Skipulag og stjórn VR - VR stéttarfélag

Hér finnur þú upplýsingar um stjórn VR, deildir VR, trúnaðarráð og trúnaðarmenn VR.

Í lögum félagsins er kveðið á um skipan stjórnar og stjórnarkjör. Formaður skal kosinn annað hvert ár. Árlega skulu sjö stjórnarmenn kosnir til tveggja ára og þrír varamenn til eins árs í einstaklingsbundinni kosningu.

Sjá nánar um stjórn VR

Deildir VR

Þrjár deildir eru starfandi innan VR, á Austurlandi, Suðurlandi og í Vestmannaeyjum. Hlutverk deildar er meðal annars að vinna að sameiginlegum hagsmunum starfsmanna í starfsgreinum / atvinnugreinum / landssvæðum, stuðla að fræðslu þeirra og fjalla um kjaramál (sjá 15. gr. laga VR).

Trúnaðarráð

Hlutverk trúnaðarráðs er skilgreint í 14. gr. laga félagsins. Trúnaðarráð skal vera stjórn félagsins ráðgefandi varðandi ýmis stærri málefni sem upp koma í starfsemi félagsins. Hér að neðan er listi yfir trúnaðarráð í stafrófsröð eftir nöfnum. Þú getur einnig leitað eftir nafni trúnaðarráðsmanns með því að slá það inn og smella á leita. Vinsamlega athugið að ekki er heimilt að nota netfangalistann sem hér birtist í markaðslegum tilgangi.

Trúnaðarmenn

Trúnaðarmaður er tengiliður starfsfólks við VR og atvinnurekandann. Hlutverk hans er að vera til staðar fyrir samstarfsmenn, auðvelda samskipti við atvinnurekanda, miðla upplýsingum og hafa eftirlit með því að samningar séu haldnir á vinnustaðnum og lög ekki brotin á starfsfólki. Hlutverk trúnaðarmanns er að þekkja leiðir til úrlausnar ágreiningsmála, kynna breytingar og nýjungar, og hvetja félagsmenn til að leita sér upplýsinga. Allir félagsmenn eiga greiðan aðgang að upplýsingum um réttindi sín á vr.is og hjá þjónustuveri VR. Með virkri þátttöku getur trúnaðarmaðurinn haft umtalsverð áhrif á þróun félagsins og starfsemi.