08. nóv.
09:00-12:00
Asgeir2

Námskeið

Námskeið - Að nýta bestu ár ævinnar

Leiðbeinandi: Ásgeir Jónsson, MBA og alþjóðlega vottaður markþjálfi

Nú er tíminn til að uppskera! Hversu lengi höfum við látið okkur dreyma um allt það sem við ætluðum að gera þegar við hættum að vinna? Þetta námskeið snýst um að lifa og læra að lifa lífinu lifandi. Nú er um að gera að framkvæma og njóta og því ætlum við að skoða ýmis atriði varðandi markmiðasetningu, næringu, hugarfar og ýmislegt sem lítur að fjármálum. Þetta námskeið snýst um að lifa og læra að lifa lífinu lifandi eftir að hefðbundnum starfsferli lýkur. Markmiðið er að þátttakendum verði ljós flest þau tækifæri sem bíða þeirra og vera grunnur þekkingar um þá möguleika sem þessi tímamót bjóða upp á.

Námskeiðið verður haldið með blönduðu fyrirkomulagi (e.hybrid). Námskeiðið verður haldið dagana 8. og 9. nóvember í sal VR, 0. hæð í Húsi verslunarinnar Kringlunni 7 en salurinn þar hefur verið uppfærður og er nú sérstaklega útbúinn þannig að auðvelt er að vera með þátttakendur á staðnum en einnig rafrænt í gegnum Teams. Fyrri daginn verður farið yfir næringu, réttindi og sérkjör með góðum gestum. Seinni daginn verður farið í jákvæðni, hvatningu, viðhorf og markmiðasetningu.

Námskeiðið er gagnvirkt og býður upp á umræður. Því er er það einungis aðgengilegt á auglýstum tíma. Fyrir þau sem koma á staðinn verða léttar veitingar í boði. Við vekjum athygli á því að takmarkaður fjöldi kemst að í sal en þegar þar er orðið fullt er hægt að vera með rafrænt.

Veldu hvort þú vilt mæta á staðinn eða taka þátt rafrænt með því að velja viðeigandi hnapp í hér fyrir ofan.