VIRK starfsendurhæfingarsjóður

Þjónusta VIRK er fyrir einstaklinga sem búa við skerta starfsgetu vegna heilsubrests og stefna að aukinni þátttöku á vinnumarkaði.

Hjá VR eru átta ráðgjafar VIRK sem vinna náið með sjúkrasjóði VR. Ráðgjafarnir eru staðsettir á skrifstofu VR í Reykjavík og á Egilsstöðum. Ert þú með fyrirspurn? Sendu okkur tölvupóst á virk@vr.is.

Meginskilyrði fyrir aðstoð hjá VIRK eru:

  • Að einstaklingur geti ekki sinnt starfi sínu eða tekið þátt á vinnumarkaði vegna hindrana af völdum heilsubrests sem rekja má til veikinda eða slysa og sé með beiðni um þjónustu eða vottorð frá lækni. 
  • Að markmið einstaklings sé að verða aftur virkur þátttakandi á vinnumarkaði, eða auka þátttöku á vinnumarkaði, svo fljótt sem verða má. 
  • Þjónustan sé líkleg til árangurs á þeim tíma sem hún er veitt.

Allar nánari upplýsingar er hægt að finna á heimasíðu VIRK.

Á ég rétt á þjónustu VIRK?

Ef þú hefur ekki getað sinnt starfi þínu eða ekki tekið þátt á vinnumarkaði í lengri tíma vegna veikinda eða vegna þess að þú hefur orðið fyrir slysi þá getur þú notið aðstoðar VIRK.

Sjá nánar hér