Kaup fyrir eftirvinnu, yfirvinnu og stórhátíðarvinnu

Eftir- og yfirvinnukaup hjá afgreiðslufólki

  • Vinna utan dagvinnutímabils greiðist með tímakaupi sem nemur 0,8235% af mánaðalaunum fyrir dagvinnu
    upp að 171,15 klst. vinnu hvern mánuð (39½ klst. að jafnaði á viku). Vinna umfram 171,15 klst. greiðist með
    tímakaupi sem nemur 1,0385% af mánaðalaunum fyrir dagvinnu.
  • Frá og með 1. febrúar 2013 greiðist vinna á tímabilinu 00:00–7:00 með tímakaupi sem nemur 0,8529% af
    mánaðalaunum fyrir dagvinnu upp að 171,15 klst. vinnu hvern mánuð.
  • Frá og með 31. desember 2014 greiðist vinna á tímabilinu 00:00-7:00 með tímakaupi sem nemur 0,8824%
    af mánaðalaunum fyrir dagvinnu upp að 171,15 klst. vinnu hvern mánuð.

Eftir- og yfirvinna hjá skrifstofufólki

  • Vinna utan dagvinnutímabils greiðist með tímakaupi sem nemur 0,875% af mánaðalaunum fyrir dagvinnu
    upp að 162,5 klst. vinnu hvern mánuð (37½ klst. að jafnaði á viku). Vinna umfram 162,5 klst. greiðist með
    tímakaupi sem nemur 1,0385% af mánaðalaunum fyrir dagvinnu.
  • Frá og með 1. febrúar 2013 greiðist vinna á tímabilinu 00:00–7:00 með tímakaupi sem nemur 0,9063% af
    mánaðalaunum fyrir dagvinnu upp að 162,5 klst. vinnu hvern mánuð.
  • Frá og með 31. desember 2014 greiðist vinna á tímabilinu 00:00-7:00 með tímakaupi sem nemur 0,9375%
    af mánaðalaunum fyrir dagvinnu upp að 162,5 klst. vinnu hvern mánuð.

Stórhátíðarkaup

Öll vinna sem unnin er á stórhátíðum greiðist með tímakaupi sem nemur 1,375% af mánaðalaunum fyrir
dagvinnu. Þetta gildir ekki um reglubundna vinnu, þar sem vetrarfrí eru veitt skv. sérstökum samningum
vegna vinnu á umræddum dögum og haldast þar gildandi greiðslureglur óbreyttar.

Deilitölur vegna tímakaups

Kaffitímar teknir

Dagvinnutímakaup hvers starfsmanns skal fundið með því, að deila tölunni 170 í föst mánaðarlaun viðkomandi launaflokks, skv. gr. 1.1., að því er afgreiðslufólk í verslunum snertir, en með tölunni 160 að því er skrifstofufólk varðar.

Engir kaffitímar teknir

Dagvinnutímakaup hvers starfsmanns skal fundið með því, að deila tölunni 158,5 í föst mánaðarlaun viðkomandi launaflokks, skv. gr. 1.1. að því er afgreiðslufólk í verslunum snertir, en með tölunni 157,1 að því er skrifstofufólk varðar.

Deilitölur vegna dagkaups og orlofs

Dagkaup hvers starfsmanns skal fundið með því að deila tölunni 21,67 í föst mánaðarlaun (laugardagar ekki meðtaldir).

Dæmi um útreikninga

Dagkaup
Til að finna út laun fyrir einn dag, er deilt í mánaðarlaun með 21,67 sem er meðaltal virkra daga í mánuði.

Föst mánaðarlaun / 21,67 = 1 dagur. 

Kr. 200.000 / 21,67 = kr. 9.229,34 fyrir hvern dag

Vikukaup
Til að finna út laun fyrir eina viku, er deilt í mánaðarlaunin með 4,333 sem er meðaltal vinnuvika í mánuði.

Föst mánaðarlaun / 4,333 = 1 vika. 

Kr. 200.000 / 4,333 = kr. 46.157,39 fyrir vikulaun.

Eftirvinna
Afgreiðsla: Föst mánaðarlaun x 0,8235% = tímakaup í eftirvinnu.

Kr. 200.000 x 0,8235%= Kr. 1.647.

Skrifstofa: Föst mánaðarlaun x 0.875 = tímakaup í eftirvinnu.

Kr. 200.000 x 0,875% = Kr. 1.750.

Yfirvinna
Afgreiðsla/skrifstofa: Föst mánaðarlaun x 1,0385% = tímakaup í yfirvinnu.

Kr. 200.000 x 1,0385% = Kr. 2.077.

Næturvinna
Afgreiðsla: Föst mánaðarlaun x 0,8824% = tímakaup í næturvinnu.

Kr. 200.000 x 0,8824% = Kr. 1.764,80.

Skrifstofa: Föst mánaðarlaun x 0,9375% = tímakaup í næturvinnu.

Kr. 200.000 x 0,9375% = Kr. 1.875.

Stórhátíðarkaup
Afgreiðsla/skrifstofa: Föst mánaðarlaun x 1,375% = tímakaup á stórhátíðardegi

Kr. 200.000 x 1,375% = 2.750.