13:00:00 GMT

Ársfundur deildar VR í Vestmannaeyjum verður haldinn í fundarsal Vinnslustöðvarinnar mánudaginn 7. apríl 2008 og hefst kl. 19.30.

415 milljónir króna lagðar í varasjóð

Tue, 01 Apr 2008 11:00:00 GMT

Aðalfundur VR samþykkti í gærkvöldi, mánudagskvöldið 31. mars, að leggja rúmlega 400 milljónir króna inn á VR varasjóð félagsmanna og verður sjóðurinn uppfærður í samræmi við það. Yfirlit verða send félagsmönnum á næstu dögum.

Á fundinum var Hannes Þ. Sigurðsson gerður að heiðursfélaga VR en hann hefur unnið ötult starf í þágu félagsins í rúma hálfa öld.

Nýjum tímum fylgja nýjar aðferðir

Wed, 26 Mar 2008 12:00:00 GMT

Verkfallsaðgerðir hafa tekið miklum breytingum á undanförnum árum. Til að mynda hefur verkfallsdögum í Frakklandi fækkað en fyrirtækjum sem verða fyrir verkfallsaðgerðum hefur fjölgað. Starfsmenn á frönskum vinnumarkaði grípa nú frekar til þess ráðs að fara í styttri verkföll en lengri. Þá hefur tæknin gert launafólki kleift að beita nýjum aðferðum, sem skilað hafa áþreifanlegum árangri. Um þetta er fjallað í nýlegu tölublaði af The Economist.

Aðalfundur VR

Tue, 25 Mar 2008 11:00:00 GMT

Aðalfundur VR verður haldinn á Hilton Reykjavík Nordica mánudaginn 31. mars n.k. og hefst kl. 19:30. Dagskrá: venjuleg aðalfundarstörf, lagabreytingar.

Stranglega bannað !

Tue, 25 Mar 2008 10:00:00 GMT

Hvers vegna má ekki fara á sjúkrahús í skítugum nærbuxum og af hverju má ekki leggjast í sortir í veislum? Hver fann uppá því að það væri dónaskapur að reka tunguna út úr munninum? Lífið er fullt af reglum og skipulagi. Þegar maður er ungur fær maður að heyra hvað ekki má. Við erum flest uppfull af undarlegum reglum foreldranna og samfélagsins og oft höfum við ekki hugmynd um hvers vegna ekki má gera sumt sem við ekki gerum. Í hádegisfyrirlestri sem VR býður félagsmönnum sínum til næstkomandi fimmtudag er farið yfir margar af þeim ráðleggingum sem við fengum í arf frá okkar foreldrum og erum að berja inn í okkar eigin börn. Nánar um hádegisfyrirlestra VR og hvernig á að skrá sig á netinu.

Málamyndagjörningur til að komast hjá því að greiða lágmarkslaun

Tue, 18 Mar 2008 11:00:00 GMT

Héraðsdómur Reykjaness hefur dæmt fyrirtækið BB ehf. til að greiða félagsmanni VR, litháískri konu, rúmlega 440 þúsund krónur í laun og launaleiðréttingar auk dráttarvaxta og flugmiða heim. Fyrirtækið réð konuna til starfa ólöglega og greiddi henni laun langt undir lágmarkslaunum. Ráðningin var málamyndagerningur segir VR, til að komast hjá því að greiða lágmarkslaun. Lögmaður VR er ánægður með dóminn og segir fyrirtækið hafa reynt að komast bakdyramegin inn á íslenskan vinnumarkað.

Google á toppnum – aftur

Fri, 14 Mar 2008 11:00:00 GMT

Google trónir á toppi lista bandaríska viðskiptatímaritsins Fortune yfir 100 bestu vinnustaðina í Bandaríkjunum samkvæmt niðurstöðum könnunar sem birtar voru nýlega. Þetta er annað árið í röð sem Google toppar þennan lista. Starfsmenn Google segja fyrirtækið hafa skapað fyrirtækjamóral sem byggi á trausti til stjórnenda, góðum samskiptum, virðingu og sanngirni. Í könnuninni sögðust 85% vilja vinna hjá fyrirtækinu til langs tíma en það þykir afar sérstakt þegar haft er í huga að stærstur hluti starfsmanna er ungur að árum. Það er ljóst að gott orðspor fer af fyrirtækinu, alls berast því 1.300 starfsumsóknir á hverjum degi.

Kjarasamningurinn samþykktur með miklum meirihluta

Tue, 11 Mar 2008 14:00:00 GMT

Kjarasamningur VR og Samtaka atvinnulífsins var samþykktur með miklum meirihluta atkvæða en atkvæðagreiðslu lauk á hádegi í dag. Á kjörskrá voru 19.955 og greiddu 12,73% atkvæði eða 2.541. Alls samþykktu 72,3% samninginn en 25,3% höfnuðu honum. 2,4% tóku ekki afstöðu. Kjarasamningurinn var undirritaður þann 17. febrúar sl. og er gildistími hans frá 1. febrúar 2008 til 30. nóvember 2010.

Atkvæðagreiðslunni lokið

Tue, 11 Mar 2008 11:00:00 GMT

Atkvæðagreiðslu um nýjan kjarasamning VR og SA lauk kl. 12:00 á hádegi. Niðurstöður verða birtar hér á síðunni um leið og talningu lýkur.

Breyttur skilatími umsókna úr sjúkrasjóði

Mon, 10 Mar 2008 09:00:00 GMT

Félagsmenn athugið: skila þarf umsóknum um sjúkradagpeninga eða gögnum vegna umsókna í síðasta lagi miðvikudaginn 19. mars til að greiðsla geti borist þann 1. apríl. Almennur skiladagur er 21. dagur mánaðarins en það er frídagur í þessum mánuði.

Alþjóðlegur baráttudagur kvenna, 8. mars

Fri, 07 Mar 2008 12:00:00 GMT

Aðild kvenna að stéttarfélögum hefur aukist og er það til marks um aukna þátttöku þeirra á vinnumarkaði. Fjöldi kvenna í leiðtogastöðum innan hreyfingarinnar er þó ekki í takt við þessa þróun. Launamunur kynjanna er 16% að meðaltali í heiminum. Þetta er meðal þess sem kemur fram í umfjöllun um stöðu kvenna á heimasíðum hinnar alþjóðlegu verkalýðshreyfingar í tilefni af baráttudegi kvenna 8. mars.

Tveir lúðrar til VR

Mon, 03 Mar 2008 15:00:00 GMT

Auglýsing VR, Vinnan, þú hefur val, hlaut tvenn verðlaun þegar viðurkenningar voru veittar fyrir bestu auglýsingar ársins 2007 á Ímark hátíðinni fyrir skemmstu. Auglýsingin hlaut verðlaun í flokknum Almannaheillaauglýsingar, bæði sem besta sjónvarpsauglýsingin og besta auglýsing í prentmiðlum. Þetta eru níundu verðlaunin sem VR fær fyrir auglýsingar sínar á innan við áratug.

Virkar þú dóni á útlendinga? Hvernig landar þú viðskiptum erlendis?

Mon, 03 Mar 2008 14:00:00 GMT

...þessum spurningum og miklu fleirum verður svarað á námskeiðaröðinni Menningarlegur margbreytileiki í viðskiptum sem starfsmenntasjóður verslunarinnar stendur fyrir. Tilgangur námskeiðanna er að þau nýtist einstaklingum í ljósi þess að samskipti við viðskiptavini og starfsfólk af mismunandi þjóðerni eru í sífellt meira mæli orðin hluti af daglegu lífi á vinnustaðnu og árangur í viðskiptum á erlendri grundu getur staðið og fallið með þekkingu á menningarmuninum.

Atkvæðagreiðsla um kjarasamning VR og SA stendur til 11. mars

Wed, 27 Feb 2008 12:00:00 GMT

Atkvæðagreiðsla um kjarasamning VR og SA, sem undirritaður var þann 17. febrúar sl., stendur til kl. 12:00 á hádegi þann 11. mars nk. Atkvæðagreiðslan er rafræn og hefur öllum kosningabærum félagsmönnum verið sent bréf með helstu upplýsingum um samninginn og veflykill til að greiða atkvæði. Ef þú hefur ekki fengið bréf, vinsamlega hafðu samband við þjónustuver VR í síma 510 1700. Félagsmönnum er einnig velkomið að koma á skrifstofur VR þar sem þeir geta greitt atkvæði. Atkvæðagreiðslan er leynilega og fullrar nafnleyndar er heitið.

A new collective wage agreement was signed between VR (Commercial Workers' Union) and SA (the Confederation of Icelandic Employers) on 17 February. The agreement will be put to a vote by means of electronic voting that will conclude at 12:00 noon on 11 March. The vote is secret and complete anonymity is promised.

Nowa umowa zbiorowa została podpisana pomiędzy VR oraz SA (Stowarzyszenia Pracodawców) w dniu 17 lutego tego roku. Umowa zostanie przedstawiona związkowcom do głosowania, które zostanie przeproweadzone drogą elektroniczną, a będzie trwało ono do godziny 12:00 w południe, dnia 11 marca. Głosowanie jest tajne i nazwiska głosujących nie zostaną podane do wiadomości.

Gjafabréfin búin

Wed, 27 Feb 2008 08:00:00 GMT

Því miður hafa öll gjafabréf í sumar og sól verið sótt. Við þökkum frábærar viðtökur. Þau gjafabréf sem ekki verða nýtt verða í boði aftur í byrjun apríl. Ef þú hefur glatað gjafabréfinu þínu eða gast ekki prentað það út, geturðu sótt það á Mínum síðum, á síðunni Gjafabréf 2008.

Fresturinn framlengdur til 3. mars

Tue, 26 Feb 2008 15:00:00 GMT

Frestur til að svara í könnun VR á fyrirtæki ársins og launakjörum 2008 hefur verið framlengdur til 3. mars. Við hvetjum félagsmenn til að svara könnuninni en með henni fá þeir í hendurnar tvö öflug tæki til að styrkja stöðu sína á vinnumarkaði.

Lúðurinn 2007 - þrjár tilnefningar fyrir VR

Fri, 22 Feb 2008 15:00:00 GMT

Enn og aftur fá auglýsingar VR tilnefningu til íslensku auglýsingaverðlaunanna, Lúðurinn, en sjaldan hafa fleiri auglýsingar verið sendar inn til keppninnar en í ár eða 630. VR fær þrjár tilnefningar í flokkunum Almannaheillaauglýsingar í sjónvarpi og prentmiðlum. Auglýsingarnar eruúr herferðinni Vinnan sem sýnd var sl. haust. Úrslit verða kynnt 29. febrúar nk. Nánar um auglýsingar VR.

Hvað þýðir samningurinn fyrir þig?

Thu, 21 Feb 2008 14:00:00 GMT

- reiknivél á vef VR fyrir launabreytingar samkvæmt nýja kjarasamningnum við SA

Samkvæmt kjarasamningi VR og Samtaka atvinnulífsins frá 17. febrúar 2008 hækka lágmarkslaunataxtar auk þess sem samið var um launaþróunartryggingu fyrir þá sem taka laun yfir lágmarkslaunatöxtum og hafa verið í starfi hjá sama fyrirtæki allt árið 2007. Á vef VR er nú birtur samanburður á lágmarkslaunatöxtum samkvæmt samningi frá 2007 og þeim samningi sem nú hefur verið undirritaður 2008. Þá birtum við einnig reiknivél fyrir launaþróunartrygginguna. Sjá hér.

Skilafrestur framlengdur

Thu, 21 Feb 2008 12:00:00 GMT

- gleymdirðu nokkuð könnuninni?

Ákveðið hefur verið að framlengja skilafrest á könnun VR á Fyrirtæki ársins og launakjörum til 29. febrúar n.k. Við hvetjum alla félagsmenn að taka þátt í þessari stærstu vinnumarkaðskönnun landsins. Niðurstöðurnar eru þér og öðrum félagsmönnum mikilvægt og öflugt vopn í baráttunni fyrir bættum kjörum.

Gjafabréfum frestað - verða í boði frá og með miðvikudeginum 27. febrúar

Wed, 20 Feb 2008 15:00:00 GMT

Miðvikudaginn 27. febrúar n.k. kl. 8:30 verður opnað fyrir umsóknir á vefnum um gjafabréf í sólina fyrir félagsmenn VR í sumar. Eins og kunnugt er kom tæknibilun í veg fyrir að hægt væri að sækja gjafabréf á Mínar síður eins og auglýst var í VR blaðinu. Alls er um að ræða 150 gjafabréf í ferðir með Sumarferðum, Úrval Útsýn og Plúsferðum. Allir sem eiga lykilorð (sækja um lykilorð) geta notað það til að sækja gjafabréf miðvikudaginn 27. febrúar. Athugið að aðeins er hægt að nota eitt gjafabréf fyrir hverja bókun. Við minnum á að þau gjafabréf sem ekki verða notuð í síðasta lagi 31. mars verður hægt að sækja um aftur í apríl. Sjá nánar um gjafabréfin.

Átt þú barn á leikskóla?

Tue, 19 Feb 2008 13:00:00 GMT

Að njóta foreldrahlutverksins enn betur; gagn og gaman fyrir foreldra leikskólabarna er fyrirsögn á fyrirlestri Ólafs Grétars Gunnarssonar fjölskylduráðgjafa í fyrirlestrasal VR í hádeginu fimmtudaginn 21. febrúar milli kl. 12 og 13. Fyrirlesturinn er kynning á námskeiði sem ætlað er til að hjálpa foreldrum að ná betri yfirsýn og finna aðferðir til að verða ánægðari foreldrar með ánægðari börn. Námskeiðið hjálpar til að draga úr spennu, rifrildum og deilum í fjölskyldum; það skapar afslappaðra, vinsamlegra andrúmsloft á heimilinu og eykur virðingu fjölskyldumeðlima fyrir hvor öðrum og gefur börnunum tækifæri á ,"betri byrjun í lífinu."

Opnað fyrir gjafabréfin á miðvikudag

Mon, 18 Feb 2008 10:00:00 GMT

Frá og með morgni miðvikudagsins 20. febrúar verður hægt að sækja um gjafabréf í sólina á vef VR. Í nýjasta tölublaði VR blaðsins, sem berst félagsmönnum þessa dagana, er fjallað um tilboð til félagsmanna um ferðir í sólina í sumar. Sjá nánari upplýsingar.

Orlof lengt og taxtar hækka um 18 þúsund

Sun, 17 Feb 2008 21:00:00 GMT

Skrifað var undir kjarasamning við Samtök atvinnulífsins í húsakynnum sáttasemjara í kvöld, sunnudagskvöldið 17. febrúar, og gildir hann til 30. nóvember 2010. Lágmarkslaun hækka um kr. 18.000 við undirskrift, gert er ráð fyrir 5,5% launaþróunartryggingu milli áranna 2007 og 2008 og orlofsdögum fjölgar. Gunnar Páll Pálsson, formaður VR, segir niðurstöðuna ásættanlega fyrir félagsmenn VR. Meginkrafa félagsins í viðræðunum hafi verið að hækka lægstu launin og rétta hlut þeirra sem setið hafa eftir í launskriði síðustu missera, fjölga orlofsdögum, hækka verulega slysatryggingar til samræmis við hið opinbera auk fleiri atriða. Gunnar segir að þessi meginmarkmið hafi náðst og aðkoma ríkisstjórnarinnar, sem kynnt var í dag, feli að auki í sér skattalækkanir sem koma þeim tekjulægstu sérstaklega til hagsbóta.

Samningar í sjónmáli

Thu, 14 Feb 2008 12:00:00 GMT

Aðildarfélög ASÍ og SA hafa orðið ásátt um helstu atriði launaliðs nýrra kjarasamninga og voru þau kynnt í yfirlýsingu frá ASÍ í hádeginu. Þetta samkomulag er með fyrirvara um að ásættanleg niðurstaða fáist í viðræðum aðildarsamtakanna um sérmál. Gunnar Páll Pálsson, formaður VR, segir þessar áherslur ásættanlegar fyrir félagsmenn VR, hækkun launataxta og launaþróunartrygging sem VR hafi lagt áherslu á. Þannig verði unnt að tryggja hag þeirra sem hafa dregist aftur úr. Nú ríði á að ná samkomulagi um sérkröfurnar. Yfirlýsingin frá ASÍ er birt í heild sinni hér að neðan.

Dagur menntunar í ferðaþjónustu

Thu, 14 Feb 2008 11:00:00 GMT

Samtök ferðaþjónustunnar halda fund 19. febrúar 2008 kl. 14:00-17:00 á Grand Hótel Reykjavík (Gullteigur A) og er markmið fundarins að ræða mikilvægi fræðslu og símenntunar starfsfólks í ferðaþjónustu. Helstu starfsmenntasjóðir vera með kynningu á starfsemi sinni. Fundurinn er ókeypis, en þátttaka tilkynnist í síma 511-8000 eða með tölvupósti info@saf.is. Sjá dagskrá fundarins. Starfsmenntasjóður verslunar- og skrifstofufólks er einn styrktaraðila ráðstefnunnar en sjóðurinn var stofnaður á grundvelli samninga VR og SA frá 2000.

Rætt um opnunarákvæði samninga

Thu, 31 Jan 2008 15:00:00 GMT

Viðræður um endurnýjun kjarasamninga halda áfram í þessari viku og er fundur fyrirhugaður með vinnuveitendum á morgun, föstudag. Helst er rætt um hvernig haga skuli opnunarákvæði samninganna, verði samið til lengri tíma en 1-2 ára. Það tefur hins vegar viðræðurnar að vinnuveitendur gera þá kröfu að allir aðilar fylgist að í þessum viðræðum, en sem kunnugt er slitnaði uppúr samfloti verkalýðshreyfingarinnar í upphafi árs.

VR vill nota tækifærið og minna félagsmenn sína á að þar sem kjarasamningar runnu út um síðastliðin áramótu urðu engar breytingar um áramótin, hvorki á launum né öðrum þáttum samninga.

Framboðsfrestur

Wed, 30 Jan 2008 13:00:00 GMT

Ákveðið hefur verið að efna til allsherjaratkvæðagreiðslu um kjör stjórnar og trúnaðarráðs VR fyrir árið 2008. Framboðslistum skal skila á skrifstofu félagsins, Húsi verslunarinnar, Kringlunni 7, ö13 Reykjavík, eigi síðar en kl. 12:00 á hádegi þriðjudaginn 12. febrúar n.k. Sjá auglýsingu.

Launamiðarnir á Mínum síðum

Thu, 24 Jan 2008 09:00:00 GMT

Launamiðar til félagsmanna sem fengið hafa sjúkradagpeninga, styrki, greiðslur úr varasjóði og/ eða fræðslusjóði verða póstlagðir í dag. Launamiðarnir eru einnig birtir á Mínum síðum á vefnum (sækja um lykilorð). Leiðbeiningar fyrir útfyllingu skattframtals er að finna í bréfunum sem og á Mínum síðum. Vinsamlega athugið að greiðslur úr sjúkra-, starfsmennta- og varasjóðum eru framtalsskyldar.

Kosið á framboðslista til stjórnar í fyrsta sinn í áraraðir

Wed, 23 Jan 2008 11:00:00 GMT

Spenna ríkti á fundi trúnaðarráðs og trúnaðarmanna VR á vinnustöðum í gærkvöldi þegar kosið var á milli einstaklinga á framboðslista til stjórnar. Þetta var í fyrsta sinn í áraraðir sem kosning fór fram og ekki laust við að kosningaskjálfta hafi gætt á fundinum. Heitar framboðsræður voru haldnar og mikil spenna myndaðist þegar talning hófst - enda mikið í húfi. Þessi fundur boðaði breytta tíma í félaginu. Á myndinni má sjá samþykktan framboðslista til formanns, stjórnar og varastjórnar (smelltu á myndina til að stækka hana), frá vinstri Jón Hrafn Guðjónsson, Steinunn Guðmundsdóttir, Benedikt Vilhjálmsson, Jóhanna S. Rúnarsdóttir, Gunnar Páll Pálsson, Lykke Bjerre Larsen, Steinar J. Kristjánsson, Sigurður Sigfússon, Þorlákur Jóhannsson, Stefanía Magnúsdóttir og Jón Magnússon.

Hvikum ekki af braut

Wed, 23 Jan 2008 10:00:00 GMT

- trúnaðarráð og trúnaðarmenn funduðu í gær og endurnýjuðu umboð til samninganefndar

Trúnaðarráð VR og trúnaðarmenn félagsins á vinnustöðum samþykktu í gær að veita samninganefnd félagsins áframhaldandi umboð í kjarasamningaviðræðunum til að halda áfram á þeirri braut sem lögð var í nóvember síðastliðnum. Þetta felur í sér að VR mun ekki hvika frá þeim áherslum sem samþykktar voru á fundi ráðsins og trúnaðarmanna þann 27. nóvember (sjá frétt) en þær miða að því að rétta hlut þeirra lægst launuðu og þeirra sem hafa orðið eftir í því launaskriði sem stórir hópar í þjóðfélaginu hafa notið undanfarin misseri.

Er fegurð ávísun á velgengni?

Mon, 21 Jan 2008 15:00:00 GMT

Ímyndaðu þér að þú sért að ráða manneskju í vinnu og þarft að gera upp á milli tveggja umsækjenda. Þeir eru af sama kyni, ferilskrár þeirra eru jafngóðar og þeir standa sig jafnvel í ráðningarviðtalinu. En – og þessi staðreynd fer ekki framhjá þér – annar er myndarlegur en hinn einfaldlega bara ljótur. Hefur það áhrif á það hvorn þú ræður?

Á þennan hátt hefst umfjöllun í bandaríska viðskiptatímaritinu The Economist nýlega þar sem fjallað var um hvort tengsl séu á milli þess hvernig fólk lítur út og hversu farsælt það er.

Hnattvæðing og nútíma fólksflutningar

Thu, 17 Jan 2008 09:00:00 GMT

Samstarfshópurinn Allar heimsins konur boðar til ráðstefnu miðvikudaginn 23. janúar á Grand Hótel – sjá dagskrá ráðstefnunnar. Markmiðið er að vekja athygli á stöðu kvenna í heimi hnattvæðingar og efla umræðuna. Sérstök áhersla er á að raddir kvenna af erlendum uppruna á Íslandi heyrist. Allar heimsins konur samanstendur af konum frá ýmsum stofnunum og samtökum og vinnur að því að deila upplýsingum og þekkingu á stöðu erlendra kvenna í íslensku samfélagi. VR er einn stuðningsaðila ráðstefnunnar.

Baksýnisspegill og sérkröfur

Fri, 11 Jan 2008 12:00:00 GMT

Stjórn VR, sem jafnframt er samninganefnd félagsins, fundaði eftir að uppúr samfloti verkalýðshreyfingarinnar í kjarasamningaviðræðunum slitnaði fyrr í vikunni og afréð að halda áfram á þeirri braut sem hún markaði sér undir lok síðasta árs. Sú braut felur í sér að semja um baksýnisspegil í launamálum, ef orða má það sem svo, jafna slysatryggingar á við aðrar stéttir, lengja orlof, setja skýrari ramma utan um launaviðtöl o.fl. (sjá nánar).

Atvinnuleysi minnkar verulega á milli ára

Wed, 09 Jan 2008 15:00:00 GMT

Atvinnuleysi meðal félagsmanna VR dróst saman á milli áranna 2006 og 2007 um 29% - árið 2006 fengu rúmlega 1.200 félagsmenn greiddar atvinnuleysisbætur en árið 2007 voru þeir 866. Árið 2005 fengu rúmlega 1.900 félagsmenn greiddar bætur og hefur því félagsmönnum sem fengu greiddar atvinnuleysisbætur fækkað um rúmlega helming á tveimur árum.

Hvorki gengur né rekur

Wed, 09 Jan 2008 11:00:00 GMT

Það veldur okkur vonbrigðum hversu hægt hefur gengið í kjarasamningaviðræðum, segir formaður VR, og tími til kominn að reyna á hvort raunverulegur vilji sé til samninga.

Við hringjum í þig

Tue, 08 Jan 2008 12:00:00 GMT

Könnun VR á fyrirtæki ársins og launakjörum félagsmanna er að skella á og verður hringt í alla fullgilda félagsmenn á næstu dögum og þeim boðin þátttaka. Capacent Gallup mun annast gagnavinnslu og framkvæmd könnunarinnar og verður farið með öll svör sem trúnaðarmál. Könnunin sjálf verður svo send til þátttakenda í febrúar. Niðurstöðurnar verða birtar í tvennu lagi: fyrirtæki ársins verður kynnt í maí en niðurstöðurnar úr launakönnuninni í september. Það skiptir miklu máli að allir taki þátt því hvert svar skiptir máli. Við hvetjum því alla félagsmenn til þátttöku – í boði er glæsilegur ferðavinningur. Nánar um könnun á Fyrirtæki ársins 2008 og Launkönnun.

Nú er tækifærið

Fri, 04 Jan 2008 08:00:00 GMT

- til að skipuleggja sumarfríið og klára málið tímanlega

Nú er hægt að bóka orlofshús VR allt að 36 vikur fram í tímann - fyrstur pantar fyrstur fær. Hægt er að bóka á netinu, í þjónustuveri VR í síma 510 1700 eða á skrifstofum VR. Bóka verður lágmark 2 daga og hámark 10 daga í senn, en að öðru leyti er fólki frjálst að velja þann tíma sem það vill dvelja í orlofshúsunum. Sumarleiga er frá 6. júní til og með 31. ágúst. Helgarnar verða leigðar í heilu lagi, frá föstudegi og fram á sunnudag. Athugið að ný vika dettur inn á hverjum miðvikudegi. Hægt er að nýta inneign í VR varasjóði upp í leiguna.

Bóka orlofshús á netinu
Orlofshús VR á Íslandi

Hvað breytist um áramót?

Mon, 31 Dec 2007 10:00:00 GMT

Félagsmenn athugið að þann 1. janúar 2008 hækkar persónuafsláttur einstaklinga í 34.034 krónur á mánuði. Staðgreiðsluprósentan er óbreytt, 35,72%. Nánar á upplýsingasíðu ríkisskattstjóra.

Við hjá VR viljum nota tækifærið og óska félagsmönnum nær og fjær sem og landsmönnum öllum farsældar á nýju ári með þökkum fyrir liðin ár.

Óskum ykkur gleðilegra jóla

Thu, 20 Dec 2007 15:00:00 GMT

Starfsfólk VR óskar félagsmönnum og landsmönnum
öllum gleðilegra jóla og farsældar á komandi ári.

Við viljum benda á að skrifstofan verður lokuð á
aðfangadag en opin að venju milli jóla og nýárs.

Hefur þú áhuga á að starfa í forystu VR?

Tue, 18 Dec 2007 10:00:00 GMT

Samkvæmt lögum VR auglýsir kjörstjórn eftir framboðum í stjórn og trúnaðarráði félagsins.

Hefurðu fengið desemberuppbótina þína?

Mon, 17 Dec 2007 09:00:00 GMT

Samkvæmt kjarasamningum á að greiða desemberuppbót eigi síðar en þann 15. desember. Desemberuppbótin er mismunandi eftir samningum, fyrir fullt starf á árinu er hún kr. 47.400, skv. kjarasamningi VR og SA, en kr. 65.000 skv. kjarasamningi VR og FÍS. Ástæðan er sú að í samningum VR og FÍS er orlofsuppbót innifalin í desemberuppbótinni. Sjá allar upplýsingar um desemberuppbótina og reiknivél.

Hver fær 2008 árgerðina?

Fri, 07 Dec 2007 12:00:00 GMT

Könnun VR á fyrirtæki ársins 2008 er að skella á. Þetta er viðamesta könnun á vinnuumhverfi í íslenskum fyrirtækjum. Niðurstöðurnar eru stjórnendum mikilvægur mælikvarði á það hvað vel er gert og hvað má betur fara. Starfsmenn fyrirtækisins fá tækifæri til að segja stjórnendum hvað þeim finnst um vinnustaðinn og fá samanburð við önnur fyrirtæki á markaðnum. Vertu til fyrirmyndar og taktu þátt.

Skila þarf umsóknum um sjúkradagpeninga til VR 17. desember

Fri, 07 Dec 2007 11:00:00 GMT

Félagsmenn athugið að skila þarf umsóknum um sjúkradagpeninga eða gögnum vegna umsókna í síðasta lagi mánudaginn 17. desember til að greiðsla geti borist þann 1. janúar. Almennur skiladagur er 21. dagur mánaðarins en vegna jólafrídaga er sá fyrirvari of skammur til að hægt sé að afgreiða umsóknina tímanlega fyrir mánaðamót.

Stöðugleiki og endurskoðun launa

Tue, 04 Dec 2007 13:00:00 GMT

Vinna við endanlega kröfugerð VR í kjarasamningaviðræðunum er á lokastigi og er fyrirhugað að leggja hana fram eftir helgi. Áherslur um aðra þætti en þá sem snúa að launaliðnum liggja þegar fyrir en ennþá á eftir að fullgera kröfurnar sem snúa að launaliðnum. Á föstudag er fyrirhugaður fundur um sameiginlegar kröfur aðildarfélaga ASÍ gagnvart vinnuveitendum og stjórnvöldum.

Passaðu uppá hvíldartímann þinn

Mon, 03 Dec 2007 09:00:00 GMT

Nú er genginn í garð annasamasti tími starfsfólks í verslunum, sjálf jólavertíðin. Vinnuálagið er mikið og stundum gleymist að starfsmenn verslana þurfa sinn hvíldartíma eins og aðrir. Samkvæmt kjarasamningum eiga félagsmenn VR rétt á 11 klukkustunda hvíld á sólarhring og a.m.k. einum frídegi í viku. Í jólavertíðinni er mikilvægt að halda utan um vinnutímann, mikið er um yfirvinnu og dagarnir langir, og því brýnt að starfsmenn skrái hjá sér vinnustundirnar sínar. Og að lokum er vert að minna á desemberuppbótina sem á að greiða í síðasta lagi 15. desember. Hér má sjá yfirlit yfir helstu réttindi starfsmanna í verslun á þessum annatíma og reiknivél til að reikna út desemberuppbótina.

Virkjum 300.000 íslenskukennara

Wed, 28 Nov 2007 11:00:00 GMT

Alþjóðahús, VR, ASÍ, Efling og SVÞ hafa tekið höndum saman og látið gera barmmerki til að virkja íslenskukennara landsins gagnvart erlendu starfsfólki. Merkin minna okkur á að það tekur tíma að læra nýtt tungumál og hvetja okkur jafnframt til þess að sýna þolinmæði og jákvæðni. Allir geta lagt eitthvað af mörkum.

Barmmerkjunum verður dreift til aðildarfélaga ASÍ og aðildarfyrirtækja SVÞ-samtaka verslunar og þjónustu um allt land og til símenntunarmiðstöðva. Þá verður hægt að hafa samband við Alþjóðahúsið, ASÍ, VR eða Eflingu til að fá fleiri merki.

Viltu styrkja þig í starfi?

Wed, 28 Nov 2007 11:00:00 GMT

Starfandi verslunarfólki stendur til boða sérsniðið nám sem ætlað er að auka verslunarfærni þess og almenna persónulega færni til að takast á við fjölbreytt og krefjandi starf í nútímaverslun. Verslunarfagnám er kennt hjá Mími-símenntun og er skráning hafin á vorönn 2008.

Ábyrgð í launakröfum og varfærin skref í áfallatryggingasjóði

Tue, 27 Nov 2007 11:00:00 GMT

Á fundi trúnaðarráðs og trúnaðarmanna VR í gærkvöldi, mánudagskvöldið 26. nóvember, var samþykkt að leggja áherslu á að tryggja hag þeirra lægstlaunuðu í komandi kjarasamningaviðræðum með sérstakri hækkun launataxta og launaþróunartryggingu.

Mundu eftir desemberuppbótinni

Mon, 26 Nov 2007 11:00:00 GMT

Desember er handan við hornið og jólin að skella á. Samkvæmt kjarasamningum á að greiða desemberuppbót eigi síðar en þann 15. desember en margir fá hana greidda með launum um næstu mánaðamót. Desemberuppbótin er mismunandi eftir samningum, fyrir fullt starf á árinu er hún kr. 47.400, skv. kjarasamningi VR og SA, en kr. 65.000 skv. kjarasamningi VR og FÍS. Ástæðan er sú að í samningum VR og FÍS er orlofsuppbót innifalin í desemberuppbótinni. Á vefnum getur þú fengið allar upplýsingar um desemberuppbótina og nálgast reiknivél til að reikna út hversu há þín uppbót er.

Heil og sæl

Wed, 21 Nov 2007 14:00:00 GMT

Heilsueflingarverkefnið Heil og sæl í vinnunni er nú formlega hafið á Íslandi. Markmið verkefnisins er að auka vitund innan vinnustaða á mikilvægi þess að efla heilsu og forvarnir. Heilsuefling á vinnustöðum er góð fjárfesting í mannauði og skilar ávinningi fyrir vinnustaði jafnt sem starfsmenn. Verkefnið er unnið í samvinnu við önnur Evrópulönd, hér á landi hefur Vinnueftirlit ríkisins umsjón með verkefninu sem unnið er í nánu samstarfi við Lýðheilsustöð. Vinnustaðir geta skráð sig til þátttöku í verkefninu á www.heilsuefling.is fram til 10. janúar 2008.

Breyttur opnunartími í Hafnarfirði

Tue, 20 Nov 2007 15:00:00 GMT

Skrifstofa VR í Hafnarfirði verður opin á þriðjudagsmorgnum í desember frá kl. 8:30 til kl. 12:00 á hádegi.

Vinnan - leiðari 5. tbl. VR blaðsins 2007

Thu, 15 Nov 2007 00:00:00 GMT

Krafa félagsmanna um betra jafnvægi milli vinnu og einkalífs fer vaxandi. Á undanförnum áratugum hefur álag í vinnu aukist, margir eiga í vanda við að samræma vinnuna skóla- og tómstundastarfi barna, hvað þá ef sinna þarf öldruðum foreldrum.

Markaðu þér spor!

Wed, 14 Nov 2007 13:00:00 GMT

Hefur þú áhuga á að:

skoða möguleika á námi?
fá upplýsingar um nám eða störf?
fá aðstoð við að kanna áhugasvið þitt og færni?
setja þér markmið og gera áætlun um nám eða starfsþróun?
fá aðstoð við að takast á við hindranir í námi?
fá leiðsögn um árangursrík vinnubrögð í námi og starfi?
auka möguleika í starfi og á vinnumarkaði?

Jólatörnin er hafin !

Tue, 13 Nov 2007 11:00:00 GMT

Jólaverslunin er hafin þó flestir Íslendingar kaupi jólagjafirnar í desember. Rannsóknasetur verslunarinnar spáir því að jólaverslunin í ár verði 9,4% meiri en á síðasta ári og er það töluvert meiri aukning en á hinum Norðurlöndunum. Þetta kom fram á blaðamannafundi í dag. VR vill benda starfsfólki verslana á að kynna sér vel réttindi sín í jólavertíðinni en þetta er einmitt mesti annatími verslunarmanna.

Viðræður hafnar

Fri, 09 Nov 2007 13:00:00 GMT

Þessa daga stendur yfir könnun meðal félagsmanna um áhersluatriði í komandi kjarasamningunum og er niðurstaðna að vænta síðar í þessum mánuði. Viðræður eru hafnar milli VR og Samtaka atvinnulífsins og er stefnt á að í nóvember kynni aðilar óskir um breytingar á ákvæðum kjarasamninga, öðrum en þeim sem lúta að kaupliðum. Viðræður verði skipulagðar um einstaka þætti. Þá hefjist einnig viðræður um kaupliði kjarasamninga. Jafnframt verði haldið áfram umræðum um aðra þætti að því marki sem lausn ágreiningsefna um þá kann að tengjast umræðum um kaupliði, þ.m.t. launataxta og álagsgreiðslur.

Veikindadögum fækkar

Thu, 01 Nov 2007 16:00:00 GMT

Á árunum 2000 til 2006 dró úr veikindafjarvistum á vinnumarkaði, úr ríflega 4% í 3,7% en það samsvarar fækkun úr 9,1 degi að meðaltali í 8,4 daga. Veikindi eru tíðari meðal yngri starfsmanna en þeirra eldri. Þetta kemur fram í rannsókn Heilbrigðisþjónustu InPro sem gerð var í samstarfi við Alþýðusamband Íslands og Samtök atvinnulífsins.

Af hvaða kynslóð ertu?

Thu, 01 Nov 2007 11:00:00 GMT

Baby boomer kynslóðin er kappsfull, X-kynslóðin er úrræðagóð og Y-kynslóðin - eða þúsaldarkynslóðin - er raunsæ. Áhrifavaldar þeirrar fyrstnefndu eru Vietnam og Woodstock, þessi í miðjunni er undir áhrifum MTV en sú síðastnefnda er undir áhrifum af 9/11 og internetsins.

Allt þetta hefur áhrif á viðhorfið til vinnunnar - en hvernig er þá hægt að brúa bilið milli kynslóða á vinnustaðnum?

Viðræðuáætlun vegna kjarasamninga

Wed, 31 Oct 2007 14:00:00 GMT

Undirrituð hefur verið viðræðuáætlun vegna endurnýjunar kjarasamninga milli VR og LÍV annars vegar og SA hins vegar en þeir eru lausir um áramót.

Mannsæmandi vinna fyrir mannsæmandi líf

Wed, 31 Oct 2007 11:00:00 GMT

Helmingur vinnuafls í heiminum fær innan við 2 Bandaríkjadollara í laun á dag. Rúmlega 12 milljónir vinna þrælkunavinnu og 200 milljónir barna undir 15 ára aldri eru í vinnu í stað þess að ganga menntaveginn. Félagsleg vernd meirihluta þeirra sem starfa í hinu óformlega hagkerfi er nánast engin og réttindi þeirra oft og tíðum fótum troðin. Þetta er ástæða þess að ITUC, Alþjóðasamband verkalýðsfélaga, hleypir í dag, fimmtudaginn 31. október 2007, af stokkunum herferð fyrir mannsæmandi vinnu.

Hvaða leið eigum við að fara?

Thu, 25 Oct 2007 12:00:00 GMT

Fyrirheitna landið er fjarlægt eins og Timbuktú. Spurningin er hvernig við komumst þangað. Þetta sagði Margrét Pála Ólafsdóttir á ráðstefnu sem haldin var í tilefni af kvennafrídeginum, 24. október. Bæði konur og karlar telja karlmenn verðmeiri á vinnumarkaði, að því er kemur fram í rannsókn sem kynnt var á ráðstefnunni. Launaleynd var mikið til umræðu, bæði í ávarpi Jóhönnu Sigurðardóttur félagsmálaráðherra og í pallborðsumræðum.

Til hamingju með daginn, stelpur

Tue, 23 Oct 2007 14:00:00 GMT

Kvennafrídagurinn, 24. október, er helgaður baráttunni fyrir jafnrétti. Í ár hafa félagsmenn VR ástæðu til að fagna; launakönnun árið 2007 bendir til þess að baráttan sé að skila árangri, munurinn á launum kynjanna dróst saman um fjórðung á milli áranna 2000 og 2007. Nýtum þennan dag til að skoða hvar við erum staddar, látum í okkur heyra og tökum þátt í þeim atburðum sem boðið er uppá, hvort sem það er ráðstefna, sund eða hvað sem vera skal. Munum svo eftir að klæðast bleiku í tilefni dagsins.

Hver ert þú?

Mon, 22 Oct 2007 14:00:00 GMT

VR leggur áherslu á að þróa vefinn í samræmi við óskir notenda hans: Það er ástæða þess að við spyrjum Hver ert þú?

Hæfilegt álag er heilsu best

Sun, 21 Oct 2007 15:00:00 GMT

Vinnuverndarvikan 2007 er haldin dagana 22. til 26. október. Vikan fjallar að þessu sinni um orsakir líkamlegra álagseinkenna s.s. verki í baki, hálsi og herðum. Hápunkturinn er ráðstefna á Grand Hótel 23. október kl. 13.00-16.00 um varnir gegn líkamlegum álagseinkennum. Ráðstefnan er öllum opin og aðgangur ókeypis. Nánar á vef vinnvuerndarvikunnar.

Njótum... af heilum hug

Thu, 18 Oct 2007 14:00:00 GMT

Vinnuvikan hefur ekkert styst í mörg ár – hún var 45 stundir að meðaltali hjá félagsmönnum VR árið 1999 og 45 stundir er hún í ár. Reyndar fór hún niður í 43 stundir um miðbik þessa tímabils en það var því miður ekki varanleg stytting. Á sama tíma hefur hraðinn aukist á öllu og öllum í þjóðfélaginu með tilheyrandi stressi og tímaskorti. Í svona miklum asa vill það oft gleymast það er undir okkur sjálfum komið að forgangsraða í okkar eigin lífi. Við eigum val - njótum tímans utan vinnu af heilum hug. Þetta er megininntak nýrrar auglýsingaherferðar VR -sjónvarpsauglýsing verður frumsýnd að kvöldi fimmtudagsins 18. október (windows media 3,5 mb og windows media 5 mb ) og dagblaðaauglýsing birtist frá og með föstudeginum 19. október.

Hver ert þú?

Mon, 15 Oct 2007 15:00:00 GMT

Mikil aukning hefur verið á heimsóknum á vef VR og var umferð um vefinn í september síðastliðinn nær tvöfalt meiri en í september fyrir fjórum árum. Áhersla er lögð á að þróun vefsins sé í samræmi við óskir notenda hans og því spyrjum við Hver ert þú? Okkur þætti vænt um ef þú gætir svarað nokkrum spurningum og tekið þannig þátt í að gera vefinn enn betri fyrir notendur (svara könnun).

Velferðarsamfélagið í forgrunni

Mon, 15 Oct 2007 10:00:00 GMT

Ársfundur Alþýðusambands Íslands 2007 verður haldinn 18. og 19. október næstkomandi. Eitt af helstu málefnum fundarins verður Norræna velferðarsamfélagið og vinnumarkaðsmódelið og hvernig treysta megi frekar velferð og vinnumarkaðinn hér á landi. Auk þess munu kjaramálin og efnahagsmálin vega þungt enda flestir samningar lausir um áramótin. Rúmlega 70 fulltrúar VR munu sitja fundinn. Sjá nánar um ársfundinn á heimasíðu ASÍ.

Eyjamenn samþykkja sameiningu

Tue, 09 Oct 2007 08:00:00 GMT

Tillaga stjórnar Verslunarmannafélags Vestmannaeyja, VFV, um sameiningu við VR var samþykkt með öllum greiddum atkvæðum á aðalfundi félagsins í gærkvöldi. Samþykkt var að stofna sérstaka deild VR í Vestmannaeyjum.

Aðalfundur Verslunarmannafélags Vestmannaeyja

Fri, 05 Oct 2007 14:00:00 GMT

Aðalfundur Verslunarmannafélags Vestmannaeyja verður haldinn mánudaginn 8. október n.k. en á fundinum verður tekin fyrir tillaga stjórnar og trúnaðarráðs um sameiningu við VR.

Morgunverðarfundir í boði í Vestmannaeyjum

Fri, 05 Oct 2007 13:00:00 GMT

VR hefur undanfarin ár boðið félagsmönnum til skrafs og ráðagerða á svokallaða morgunverðarfundi. Tveir slíkir verða haldnir í Vestmannaeyjum í næstu viku.

Ofbeldi gegn breskum verslunarmönnum eykst

Thu, 04 Oct 2007 16:00:00 GMT

Ný könnun á vegum samtaka verslunar og þjónustu í Bretlandi sýnir mikla fjölgun á hótunum og ofbeldi í garð starfsfólks verslana á síðasta ári - ofbeldisverkum hefur fjölgað um 50%. Um er að ræða niðurstöður árlegrar könnunar á vegum British Retail Consortium, BRC, en þær verða kynntar í heild í lok október. Helstu niðurstöður hafa hins vegar verið birtar og er fjallað um þær á heimasíðu BRC og USDAW, stéttarfélags verslunarfólks í Bretlandi.

Tryggja verður réttindi útlendinga

Thu, 27 Sep 2007 15:00:00 GMT

Vinnumálastofnun undirbýr nú vinnustaðaheimsóknir á næstu dögum í sérstöku átaki gegn brotastarfsemi fyrirtækja og félagslegum undirboðum með útlendinga. Markmiðið er að tryggja að fyrirtæki sem hafa útlendinga í vinnu uppfylli lögbundna upplýsingaskyldu og að útlendingar njóti sömu kjara og réttinda og aðrir á íslenskum vinnumarkaði.

Fyrsta verkfall í sýndarveruleika að skella á

Wed, 26 Sep 2007 11:00:00 GMT

"Ef fyrirtæki koma illa fram, eltum við þau hvert sem þau fara," segir Philip Jennings, framkvæmdastjóri Union Network International, alþjóðasambands stéttarfélaga í verslun og þjónustu en á morgun, fimmtudaginn 27. september, er fyrirhugað að verkfall hefjist í sýndarveruleikaheiminum Second Life. Stéttarfélag starfsmanna IBM á Ítalíu hefur boðað til verkfallsins og hvetur UNI önnur félög til að taka þátt. Þetta er í fyrsta sinn sem boðað er til verkfalls í sýndarveruleika.

Stjórn VR samþykkir menntastefnu

Wed, 26 Sep 2007 11:00:00 GMT

Stjórn VR hefur samþykkt menntastefnu þar sem lögð er áhersla á aðgengi félagsmanna að menntun og samvinnu allra aðila á vinnumarkaði, fræðslustofnana sem og ríkisvaldsins í menntamálum.

Vika símenntunar 2007

Mon, 24 Sep 2007 08:00:00 GMT

Vika símenntunar 2007 er haldin 24.-30. september . Markmið hennar er að auka símenntun í atvinnulífinu og hvetja fólk til að leita sér þekkingar alla ævi. Í viku símenntunar 2007 er lögð áhersla á að ná til þeirra sem hafa litla formlega menntun og hvatt til þess að huga sérstaklega að læsi og lestrarörðugleikum á vinnustað.

Málefnavinnan komin á fullt skrið

Thu, 20 Sep 2007 13:00:00 GMT

Trúnaðarráð VR og trúnaðarmenn á vinnustöðum funduðu miðvikudagskvöldið 19. september þar sem farið var yfir þá vinnu sem þegar hefur verið lögð í undirbúning kjarasamninga en þeir eru sem kunnugt er lausir um áramót. Á fundinum var farið yfir niðurstöður málefnahópa sem settir voru á laggirnar í vor, kynntar voru niðurstöður rýnihópa og farið yfir hugmyndir um nýjan áfallatryggingasjóð. Allir félagsmenn geta skoðað þær kynningar sem lagðar voru fyrir fundinn inni á Mínum síðum (sækja um lykilorð). Málefnavinnan mun síðan halda áfram næstu vikur og mánuði.

Völundarhús kvenna

Thu, 20 Sep 2007 11:00:00 GMT

Lengi hefur verið talað um að frami kvenna strandi á glerþaki en nær væri að tala um völundarhús, hindranir eru hvarvetna á vegi kvenna á framabrautinni. Einungis 6% hærri stjórnenda í bandarískum fyrirtækjum eru konur – og bara 2% stjórnarformanna. Í stærstu skráðu fyrirtækjunum í aðildarríkjum ESB eru konur 11% hærri stjórnenda en einungis 4% stjórnarformanna. Hvað er til ráða? Um þetta er fjallað í septemberhefti bandaríska viðskiptatímaritsins Harvard Business Review.

Takk fyrir góðar móttökur!

Tue, 18 Sep 2007 13:00:00 GMT

Starfsfólk VR vill þakka fyrir góðar móttökur við dreifingu launakönnunar félagsins nýlega.

Launamunur kynjanna minnkar um fjórðung frá árinu 2000

Thu, 13 Sep 2007 11:00:00 GMT

- samkvæmt niðurstöðum launakönnunar VR 2007

Launakönnun VR árið 2007 sýnir að dregið hefur úr launamun kynjanna á síðustu árum . Kynbundinn launamunur, þegar búið er að taka tillit til áhrifaþátta á laun, er nú 11,6% en var 15,3% árið 2000. Könnunin sýnir jafnframt að launaskrið félagsmanna VR er meira en almennt á vinnumarkaði en að tekjubilið hefur aukist. Engin breyting er á vinnutímanum, þrátt fyrir að áhersla hafi verið lögð á að stytta vinnuvikuna í kjarasamningum. En sveigjanleikinn eykst og er það jákvætt.

Framboðsfrestur

Tue, 11 Sep 2007 11:00:00 GMT

Ákveðið hefur verið að viðhafa allsherjaratkvæðagreiðslu í VR við kjör fulltrúa á ársfund ASÍ og þing LÍV 2007. Kjörnir verða 74 fulltrúar og 26 fulltrúar til vara á ársfund ASÍ og 50 fulltrúar og 20 til vara á þing LÍV. Framboðslistar ársamt meðmælum 100 fullgildra félagsmanna VR þurfa að hafa borist kjörstjórn á skrifstofu VR, Húsi verslunarinnar, fyrir kl. 12:00 á hádegi fimmtudaginn 20. september.
Kjörstjórn

Þriðjungur félagsmanna VR vinnur fjarvinnu

Mon, 10 Sep 2007 15:00:00 GMT

- sveigjanleikinn eykst en lengd vinnuvikunnar er óbreytt

Félagsmenn VR vinna að meðaltali 45 klst. á viku, og hefur ekki orðið breyting þar á síðastliðin þrjú ár. En þó vinnuvikan styttist ekki er vinnufyrirkomulagið að breytast –fjarvinna hefur aukist og sveigjanleikinn líka, að því er lesa má úr niðurstöðum kannanna VR. Þriðji hver félagsmaður vinnur nú fjarvinnu að einhverju marki.

Verkfallsaðgerðir í sýndarheimi

Thu, 06 Sep 2007 09:00:00 GMT

Stéttarfélag um níu þúsund starfsmanna IBM á Ítalíu hefur boðað til verkfallsaðgerða gegn fyrirtækinu. Það sem vekur athygli við þessa frétt er að aðgerðirnar munu eiga sér stað í Second Life, sýndarveruleikaheimi á netinu. Þetta er að öllum líkindum í fyrsta skipti sem fyrirtæki á yfir höfði sér aðgerðir af þessu tagi í sýndarheimi.

Um þetta er fjallað á heimasíðu The Register og á heimasíðu Union Network International, alþjóðasambands stéttarfélaga í þjónustugreinum.

Nýjustu tölur frá VR!

Tue, 04 Sep 2007 13:00:00 GMT

Veistu hver launin á vinnumarkaðnum eru? Fimmtudaginn 13. september verða niðurstöður í launakönnun VR 2007 kynntar. Kynningin verður haldin í sal VR á 0. hæð í Húsi verslunarinnar og hefst kl. 12 á hádegi. Allir eru velkomnir, en við hvetjum trúnaðarmenn og trúnaðarráðsmenn sérstaklega til að mæta.

Breyttur opnunartími í Hafnarfirði

Mon, 03 Sep 2007 15:00:00 GMT

Opnunartíma skrifstofu VR í Hafnarfirði hefur verið breytt. Frá og með 1. september 2007 er skrifstofan opin frá kl. 8:30 til kl. 12:00 á mánudögum, miðvikudögum og föstudögum.

Tekjubilið í bandarískum stórfyrirtækjum minnkar

Fri, 31 Aug 2007 14:00:00 GMT

Forstjóri í bandarísku stórfyrirtæki er með margföld laun á við hinn almenna starfsmann. Það er ekkert nýtt, en tekjubilið hefur minnkað síðustu ár, sérstaklega þegar miðað er við árið 2000 þegar toppnum var náð. Á þeim tíma sem liðinn er hefur munurinn dregist verulega saman.

Um þetta er fjallað í frétt á heimasíðu CNN nýlega.

Hvað er vinnudagurinn í raun langur?

Tue, 28 Aug 2007 14:00:00 GMT

Félagsmenn VR eyða að jafnaði 36 mínútum á dag í ferðir til og frá vinnu, þ.e. án þess að stoppa nokkurs staðar á leiðinni. Þetta jafngildir 133 klukkustundum á ári, að teknu tilliti til sumarfrís, helga og frídaga. Þeir sem stoppa á leiðinni í eða úr vinnu, s.s. til að fara með börnin í leikskóla eða koma við í búð á leiðinni heim, verja 58 mínútum á hverjum degi í það að koma sér í og úr vinnu. Félagsmenn mæta að jafnaði klukkan 8:30 í vinnuna og eru á vinnustaðnum í rétt tæpar 9 klst. Þetta má lesa úr niðurstöðum launakönnunar VR 2007.

Launabilið eykst enn

Tue, 21 Aug 2007 16:00:00 GMT

Bilið á milli heildarlauna þeirra launahæstu í VR og þeirra sem eru með lægstu launin eykst enn á milli ára samkvæmt niðurstöðum launakönnunar VR 2007.

12% hækkun heildarlauna á milli ára

Thu, 16 Aug 2007 11:00:00 GMT

Félagsmenn VR nutu verulegs launaskriðs á milli áranna 2006 og 2007, heildarlaun hækkuðu um 12% á tímabilinu, samkvæmt niðurstöðum launakönnunar félagsins 2007. Þessi hækkun er töluvert meiri en almennt á vinnumarkaði á tímabilinu.

Heildarniðurstöður úr launakönnun VR verða kynntar fimmtudaginn 13. september.

Verslunarfagnám - fagmennska í fyrirrúmi

Thu, 16 Aug 2007 10:00:00 GMT

Í haust mun Mímir símenntun hefja kennslu í verslunarfagnámi. Um er að ræða þriggja anna nám sem sniðið er að þörfum atvinnulífsins og þeirra sem þegar starfa í verslunarfyrirtækjum við sölu og þjónustu.

Aukið frí ofarlega á lista

Wed, 08 Aug 2007 14:00:00 GMT

Vinnutíminn og orlof verða ofarlega á baugi í komandi kjarasamningaviðræðum en samningar eru lausir um áramót. Niðurstöður rýnihópa hjá VR benda til þess að helstu kröfur félagsmanna séu um meira frí og aukinn sveigjanleika. Fjöldi frídaga á Íslandi er í takt við það sem best gerist í aðildarríkjum ESB.

Það getur munað þremur vikum ...

Tue, 07 Aug 2007 14:00:00 GMT

... á fjölda frídaga milli aðildarríkja Evrópusambandsins

Misjafnt er hversu marga frídaga launafólk í aðildarríkjum Evrópusambandsins fær á ári hverju og getur munað meira en þremur vikum eftir því hvar borið er niður. Flestir frídagar eru í Svíþjóð eða 42 og eru almennir frídagar þá taldir með launuðum orlofsdögum. Til samanburðar eru frídagarnir í Eistlandi 26 talsins. Þetta kemur fram í nýrri skýrslu Eurofound, rannsóknarstofnunar á vegum ESB í vinnumarkaðsmálum(sjá fréttatilkynningu). Hér er um að ræða meðaltal á vinnumarkaði, burtséð frá atvinnugreinum og starfsheitum.

VR og VVH sameinast

Thu, 19 Jul 2007 12:00:00 GMT

VR og Verslunarmannafélag Vestur-Húnvetninga hafa gert samning um sameiningu félaganna á grundvelli reynslusamnings frá 28. desember 2006. Félagsmenn VR samþykktu sameininguna fyrir sitt leyti á aðalfundi þann 26. mars sl.og félagsmenn VVH á aðalfundi sínum 7. júní 2007. Félögin eru því sameinuð undir nafni og kennitölu VR frá og með 1. júní 2007.

Félagsgjald VR lækkar í 0,7%

Thu, 19 Jul 2007 11:00:00 GMT

Félagsgjald VR lækkaði í 0,7% frá og með 1. júlí síðastliðnum. Þessi lækkun kemur til útborgunar hjá stærstum hluta félagsmanna þann 1. ágúst. Hjá þeim sem eru á fyrirframgreiddum launum kom lækkunin til útborgunar um sl. mánaðamót.

VR og Félag tækniteiknara í samstarf

Tue, 10 Jul 2007 09:00:00 GMT

Í dag, þriðjudaginn 10. júlí, var undirritaður samstarfssamningur milli VR og Félags tækniteiknara, FTT, sem tekur gildi frá og með 1. ágúst n.k.

Af gefnu tilefni

Mon, 09 Jul 2007 15:00:00 GMT

Vegna frétta um rán í verslun á höfuðborgarsvæðinu í gærkvöldi vill VR ítreka að það gilda reglur um vinnu barna og unglinga og er næturvinna þeirra bönnuð. Í fréttum af atburðinum kom fram að starfsmaður/starfsmenn í versluninni hafi verið undir 18 ára aldri. Samkvæmt lögum um aðbúnað, hollustuhætti og öryggi á vinnustöðum (X kafla) er almennt óheimilt er að láta unglinga vinna á tímabilinu frá kl. 22:00 til kl. 06:00. Um vinnu barna og unglinga, þe. starfsmanna undir 18 ára aldri, er nánar fjallað á vef VR, Vinnueftirlitsins og ASÍ.

71% fleiri mál til VR en í fyrra

Mon, 09 Jul 2007 15:00:00 GMT

Á fyrstu sex mánuðum ársins 2007 kom 761 mál til kasta kjarasviðs VR en það er 71% fleiri mál en á sama tíma í fyrra.

Gjaldþrotum hefur fjölgað en forstöðumaður kjarasviðs segir enga eina skýringu á þessari þróun en að hún sé í takt við það sem sjá má annars staðar.

Hraust sál … á heilbrigðum vinnustað

Mon, 09 Jul 2007 13:00:00 GMT

Aðeins 15% bandarískra starfsmanna æfa líkamsrækt, 40% reyna ekki einu sinni eina, litla magaæfingu. Annar hver starfsmaður kennir álagi í vinnunni um. Fyrirtækin eru farin að bregðast við og er æ algengara að stór fyrirtæki hafi heilsustefnu og áætlun af einhverju tagi fyrir sína starfsmenn. Bandaríska tímaritið Time fjallaði um þetta í grein nýlega.

Verslunarfagnám í boði í haust

Fri, 06 Jul 2007 11:00:00 GMT

Nú er runninn upp tíminn til að huga að námi í haust. Við höfum undanfarna daga bent félagsmönnum okkar á nokkra möguleika á fagnámi í verslun og skrifstofugreinum, s.s. diploma í verslunarstjórnun og grunnnám í þjónustugreinum. Í haust hefst svo verslunarfagnám hjá Mími-símenntun. Námið er 1.020 kennslustundir (680 klukkustunda) og fer helmingurinn fram hjá Mími en helmingur er vinnustaðanám.

Sjá nánar um verslunarfagnámið og almennt um fagnám í þjónustugreinum.

Verslunarstjórnunarnám á Bifröst endurskoðað

Mon, 02 Jul 2007 14:00:00 GMT

Breytingar hafa verið gerðar á diplómanáni í verslunarstjórnun við Háskólann á Bifröst. Námsgreinum hefur verið fjölgað úr átta í ellefu og er námið nú 35 einingar á framhaldsskólastigi í stað 30 eininga áður.

Um ofurlaun forstjóranna

Mon, 02 Jul 2007 12:00:00 GMT

Umræða um ofurlaun skýtur alltaf upp kollinum öðru hvoru, sérstaklega þegar fréttist af einhverjum forstjóranum þiggja margföld laun hins almenna starfsmanns fyrir miklu skemmri vinnutíma, eða jafnvel fyrir það eitt að hætta störfum. Þetta er mikið í umræðunni núna, bæði vestanhafs og austan. Í Frakklandi hefur nýr forseti lofað lögum um starfslokasamninga, í Sviss er einn forstjóranna í herferð fyrir auknu gegnsæi launa og í Bandaríkjunum hafa hertar reglur tekið gildi sem kveða á um ítarlegri upplýsingagjöf um laun og fríðindi. Um þetta er fjallað í The Economist nýlega.

Sumarlokun í Hafnarfirði

Wed, 27 Jun 2007 08:00:00 GMT

Félagsmenn athugið: skrifstofa VR í Hafnarfirði verður lokuð í júlí og ágúst vegna sumarleyfa.

Erum við að bera saman sambærilega hluti?

Mon, 25 Jun 2007 16:00:00 GMT

- um launakönnun Samtaka atvinnulífsins og launamun kynjanna

Niðurstöður í nýlegri launakönnun Samtaka atvinnulífsins um launamun kynjanna eru áþekkar niðurstöðum launakönnunar VR árið 2006, þ.e. þegar launamunurinn er reiknaður á sama hátt. Í launakönnun SA kemur fram að konur séu með 10-12% lægri laun en karlar. Í launakönnun VR fyrir árið 2006 eru konur með 13% lægri laun en karlar. VR hefur hins vegar alltaf kynnt launamuninn á annan hátt, þ.e. hversu hærri laun karla eru en kvenna. Þegar launamunurinn í könnun SA er reiknaður á sama hátt og gert er í könnun VR er hann 11%-14%. Til samanburðar var hann 15% í launakönnun VR 2006.

Hefurðu áhuga á starfsnámi í þjónustugreinum?

Mon, 25 Jun 2007 13:00:00 GMT

Fjórir framhaldsskólar bjóða starfsnám í þjónustugreinum frá og með hausti. Þetta er tveggja ára námsbraut, bæði bóklegt og verklegt nám, og er sérstaklega ætlað þeim sem hafa áhuga á að starfa í þjónustufyrirtækjum við verslunar- og skrifstofustörf.

Horft til framtíðar í orlofsmálum VR

Fri, 22 Jun 2007 11:00:00 GMT

Bilið milli framboðs og eftirspurnar eftir orlofshúsum VR hefur dregist saman undanfarin ár, árið 1996 sóttu 11% félagsmanna um hús að sumarlagi en það hlutfall var komið niður í 4% á síðasta ári (sjá línurit). Ennþá er þó full nýting á húsunum og komast færri að en vilja. Ljóst er þó að breytingar í orlofsmálum Íslendinga eru þegar farnar að hafa áhrif á aðsóknina. Þess vegna hefur orlofsstjórn til skoðunar að breyta fyrirkomulaginu á rekstri orlofshúsanna til að takast á við breytta framtíð.

Hvaða réttindi hefur þú í sumar

Thu, 21 Jun 2007 10:00:00 GMT

- hvort sem er á vinnumarkaði eða hjá VR?

Skólafólk sem greiðir félagsgjöld til VR á sumrin nýtur margvíslegra réttinda, bæði hjá VR og á vinnumarkaðnum. Ef greidd eru iðgjöld til VR í a.m.k. einn mánuð fer hluti þess í VR varasjóð sem má nota t.d. til líkamsræktar, gleraugnakaupa ofl. Auk þess myndast réttindi í starfsmenntasjóði, réttur á aðstoð kjaramáladeildar og réttur til sjúkradagpeninga. Kjarasamningar VR móta umhverfi sumarstarfsfólk eins og annarra á vinnumarkaði en þar er kveðið á um lágmarksréttindi í starfi. Hér má sjá yfirlit yfir helstu atriði sem gott er að hafa í huga í sumar og svör við nokkrum algengum spurningum.

Launamunurinn minnkar um þriðjung á áratug

Tue, 19 Jun 2007 13:00:00 GMT

- samkvæmt samanburði á félagsgjöldum kvenna og karla til VR á árunum 1997 til 2007

Munurinn á heildarlaunum kynjanna var 19,8% í febrúar á þessu ári en var 28,6% í febrúar árið 1997. Munurinn hefur því dregist saman um 31% á tíu árum. Þessar tölur byggja á greiddum félagsgjöldum til VR en þau eru nú 1% af heildarlaunum (nánar). Formaður VR segir þessa þróun vísbendingu um að launamunur kynjanna sé að minnka.

Lágmarksaldur fyrir leigu orlofshúsa hækkaður í 20 ár

Thu, 14 Jun 2007 10:00:00 GMT

Stjórn VR samþykkti í gærkvöldi að hækka lágmarksaldur fyrir leigu orlofshúsa VR upp í 20 ár. Þetta kemur til framkvæmda frá og með 1. september næstkomandi. Ástæða þessa er einkum sú að umgengni í orlofshúsunum hefur versnað verulega síðustu mánuði og eru það í langflestum tilfellum félagsmenn undir tvítugu sem þar koma við sögu. Þar sem þessir félagsmenn geta nú ekki lengur leigt hús fá þeir allt orlofsiðgjald sitt greitt inn á VR varasjóð.

Undirbúningurinn kominn á skrið

Tue, 12 Jun 2007 14:00:00 GMT

Kjarasamningar VR við samtök atvinnurekenda renna út um áramót og er undirbúningur vegna þess kominn á fulla ferð. Þrír málefnahópar sem í sátu fulltrúar stjórnar og almennir félagsmenn, voru settir á laggirnar til að fjalla um stærstu málin, s.s. vinnutíma og launamál. Niðurstöður þeirra verða kynntar í haust. Þá hafa verið haldnir rýnifundir með félagsmönnum í þeim tilgangi að fá þeirra viðhorf og álit um það hvar áherslurnar í komandi samningum eiga að vera. Unnið verður úr þeim niðurstöðum á næstu vikum. Fulltrúar félagsins hafa einnig heimsótt verkalýðsfélög í nágrannalöndunum til að kanna þeirra áherslur og hvað við getum lært af reynslu þeirra.

Æla, smokkar og rotnandi matarleifar

Mon, 11 Jun 2007 14:00:00 GMT

- þannig var aðkoman í orlofshúsi VR eftir helgarpartí

Orlofshús VR var skilið eftir í ömurlegu ástandi eftir partí nýlega. Húsið var útælt og skítugt, rotnandi matarleifar voru á borðum og gólfum, bjórflöskur á víð og dreif og notaðir smokkar héngu á trjágreinum. Sjúkrakassinn var tæmdur. Umgengni í orlofshúsum félagsins hefur farið versnandi síðustu mánuði en aldrei hafa umsjónarmenn húsanna komið að álíka hörmung (sjá myndir). Það eru einkum yngstu félagsmennirnir sem hér eru að verki og hefur stjórn VR því á dagskrá fundar síns næstkomandi miðvikudagskvöld tillögu um að lágmarksaldur til að leigja orlofshús verði hækkaður í 20 ár.

Veistu hver þín réttindi eru?

Wed, 06 Jun 2007 09:00:00 GMT

- kynntu þér réttindi og skyldur á vinnumarkaði áður en sumarvinnan hefst

VR tryggir lágmarksréttindi á vinnumarkaði með gerð kjarasamninga. Það sem stendur í kjarasamningi er réttur launafólks að lágmarki - svo er hægt að semja við atvinnurekandann um hærri laun og víðtækari réttindi. Það er mikilvægt að allir sem eru á vinnumarkaði þekki sín réttindi, hvort sem þeir eru að vinna í nokkar vikur yfir sumarið eða allan ársins hring. VR birtir á heimasíðu sinni upplýsingar fyrir ungt fólk á vinnumarkaði, launataxta og svör við algengum spurningum.

Vinna kynjanna – launuð eða ólaunuð?

Tue, 05 Jun 2007 16:00:00 GMT

56% evrópskra kvenna vinna launaða vinnu en 71% karla. Vinnutími karlanna er lengri en kvennanna, þegar litið er til launaðrar vinnu eingöngu, en þegar ólaunuð vinna er tekin með breytist staðan, sérstaklega hjá fólki á aldrinum 30 til 45 ára. Samkvæmt rannsóknum evrópsku rannsóknarstofnunarinnar Eurofound verja konur á þessum aldri frá 20 til 25 fleiri klukkustundum á viku en karlar í ólaunaða vinnu, einkum í umönnunar- og heimilisstörf. Þetta kemur fram í fréttabréfi Eurofound – European Foundation for the Improvement of Living and Working Conditions, en umfjöllunin er undir heitinu Equal opportunities - the catch-up game.

Yngri konur á toppinn

Mon, 04 Jun 2007 14:00:00 GMT

Konur eru sjaldséðari en karlar í stjórnunarstöðum en þær konur sem þó eru í þessum stöðum komast þangað fyrr á starfsævinni en karlarnir. Þetta sýnir rannsókn á vegum tveggja bandarískra háskóla en fjallað er um hana í grein í bandaríska viðskiptatímaritinu Harvard Business Review. Konur í hærri stjórnunarstöðum voru að meðaltali tæplega 47 ára þegar þær náðu þeim áfanga en karlarnir 51 árs.

Allir vegir færir

Fri, 25 May 2007 16:00:00 GMT

Y kynslóðin er öðruvísi en aðrar kynslóðir; metnaðargjörn, kröfuhörð og sjálfstæð. Hollustan og trúnaðurinn er fyrst við fjölskyldu, vini, samstarfsfélaga og samfélagið - fyrirtækið sem þau vinna hjá er neðarlega á lista. Y kynslóðin er ekki lengur í startholunum, hún er komin inn á vinnumarkaðinn og krefst athygli. Bandaríska viðskiptatímaritið Fortune fjallar í nýlegri grein um Y kynslóðina á vinnumarkaðnum - fólkið undir þrítugu sem eru allir vegir færir. "Þessi kynslóð er sú þurftafrekasta á vinnumarkaði fyrr og síðar," er haft eftir sérfræðingi í rannsóknum á því sviði í greininni, "góðu fréttirnar eru hins vegar þær að hún mun verða sú afkastamesta. Krakkar á þessum aldri hafa bæði meiri upplýsingar á hraðbergi en fyrri kynslóðir og mun auðveldari aðgang að þeim."

Mundu eftir orlofsuppbótinni

Fri, 18 May 2007 11:00:00 GMT

Orlofsuppbót árið 2007 er 17.400 krónur fyrir fullt starf og á að greiða við upphaf orlofsins eða í síðasta lagi 15. ágúst. Félagsmenn sem vinna samkvæmt samningi VR og SA (yfir 90% allra félagsmanna) fá orlofsuppbót en ekki þeir sem starfa samkvæmt samningi við FÍS, þar var samið um að sameina orlofsuppbót og desemberuppbót. Sjá nánari upplýsingar um hverjir eiga rétt á orlofsuppbót og reiknivél til að reikna út orlofsuppbótina.

Frumkvæði, frjálsræði og traust

Wed, 16 May 2007 13:00:00 GMT

Vélfang ehf. var valið Fyrirtæki ársins 2007 í hópi smærri fyrirtækja en þetta er í fyrsta skipti sem fyrirtækið er á lista. Vélfang fær fullt hús stiga, 100, fyrir trúverðugleika stjórnenda og 99 af 100 mögulegum fyrir fimm aðra þætti; launakjör, sveigjanleika vinnu, sjálfstæði í starfi, álag og kröfur og starfsanda. Heildareinkunn er 4,81 sem jafnframt er hæsta heildareinkunn sem gefin hefur verið í könnun VR á fyrirtæki ársins.

Léttur starfsandi og jákvæð samskipti

Tue, 15 May 2007 13:00:00 GMT

- skýra góðan árangur Applicon í Fyrirtæki ársins segir framkvæmdastjórinn

Applicon ehf. var valið Fyrirtæki ársins 2007 í hópi stærri fyrirtækja en fyrirtækið var í þriðja sæti í fyrra sem var jafnframt í fyrsta skipti sem Applicon birtist á listanum. Það vekur athygli að bæði árin höfðu allir starfsmenn fyrirtækisins færi á að taka þátt í könnuninni, óháð stéttarfélagsaðild þeirra. Applicon fær hæst 98 í raðeinkunn (af 100 mögulegum) fyrir sveigjanleika í vinnu og 94 fyrir starfsanda. Heildareinkunn er sú sama og í fyrra, 4,41 af 5 mögulegum.

Breytingar að skila árangri

Mon, 14 May 2007 11:00:00 GMT

Í könnuninni um Fyrirtæki ársins 2007 var Fálkinn ótvíræður hástökkvari í hópi minni fyrirtækja. Heildareinkunn Fálkans var 3,41 á síðasta ári en er 4,34 í ár. Fyrirtækið hækkar sig því um næstum eitt stig á milli ára. Forstjóri Fálkans segir niðurstöðunar merki um að skipulagsbreytingar í fyrirtækinu séu að skila árangri.

Störfum sem ein heild

Tue, 08 May 2007 16:00:00 GMT

Sjóvá hf. er hástökkvari ársins í hópi stærri fyrirtækja samkvæmt niðurstöðum könnunar VR á Fyrirtæki ársins 2007. Heildareinkunn þess í ár er 3,98 en var 3,71 í fyrra. Á síðasta ári var Sjóvá með raðeinkunnina 27 sem þýðir að 26% allra fyrirtækja á báðum listum voru með lægri einkunn. Raðeinkunn Sjóvá í ár er 59 og er fyrirtækið vel fyrir ofan miðju á heildarlistanum, 58% fyrirtækja eru neðar á lista. Forstjóri Sjóvár-Almennra segir mestu skipta að starfsmenn ræði opinskátt um vandamálin og starfi sem ein heild.

Applicon og Vélfang eru Fyrirtæki ársins 2007

Fri, 04 May 2007 17:00:00 GMT

Applicon og Vélfang eru Fyrirtæki ársins 2007 samkvæmt niðurstöðum könnunar VR en tilkynnt var um þetta í móttöku á Nordica hotel í dag. Applicon sigraði í hópi stærri fyrirtækja þar sem vinna 50 starfsmenn eða fleiri og Vélfang í hópi smærri fyrirtækja. Sjóvá og Fálkinn bættu sig mest á milli ára og eru því hástökkvarar í hópi stærri og minni fyrirtækja. Tæplega fjögur hundruð fyrirtæki eru á lista yfir Fyrirtæki ársins í ár og hafa aldrei verið fleiri.

Almenn vellíðan í vinnu

Fri, 04 May 2007 17:00:00 GMT

85% félagsmanna líður vel í vinnunni en tæplega 4% líður illa samkvæmt niðurstöðum vinnumarkaðskönnunar VR. Það vekur athygli að marktækur munur er á kynjunum og líður fleiri konum en körlum vel í vinnunni. Líðan á vinnustað er betri eftir því sem aldur færist yfir og starfsaldur hækkar. Aðrar helstu niðurstöður könnunarinnar eru sem hér segir:

Brostu breitt

Thu, 03 May 2007 12:00:00 GMT

- og viðskiptavinum og starfsmönnum líður betur

Samkvæmt nýlegri rannsókn, sem sagt er frá í bandaríska viðskiptatímaritinu Harvard Business Review, skiptir viðmót afgreiðslufólks miklu máli fyrir vellíðan viðskiptavina, því breiðara sem brosið er því hæfara er afgreiðslufólkið, að mati viðskiptavina. En fara verður varlega; þurfi starfsmenn að brosa tilneyddir getur það haft áhrif á líðan þeirra í starfi.

Yfir 80% félagsmanna ánægð með VR

Wed, 02 May 2007 09:00:00 GMT

Miklum meirihluta félagsmanna stéttarfélaga á Íslandi finnst stéttarfélagið sitt standa sig vel eða 72%. VR fær hæstu einkunn stéttarfélaga, 4,1 af 5 mögulegum. Þetta kemur fram í könnun sem Capacent gerði fyrir félagið en svipuð könnun hefur verið gerð árlega síðastliðin ár (sjá þróunina).

Breyttur opnunartími í Hafnarfirði

Fri, 27 Apr 2007 14:00:00 GMT

Skrifstofa VR í Hafnarfirði er nú opin frá kl. 8:30 til kl. 12:00 alla virka daga og mun fulltrúi úr þjónustuveri VR manna skrifstofuna. Sérfræðingur á kjarasviði er til viðtals á þriðjudögum. Síminn er 510 1700.

Almennur eða opinber vinnumarkaður?

Thu, 26 Apr 2007 11:00:00 GMT

- fyrirtæki á almennum vinnumarkaði fá hærri meðaltalseinkunnir en stofnanir á vegum ríkisins í vinnumarkaðskönnun

Launakjör fá lægstu einkunn starfsmanna bæði á almennum og opinberum vinnumarkaði í vinnumarkaðskönnun sem lögð var fyrir félagsmenn VR og SFR – stéttarfélags í almannaþjónustu. Spurt var um viðhorf til átta lykilþátta í vinnuumhverfi starfsmanna og Fyrirtæki ársins og Stofnun ársins valin. Einkunnir fyrir lykilþætti eru alltaf hærri á almennum markaði en hinum opinbera og fyrirtæki á almennum markaði fá marktækt hærri heildareinkunn að meðaltali en stofnanir (sjá graf).

Meiri launamunur kynjanna á Íslandi en í löndum ESB

Tue, 17 Apr 2007 13:00:00 GMT

Launamunur kynjanna var mestur á Íslandi meðal Norðurlandanna árið 2004 og er þá miðað við heildarlaun. Reyndar er munurinn meiri á Íslandi en í öllum aðildarríkjum ESB. Ástæðurnar eru m.a. vanmat á hefðbundnum kvennastörfum, einstaklingssamningar og launaleynd sagði Lilja Mósesdóttir, prófessor við Háskólann á Bifröst, á fundi um launamun kynjanna í morgun. Fundurinn var haldinn að tilstuðlan kvennahreyfingarinnar í fundarröðinni Stefnumót við stjórnmálaflokkana og sátu hann fulltrúar allra flokka. Lilja opnaði fundinn á kynningu á launamun kynjanna, ástæður, framtíðarhorfur og aðgerðir.

Vinningsnúmerin eru …

Wed, 11 Apr 2007 15:00:00 GMT

Búið er að draga í happdrætti sem haldið var í tengslum við könnun VR á Fyrirtæki ársins 2007. Vinningshöfum er bent á að hafa samband við Kristínu Sigurðardóttur hjá VR, kristin@vr.is eða í síma 510 1700. Númerin eru sem hér segir:

2193, 11617, 16208, 18055, 18797, 35410, 41162, 41366, 50512, 54276

Opið fyrir bókun orlofshúsa sumarið 2007

Mon, 02 Apr 2007 10:00:00 GMT

Nú er hægt að bóka orlofshús fyrir sumarið 2007. Athugið að fyrirkomulagi bókana hefur verið breytt, ekki er lengur stuðst við punktainneign félagsmanna heldur gildir reglan "fyrstur bókar, fyrstur fær". Hægt er að nota inneign í VR varasjóði til að greiða fyrir leiguna og verða félagsmenn að skrá sig inn á Mínar síður vilji þeir nota þann valkost.

Héraðsdómur dæmir laun í uppsagnarfresti

Fri, 30 Mar 2007 16:00:00 GMT

Héraðsdómur Reykjavíkur hefur dæmt félagsmanni VR sem sagt var upp störfum fyrirvaralaust og án viðvörunar laun í uppsagnarfresti.

Glaðningur á leiðinni

Thu, 29 Mar 2007 16:00:00 GMT

Á næstu dögum berast til félagsmanna yfirlit þar sem fram kemur inneign þeirra í VR varasjóði en samþykkt var á aðalfundi sl. mánudag að leggja samtals 412 milljónir króna í varasjóðinn (sjá frétt frá aðalfundi).

Í tilefni af því mun VR sýna nýja sjónvarpsauglýsingu og dagblaðaauglýsingar þar sem minnt er á þetta og einnig að félagsgjaldið lækkar um 30% frá og með 1. júlí næstkomandi þ.e. vegna launa sem koma til greiðslu 1. ágúst. Auglýsingastofan Fíton og kvikmyndagerðarfyrirtækið Pegasus eiga heiðurinn af gerð sjónvarpsauglýsingarinnar, leikstjóri var Páll Grímsson.

Opnað fyrir lykilorð á vefnum á föstudagsmorgun

Wed, 28 Mar 2007 16:00:00 GMT

Hægt verður að sækja um lykilorð inn á Mínar síður á heimasíðu VR frá og með föstudagsmorgninum 30. mars og hefur því verið flýtt frá áður auglýstum tíma. Hægt verður að sækja útprentuð lykilorð á skrifstofur VR á föstudeginum. Nú um mánaðamótin eru borin út yfirlit til allra félagsmanna þar sem fram kemur hversu mikið var lagt inn í VR varasjóð í vikunni og eru prentuð á yfirlitin lykilorð inn á Mínar síður hjá þeim sem EKKI hafa fengið lykilorð áður.

Félagsmenn athugið: þeir sem sækja um lykilorð frá og með föstudegi og fá líka lykilorð á yfirlitinu sem berst þeim í pósti um mánaðamótin munu hafa tvö mismunandi lykilorð. Það lykilorð sem prentað er á yfirlitið er þá ekki lengur gilt.

Félagsgjald lækkar frá og með 1. júlí 2007

Tue, 27 Mar 2007 10:00:00 GMT

VR hefur ákveðið að lækka félagsgjald sitt úr 1% í 0,7% af heildarlaunum. Þessi lækkun kemur til framkvæmda frá og með 1. júlí 2007, þ.e. fyrir laun fyrir júlí 2007 sem koma til greiðslu þann 1. ágúst 2007.

Lækkun félagsgjalds, 412 milljónir í varasjóð og aukið lýðræði

Tue, 27 Mar 2007 09:00:00 GMT

Aðalfundur VR 2007, sem haldinn var mánudagskvöldið 26. mars, samþykkti lækkun félagsgjalds um 30%, 412 milljóna króna framlag í VR varasjóð félagsmanna og breytingu á því hvernig staðið er að vali á forystu félagsins. Gunnar Páll Pálsson, formaður VR, segir þessar tillögur miða að því auka lýðræði í félaginu og færa félagsmönnum ávinninginn af sterkri stöðu VR undanfarin ár. Í VR eru nú 26 þúsund félagsmenn og snerta þessar breytingar því um fjórða hvern starfandi mann á höfuðborgarsvæðinu.

Ályktun um málefni aldraðra samþykkt á aðalfundi

Tue, 27 Mar 2007 08:00:00 GMT

Á aðalfundi VR var samþykkt með öllum greiddum atkvæðum ályktun um málefni aldraðra.

Helmingur konur og helmingur karlar

Mon, 26 Mar 2007 12:00:00 GMT

Í fyrsta sinn í sögu Lífeyrissjóðs verzlunarmanna sitja jafnmargar konur og karlar í stjórn sjóðsins. Alls sitja átta manns í stjórn, fjórir tilnefndir af stjórn VR og fjórir af þeim samtökum atvinnurekenda sem að sjóðnum standa.

ÁRÍÐANDI TILKYNNING TIL FÉLAGSMANNA

Fri, 23 Mar 2007 15:00:00 GMT

Lokað verður fyrir umsóknir um lykilorð inn á Mínar síður frá og með miðnætti aðfaranótt mánudagsins 26. mars til kl. 16:00 föstudaginn 30. mars en þessa daga eru yfirlit prentuð og send út. Lykilorð eru prentuð á yfirlitin hjá þeim sem ekki hafa þegar fengið lykilorð.

Lokað verður fyrir netbókanir orlofshúsa frá og með 27. mars til og með 1. apríl. Opnað verður aftur fyrir bókanir kl. 8:30 mánudaginn 2. apríl þegar hægt verður að bóka orlofshús fyrir sumarið 2007. Frá 27. mars til 1. apríl verður hægt að panta orlofshús í vetrarleigu hjá þjónustuveri VR í síma 510 1700.

Hægt verður að sækja um lykilorð helgina 31. mars og 1. apríl og sækja þau á skrifstofu VR mánudaginn 2. apríl gegn framvísun skilríkja.

Athugaðu að þú þarft EKKI lykilorð inn á Mínar síður til að bóka orlofshús NEMA þú viljir nýta inneign þína í VR varasjóði til að greiða fyrir leigu orlofshúss í sumar.

Héraðsdómur dæmir um uppsagnarfrest við aðilaskipti

Fri, 23 Mar 2007 14:00:00 GMT

Héraðsdómur Reykjavíkur hefur fallist á kröfu félagsmanns VR um greiðslu í uppsagnarfresti eftir aðilaskipti.

2. tbl. VR blaðsins 2007

Wed, 21 Mar 2007 00:00:00 GMT

2. tbl. VR blaðsins 2007 er helgað orlofsmálum enda sumarið að skella á. Í blaðinu er farið ítarlega yfir nýjar reglur við útleigu húsanna og hvernig hægt er að nota inneign í varasjóði til að greiða fyrir leigu. Upplýsingar eru um öll orlofshús félagsins sumarið 2007 og tjaldvagna. Í blaðinu er einnig skemmtileg grein um nýja hlið á Spáni, gómsætar uppskriftir á grillið fyrir sumarið og nokkrar hugmyndir um hvað hægt er að gera í fríinu. Þar er einnig fjallað um tillögur sem lagðar verða fyrir aðalfund 26. mars 2006 um breytingar á lögum og lækkun félagsgjalds. Í leiðara fjallar formaður um forsendur þeirra breytinga sem gerðar hafa verið á útleigu húsanna.

Orlofshús - leiðari 2. tbl. VR blaðsins 2007

Wed, 21 Mar 2007 00:00:00 GMT

Þetta VR blað er helgað orlofstilboðum félagsins í sumar. Mikil umræða hefur verið um framtíðarskipun orlofsmála á undanförnum misserum og í ár kynnum við breytingu í útleigu orlofshúsa. Horfið er frá því að úthluta orlofshúsum eftir punktakerfi, eins og gert hefur verið um árabil, en í staðinn verður opnað fyrir bókanir húsanna fyrir allt sumarið þann 2. apríl með sambærilegum hætti og fólk pantar sér aðra ferðaþjónustu á almennum markaði.

Aðalfundur

Tue, 20 Mar 2007 15:00:00 GMT

Aðalfundur VR verður haldinn á Nordica hotel mánudaginn 26. mars og hefst kl. 19:30. Á fundinum verða m.a. lagðar fram tillögur um lagabreytingar og lækkun félagsgjalds.

Róttækar breytingar á leigu orlofshúsa fyrir sumarið

Mon, 19 Mar 2007 15:00:00 GMT

Aldrei verið auðveldara að bóka hús. Ef þú vilt leigja orlofshús í sumar, vinsamlega kynntu þér þessar breytingar.

Ekki verður lengur farið eftir punktainneign við útleigu orlofshúsa VR og húsum verður þar af leiðandi ekki úthlutað. Þannig þarf ekki að sækja um á sérstöku umsóknareyðublaði og bíða svo í nokkrar vikur eftir niðurstöðu. Þess í stað munum við opna fyrir leigu sumarsins í heild sinni að morgni mánudagsins 2. apríl kl. 8:30. Ef þú vilt nota inneign þína í VR varasjóði til að greiða fyrir leiguna þarftu að hafa lykilorð inn á Mínar síður. Hægt er að sækja um lykilorð núna.

Ársreikningur VR 2006

Mon, 19 Mar 2007 09:00:00 GMT

Ársreikningur VR fyrir árið 2006 verður lagður fram á aðalfundi þann 26. mars n.k. Hér má sjá reikninginn og skýringar í pdf.

Lagðar til róttækar breytingar við val á stjórn

Fri, 16 Mar 2007 15:00:00 GMT

Á aðalfundi VR, sem haldinn verður mánudaginn 26. mars n.k., verður lögð fram tillaga að breytingum á lögum félagsins sem m.a. miða að því að auka lýðræði og opna fyrir möguleika á einstaklingsframboði til stjórnar í meira mæli en nú er. Þessar breytingar gera ráð fyrir því að hluti stjórnar verði kosinn í listakosningu en hluti í einstaklingskosningu.

Stjórn leggur til 30% lækkun félagsgjalds

Thu, 15 Mar 2007 10:00:00 GMT

Á aðalfundi VR, sem haldinn verður á Nordica hotel mánudagskvöldið 26. mars, verður lögð fram tillaga um lækkun félagsgjalds í 0,7%.Ein helsta ástæða þessarar tillögu er að hagnaður af rekstri félagsins hefur aldrei verið meiri og það er mat stjórnar að nú sé lag til þess að lækka gjaldið, félagsmönnum til hagsbóta.

Rúmar 400 milljónir til tugþúsunda félagsmanna

Thu, 15 Mar 2007 10:00:00 GMT

- stjórn VR leggur til framlag í VR varasjóð á aðalfundi sem haldinn verður 26. mars n.k.

Rúmar 400 milljónir króna verða lagðar inn á VR varasjóð um 38 þúsund félagsmanna í lok mars ef tillaga stjórnar þess efnis verður samþykkt á aðalfundi 26. mars. VR varasjóður er sérgreindur sjóður félagsmanna en stofnun hans var samþykkt á aðalfundi í fyrra.

Ef mér finnst það fyndið...

Tue, 13 Mar 2007 11:00:00 GMT

Lífið væri lítils virði ef við myndum ekki brosa og hlægja. Húmor er merkilegt fyrirbæri því að það að segja góðan brandara (sem fólki finnst fyndinn) virðist vera nokkuð flókið félagslegt og sálfræðilegt fyrirbæri. Húmor getur verið margskonar eins og kaldhæðni, meinfyndni og grófir ljósku-, homma-, Hafnarfjarðar- og lögfræðingabrandarar. Jón Gnarr heldur fyrirlestur í fyrirlestrarröð VR í hádeginu fimmtudaginn 15. mars.

Hagstofan: laun hækkuðu um 10,3% 2005-2006

Fri, 09 Mar 2007 09:00:00 GMT

Laun á almennum vinnumarkaði hækkuðu um 10,3% að meðaltali á milli áranna 2005 og 2006. Laun sérfræðinga hækkuðu mest á tímabilinu eða um 11,5% en laun iðnaðarmanna minnst, 8,8%. Laun skrifstofufólks og afgreiðslufólks hækkuðu um 10%. Þetta kemur fram í hagtíðindum Hagstofunnar.

Látum ekki deigan síga

Thu, 08 Mar 2007 00:00:00 GMT

- og berjumst fyrir jafnrétti í orði og á borði

Í dag, 8. mars, er alþjóðlegur baráttudagur kvenna. Eitt mikilvægasta verkefni stéttarfélaga í dag er að berjast gegn ójafnrétti karla og kvenna en helsta birtingarmynd þess er launamunur kynjanna. Munur á heildarlaunum kynjanna lækkaði úr 26% árið 2000 í 22% í fyrra samkvæmt launakönnunum félagsins. Þróun á félagsgjöldum kvenna og karla í VR sýnir að baráttan er að bera árangur og er það trú okkar að þegar niðurstöður launakönnunar árið 2007 verða birtar munum við sjá bilið minnka svo eftir verði tekið.

Fyrirhugaðar breytingar í Straumsvík

Wed, 07 Mar 2007 12:00:00 GMT

VR hvetur félagsmenn sína í Hafnafirði og nágrenni að kynna sér vel allar þær upplýsingar sem fram hafa komið vegna fyrirhugaðrar stækkunar álversins í Straumsvík en eins og alþjóð veit verða greidd atkvæði um stækkunina í lok þessa mánaðar. Fjöldi félagsmanna VR starfar í álverinu og enn fleiri í tengdum störfum bæði í Hafnarfirði og víðar.

Tveir Lúðrar til VR

Fri, 02 Mar 2007 21:00:00 GMT

VR fékk tvær viðurkenningar þegar íslensku auglýsingaverðlaunin voru afhent í kvöld, föstudaginn 2. mars. Auglýsingar félagsins voru tilnefndar í tveimur flokkum undir liðnum Almannaheillaauglýsingar, þ.e. auglýsing í sjónvarpi og auglýsing í prentmiðlum. Sjónvarpsauglýsingin Hvíldartími, þar sem ítrekaður er réttur félagsmanna á hvíldartíma í desember, fékk annan Lúðurinn og auglýsingin Dapurleg eftirmæli, um launamun kynjanna, fékk hinn. Auglýsingastofan Fíton á heiðurinn að gerð auglýsinganna en með þeim í vinnslu sjónvarpsauglýsingarinnar var kvikmyndagerðarfyrirtækið Republik (nánar um auglýsingar VR.)

Vertu á verði!

Thu, 01 Mar 2007 11:00:00 GMT

ASÍ hefur sett á vef sinn, www.asi.is, nýja reiknivél þar sem hægt er að reikna út hvernig verð á matvöru á að hafa breyst nú með lækkun virðisaukaskatts og vörugjalda. VR hvetur félagsmenn sína til að fylgjast vel með breytingum í sinni verslun og nota þessa nýju reiknivél ASÍ til að átta sig á verðbreytingunum.

Orlof skal greiða af bónusgreiðslum

Wed, 28 Feb 2007 16:00:00 GMT

- segir Héraðsdómur Reykjavíkur í máli félagsmanns VR

Málavextir eru þeir að félagsmaður VR var ráðinn til starfa á launum sem voru annars vegar föst laun, 75 þúsund á mánuði, og hins vegar árangurstengdur bónus. Félagsmaðurinn hætti eftir eitt ár í starfi og snerist deila hans við vinnuveitandann um hvort greiða ætti orlof af bónusgreiðslunum eða hvort orlof væri innifalið. Félagsmaðurinn leitaði til VR sem fór með málið fyrir dómstóla eftir árangurslausar tilraunir til að fá lausn á málinu hjá vinnuveitanda.

Listi stjórnar og trúnaðarráðs

Tue, 27 Feb 2007 12:00:00 GMT

Frestur til að skila inn framboðslistum vegna kjörs stjórnar VR, trúnaðarráðs og fulltrúa félagsins í stjórn Lífeyrissjóðs verzlunarmanna 2007 er runninn út. Aðeins eitt framboð barst, listi trúnaðarráðs félagsins og trúnaðarmanna á vinnustöðum, og var hann sjálfkjörinn (sjá listann).

Fresturinn er liðinn ...

Mon, 26 Feb 2007 10:00:00 GMT

... en við tökum við svörum út daginn í dag

Formlegur frestur til að svara könnun VR á fyrirtæki ársins og launakönnun er liðinn en vegna fjölda fyrirspurna hefur verið ákveðið að tekið verði við svörum í dag. Við viljum því hvetja þá félagsmenn sem enn eiga eftir að svara að senda svör sín í dag. Þeir sem ekki hafa fengið könnun geta haft samband við VR, steinunn@vr.is, og munum við reyna að bregðast við því í dag. Svörun í könnuninni hefur verið mjög góð og stefnir í metþátttöku. Niðurstöðurnar eru tæki fyrir félagsmenn til að bæta sín kjör og því mikilvægt að sem flestir svari.

Atvinnuþátttaka meiri hér en í ESB

Thu, 22 Feb 2007 14:00:00 GMT

Um 83% Íslendinga á aldrinum 15 til 64 ára voru með einhverjum hætti virk á íslenskum vinnumarkaði árið 2005, en meðaltal ESB-ríkja var rétt ríflega 63%. Sviss, Danmörk og Noregur komu næst Íslandi. Þetta kemur fram í tölum evrópsku hagstofunnar en þessar niðurstöður eru birtar í frétt á heimasíðu félagsmálaráðuneytisins.

Tölvutæknin hefur breytt mestu

Thu, 22 Feb 2007 14:00:00 GMT

Vinnutíminn í Evrópu hefur styst jafnt og þétt síðustu fimmtán ár en álag og vinnuhraði aukast. Stærsta breytingin á starfsumhverfinu síðustu ár er tilkoma internetsins og vaxandi notkun upplýsingatækninnar. Þetta má lesa úr niðurstöðum könnunar Eurofound um vinnuaðstæður í Evrópu.

Héraðsdómur segir ráðningarsamning þurfa að vera undirritaðan

Tue, 20 Feb 2007 15:00:00 GMT

Héraðsdómur Reykjavíkur hefur hafnað kröfu félagsmanns VR um laun í þriggja mánaða uppsagnarfresti en honum var sagt upp eftir tveggja mánaða starf. Félagsmaðurinn sagði vinnuveitanda hafa samið um fastráðningu strax við upphaf vinnunnar og gengið hafi verið frá ráðningarsamningi þar sem kveðið var á um þriggja mánaða uppsagnarfrest. Til staðfestingar hafi félagsmaðurinn fengið óundirritað endurrit samningsins. Vinnuveitandinn hafnaði kröfunni og sagði að skriflegur ráðningarsamningurinn hafi ekki verið gerður þeirra á milli, heldur hafi einungis verið afhent drög að ráðningarsamningi en það skjal hafi ekki verið undirritað. Dómarinn féllst á rök vinnuveitanda og lagði sönnunarbyrðina á herðar félagsmanninum í þessu máli.

Framlengjum frestinn til að svara könnun VR

Mon, 19 Feb 2007 15:00:00 GMT

- félagsmenn athugið að skila þarf inn svörum eigi síðar en mánudaginn 26. febrúar

Þátttaka í könnun VR á fyrirtæki ársins og launakjörum hefur verið mjög góð, en betur má ef duga skal. Ákveðið hefur verið að framlengja frestinn til að svara til og með 26. febrúar. Við hvetjum þig til að svara. Þetta er þitt tækifæri til að segja hug þinn um vinnustaðinn þinn og niðurstöðurnar veita þér mikilvægar upplýsingar um stöðu starfsmannamála innan þíns fyrirtækis sem og annarra. Niðurstöður launakönnunarinnar eru að auki mikilvægar í baráttunni fyrir bættum kjörum og ómissandi þegar þú býrð þig undir launaviðtalið.

Ætlar þú í orlofshús á Íslandi í sumar?

Fri, 16 Feb 2007 12:00:00 GMT

Leiga orlofshúsa tekur róttækum breytingum - þú verður að lesa þetta

Róttækar breytingar verða gerðir á fyrirkomulagi bókana orlofshúsa VR víða um land næsta sumar. Ekki verður lengur farið eftir punktainneign og húsum verður þar af leiðandi ekki úthlutað. Þetta er gert til að bregðast við þeim miklu breytingum sem orðið hafa í þjóðfélaginu en nú er hægt að bóka næstum allt á netinu.

Opnað verður fyrir bókun orlofshúsa fyrir sumarið í heild sinni kl. 8:30 að morgni 2. apríl bæði á heimasíðunni og í síma þjónustuvers.

Sumar á ströndinni 2007

Fri, 09 Feb 2007 08:00:00 GMT

Nú geta VR félagar valið úr nokkrum dvalarstöðum í sólina í sumar því VR hefur samið við Sumarferðir um ferðir á mjög góðu verði til Calpe á Spáni, Mallorca, Portúgal, Tenerife og Lanzarote. Ekki þarf lengur að fylla út umsóknareyðublað og bíða eftir úthlutun heldur fer hver og einn sjálfur inn á vefinn og gengur frá sinni pöntun.

Stærsta jafnréttismál sögunnar

Wed, 07 Feb 2007 13:00:00 GMT

Stærsti vinnuveitandi heims, verslunarkeðjan Wal-Mart, mun þurfa að svara til saka fyrir bandarískum dómstólum vegna ásakana um að mismuna konum.

Við leitum að félagsmönnum

Tue, 06 Feb 2007 09:00:00 GMT

- til að taka þátt í undirbúningi kjarasamninga

Á fundi trúnaðarráðs og trúnaðarmanna VR nýlega var ákveðið að setja á laggirnar þrjá vinnuhópa til að undirbúa næstu kjarasamninga og leitum við nú að félagsmönnum til að taka þátt í þeirri vinnu. Um er að ræða hópa sem fjalla munu um þau málefni sem helst brennur á (nánari upplýsingar). Ef þú vilt taka þátt í þessari vinnu, geturðu skráð þig á vefnum. Skráningu lýkur 26. febrúar.

Hefurðu áhyggjur af netnotkun barnsins þíns?

Mon, 05 Feb 2007 12:00:00 GMT

VR býður félagsmönnum á hádegisfyrirlestur fimmtudaginn 8. febrúar þar sem fjallað verður um internetið og hættuna á því að ánetjast því. Internetinu hefur verið hampað sem einni merkustu uppfinningu allra tíma og skákað hlutum eins og símanum, sjónvarpinu, bílnum og flugvélinni. Því geta hins vegar fylgt ýmis vandamál og samkvæmt nýjustu tölum hagstofunnar má búast við að um 26.000 íslendingar eigi á hættu að ánetjast netnotkun sinni. En getum við gert eitthvað í þessu? Með hverju eigum við að fylgjast og hvað getum við gert? Fyrirlesari er Hallur Guðjónsson sálfræðingur. Nánar um hvernig á að skrá sig.

Viltu notalegheit í orlofshúsi um páskana?

Mon, 05 Feb 2007 09:00:00 GMT

Nú er tímabært að sækja um orlofshús um páskana en páskadagur er að þessu sinni 8. apríl. Hægt er að sækja um orlofshús frá miðvikudegi til þriðjudags eða hálfa viku. Að þessu sinni standa félagsmönnum VR til boða hús í Ölfusborgum, Vaðnesi, Húsafelli, Stykkishólmi, Miðhúsaskógi, Hraumborgum, á Flúðum, Einarsstöðum, Akureyri og að Minni Borg í Grímsnesi. Umsóknarfrestur er til 20. febrúar. Hægt er að sækja um á netinu eða fylla út umsóknareyðublað og senda til VR.

Andrésar Andar leikarnir að skella á

Mon, 05 Feb 2007 09:00:00 GMT

Hér er hægt að sækja um orlofsíbúð í Furulundi á Akureyri fyrir Andrésar andar leikana 2007. Umsóknarfrestur er til og með 15. febrúar og mun ákvörðun um úthlutun liggja fyrir fimm dögum síðar.

Yfir þrjú þúsund í morgunverð hjá VR

Fri, 02 Feb 2007 11:00:00 GMT

VR hefur nú boðið yfir þrjú þúsund félagsmönnum til morgunverðar frá árinu 2002 þegar fyrsti morgunverðarfundurinn var haldinn. Þessir fundir þjóna þeim tilgangi að koma á beinum tengslum milli félagsmanna og fulltrúa félagsins og skapa vettvang til að ræða það sem helsti brennur á félagsmönnum. Formaður og varaformaður félagsins sitja fundina og ræða við félagsmenn um allt sem varðar réttindi þeirra, stöðu félagsins, framtíðarhorfur og hvað eina sem fólki dettur í hug. Um 15 félagsmenn sitja hvern fund að meðaltali. Alls hafa verið haldnir 220 fundir og hafa því vel yfir þrjú þúsund félagsmenn kíkt í morgunmat og gott spjall til VR á síðustu árum.

Laun hækkuðu um 2,9% um áramót

Thu, 01 Feb 2007 09:00:00 GMT

Samkvæmt kjarasamningi VR og Samtaka atvinnulífsins hækka laun um 2,9% frá og með 1. janúar 2007. Þessi hækkun kemur til útborgunar í dag, 1. febrúar. Lágmarkslaun fyrir fullt starf eru nú 125 þúsund krónur á mánuði. Sjá nánar kjarasamninginn.

Hefur þú dregist aftur úr í launum?

Tue, 30 Jan 2007 13:00:00 GMT

Veistu hvort laun þín hafa þróast svipað og laun á almennum vinnumarkaði? Veistu hvort kaupmáttur þinna launa hafi aukist eða rýrnað síðustu mánuði? Ef þú ert að fara í launaviðtal er mikilvægt að þú hafir þessar upplýsingar við höndina. Ný þjónusta VR svarar þessum og fleiri spurningum um það hvernig þín laun hafa þróast og hvernig þau ættu að hafa þróast miðað við tilteknar forsendur.

Evrópskt ár jafnréttis

Tue, 30 Jan 2007 11:00:00 GMT

Árið 2007 er evrópskt ár jafnréttis, samkvæmt ákvörðun framkvæmdastjórnar Evrópusambandsins. Árið hefst formlega með tveggja daga jafnréttisráðstefnu í Berlín sem hefst í dag, 30. janúar. Markmiðið með þessari herferð er að tryggja jafnrétti til handa öllum og að tekið sé á mismunun á árangursríkan hátt. Herferðin nær til aðildarríkjanna 27 auk Íslands, Noregs og Lichtenstein.

Framboðsfrestur

Fri, 26 Jan 2007 12:00:00 GMT

Ákveðið hefur verið að viðhafa allsherjaratkvæðagreiðslu um kjör stjórnar og trúnaðarráðs VR fyrir árið 2007. Framboðslistum skal skila á skrifstofu félagsins, Húsi verslunarinnar, Kringlunni 7, 1. hæð, eigi síðar en kl. 12:00 föstudaginn 9. febrúar.

Kjörstjórnin

Mannekla skapar ófremdarástand

Thu, 18 Jan 2007 12:00:00 GMT

- er þörf á endurskoðun á launakerfi hins opinbera eða rekstrarformi þjónustunnar?

Enn og aftur standa útivinnandi foreldrar frammi fyrir því að mannekla á leikskólum skapar þeim óvissu og erfiðleika á vinnumarkaði. Ómannað er í alltof margar stöður á leikskólum á höfuðborgarsvæðinu svo ásættanlegt sé. Það hlýtur að vera krafa allra að dagvistun barna sé tryggð því kostnaðurinn sem fylgir stopulli dagvistun er mikill, fyrir bæði starfsmenn og atvinnulífið. Ljóst er að launamálin eiga stóran þátt í því hvernig komið er fyrir mönnun á leikskólum landsins - og ekki síður við umönnun sjúkra og aldraðra. Það er löngu tímabært að taka til endurskoðunar það launakerfi eða rekstrarform sem ekki ræður við þær kröfur sem eðlilegar geta talist.

Félagsmanni dæmd laun fyrir vinnu í matartíma

Tue, 16 Jan 2007 16:00:00 GMT

Héraðsdómur Reykjavíkur hefur dæmt Reykjavíkurdeild Rauða kross Íslands til að greiða fyrrum starfsmanni deildarinnar og félagsmanni VR tæpa hálfa milljón króna vegna vinnu í matartímum. Starfsmaðurinn vann við að svara í Hjálparsíma deildarinnar að næturlagi frá mars 2004 til ágústloka 2005.

Lífeyrisréttindi sjóðfélaga Lífeyrissjóðs verzlunarmanna hækkuð um 7%

Thu, 11 Jan 2007 14:00:00 GMT

- á 10 árum hafa réttindin verið hækkuð um 21,1% umfram verðlagsbreytingar

Vegna góðrar raunávöxtunar Lífeyrissjóðs verzlunarmanna á árinu 2006 hefur tryggingafræðileg staða sjóðsins styrkst verulega. Eignir við áramót höfðu hækkað um 26% á árinu. Eignir umfram heildarskuldbindingar að meðtöldum framtíðarréttindum námu 32 milljörðum eða 7,9%. Vegna styrkrar stöðu sjóðsins hefur stjórn hans ákveðið að gera tillögu um 7% hækkun áunninna lífeyrisréttinda sjóðfélaga frá 1. janúar 2007. Sjá frétt á heimasíðu lífeyrissjóðsins.

Hlátur án tilefnis

Wed, 10 Jan 2007 09:00:00 GMT

- hefur bætandi áhrif á andlega og líkamlega líðan

Fimmtudaginn 18. janúar býður VR félagsmönnum sínum á fyrirlestur um hláturjóga og er hann hluti af fyrirlestrarröð VR. Fyrirlesturinn byggir á á kenningum og aðferðum indverska læknisins Dr. Madan Kataria og konu hans Madhuri Kataria. Þau stofnuðu fyrsta hláturklúbbinn árið 1995 til að sannreyna kenningar um jákvæðan áhrifamátt hláturs á sál og líkama. Í stað þess að nota brandara til að vekja hlátur hafa þau þróað æfingakerfi sem hefur sömu áhrif og jákvæður hlátur sprottinn af innri gleði.

Breytingar um áramótin

Wed, 03 Jan 2007 09:00:00 GMT

Ýmsar breytingar sem snerta launþega tóku gildi um áramót. Ber þar fyrst að nefna að skatthlutfall staðgreiðslu lækkar í 35,72% og persónuafsláttur hækkar í 32.150 krónur á mánuði. Frítekjumark barna er kr. 100.745 krónur á árinu 2007. Tryggingagjaldið er nú 5,34% og mótframlag vinnuveitanda í lífeyrissjóð samkvæmt kjarasamningum VR hækkar úr 7% í 8%. Sjá nánar upplýsingarit Ríkisskattstjóra og frétt á heimasíðu Lífeyrissjóðs verzlunarmanna.

Félagsmenn vilja halda uppbótum óbreyttum

Fri, 29 Dec 2006 10:00:00 GMT

Mikill meirihluti félagsmanna fær orlofs- og desemberuppbætur greiddar með hefðbundnum hætti, skv. kjarasamningi og vill ekki hrófla við því í næstu samningum. Þetta kemur fram í könnun VR meðal eitt þúsund félagsmanna.

Aukið óöryggi starfsmanna verslana

Fri, 29 Dec 2006 09:00:00 GMT

- það er verslunareigenda að tryggja öryggi starfsmanna sinna

Það hefur færst í vöxt að starfsmenn söluturna og klukkubúða leiti eftir ráðleggingum hjá VR því þeir óttast um eigið öryggi á vinnustaðnum. Ránum hefur fjölgað og það er algengara nú en áður að viðskiptavinir sýna ógnandi framkomu við starfsfólk. Verslunareigendum ber, samkvæmt lögum, að tryggja öryggi sinna starfsmanna, en því virðist víða ábótavant, segir fulltrúi á kjarasviði VR.

Samstarfssamningur undirritaður við Hvammstanga

Thu, 28 Dec 2006 14:00:00 GMT

Í hádeginu í dag, 28. desember, var skrifað undir samstarfssamning milli VR og Verslunarmannafélags Vestur Húnvetninga á Hvammstanga. Samningurinn hefur það að markmiði að félögin sameinist að ári liðnu, með fyrirvara um samþykki félagsmanna beggja félaga. Þessi samstarfssamningur er á svipuðum nótum og VR hefur gert við verslunarmannafélög Hafnarfjarðar, Akraness og Vestmannaeyja en þeir samningar hafa þegar leitt til sameiningar VR og fyrstu tveggja félaganna. Félagsmenn á Hvammstanga fá full réttindi í VR frá og með 1. janúar 2007.

Topparnir með 17-sinnum meiri launahækkun

Thu, 28 Dec 2006 00:00:00 GMT

Laun stjórnenda FTSE 100 fyrirtækjanna í Bretlandi hafa hækkað 17 sinnum meira en laun hins almenna starfsmanns frá árinu 2000 . Hefði bónusnum í fjármálahverfinu í London nú í lok árs verið dreift til allra á vinnumarkaði í Bretlandi hefði hver og einn fengið bónus uppá 48 þúsund íslenskar krónur, og ríflega það. Þessi þróun veldur breska alþýðusambandinu, TUC, áhyggjum og var umfjöllunarefni nýársávarps forseta sambandsins sem birt er á heimasíðu þess í dag. Það er kominn til til að taka þetta mál til opinberrar umfjöllunar, segir hann.

Ójafnvægi vinnu og einkalífs

Wed, 20 Dec 2006 12:00:00 GMT

- The Economist spáir aukinni hörku á vinnumarkaði sem bitni harðar á konum en körlum

Eru átök á vinnumarkaði í uppsiglingu?

Mon, 18 Dec 2006 14:00:00 GMT

- stefnir í að stéttarfélög berjist sín á milli um félagsmenn?

Sátt hefur ríkt á vinnumarkaði milli stéttarfélaga um að ekki sé samkeppni um félagsmenn. Nú virðist hafa orðið breyting þar á, stjórnarmaður í einu stéttarfélagi hvetur í grein í Morgunblaðinu þann 18. desember félagsmenn annars stéttarfélags til að skipta um félag. Er BHM að fara í beina samkeppni um félagsmenn?

Afslöppun í orlofshúsi yfir hátíðarnar

Mon, 18 Dec 2006 11:00:00 GMT

Kyrrð og friður einkenna dvöl í orlofshúsi yfir hátíðarnar og því ekki að furða þó töluverð aðsókn sé að húsum VR á þessum árstíma. Félagsmenn VR hafa aðgang að orlofshúsum í Miðhúsaskógi og Húsafelli, á Einarsstöðum og Flúðum, Hraunborgum, Ölfusborgum og Vaðnesi auk þess sem félagið hefur íbúðir á Akureyri og í Stykkishólmi. Í orlofshúsabyggðinni í Minni-Borg í Grímsnesi hefur VR eitt hús en mun bæta við orlofshúsi þar frá og með áramótum. Húsin í Minni-Borg eru einkar glæsileg og vel búin húsgögnum. Hægt er að bóka orlofshús netinu og þarf að greiða fyrir þau á netinu. Einnig er hægt að bóka hús hjá Þjónustuveri VR í síma 510 1700. Einungis fullgildir félagsmenn VR geta bókað orlofshús.

Um 80 milljónir króna innheimtar á árinu

Fri, 15 Dec 2006 15:00:00 GMT

Það sem af er ári hefur kjarasvið VR innheimt um 47 milljónir króna fyrir 115 félagsmenn eða rúmlega 400 þúsund krónur að meðaltali á hvern og einn. Hér er að mestu um að ræða laun í vanskilum eða aðrar launatengdar greiðslur sem félagsmenn þurfa aðstoð frá félaginu við að innheimta frá sínum vinnuveitendum. Langflest mál sem koma til kasta kjarasviðs eru leyst með sátt án þess að til innheimtu komi. Með því sem lögmenn VR innheimta fyrir dómstólum má gera ráð fyrir því að heildarupphæðin nemi um 80 milljónum króna.

Lykilatriðið er að viðhalda tengslum

Thu, 14 Dec 2006 15:00:00 GMT

- ef konur vilja halda áfram á framabrautinni eftir fæðingarorlof eða fjölskylduleyfi

Evrópskar konur gera að meðaltali tveggja ára hlé á starfsframa sínum vegna barneigna. Aðeins fjórar af tíu bandarískum konum sem taka sér tíma frá vinnunni til að sinna fjölskyldumálum snúa aftur í fullt starf. Leiðin til að tryggja að hlé af þessu tagi stöðvi ekki fyrir fullt og allt frama kvenna er að þær haldi sambandi við vinnuveitendur og starfsfélaga á meðan á því stendur. Þetta er umfjöllunarefnið í nýlegu tölublaði Newsweek sem er að mestu helgað konum í leiðtogastörfum.

Ekki jólakort frá VR í ár

Thu, 14 Dec 2006 12:00:00 GMT

- andvirðið þess í stað gefið til Stígamóta

VR hefur ákveðið að senda ekki jólakort í ár og lætur í staðinn Stígamót njóta góðs af en Stígamót eru eins og flestir vita samtök sem berjast af atorku gegn kynferðisofbeldi. Fólk á öllum aldri leitar til Stígamóta, konur og karlar, sem beitt hafa verið kynferðisofbeldi.

Færð þú þinn hvíldartíma?

Fri, 08 Dec 2006 12:00:00 GMT

Jólamánuðurinn er annasamasti mánuður verslunarfólks og í mörgu að snúast. Vinnuálagið er mikið og stundum gleymist að starfsfólk verslana þarf sinn hvíldartíma eins og aðrir (sjá um réttindi í desember). VR hefur undanfarin ár birt í sjónvarpi auglýsingar þar sem minnt er á kjarasamningsbundinn rétt verslunarfólks til hvíldartíma. Í ár birtum við nýja auglýsingu um þetta efni.

Þar sem öfgarnar ráða ríkjum

Thu, 07 Dec 2006 13:00:00 GMT

Hinn 23 ára fjármálasérfræðingur Sudhir vinnur 90 stunda vinnuviku, þegar lítið er að gera í vinnunni. Annasamar vikur kalla á 120 stunda vinnu. Þá hefur hann 48 stundir á viku - innan við 7 klst. á dag að meðaltali - til að sofa, borða og almennt njóta lífsins. Sudhir er meðal 6% launahæstu manna í Bandaríkjunum en í vinnuumhverfi hans ráða öfgarnar ríkjum. Er það þess virði? Verður ekki eitthvað annað undan að láta? Um þetta er fjallað í greininni Extreme jobs í bandaríska viðskiptatímaritinu Harvard Business Review.

Fær þitt fyrirtæki gæðastimpil frá starfsfólkinu?

Wed, 06 Dec 2006 12:00:00 GMT

- allir starfsmenn fyrirtækisins geta tekið þátt í könnun á Fyrirtæki ársins 2007

Könnun VR á fyrirtæki ársins 2007 verður send út í byrjun febrúar til tugþúsunda starfsmanna á vinnumarkaði og er hún viðamesta vinnumarkaðskönnun sem gerð er á Íslandi. Í könnuninni meta starfsmenn sjálfir vinnustað sinn. Könnunin verður send til allra fullgildra félagsmanna VR en fyrirtæki geta óskað þess að allir starfsmenn, óháð stéttarfélagsaðild, fái sent spurningaeyðublað.

Aukið álag hjá öðrum hverjum félagsmanni

Tue, 05 Dec 2006 14:00:00 GMT

Annar hver félagsmaður finnur fyrir auknu álagi í jólamánuðinum. Um þriðjungur þeirra segist kvíða því - mismikið þó - en meirihlutinn ber þó ekki kvíða fyrir því þó álag aukist þennan mánuðinn. Vinnutími ríflega fjórða hvers félagsmanns VR lengist í desember, einkum hjá þeim sem starfa í verslun sem líklega kemur engum á óvart. Þetta má lesa úr nýlegri könnun VR meðal félagsmanna um álag og líðan í jólamánuðinum.

Evrópskur vinnumarkaður tekur róttækum breytingum

Fri, 01 Dec 2006 11:00:00 GMT

Í aðildarríkjum Evrópusambandsins eru fjórir einstaklingar á vinnumarkaði á móti hverjum einum sem kominn er á eftirlaun. Því er spáð að þetta hlutfall verði tveir á móti einum eftir nokkra áratugi. Til að sporna við þessu er áhersla lögð á aukna atvinnuþátttöku eldri starfsmanna víðast hvar innan aðildarríkja ESB.

Um þetta er fjallað í nýjasta tölublað tímaritsins European Industrial Relations Review.

Sameining VR og VH samþykkt með yfirgnæfandi meirihluta

Fri, 24 Nov 2006 13:00:00 GMT

Sameining VR og Verslunamannafélags Hafnarfjarðar var samþykkt með miklum meirihluta greiddra atkvæða í kosningu meðal félagsmanna VH en henni lauk kl. 13:00 í dag. Á kjörskrá voru 752, kjörsókn var 28% eða 213. Já sögðu 200 félagsmenn eða 94% þeirra sem kusu en nei sögðu 6% eða 13. Engir seðlar voru auðir eða ógildir. Sameiningin tók gildi frá og með 1. janúar 2006.

Ókeypis fyrir félagsmenn á landsleik

Thu, 23 Nov 2006 10:00:00 GMT

Félagsmönnum VR er boðið frítt inn á landsleiki kvennalandsliðs HSÍ um helgina. Leikið verður á móti Færeyingum í Framhúsinu í Safamýrinni. Fyrri leikurinn hefst kl. 20:00 á föstudagskvöldið og sá seinni klukkan 14:00 á laugardaginn. Félagsmenn gefi sig fram í anddyri Framhúsins til að fá ókeypis aðgang.

Hefur þú áhuga á að starfa í forystu VR?

Wed, 22 Nov 2006 12:00:00 GMT

Samkvæmt lögum VR gerir uppstillingarnefnd tillögu um skipan í trúnaðarstöður félagsins. Áhugasamir geta gefið kost á sér með því að senda inn skriflegt erindi til starfsmanns nefndarinnar, Elísabetar Magnúsdóttur, á skrifstofu VR. Einnig er hægt að senda erindið á uppstillingarnefnd@vr.is fyrir 6. desember 2006.

Kosning um sameiningu VR og VH

Tue, 21 Nov 2006 10:00:00 GMT

Þessa viku stendur yfir kosning meðal félagsmanna Verslunarmannafélags Hafnarfjarðar um sameiningu VH og VR. Kosið er á skrifstofu VH að Lækjargötu 34D milli kl. 8:30 og 13:00 alla virka daga. Einnig er hægt að kjósa á skrifstofunni annað kvöld, miðvikudagskvöld, kl. 18:00 – 21:00. Við hvetjum alla félagsmenn VH til að kjósa.

Raddlaus - máttlaus

Tue, 21 Nov 2006 09:00:00 GMT

Einstaklingar hafa misjafna stjórn á röddinni en rétt beiting hennar er miklvæg fyrir alla sem vinna með röddina á einn eða annan hátt. Næstkomandi fimmtudag, þann 23. nóvember kl. 12:00 til 13:00, býður VR félagsmönnum sínum á forvitnilegan fyrirlestur undir heitinu Raddlaus - máttlaus. Það er Ingveldur Ýr Jónsdóttir, söngkona og raddþjálfari frá Þekkingamiðlun, sem fer yfir áhugaverð atriði varðandi raddbeitingu. Fyrirlesturinn, sem er haldinn í sal VR á 0. hæðinni í Húsi verslunarinnar, er öllum opinn og ókeypis. Í boði eru léttar veitingar. Skráning er á netinu eða hjá Þjónustuveri VR í síma 510 1700.

Mundu eftir desemberuppbótinni

Mon, 20 Nov 2006 12:00:00 GMT

Desemberuppbót á að greiða í síðasta lagi 15. desember. Desemberuppbót fyrir fullt starf á árinu 2006 er 46.200 krónur, skv. kjarasamningi VR og SA, en 65.000 krónur skv. kjarasamningi VR og FÍS. Starfshlutfall miðast við fasta reglubundna vinnu, þó að hámarki 39,5 stundir hjá afgreiðslufólki og 37,5 stundir hjá skrifstofufólki á viku. Starfsfólk í hlutastarfi skal fá greitt hlutfallslega. Uppgjörstímabil er almanaksárið (allt um desemberuppbótina og reiknivél).

5. tbl. VR blaðsins 2006

Fri, 17 Nov 2006 00:00:00 GMT

Niðurstöður nýrrar könnunar VR meðal stjórnenda á almennum og opinberum vinnumarkaði eru meginþema 5. tbl. VR blaðsins 2006. Niðurstöðurnar sýna að hinn íslenski stjórnandi er karlmaður, undir fimmtugu og með háskólamenntun. Krefjandi verkefni heilla hann við starfið en álag er það versta sem því fylgir. Í blaðinu er einnig fjallað um jafnréttismálin, bæði er sérstök umfjöllun um stjórnendakönnunina eftir kynjum en einnig er birt grein varaformanns VR um jafnrétti og birt ný auglýsing félagsins um þessi mál.

Ársfundur ASÍ - leiðari 5. tbl. VR blaðsins 2006

Fri, 17 Nov 2006 00:00:00 GMT

Á ársfundi ASÍ sem haldinn var í lok október voru til umfjöllunar tvö megin umræðuefni; hnattvæðingin og skipulag Alþýðusambandsins. Á fyrra degi fundarins fór dagskrá öll úr skorðum vegna atkvæðagreiðslu um aðild nýrra félaga að ASÍ og umræðna um tillögur frá einstaklingum og félögum. Því var dagur nánast að kvöldi kominn og stór hópur ársfundarfulltrúa farinn heim þegar megin umfjöllunarefnin voru tekin fyrir í málefnanefndum.

Enn og aftur um launamun kynjanna

Thu, 16 Nov 2006 14:00:00 GMT

… launakönnun VR - launakönnun félagsmálaráðuneytisins - ráðstefnur á ráðstefnur ofan – morgunverðarfundir – auglýsingaherferðir – greinaskrif o.s.frv., o.s.frv….

Umræðan um jafnréttismál hefur aldrei verið meiri. Baráttan hefur verið hörð og margt gert. Málstaðurinn er góður og snýst einfaldlega um mannréttindi. Allir eru sammála um grundavallaratriðið, launamunur sem byggir á kynferði einu saman er fáránlegur. Því hljótum við að spyrja, af hverju stöndum við enn og aftur frammi fyrir því að lítið hefur mjakast í baráttunni fyrir jafnrétti kynjanna?

Hinn íslenski stjórnandi

Thu, 16 Nov 2006 14:00:00 GMT

Íslenskir stjórnendur vinna yfir 50 stundir á viku, rúmlega þriðji hver vinnur iðulega um helgar, þeir losna ekki úr vinnunni þegar þeir fara í frí og vinnutengdar áhyggjur sækja að flestum í fríi, allavega stundum. Stjórnandinn er karlmaður, vel menntaður og nokkuð sáttur við lífið og tilveruna. Álagið er það versta við starfið en krefjandi og spennandi verkefni það besta. Vel yfir 90% stjórnenda segja starfið eftirsóknarvert. Þetta kemur fram í könnun sem VR gerði meðal stjórnenda á almennum og opinberum vettvangi. Tæplega 1.300 stjórnendur svöruðu könnuninni sem er hluti af vinnumarkaðsrannsóknum VR.

Vinnuvika kvenna lengri en karla

Wed, 15 Nov 2006 15:00:00 GMT

Vinnuvika evrópskra kvenna er töluvert lengri en karla þegar tekið er tillit til ólaunaðrar vinnu. Konur vinna um 63 klukkustundir á viku í launaðri og ólaunaðri vinnu en karlar 51 klukkustund. Konur sem vinna hlutastarf segja fjölskylduskuldbindingar ástæðuna frekar en karlar. Þetta kemur fram í nýrri evrópskri skýrslu um vinnutíma innan aðildarríkja ESB.

Starfsmenn framtíðarinnar fræddir um réttindin

Wed, 15 Nov 2006 13:00:00 GMT

Hátt í eitt þúsund nemendur hafa sótt grunnskólafræðslu VR frá því skólar byrjuðu í haust. Síðasta skólaár, haust 2005 – vor 2006, voru þeir tæplega 1.500. VR hefur sinnt fræðslu grunnskólanema um vinnumarkaðsmál hátt í áratug og hefur félagið uppfrætt þúsundir fyrrverandi skólanema sem nú sinna margvíslegum störfum á vinnumarkaði. Fulltrúar VR fara ýmist í skólana á höfuðborgarsvæðinu eða nemendurnir sækja VR heim.

Evrópsk sátt um jafnvægi vinnu og einkalífs

Thu, 09 Nov 2006 11:00:00 GMT

Fjórir af hverjum fimm starfsmönnum á evrópskum vinnumarkaði eru sáttir við jafnvægi milli vinnu og einkalífs. Lengd vinnuvikunnar hefur mikið að segja hvað þetta varðar, tveir af hverjum þremur sem vinna 48 stundir eða lengur á viku eru ósáttir. Karlar eru ósáttari en konur. Þetta er meðal helstu niðurstaðna í nýrri evrópskri könnun.

Starfslok eftir sextugt

Wed, 08 Nov 2006 14:00:00 GMT

Rúmlega tveir af hverjum tíu stjórnendum stefna á starfslok fyrir sextugt en stærstur hluti ætlar að setjast í helgan stein á milli sextugs og sjötugs samkvæmt niðurstöðum könnunar VR meðal stjórnenda á almennum og opinberum vinnumarkaði (sjá graf). Töluverður munur er á viðhorfi stjórnenda á almennum og opinberum markaði. 25% stjórnenda á almennum markaði hyggja á starfslok fyrir sextugt en einungis 7% stjórnenda hins opinbera. Heildarniðurstöður könnunarinnar verðar kynntar um miðjan mánuð.

Ríflega 140% fjölgun á innan við tveimur áratugum

Mon, 06 Nov 2006 13:00:00 GMT

Fjöldi félagsmanna VR hefur ríflega tvöfaldast á innan við tuttugu árum, farið úr rúmlega 10 þúsund árið 1988 í rúmlega 25 þúsund í ár. Hlutfall kynjanna í félaginu hefur breyst mikið - karlpeningnum hefur fjölgað. Hlutfall erlendra félagsmanna hefur aukist og eru þeir nú nær 700 talsins eða hátt í 3% félagsmanna. Þetta er meðal þess sem lesa má úr Lykiltölum VR sem nú eru birtar á heimasíðu félagsins.

ITUC tekur til starfa

Mon, 06 Nov 2006 12:00:00 GMT

Nýtt alþjóðlegt samband verkalýðsfélaga hefur tekið til starfa, ITUC eða International Trade Union Confederation. ITUC varð til við sameiningu ICFTU, International Confedetation of Free Trade Unions, og WCL, World Confederation of Labour.

Mundu tryggingavernd VR!

Wed, 01 Nov 2006 13:00:00 GMT

Við viljum minna félagsmenn okkar á að þeir og börn þeirra eru slysatryggð hjá félaginu vegna slysa í frítíma. Þá greiðir sjúkrasjóður VR dagpeninga til félagsmanna vegna veikinda barna, 80% launa í allt að 270 daga.

Tryggingavernd VR nær til félagsmanna og barna þeirra yngri en 16 ára.

Sameining innan alþjóðlegu verkalýðshreyfingarinnar

Wed, 01 Nov 2006 00:00:00 GMT

Ný og öflug alþjóðasamtök verkalýðsfélaga verða stofnuð í dag þegar ICFTU, International Confederation of Free Trade Unions, og WCL, World Confederation of Labor, sameinast í nýtt alþjóðlegt verkalýðsfélag sem ber skammstöfunina ITUC, International Trade Union Confederation eða Alþjóðasamtök verkalýðsfélaga. Í samtökunum eru um 166 milljónir manns sem tilheyra 309 verkalýðsfélögum í 156 löndum og svæðum.

Hvers vegna fá zebrahestar ekki magasár?

Mon, 30 Oct 2006 14:00:00 GMT

Vinnutengd streita er vandamál hjá mörgum í nútíma þjóðfélagi. Ólafur þór Ævarsson geðlæknir fjallar um áhrif streitu á andlega og líkamlega heilsu í fyrirlestri með þessari áhugaverðu fyrirsögn þann 2. nóvember n.k. en VR býður félagsmönnum sínum á hann þeim að kostnaðarlausu.

Milljónir til félagsmanna mánaðarlega

Wed, 25 Oct 2006 15:00:00 GMT

Tæpur þriðjungur úttekta úr VR varasjóði frá stofnun sjóðsins hefur farið til forvarna, s.s. líkamsræktar, og um fjórðungur í orlofsferðir ýmis konar. Uppsafnaðar greiðslur úr sjóðnum nema rúmum 140 milljónum króna. Stór hluti félagsmanna hefur ekki tekið útúr sjóðnum og má gera því skóna að margir þeirra hyggist nýta sjóðinn sem varasjóð.

Konur, nýtið ykkur réttinn til launaviðtals

Tue, 24 Oct 2006 11:00:00 GMT

Í dag er 24. október, kvennafrídagurinn. Fyrir réttu ári lögðu 50 þúsund konur niður störf og fylktu liði niður í miðbæ Reykjavíkur og kröfðust löngu tímabærs jafnréttis. Launakönnun VR 2006 sýnir, því miður, að þær hafi ekki haft erindi sem erfiði, ennþá.

Ekki er allt sem sýnist

Mon, 23 Oct 2006 09:00:00 GMT

Flest okkar sem verslum í stórmörkuðum, á skyndabitastöðum og víðar höfum tekið eftir því að starfsfólk sem sinnir þjónustunni, virðist sífellt verða yngra og yngra. Það er ekki laust við að það hvarfli að manni sú hugsun að þessi ungmenni ættu e.t.v. að vera heima að vinna heimaverkefnin sín úr skólanum, hlaupandi einhversstaðar í íþróttahúsi eða í öðrum tómstundum. Er það ekki full vinna?

Er þetta rétt skilið hjá okkur?

Fri, 20 Oct 2006 10:00:00 GMT

Er það viðhorf forsvarsmanna atvinnurekenda að það sé enginn launamunur kynjanna? Ef svo er, ætti það ekki að koma á óvart þó lítið hafi þokast á þeim vettvangi, segir Gunnar Páll Pálsson, formaður VR. Í Morgunblaðinu í morgun er haft eftir Hannesi G. Sigurðssyni, aðstoðarframkvæmdastjóra SA, að "sé stuðst við nákvæmar skilgreiningar á ábyrgð og inntaki starfs, sem skipta máli við ákvörðun launa, minnkar kynbundinn launamunur eða hverfur með öllu."

Nánast óbreyttur launamunur kynjanna frá 1994

Thu, 19 Oct 2006 14:00:00 GMT

- samkvæmt rannsókn á kynbundnum launamun og launamyndun á vegum félagsmálaráðuneytisins

Launamunur kynjanna á vinnumarkaði er nánast sá sami og árið 1994. Þegar tekið hefur verið tillit til starfsstéttar, aldurs, starfsaldurs og vinnutíma eru konur með 15,7% lægri laun en karlar en munurinn var 16% árið 1994, samkvæmt rannsókn félagsmálaráðuneytisins. Þetta er í samræmi við niðurstöður launakönnunar VR 2006 en sú könnun leiddi í ljós 15% launamun kynjanna.

Batnandi manni er best að lifa

Mon, 16 Oct 2006 14:00:00 GMT

Fullt var útúr dyrum á fyrirlestri sem Jón Gnarr hélt fyrir félagsmenn VR nýlega. Svo mikil var ásóknin að það fylltist á fyrirlesturinn löngu áður en hann var haldinn og urðu margir frá að hverfa. Efnið sem Jón Gnarr tók fyrir var Ég viðskiptaVINURINN sem er upplifun hans á þjónustulund og viðskiptavitund Íslendinga.

Er æskudýrkun á þínum vinnustað?

Mon, 16 Oct 2006 10:00:00 GMT

Verkefnisstjórn 50+ efnir til fundaraðar um málefni miðaldra og eldra fólks á vinnumarkaði þar sem spurt er hvort framtíðin kalli á breyttar áherslur og hvort aldurssamsetning á vinnustað skipti máli.

Launakönnun í þúsundatali í dreifingu

Thu, 12 Oct 2006 14:00:00 GMT

Launakönnun VR 2006 hefur á síðustu dögum verið dreift í rúmlega tvö hundruð fyrirtæki á höfuðborgarsvæðinu, Akranesi og Vestmannaeyjum. Starfsmenn tóku að sér dreifinguna og var skrifstofu félagsins lokað hluta úr degi fyrir skemmstu til að allir gætu lagt sitt af mörkum. Á þriðja þúsund eintökum af könnuninni var dreift. Launakönnun VR er gerð árlega og hafa aldrei jafnmargir svarað henni og í ár eða tæplega níu þúsund félagsmenn.

Ungt fólk í upphafi starfs - viðurkenning til fyrirtækja

Wed, 11 Oct 2006 09:00:00 GMT

Árlega tekur Vinnueftirlitið þátt í samevrópsku átaksverkefni sem kallast Evrópska vinnuverndarvikan. Nú í ár er vinnuverndarvikan helguð ungu fólki og er yfirskrift hennar Örugg frá upphafi.

Annar hver maður hefur greitt til VR

Thu, 05 Oct 2006 16:00:00 GMT

Ríflega annar hver vinnubær maður á vinnumarkaði í dag hefur einhvern tíma á sínum starfsferli greitt félagsgjald til VR. Í dag eru tæp 15% starfandi manna á Íslandi í VR.

Veikindaréttur VR félaga góður

Thu, 05 Oct 2006 00:00:00 GMT

- samanburður á réttindum félagsmanna í sex stéttarfélögum sýnir sterka stöðu VR

Réttur starfsmanna í veikindum er afar mismunandi eftir stéttarfélögum. Opinberir starfsmenn njóta bestu réttinda til launa frá atvinnurekanda í veikindum en þegar greiðslur úr sjúkrasjóðum stéttarfélaga og frá Tryggingastofnun eru teknar með breytist dæmið. Í nýlegri mastersritgerð var gerður samanburður á réttindum félagsmanna sex stéttarfélaga, bæði á almennum og opinberum vinnumarkaði, og kom VR best út úr þeim samanburði. Höfundur segir í ritgerð sinni það koma á óvart að opinberir starfsmenn búi ekki við bestu réttindin þegar allt er tiltekið, launagreiðslur í veikindum, greiðslur úr sjúkrasjóði stéttarfélagsins og sjúkradagpeningar almannatrygginga.

Framboðsfrestur

Fri, 29 Sep 2006 09:00:00 GMT

Ákveðið hefur verið að viðhafa allsherjaratkvæðagreiðslu í VR við kjör fulltrúa á ársfund ASÍ 2006. Kjörnir verða 73 fulltrúar og 28 fulltrúar til vara. Framboðslistar ásamt meðmælum 100 fullgildra félagmanna VR þurfa að hafa borist kjörstjórn á skrifstofu VR, Húsi verslunarinnar fyrir kl. 12 á hádegi föstudaginn 6. október nk.
Kjörstjórn

Mikil fjölgun félagsmanna með erlent ríkisfang

Thu, 28 Sep 2006 12:00:00 GMT

Félagsmönnum VR með erlent ríkisfang hefur fjölgað um 60% á tveimur árum, í október árið 2004 voru þeir um 500 talsins en eru nú 800 eða um 3,2% af félagafjölda. Að auki eru um 1.200 félagsmenn sem eru af erlendu bergi brotnir eða fæddir erlendis en hafa íslenskt ríkisfang. Það er ríflega tvöfalt fleiri en fyrir tveimur árum. Um helmingur starfandi erlendra ríkisborgara á Íslandi vinnur við þjónustugreinar.

Kynning á verslunarfagnámi VÍ

Tue, 26 Sep 2006 11:00:00 GMT

Viltu kynna þér á einum morgni eða í einni kennslustund hvað fram fer í verslunarfagnámi VÍ sem ætlað er starfandi verslunarfólki? Á morgun, miðvikudaginn 27. september, verður haldin kynning á verslunarfagnámi í Verzlunarskóla Íslands.

Nám - nú er lag

Mon, 25 Sep 2006 16:00:00 GMT

Sí- og endurmenntun styrkir stöðu einstaklinga í vinnunni og veitir þeim forskot sem vilja þreifa fyrir sér á nýjum starfsvettvangi. Nú eru námskeiðin að hefjast og tími til að skoða hvað í boði er. Hjá Mími símenntun geta félagsmenn VR leitað eftir þjónustu náms- og starfsráðgjafa. Fyrirtæki geta einnig fengið þessa þjónustu fyrir sína starfsmenn. Vinsamlega pantið tíma hjá Mími í síma 580 1818. Starfsmenntasjóðir VR og atvinnurekenda greiða kostnaðinn. Í þessari viku, viku símenntunar, munu símenntunarstöðvarnar á landsbyggðinni og Mímir á höfuðborgarsvæðinu skipuleggja dagskrá þar sem boðið verður upp á ókeypis námskeið og ráðgjöf.

Meira frí frekar en hærri laun

Mon, 25 Sep 2006 11:00:00 GMT

- stjórnendum á Íslandi finnst þeir þurfa meiri frítíma

Ef þú gætir valið á milli þess að fá meira frí úr vinnu, góða launahækkun, fleiri ögrandi verkefni, betri ímyndar á vinnustaðnum eða meiri völd í vinnunni svo eitthvað sé nefnt hvað myndir þú velja? Rúmlega 40% stjórnenda völdu meiri frítíma eða nær jafnmargir og völdu hærri laun í könnun sem VR gerði meðal nær þrettán hundruð stjórnenda á íslenskum vinnumarkaði. Munurinn er ekki mikill en marktækur; stjórnendur þurfa meiri frítíma.

Horft til framtíðar

Fri, 22 Sep 2006 13:00:00 GMT

- hvaða hlutverki á VR að gegna var spurt á fundi trúnaðarráðs og trúnaðarmanna

Samfélagsleg þátttaka stéttarfélaga, hvatning til aðgerða í jafnréttismálum og gagnrýni á skipan stjórna lífeyrissjóða bar hæst á fundi trúnaðarráðs og trúnaðarmanna VR um framtíð félagsins sem haldinn var í gærkvöldi.

Laun hækka um 8% á milli ára

Wed, 20 Sep 2006 11:00:00 GMT

- bilið milli hæstu og lægstu launa eykst og er nú 411%

Laun félagsmanna VR hækkuðu um 8% á milli 2005 og 2006 samkvæmt niðurstöðum launakönnunar VR 2006 sem birtar eru í dag. Bilið á milli launahæstu og launalægstu félagsmanna hefur aukist á síðustu árum. Meðalheildarlaun þeirra sem eru í hópi 5% launahæstu eru að jafnaði 411% hærri en þeirra sem eru í hópi 5% launalægstu.

Verndaðu lífeyrisréttindin þín

Tue, 19 Sep 2006 12:00:00 GMT

Ef þú ert á aldrinum 30 til 60 ára og skiptir um lífeyrissjóð þarftu að huga vel að réttindum þínum því margir lífeyrissjóðir eru að skipta um réttindakerfi. Þú getur tapað umtalsverðum lífeyrisréttindum við það að fara úr einu kerfi yfir í annað.

Þegar Davíð hitti Golíat

Mon, 18 Sep 2006 15:00:00 GMT

- skráðu þig á netinu á fyrirlestur um samningatækni í tæka tíð fyrir launaviðtalið

Fyrirlestraröð VR veturinn 2006 til 2007 hefst fimmtudaginn 21. september n.k. þegar kynnt verður samningatækni sem nýtist okkur í starfi og einkalífi undir heitinu Þegar Davíð hitti Golíat. Alls verða níu fyrirlestrar í boði á næstu mánuðum, allt frá umfjöllun um virðingu á vinnustað til hláturjóga. Til að sitja fyrirlesturinn á fimmtudag þarftu að skrá þig fyrir kl. 10:00 miðvikudaginn 20. september. Þú getur skráð þig á netinu eða í síma 510 1700. Nánar um fyrirlesturinn hér að neðan.

Niðurstöður í launakönnun kynntar á miðvikudag

Mon, 18 Sep 2006 12:00:00 GMT

Hátt í níu þúsund manns tóku þátt í launakönnun VR fyrir árið 2006. Niðurstöður könnunarinnar verða kynntar á hádegisverðarfundi miðvikudaginn 20. september n.k

60% stjórnenda vinna 50+ klst. á viku

Mon, 11 Sep 2006 13:00:00 GMT

Yfir helmingur stjórnenda á Íslandi vinnur meira en 50 klukkustundir á viku en meðalvinnuvika launafólks er um 42 stundir. Mun fleiri karlkyns stjórnendur vinna svo langa vinnuviku en kvenkyns stjórnendur. Þetta er meðal þess sem lesa má úr könnun VR meðal stjórnenda á íslenskum vinnumarkaði. Könnun var gerð fyrr á þessu ári og verða niðurstöðurnar í heild kynntar í október.

Mikill meirihluti félagsmanna með hlunnindi

Tue, 05 Sep 2006 10:00:00 GMT

Nær þrír af hverjum fjórum félagsmönnum VR njóta hlunninda af einhverju tagi sem hluta af launakjörum. Það er mikil aukning frá árinu 2004 en það ár sögðust 43% fá hlunnindi á móti 73% í ár. Fleiri karlar fá hlunnindi en konur eða átta af hverjum tíu en tæplega sjö af hverjum tíu konum.

Vinna börn og unglingar of langan vinnudag?

Wed, 30 Aug 2006 10:00:00 GMT

Meðalaldur félagsmanna VR í stórmörkuðum og matvöruverslunum hefur hríðfallið undanfarin ár og æ fleiri unglingar undir 16 ára aldri vinna í þessum verslunum. VR er kunnugt um dæmi þess að börn á aldrinum 13 til 14 ára hafi unnið lengur en reglugerð um vinnu barna og unglinga heimilar eða hafi unnið á nóttunni, sem er bannað samkvæmt reglugerðinni. Formaður VR segir þetta áhyggjuefni og forsvarsmenn fyrirtækjanna segja samstarf við foreldra mikilvægt.

Hvert er markaðsvirði mastersnáms?

Mon, 28 Aug 2006 10:00:00 GMT

Borgar það sig að fara í frekara háskólanám eftir BA eða BS? Skilar það hærri launum þegar út á vinnumarkaðinn er komið? Samkvæmt niðurstöðum launakönnunar VR 2006 er svarið einfalt og ótvírætt: þeir sem hafa lokið masters- eða doktorsnámi eru að meðaltali með 10% hærri laun en þeir sem hafa látið staðar numið við BA eða BS. Munurinn eftir kynjum er verulegur.

Héraðsdómur dæmir félagsmanni laun í uppsagnarfresti

Thu, 24 Aug 2006 16:00:00 GMT

VR vann í gær mál fyrir Héraðsdómi Reykjavíkur fyrir hönd félagsmanns sem vikið var fyrirvarlaust úr starfi. Fyrirtækinu var gert að greiða félagsmanninum rúmlega 1,5 milljónir króna vegna launa í uppsagnarfresti, auk málskostnaðar.

Geta illa slitið sig frá vinnunni

Wed, 23 Aug 2006 15:00:00 GMT

- íslenskir stjórnendur hafa áhyggjur af vinnunni þegar þeir eru í fríi

Einn af hverjum fjórum íslenskum stjórnendum getur aldrei slitið sig frá vinnunni þó hann sé í fríi. Nær sjö af hverjum tíu viðurkenna að þeir hafi oft eða stundum áhyggjur vegna vinnunnar þegar þeir eru í fríi.

Þetta er meðal niðurstaðna í könnun sem VR gerði meðal nær þrettán hundruð stjórnenda á íslenskum vinnumarkaði.

Síðsumarsdvöl í orlofshúsi

Wed, 23 Aug 2006 11:00:00 GMT

Nú er hægt að bóka orlofshús VR fyrir haust og vetur. Það er fátt sem jafnast á við að vera í orlofshúsi þegar sumri tekur að halla og náttúran skiptir um lit. Fjölmörg hús standa félagsmönnum til boða víðs vegar um land. Verð fyrir helgarleigu er kr. 15.000 í húsum með heitum potti en hver auka sólarhringur kostar kr. 2.400. Helgin annars staðar kostar kr. 11.400 en auka sólarhringur kr. 2.200. Nokkur hús eru laus og er hægt að bóka þau flest í gegnum netið en þó ekki öll. Til að mynda er laust á Illugastöðum frá 25. ágúst til 1. september og þarf að bóka þá leigu hjá Þjónustuveri VR í síma 510 1700.

Hvar vinnur unga fólkið?

Thu, 17 Aug 2006 15:00:00 GMT

Fjölmennasta atvinnugrein ungra kvenna er félagsþjónusta, s.s. leikskólar og félagsmiðstöðvar en almenn byggingastarfsemi er sú atvinnugrein sem flestir karlmenn undir 30 ára aldri stunda. Næst fjölmennasta atvinnugrein bæði ungra kvenna og karla er vinna í stórmörkuðum og matvöruverslunum og þriðja fjölmennasta hjá báðum kynjum er vinna á matsölu- og skemmtistöðum. Þetta kemur fram í nýjasta vefriti fjármálaráðuneytisins.

Hugum að jafnvægi í lífinu

Thu, 17 Aug 2006 09:00:00 GMT

Kulnun í starfi gerist ekki eingöngu hjá eldri starfsmönnum. Samkvæmt könnun sem gerð var í nóvember í fyrra og greint er frá í bandaríska læknatímaritinu Scientific American Mind hefur þriðjungur starfsmanna á aldrinum 25 til 39 ára fundið fyrir kulnun í starfi.

Ertu búinn með orlofið þitt?

Tue, 15 Aug 2006 00:00:00 GMT

- orlofsuppbót á að greiða ekki seinna en 15. ágúst

Orlofsuppbót árið 2006 er 16.900 krónur samkvæmt kjarasamningi VR og SA. Félagsmenn sem starfa samkvæmt samningi VR og FÍS fá ekki greidda orlofsuppbót, samið var um að sameina orlofs- og desemberuppbætur. Orlofsuppbót er föst tala og tekur ekki launabreytingum samkvæmt öðrum ákvæðum kjarasamningsins. Orlofsuppbót skal greiða við upphaf orlofstöku eða ekki seinna en 15. ágúst.

Vinna og einkalíf

Mon, 14 Aug 2006 15:00:00 GMT

Togstreita milli vinnu og einkalífs hefur aukist síðustu ár. Hún bitnar á fjölskyldum og þjóðfélaginu og viðheldur ójafnrétti kynjanna á vinnumarkaði og á heimilum. Stjórnvöldum og aðilum á vinnumarkaði standa til boða mörg og mismuandi úrræði og er fjallað um það í nýrri bók ILO, Alþjóðavinnumálastofnunarinnar, Reconciling work and family responsibilities.

Bregðast þarf við breyttri stöðu fjölskyldunnar

Wed, 09 Aug 2006 09:00:00 GMT

Vinnumarkaðurinn og stjórnvöld hafa víða um heim verið svifasein að bregðast við þeim róttæku breytingum sem orðið hafa á stöðu fjölskyldunnar í samfélaginu. Við erum rétt að vakna til vitundar um afleiðingarnar fyrir vinnumarkaðinn og þjóðfélagið þegar vinna og einkalíf rekast á. ILO hefur nýlega gefið út bók þar sem þetta er umræðuefnið.

Þróunin of langt gengin

Tue, 08 Aug 2006 12:00:00 GMT

Launaþróun forstjóra og æðstu stjórnenda fyrirtækja síðustu ár er of langt gengin og kominn tími til að setja endapunktinn, segir formaður VR, Gunnar Páll Pálsson. Í leiðara VR blaðsins fyrir rúmum tveimur árum varpaði Gunnar Páll fram þeirri hugmynd að laun æðstu stjórnenda fyrirtækja væru ekki meiri en tíföld meðallaun í fyrirtækinu.

Frídagur verslunarmanna

Wed, 02 Aug 2006 12:00:00 GMT

VR mun ekki halda upp á frídag verslunarmanna á sama hátt í ár og verið hefur undanfarin ár. Stofnun VR varasjóðs fyrr á árinu felur í sér að fjármunir sem ella myndu fara til að greiða fyrir fjölskylduskemmtun í Fjölskyldu- og húsdýragarðinum eða golfmót þessa helgi fara til að efla sjóði félagsmanna.

Hefurðu fengið 5,5% launahækkun frá því í fyrra?

Tue, 01 Aug 2006 00:00:00 GMT

Samkvæmt samkomulagi verkalýðshreyfingarinnar og Samtaka atvinnulífsins frá því í júní 2006 eiga allir félagsmenn VR sem starfa samkvæmt kjarasamningi félagsins við SA að hafa fengið 5,5% launahækkun á milli júlímánaða árin 2005 og 2006. Athugið að starfsmaður þarf að hafa unnið hjá sama vinnuveitanda á tímabilinu. Launahækkunin gildir frá 1. júlí en kemur til útborgunar 1. ágúst. Á vefnum er reiknivél til að reikna hve launin hafa hækkað á milli ára og hvað vantar uppá til að ná 5,5% hækkuninni.

Viðamiklar breytingar á atvinnuleysisbótum

Thu, 20 Jul 2006 14:00:00 GMT

Þann 1. júlí s.l. tóku gildi ný lög um atvinnuleysistryggingar nr. 54/2006 og vinnumarkaðsaðgerðir nr. 55/2006. Reglubundinni hálfsmánaðarlegri stimplun hefur verið hætt og í staðinn koma regluleg samskipti við ráðgjafa, bótatímabil styttist einnig úr 5 árum í 3 ár. Útborgun atvinnuleysisbóta breytist á þann hátt að greitt verður fyrir einn mánuð í einu sem nær yfir tímabilið 20. – 19. næsta mánaðar. Greitt verður greitt út fyrsta virka dag hvers mánaðar. Þann 1. ágúst verður greitt fyrir tímabilið 1. – 19. júlí og 1. september verður greitt fyrir tímabilið 20. júlí – 19. ágúst.

Lágmarksþjónusta á skrifstofunni næstu 3 vikurnar

Fri, 14 Jul 2006 15:00:00 GMT

Lágmarksþjónusta verður á skrifstofu VR dagana 17. júlí til 8. ágúst vegna sumarleyfa starfsmanna. Hugsanlegt er að tafir verði á afgreiðslu mála og eru félagsmenn beðnir velvirðingar á því ef til þess kemur. Gleðilegt sumar!

Lífeyrisréttindi starfsfólks Baugs og FL Group

Fri, 07 Jul 2006 16:00:00 GMT

Í fréttum í gær var sagt frá því að Baugur og FL Group væru að kanna möguleika á að stofna lífeyrissjóð fyrir starfsmenn sína. Það vekur sérstaka athygli að fréttin er tengd óánægju þeirra með ákvarðanir stjórnar Lífeyrissjóðs verzlunarmanna vegna fjárfestinga í Straumi.

Viðskiptafræði með áherslu á verslun og þjónustu

Fri, 07 Jul 2006 09:00:00 GMT

Viðskiptafræði með áherslu á verslun og þjónustu er nýjung í námsframboði Viðskiptaháskólans á Bifröst. Um er að ræða fjarnám á háskólastigi sem veitir BS gráðu í viðskiptafræðum að loknu 4ra ára námi. Nemendum gefst einnig kostur á að útskrifast með diplómagráðu í verslunarfræðum að loknu 2ja ára námi.

Launahækkun kemur til greiðslu 1. ágúst

Fri, 30 Jun 2006 11:00:00 GMT

Félagsmenn vinsamlega athugið að launahækkun sem samið var um í nýlegum samningum við Samtök atvinnulífsins tekur gildi frá og með 1. júlí og kemur því til útborgunar þann 1. ágúst næstkomandi.

Samkomulag undirritað við FÍS

Thu, 29 Jun 2006 13:00:00 GMT

- sambærilegar hækkanir lægstu launa og í öðrum samningum á almennum markaði

Í dag, 29. júní, var skrifað undir samkomulag milli VR og FÍS sem gerir ráð fyrir sambærilegri hækkun lægstu launa og nýlegir samningar annarra aðila á vinnumarkaði gera ráð fyrir. Lágmarkslaun hækka þannig um 15 þúsund krónur frá og með 1. júlí n.k. Meiri áhersla er lögð á markaðslaun í samningum VR og FÍS en við önnur samtök atvinnurekenda og endurspeglar þetta samkomulag það.

Rólegt ævikvöld – að hluta til

Thu, 29 Jun 2006 12:00:00 GMT

Dreymir þig um liggja í makindum í sólstól á sundlaugarbarminum og lesa góða bók þegar þú er kominn á eftirlaun? Hugmyndir um það hvernig líf okkar verður á því tímabili í ævi okkar hafa breyst mikið á síðustu árum, samkvæmt niðurstöðum könnunnar (pdf skjal) bandarískrar rannsóknarstofnunar sem fjallað er um í tímaritinu Forbes. Þar kemur fram að nær 70% Bandaríkjamanna búast við að halda áfram í launuðu starfi, að fullu leyti eða hluta, eftir að þessum aldri er náð. Núna er tíminn til að skipuleggja framtíðina.

Konur skipta frekar um starf af fjölskylduástæðum en karlar

Tue, 27 Jun 2006 20:00:00 GMT

Rúmlega þrisvar sinnum fleiri konur en karlar nefna fjölskylduábyrgð sem ástæðu fyrir því að skipta um vinnuveitanda og tæplega helmingi fleiri karlar en konur nefna hærri laun, samkvæmt könnun sem Gallup gerði fyrir Jafnréttisráð. Fjölskylduábyrgð virðist því hafa meiri áhrif á stöðu kvenna á vinnumarkaði en karla, segir í frétt á heimasíðu ráðsins.

Konur eiga nær annað hvert einkafyrirtæki í USA

Tue, 27 Jun 2006 16:00:00 GMT

Á hverjum degi stofna 420 konur í Bandaríkjunum sitt eigið fyrirtæki, tvöfalt fleiri en karlarnir. Konur eiga og reka næstum annað hvert einkafyrirtæki þar í landi. Konur vilja hafa meira yfir eigin lífi að segja og er stofnun einkafyrirtækis ein leiðin til þess. Um þetta er fjallað í nýlegri grein á heimasíðu Forbes tímaritsins.

Mikill meirihluti félagsmanna yfir lágmarkslaunum

Fri, 23 Jun 2006 13:00:00 GMT

Samningar aðila vinnumarkaðarins um launahækkun hafa áhrif á laun um 15% félagsmanna VR. Mikill meirihluti félagsmanna er yfir lágmarkstöxtum og hefur notið launaskriðs umfram samningsbundar hækkanir á síðastliðnum tólf mánuðum - sem betur fer. Markmiðið með samningunum sem og yfirlýsingu ríkisstjórnarinnar er að tryggja launahækkanir handa þeim sem hafa ekki notið launaskriðs en jafnframt að koma böndum á verðbólguna. Þeir launalægstu fá sem nemur um 2% skattalækkun auk 15 þúsund króna hækkun á mánaðarlaunum.

Samkomulag um endurskoðun kjarasamninga í höfn

Thu, 22 Jun 2006 22:00:00 GMT

Náðst hefur samkomulag milli aðila vinnumarkaðarins um endurskoðun kjarasamninga og hefur ríkisstjórnin gefið út yfirlýsingu í tengslum við hana um aðgerðir til að tryggja áframhaldandi stöðugleika á vinnumarkaði. Meðal aðgerða sem ríkisstjórnin mun grípa til er að hækka persónuafslátt, auka framlög til menntamála og gera átak í málefnum útlendinga á íslenskum vinnumarkaði. Þessi yfirlýsing, ásamt samkomulagi verkalýðshreyfingarinnar og SA um hækkun lægstu launa og tekjutryggingu, miðar að því að verja kaupmátt og ná niður verðbólgu, segir formaður VR.

Sumarlokun í Hafnarfirði

Wed, 21 Jun 2006 13:00:00 GMT

Athugið að skrifstofan í Hafnarfirði verður lokuð frá og með 23. júní til og með 31. júlí. Við bendum félagsmönnum á skrifstofu VR í Húsi verslunarinnar í Reykjavík og síma Þjónustuvers 510 1700.

Hvernig gengur þér að samræma skólafrí og vinnuna?

Tue, 20 Jun 2006 13:00:00 GMT

Foreldrum gengur oft erfiðlega að samræma sumarfrí barna sinna og vinnu, einkum ef börnin eru í grunnskóla. Það þarf að púsla saman leikjanámskeiðum, pössun hjá ömmu og afa eða skipta sumarfríum á milli foreldra. Við höfum áhuga á að kanna hvernig þetta gengur hjá þér þetta árið og viljum biðja þig að svara stuttri skoðanakönnun. Að þessu sinni erum við eingöngu að leita eftir svörum frá foreldrum. Fullum trúnaði er heitið og verða svör ekki rakin til einstaklinga.

Vaxandi gagnrýni á Wal-Mart

Tue, 20 Jun 2006 10:00:00 GMT

Wal-Mart, stærsti vinnuveitandi í heimi, sætir vaxandi gagnrýni stéttarfélaga vegna framkomu sinnar við starfsfólk. Union Network International, sem er alþjóðasamband stéttarfélaga í verslun og þjónustu, segir Wal-Mart verja milljörðum króna til að reyna að styrkja ímynd sína en æ fleiri gagnrýna fyrirtækið á siðferðilegum grundvelli. Nýlega tilkynnti til að mynda norski fjármálaráðherrann að norski olíusjóðurinn myndi draga til baka fjárfestingar í Wal-Mart af siðferðislegum ástæðum.

LV aðili að reglum SÞ um ábyrgar fjárfestingar

Mon, 19 Jun 2006 10:00:00 GMT

Lífeyrissjóður verzlunarmanna er þátttakandi í alþjóðlegu samstarfi um ábyrga aðkomu stofnfjárfesta að fjárfestingum, s.k. Reglum um ábyrgar fjárfestingar sem unnar hafa verið að frumkvæði Sameinuðu þjóðanna. Hér er um að ræða leiðbeiningar fyrir stofnanafjárfesta um heim allan. Þátttakendur undirgangast að taka tillit við fjárfestingar til umhverfislegra og félagslegra þátta tengdan rekstri fyrirtækja auk þess sem lögð er áhersla á góða stjórnarhætti fyrirtækja. Þegar hafa margir af stærstu lífeyrissjóðum vesturlanda undirgengist reglurnar. Sjá frétt á heimasíðu lífeyrissjóðsins.

Höggvum á hnútinn við endurskoðun kjarasamninga

Fri, 16 Jun 2006 11:00:00 GMT

- formaður VR hvetur þingmenn til að stöðva ekki þjóðarsáttina

Á næstu dögum ræðst hvort það náist saman með okkur og atvinnurekendum um endurskoðun kjarasamninga og hvort stjórnvöld komi að því máli, eins og við gerum kröfu um. Við viljum að allir landsmenn búi við sama lífeyriskerfi, þingmenn sem almennt launafólk. Ég legg til að bjóðum núverandi þingmönnum okkar val á milli tveggja kosta og breytum lífeyrissjóðskerfi æðstu embættismanna til frambúðar.

90% félagsmanna jákvæðir gagnvart félaginu

Mon, 12 Jun 2006 14:00:00 GMT

Níu af hverjum tíu félagsmönnum eru ánægðir með félagið sitt og þykir miklum meirihluta VR vera framsækið félag. Þetta kemur fram í könnun Gallup um viðhorf til stéttarfélaga en þetta er sjötta árið í röð sem VR stendur fyrir slíkri könnun. Í könnuninni er viðhorf félagsmanna VR til félagsins kannað samanborið við viðhorf félagsmanna annarra stéttarfélaga.

Barnæskunni rænt af milljónum barna

Mon, 12 Jun 2006 11:00:00 GMT

Um 218 milljónir barna í heiminum vinna störf sem geta verið skaðleg líkamlegri eða andlegri heilsu þeirra. Stærstur hlutinn vinnur í landbúnaði þar sem börnin eru berskjölduð fyrir alls kyns eiturefnum og hættum. Í dag, 12. júní er alþjóðlegur baráttudagur gegn barnaþrælkun, og hefur ILO, Alþjóðavinnumálastofnunin, nýlega gefið út skýrslu um stöðu þessara mála. Niðurstöðurnar benda til þess að dregið hafi úr vinnu barna á síðustu árum en betur má ef duga skal, segja skýrsluhöfundar. Markmiðið er að útrýma verstu tilfellum barnaþrælkunar á næstu tíu árum.

Öryggið í fyrirrúmi

Fri, 09 Jun 2006 00:00:00 GMT

Allir félagsmenn VR hafa fengið sent í pósti öryggisnúmer sem veitir þeim aðgang að upplýsingum símleiðis um stöðu þeirra hjá félaginu. Þetta er nýtt hjá VR og er markmiðið einfalt: að tryggja hámarksöryggi upplýsinga um félagsmenn. Upplýsingar eru ekki gefnar í síma nema gegn öryggisnúmeri og engar persónulegar upplýsingar eru sendar með tölvupósti. Félagsmenn hafa einnig fengið sent lykilorð inn á Mínar síður þar sem sjá má yfirlit yfir greiðslur og inneignir.

Mundu eftir orlofsuppbótinni

Wed, 07 Jun 2006 00:00:00 GMT

Orlofsuppbót árið 2006 er 16.900 krónur samkvæmt samningi VR og SA. Félagsmenn sem starfa samkvæmt samningi VR og FÍS fá ekki greidda orlofsuppbót, samið var um að sameina orlofs- og desemberuppbætur. Orlofsuppbót er föst tala og tekur ekki launabreytingum samkvæmt öðrum ákvæðum kjarasamningsins. Orlofsuppbót skal greiða við upphaf orlofstöku eða ekki seinna en 15. ágúst.

Sjá nánar um hverjir eiga rétt á orlofsuppbót sem og reiknivél til að reikna hana út.

Rúmlega hundrað verkalýðsleiðtogar myrtir 2005

Wed, 07 Jun 2006 00:00:00 GMT

Á síðasta ári voru 115 verkalýðsleiðtogar myrtir fyrir baráttu sína fyrir mannsæmandi kjörum, 1.600 urðu fyrir alvarlegu ofbeldi og 9.000 voru handteknir. Þetta kemur fram í nýrri skýrslu frá ICFTU, Alþjóðasambandi frjálsra verkalýðsfélaga. Tíu þúsund misstu vinnuna á síðasta ári fyrir það eitt að tengjast baráttu verkalýðsfélags. Rómanska Ameríka er viðsjárverður staður fyrir verkalýðsleiðtoga og aðra þá sem taka þátt í baráttu stéttarfélaga, sérstaklega Kólumbía en þar voru 70 verkalýðsleiðtogar myrtir fyrir baráttu sína. Önnur lönd á heimslistanum eru m.a. Írak, Íran, El Salvador, Kína og Kambódía.

Tillögur SA til skoðunar hjá VR

Fri, 02 Jun 2006 00:00:00 GMT

- boðað til fundar trúnaðarráðs og trúnaðarmanna

Stjórn VR fundaði í hádeginu í dag um tillögur atvinnurekenda um hækkun launa sem kynntar voru á blaðamannafundi í morgun. Niðurstaða fundarins var að boða trúnaðarráð félagsins, sem er æðsta vald þess á milli aðalfunda, og trúnaðarmenn á vinnustöðum til fundar fljótlega til að ræða þessar tillögur og hugsanlegan mótleik félagsins.

Notaðu hugmyndaflugið, maður!

Mon, 29 May 2006 00:00:00 GMT

Yfirmenn sex af hverjum tíu félagsmönnum hvetja starfsfólk til að beita hugmyndafluginu til að leysa vandamál og rúmlega helmingur félagsmanna vinnur undir stjórn yfirmanna sem hrósa starfsfólki þegar það stenst væntingar um árangur í starfi. Þetta er meðal þess sem kom fram í nýlegri könnun VR á fyrirtæki ársins 2006. Í þetta sinn voru nokkrar spurningar lagðar fyrir félagsmenn sem snúa að stjórnunarstíl næsta yfirmanns.

VR býður á landsleik í handbolta

Fri, 26 May 2006 00:00:00 GMT

- skrifað undir styrktarsamning vegna kvennalandsliðsins

Forsvarsmenn VR og HSÍ undirrituðu þann 26. maí styrktarsamning vegna landsliðs kvenna í handbolta. Samningurinn gildir næstu þrjú ár. Af þessu tilefni bjóða VR og HSÍ öllum landsmönnum frítt á landsleikinn næstkomandi sunnudag, þann 28. maí, en þá leikur íslenska liðið við Makedóníu um sæti í úrslitum EM.

Enn eru nokkur laus orlofshús í sumar

Fri, 26 May 2006 00:00:00 GMT

Nú er hægt að bóka orlofshús í vikuleigu sem eru laus í sumar. Orlofshúsum er úthlutað eftir sérstökum reglum en þau hús sem eru laus eftir úthlutun má sækja um frá og með deginum í dag. Þá gildir reglan fyrstur kemur, fyrstur fær. Til að panta þarf að hafa samband við Þjónustuver VR í síma 510 1700 og ganga frá greiðslu innan tveggja daga. Nánar:

Konurnar hrósa frekar

Tue, 23 May 2006 00:00:00 GMT

Kvenkyns yfirmenn hrósa frekar starfsmönnum sínum en karlarnir, samkvæmt niðurstöðum könnunar VR á fyrirtæki ársins 2006.

Kvenkyns yfirmenn eru í miklum minnihluta í fyrirtækjum félagsmanna VR, rétt rúmlega sjö af hverjum tíu félagsmönnum segja næsta yfirmann sinn vera karl. Konur eru frekar yfirmenn kvenna en karla en fáir karlar vinna undir stjórn kvenna.

Danól og Sensa eru fyrirtæki ársins 2006

Fri, 19 May 2006 00:00:00 GMT

Daníel Ólafsson ehf. og Sensa ehf. eru Fyrirtæki ársins 2006 samkvæmt könnun VR meðal ríflega tíu þúsund starfsmanna á almennum markaði. Á myndinni má sjá fulltrúa sigurvegaranna, frá vinstri Valgerður Skúladóttir frá Sensa og Ólöf Októsdóttir og Einar Kristinsson frá Daníel Ólafssyni. Danól vann í hópi stærri fyrirtækja. Í öðru sæti varð Hönnun hf., sigurvegarinn frá því í fyrra, og Applicon í því þriðja. Sensa bar sigur úr býtum í flokki minni fyrirtækja og var Heilsa ehf. í öðru sæti og Hagvangur í því þriðja. Bílanaust hf. og Tengi ehf. bættu sig mest á milli ára og eru því hástökkvararnir í ár.

Nýr vefur lítur dagsins ljós

Fri, 19 May 2006 00:00:00 GMT

Heimasíða VR hefur fengið nýtt útlit í takt við nýtt nafn og nýtt lógó. Nýja síðan er í grundvallaratriðum byggð upp eins og eldri síða félagsins hvað varðar skipulag efnis þó framsetning sé að sumu leyti önnur. Útlitið hefur tekið stakkaskiptum og er nýja útlitið í samræmi við nýtt merki félagsins. Markmiðið með þessum breytingum er að auðvelda félagsmönnum að finna upplýsingar og einfalda aðkomu að persónulegum upplýsingum sem hver og einn hefur aðgang að með lykilorði á Mínum síðum.

Nýjar hugmyndir í kjarasamningum

Fri, 19 May 2006 00:00:00 GMT

Í leiðara 3. tbl. VR blaðsins, sem kemur út síðar í dag, reifar Gunnar Páll Pálsson, formaður VR, hugmyndir um leiðir í næstu kjarasamningum. Hann leggur m.a. til að fella orlofs- og desemberuppbætur inn í launataxta, almennum frídögum verði fækkað gegn lengingu orlofs og skilgreind vinnuvika verði lengd í 37 virkar vinnustundir eins og í Danmörku. Þá kallar hann eftir víðtæku samráði um að umbylta réttindakerfi vegna veikinda á Íslandi. Leiðarinn er birtur í heild sinni hér fyrir neðan.

90% umsókna um orlofshús rafræn

Thu, 18 May 2006 00:00:00 GMT

Níu af hverjum tíu umsóknum um orlofshús og tjaldvagna fyrir sumarið voru rafrænar samanborið við um 80% í fyrra. Rúmlega 1.100 sóttu um fyrir sumarið sem er um fjórðungi minna en á síðasta ári en þá voru umsóknir um 1.500 talsins. Niðurstöður úthlutunar liggja fyrir og hafa allir sem sóttu um ýmist bréf eða tölvupóst þar að lútandi.

90% umsókna um orlofshús rafræn

Thu, 18 May 2006 00:00:00 GMT

Níu af hverjum tíu umsóknum um orlofshús og tjaldvagna fyrir sumarið voru rafrænar samanborið við um 80% í fyrra. Rúmlega 1.100 sóttu um sem er um fjórðungi minna en á síðasta ári en þá voru umsóknir um 1.500.

Niðurstöður úthlutunar liggja fyrir og hafa þeir sem sóttu um ýmist fengið bréf eða tölvupóst þar að lútandi.

Morgunverðarfundir í Hafnarfirði

Mon, 15 May 2006 00:00:00 GMT

VR hefur síðustu ár boðið félagsmönnum sínum til skrafs og ráðagerða að morgni til. Þessir morgunverðarfundir hafa mælst vel fyrir og hafa þegar vel á þriðja þúsund félagsmanna tekið þátt í Reykjavík og nú síðast í Vestmannaeyjum þar sem fjórir fundir voru haldnir í síðustu viku, reyndar á öllum tímum dags. Nú er komið að Hafnfirðingum og verða haldnir þrír fundir í Gaflinum í þessari viku.

Fundað um framtíðina

Fri, 05 May 2006 00:00:00 GMT

Yfir eitt hundrað fulltrúar úr trúnaðarráði VR og trúnaðarmenn félagsins á vinnustöðum sátu vinnufund fimmtudaginn 4. maí þar sem fjallað var um stefnu félagsins til framtíðar. Fjörleg skoðanaskipti voru á fundinum og vinnuhópar skiluðu áhugaverðum niðurstöðum.

Þarftu að komast inn á Mínar síður?

Wed, 03 May 2006 00:00:00 GMT

Félagsmenn VR fá þessa dagana send í pósti yfirlit yfir stöðu sína hjá félaginu, s.s. greidd félagsgjöld, hvaða þjónustu þeir hafa sótt til félagsins og hver staða þeirra er í sjóðum, þ.a m. VR varasjóði. Á yfirlitinu er að finna lykilorð til að komast inn á Mínar síður þar sem er að finna ítarlegri upplýsingar.

1. maí 2006

Tue, 02 May 2006 00:00:00 GMT

- félagsmenn flykkja sér undir nýjum fána

Vel viðraði á göngumenn í 1. maí göngunni í gær á götum Reykjavíkur. Fulltrúar VR fylktu sér undir nýjum fána sem þarna kom fyrir almenningssjónir í fyrsta sinn. Í

Markmið kjarasamninga á að vera að auka lífsgæði

Tue, 02 May 2006 00:00:00 GMT

- formaður VR kynnir áherslur í næstu kjarasamningum í hátíðarávarpi sínu á Akranesi í tilefni af 1. maí

Gunnar Páll Pálsson, formaður VR, lagði til í ávarpi sínu á Akranesi að áhersla verði lögð á tvö þemu í næstu kjarasamningum; í fyrsta lagi að bregðast við opnun íslensks vinnumarkaðar og færa okkar kjarasamninga nær því sem gengur og gerist á Norðurlöndum í þeim tilgangi að hækka lægstu launin, og í öðru lagi að taka um nýtt samræmt veikinda-, slysa- og atvinnuleysisbótakerfi. “Eða í stuttu máli, hækka lágmarkslaun í 150.000 krónur, fjölga orlofsdögum í allt að 35 og umbylta veikinda- og slysakerfi með það að markmiði að auka lífsgæði.”

Sjá ávarp Gunnars Páls í heild sinni hér að neðan.

Við verðum að axla ábyrgð

Tue, 02 May 2006 00:00:00 GMT

Ingibjörg R. Guðmundsdóttir, formaður LÍV, hélt hátíðarræðuna við 1. maí hátíðarhöldin í Reykjavík. Hún spurði hvort ekki væri tími til kominn að staldra við og meta afrakstur breytinga síðustu ára á þjóðfélagið?

Virðing og réttlæti

Fri, 28 Apr 2006 00:00:00 GMT

- mundu eftir kröfugöngunni 1. maí og kaffiveitingum VR

Kröfugangan á baráttudegi verkafólks, mánudaginn næstkomandi þann 1. maí, leggur af stað frá Hlemmi að þessu sinni kl. 13:30 en útifundurinn hefst kl. 14:10 á Ingólfstorgi. Eins og undanfarin ár býður VR félagsmönnum sínum í kaffi og meðlæti á Broadway að útifundinum loknum. Við hvetjum alla til að mæta í gönguna og útifundinn og leggja áherslu á virðingu og réttlæti fyrir alla á vinnumarkaði.

Nýtt nafn og varasjóður á aðalfundi VR

Tue, 25 Apr 2006 00:00:00 GMT

Á aðalfundi VR sem haldinn var á Nordica hotel í gærkvöldi, 24. apríl 2006, voru tillögur um nýtt nafn á félagið, stofnun VR varasjóðs og sameiningu við Verslunarmannafélag Hafnarfjarðar samþykktar með miklum meirihluta atkvæða eftir fjörlegar umræður.

Fundinn sátu á annað hundrað félagsmenn. Sjá ársskýrslu félagsins.

VR varasjóður

Tue, 25 Apr 2006 00:00:00 GMT

Alls verða lagðar um 853 milljónir króna í upphafsstöðu VR varasjóðs en stofnun hans var samþykkt á aðalfundi þann 24. apríl 2006. Að meðaltali verður upphafsstaða félagsmanna um 30 þúsund krónur.

Veistu hvernig vinnupersónuleiki þú ert?

Mon, 24 Apr 2006 00:00:00 GMT

Ein af merkilegri kenningum um samstarf í hópum er kenningin um hóphlutverk eftir breska sálfræðinginn Meredith Belbin. VR býður félagsmönnum sínum á fyrirlestur næstkomandi fimmtudag, 27. apríl, þar sem farið er í mismunandi þroskastig hópa og einkenni skilvirkra hópa. Teknir eru fyrir mismunandi vinnupersónuleikar og hvernig þeir starfa saman.

Fyrirlesari er Eyþór Eðvarðsson. Skráning er í þjónustuveri VR í síma 510 1700. Nánar um fyrirlesturinn.

Vinningsnúmerin í Fyrirtæki ársins

Mon, 24 Apr 2006 00:00:00 GMT

Búið er að draga í happdrætti VR sem haldið var í tengslum við launakönnun og könnun á fyrirtæki ársins. Í vinning eru 10 ferðir til Evrópu fyrir tvo. Eftirtalin númer eru vinningsnúmerin:

5705, 30173, 42287, 51802, 52043, 53324, 53482, 55017, 62396 og 80374.

Vinningshöfum er bent á að hafa samband við Kristínu Sigurðardóttur hjá VR í síma 510 1700.

Aðalfundur VR

Fri, 07 Apr 2006 00:00:00 GMT

Aðalfundur VR verður haldinn á Nordica hótel í dag, 24. apríl. og hefst kl. 19:30. Dagskrá er sem hér segir:

Venjuleg aðalfundarstörf
Laga- og reglugerðarbreytingar
     Nýtt nafn
     Stofnun Varasjóðs
     Sameining við Verslunarmannafélag
     Hafnarfjarðar

Nýtt í verslunarstarfsmenntun

Fri, 07 Apr 2006 00:00:00 GMT

Á ráðstefnu um nýja tíma í verslunarmenntun, sem haldin var í gær, fimmtudaginn 6. apríl, var fjallað um þá miklu þróun sem sem átt hefur sér stað á þessum vettvangi hér á land undanfarin misseri. Mikil aukning hefur verið í námsframboði fyrir starfsfólk verslunar- og þjónustufyrirtækja og fleiri námsbrautir eru í boði.

Hey þú, veistu hver réttindi þín eru?

Thu, 23 Mar 2006 00:00:00 GMT

- hafðu samband strax ef þú telur á þér brotið í vinnunni

VR vil hvetja ungt fólk sem telur á sér brotið í vinnunni að hafa strax samband við félagið til að hægt sé að leysa farsællega úr málum.

Sumarið er að koma

Thu, 23 Mar 2006 00:00:00 GMT

- nú er hægt að sækja um orlofshús fyrir sumarið 2006, umsóknarfrestur er til 26. apríl

VR hefur rúmlega fimmtíu orlofshús til boða fyrir félagsmenn sína sumarið 2006 um land allt, og fjöldann allan af tjaldvögnum. Húsin eru yfirleitt leigð í viku í senn en tjaldvagnarnir í sex eða þrettán daga.

Ábending til félagsmanna vegna útfyllingar skattaframtals

Thu, 23 Mar 2006 00:00:00 GMT

Athugið að fræðslustyrkur er nú forskráður á skattframtalið í kafla 2.3 reit 131. Félagsmönnum er bent á að færa hann til frádráttar á móti í kafla 2.6 reit 149 á framtalinu til að ekki reiknist á hann skattur.

Trúnaðarmenn á námskeiði

Tue, 21 Mar 2006 00:00:00 GMT

Þrettán vaskir félagsmenn sátu námskeið fyrir nýja trúnaðarmenn í morgun þar sem farið var yfir starfsemi félagsins og verkefni og stöðu trúnaðarmanna. VR heldur slík námskeið mánaðarlega og hafa tugir trúnaðarmanna sótt þau.

90% umsókna um orlofshús um páskana á netinu

Tue, 14 Mar 2006 00:00:00 GMT

Alls sóttu á þriðja hundrað félagsmenn um orlofshús hjá VR um páskana. Það vekur athygli að 90% þeirra sóttu um á netinu en einungis 10% sóttu um með því að fylla út prentað umsóknareyðublað og senda til félagsins. Aldrei áður hefur hlutfall rafrænna umsókna um orlofshús verið svona hátt.

Hægt verður að sækja um orlofshús fyrir sumarið á netinu en stefnt er að því að opna fyrir umsóknir eftir nokkra daga.

Þrettán þúsund heimsækja vr.is í febrúar

Fri, 10 Mar 2006 00:00:00 GMT

Rúmlega þrettán þúsund manns fóru inn á heimasíðu VR í febrúar síðastliðnum. Það samsvarar því að 58% félagsmanna hafi heimsótt síðuna þann mánuðinn. Heimsóknum á www.vr.is síðastliðið ár hefur fjölgað um þriðjung. Að meðaltali hafa sjö af hverjum tíu félagsmönnum samband við félagið í hverjum mánuði, ýmist með því að hringja eða fara inn á heimasíðuna (sjá graf). Þetta hlutfall hefur ekki breyst síðastliðin ár.

Ályktun frá stjórn VR til ríkisstjórnar Íslands á alþjóðlegum baráttudegi kvenna

Thu, 09 Mar 2006 00:00:00 GMT

Stjórn VR samþykkti eftirfarandi ályktun á fundi sínum þann 8. mars 2006, á alþjóðlegum baráttudegi kvenna:

"Stjórn VR skorar á ríkisstjórn Íslands að beita sér af alefli gegn kynbundnum launamun með virkum stjórnvaldsaðgerðum. Kynbundinn launamunur er óþolandi mannréttindabrot sem aldrei á að líðast. Ríkisstjórninni er skylt að tryggja að mannréttindi séu virt samkvæmt jafnræðisreglu stjórnarskrárinnar."