imageAlt
02
nóv
09:00-11:00

Leiðbeinandi: Kristín Þórsdóttir, markþjálfi og eigandi Eldmóðs fræðsluseturs

Athugið að námskeiðið verður haldið dagana 2., 9. og 16. nóvember frá kl. 09:00-11:00.

Langar þig að ná fram því besta í þér á krefjandi tímum? Skerpa áherslur, móta framtíðarsýn og virkja styrkleikana þína til að takast á við atvinnumissi og atvinnuleit? Þá er þetta námskeið eitthvað fyrir þig.

Hópmarkþjálfun er námskeið þar sem hópur einstaklinga kemur saman til að vinna með tiltekið viðfangsefni. Á námskeiðinu verður notast við aðferðir markþjálfunar þar sem hver þátttakandi vinnur og tekur þátt á sínum forsendum. Markþjálfi kennir námskeiðið og heldur utan um ferlið. Á námskeiðinu læra þátttakendur með og af hverjum öðrum. Í hópmarkþjálfun getur oft skapast góð liðsheild og traust sem eykur persónulegan vöxt. Tilgangur þessa námskeiðs er að styðja við félagsmenn VR, sem hafa misst vinnuna sökum sviptinga á vinnumarkaði, til að takast á við breytingar, finna hvað einstaklingar vilja varðandi atvinnu og finna leiðir til að ná þeim markmiðum.
Kristín Þórsdóttir starfar sem vottaður ACC markþjálfi ásamt því að vera markþjálfi hjá Krafti, stuðningsfélagi ungs fólks með krabbamein. Kristín hefur mikla reynslu af því að halda fyrirlestra og að vinna með fólki á fjölbreyttan og opinn hátt en það er ástríða hennar að sjá fólk vaxa og eflast.

Námskeiðið með Kristínu verður haldið í sal VR á 0. hæð í Húsi verslunarinnar. Það er alls 6 klukkustundir og verður haldið dagana 2., 9. og 16. nóvember frá kl. 09:00-11:00.

Til að gæta sóttvarna og tryggja eins metra fjarlægð ótengdra einstaklinga er mjög takmarkað pláss á námskeiðið. Við hvetjum félagsmenn til að huga einnig vel að einstaklingsbundnum sóttvörnum þegar mætt er á námskeiðið, t.d. með því að spritta hendur áður en kaffivél/vatnsvél er notuð og mæta með eigin fjölnota bolla eða drykkjarílát.

Boðið verður upp á léttan morgunverð.

Vinsamlegast athugið að námskeiðið er einungis í boði fyrir fullgilda félagsmenn VR sem eru í atvinnuleit. Námskeiðið er félagsmönnum VR að kostnaðarlausu.

 

Skrá mig á viðburð

Aðrir atburðir

Skráðu þig á Mínar síður til þess að sjá ef þú ert skráð/ur á viðburðinn og einnig ef þú vilt afskrá þig.

Skrá mig á póstlista VR