Eftir-/nætur-, yfir- og stórhátíðarvinna

Eftir-/nætur- og yfirvinna samkvæmt samningi VR og SA

Dagvinnutími hjá afgreiðslufólki er kl. 9-18 en hjá skrifstofufólki er hann kl. 9-17. Fullt starf er 167,94 klst. á mánuði hjá afgreiðslufólki og 159,27 klst. hjá skrifstofufólki.

Eftirvinna: Greidd er eftirvinna fyrir vinnu starfsfólks sem fer fram yfir hinn venjulega dagvinnutíma en innan þess tíma sem er skilgreindur sem fullt starf á mánuði eða 100% starf. 

Næturvinna: Greidd er næturvinna fyrir vinnu starfsfólks frá kl. 12.00 á miðnætti til kl. 7.00 að morgni.

Tímakaup afgreiðslufólks í eftirvinnu til kl. 12:00 á miðnætti er 0,8235% af mánaðarlaunum fyrir dagvinnu en í næturvinnu 0,8824% á tímabilinu frá kl. 12:00 á miðnætti til kl. 7:00 að morgni.

Tímakaup skrifstofufólks í eftirvinnu til kl. 12:00 á miðnætti er 0,875% af mánaðarlaunum fyrir dagvinnu en í næturvinnu 0.9375% á tímabilinu frá kl. 12:00 á miðnætti til kl. 7:00 að morgni.

Yfirvinna er öll vinna sem er unnin utan hefðbundins dagvinnutíma og umfram 167,94 klst. hjá afgreiðslufólki og 159,27 hjá skrifstofufólki. Tímakaup í yfirvinnu er 1,0385% af föstum mánaðarlaunum.

Yfirvinna samkvæmt samningi VR og FA

Yfirvinna er öll vinna sem er unnin utan hefðbundins dagvinnutíma og umfram 153,86 klst. á mánuði sem telst 100% starf. Dagvinnutími samkvæmt þessum samningi er kl. 7-19 alla virka daga.

Tímakaup í yfirvinnu er 1,0385% af föstum mánaðarlaunum hjá þeim sem vinna 100% starf.

Stórhátíðarvinna

Stórhátíðarvinna er vinna á nýársdegi, föstudeginum langa, páskadegi, hvítasunnudegi, 17. júní, frídegi verslunarmanna, jóladegi og eftir kl. 12:00 á aðfangadegi og gamlársdegi.

Öll vinna sem er unnin á stórhátíðum greiðist með tímakaupi sem nemur 1,375% af mánaðarlaunum fyrir dagvinnu.

Útreikningur launa

Vantar þig aðstoð við útreikning launa? Hér getur þú nálgast upplýsingar um deilitölur vegna tímakaups, eftirvinnu, yfirvinnu og stórhátíðarvinnu.