Fyrirmyndarfyrirtæki 2022

Listi yfir fyrirtæki 2022

Í könnun á Fyrirtæki ársins eru starfsmenn beðnir um að leggja mat á nokkra lykilþætti í vinnuumhverfinu, sjá lista í töflunum að neðan. Hver þáttur fær einkunn frá 1 til 5 og saman mynda þær heildareinkunn fyrirtækisins. Svarhlutfall miðar við fjölda útsendra spurningalista fyrirtækis.

Fyrirmyndarfyrirtæki 2022

Fyrirtækin í fimmtán efstu sætunum í hverjum stærðarflokki fá viðurkenninguna Fyrirmyndarfyrirtæki 2022 og er ástæða til að vekja sérstaka athygli á frammistöðu þeirra. Mörg þessara fyrirtækja eru ofarlega á lista ár eftir á, hvernig sem gengur, sem ber vott um öfluga mannauðsstjórnun.

Lykilþættirnir níu

Í könnun VR er spurt um viðhorf til helstu lykilþátta í starfsumhverfi fyrirtækja. Þessir þættir eru stjórnun, starfsandi, launakjör, vinnuskilyrði, sveigjanleiki vinnu, sjálfstæði í starfi, ímynd fyrirtækis, jafnrétti og ánægja og stolt af fyrirtæki. Einkunnir fyrir lykilþættina mynda heildareinkunn fyrirtækis. Hæsta einkunn er fimm og á það bæði við um heildareinkunn og lykilþætti.

Framkvæmdin

Gallup sá um framkvæmd könnunar VR á Fyrirtæki ársins 2022 og úrvinnslu niðurstaðna. VR hefur staðið fyrir könnun á fyrirtæki ársins í rúm 20 ár.

Fyrirtæki ársins 2022

Alls eru Fyrirtæki ársins 2022 sextán talsins í ár, fimm í flokki stórra og lítilla fyrirtækja en sex í flokki meðalstórra fyrirtækja. Ástæðan er sú að ekki var munur á einkunnum fyrirtækjanna í fimmta og sjötta sæti í þeim stærðarflokki. Þetta er annað árið í röð sem vinningsfyrirtækin eru sex í þessum stærðarflokki og bæði ár er um að ræða sömu fyrirtæki sem deila fimmta sætinu.

Fyrirtæki ársins 2022 - Merkin