Mikill munur á viðhorfi á almennum og opinberum markaði

Fyrirtækjum á almennum vinnumarkaði hefur staðið til boða í nokkur ár að bjóða öllum starfsmönnum, hvort sem þeir eru í VR eða ekki, að taka þátt í könnuninni. Í ár ákváðu 109 fyrirtæki að gera það og hafa þau aldrei verið fleiri. Þá hefur SFR – stéttarfélag í almannaþjónustu lagt samskonar könnun fyrir sína félagsmenn frá árinu 2005 og Starfsmannafélag Reykjavíkurborgar frá árinu 2011. Fjármála- og efnahagsráðuneytið tekur jafnframt þátt með alla starfsmenn opinberra stofnana og nær könnunin því til um 50 þúsund starfsmanna á íslenskum vinnumarkaði.

Viðhorf til lykilþáttanna níu er mjög misjafnt eftir því hvort um er að ræða hinn almenna eða opinbera vinnumarkað. Eins og sjá má á samanburðinum hér að neðan er mun meiri ánægja með stöðuna meðal félagsmanna VR og annarra starfsmanna fyrirtækja á almenna markaðnum. Þetta á við um alla þættina, en sérstaklega launakjörin, þar er óánægjan mikil meðal starfsmanna hins opinbera og ekki síður félagsmanna hjá Starfsmannafélagi Reykjavíkurborgar sem starfa hjá stofnunum Akraness og Seltjarnarness auk höfuðborgarinnar.

Athugið að þessar einkunnir miða við svör þeirra fyrirtækja og stofnana sem komust inn á lista, ekki allra svarenda. Þessar tölur eru því eilítið aðrar en þær sem birtar eru í umfjöllun um þróun lykilþáttanna.

 

   VR, öll fyrirtæki á lista  SFR / Fjármálaráðuneyti
Starfsmannafélag
Reykjavíkurborgar

 

2016

2016

2016

Heildareinkunn, meðaltal

4,17

3,95

3,93

Stjórnun

4,18

3,98

3,99

Starfsandi

4,34

4,21

4,20

Launakjör

3,38

2,96

2,57

Vinnuskilyrði

4,01

3,84

3,64

Sveigjanleiki vinnu

4,42

4,26

4,20

Sjálfstæði í starfi

4,36

4,26

4,22

Ímynd fyrirtækis /stofnunar

4,31

3,76

3,89

Ánægja og stolt

4,32

4,14

4,07

Jafnrétti

4,18

4,08

4,12

Allar niðurstöður