Almennar fréttir

Flokkar

52% kvenna í VR hafa orðið fyrir kynferðislegri áreitni í starfi

Almennar fréttir

08.03.2018

VR stóð fyrir rafrænni könnun meðal úrtaks úr félagaskrá VR dagana 15. desember 2017 til og með 11. janúar 2018. Niðurstöður könnunarinnar sýna að rúmlega önnur hver kona í VR hefur orðið fyrir kynferðislegri áreitni í starfi einhvern tíma á sínum starfsferli og rúmlega fimmtungur karla. Hlutfallið er hæst meðal fólks á þrítugs- og fertugsaldri, 63% kvenna á aldrinum 25 til 34 ára hefur orðið fyrir kynferðislegri áreitni í starfi á einhverjum tímapunkti og 28% karla.

Ekki gleyma að svara!

Almennar fréttir

07.03.2018

Könnun VR á fyrirtæki ársins og launakjörum stendur nú yfir en hægt er að svara á Mínum síðum á vef VR. Samhliða könnun á Fyrirtæki fá fullgildir félagsmenn einnig launakönnun VR. Niðurstöður í könnun VR veita félagsmönnum upplýsingar um starfskjör í fyrirtækjum á almennum markaði og viðhorf starfsmanna þeirra. Ekki gleyma þér – svaraðu núna á Mínum síðum á vef VR.

Allsherjaratkvæðagreiðsla VR

Almennar fréttir

06.03.2018

Allsherjaratkvæðagreiðsla meðal félagsmanna VR vegna kjörs til sjö sæta í stjórn VR, skv. 20 gr. laga félagsins, hófst í dag kl. 09:00, þriðjudaginn 6. mars, og lýkur kl. 12:00 á hádegi þriðjudaginn 13. mars. Atkvæðagreiðslan er rafræn, smelltu hér fyrir nánari upplýsingar. Valið er milli 27 frambjóðenda til stjórnar VR. Merkja skal við mest 7 frambjóðendur í stjórnarkosningum.

Frambjóðendur til stjórnar VR kynna sig

Almennar fréttir

28.02.2018

Frambjóðendur til stjórnar VR kjörtímabilið 2018-2020 kynna sig og áherslur sínar á félagsfundi VR á Nauthól, Nauthólsvegi 106 mánudaginn 5. mars kl. 19:30. 27 aðilar bjóða sig fram til sjö sæta í stjórn. Allir VR félagar velkomnir. Félagsmenn sem komast ekki en vilja fylgjast með geta horft á kynningarnar á Mínum síðum.

Ályktun frá stjórn og trúnaðarráði VR

Almennar fréttir

27.02.2018

Stjórn og trúnaðarráð VR samþykkti á fundi sínum fyrr í kvöld eftirfarandi ályktun:

VR stofnar leigufélag

Almennar fréttir

21.02.2018

Stjórn VR ákvað á fundi sínum í gærkvöldi, þriðjudaginn 20. febrúar 2018, að stofna leigufélag fyrir félagsmenn VR. Félag sem ekki yrði rekið í hagnaðarskyni. Áður hafði trúnaðarráð félagsins hvatt til þess að slíkt félag yrði stofnað.

Frambjóðendur til stjórnar VR 2018-2020

Almennar fréttir

12.02.2018

Framboðsfrestur vegna stjórnarkjörs VR rann út á hádegi síðastliðinn föstudag þann 9. febrúar 2018.

#metoo umræðukvöld ASÍ-UNG

Almennar fréttir

05.02.2018

ASÍ-UNG efna til pallborðsumræðu um áhrif #metoo byltingarinnar innan vinnumarkaðarins, á morgun, 6. febrúar, kl. 20:00 á Stúdentakjallaranum. Aðgerðir stéttarfélaganna verða ræddar í þessu samhengi en í pallborði verða María Rut Kristinsdóttir, fv. talskona druslugöngunnar, Drífa Snædal, framkvæmdastjóri Starfsgreinasambandsins, Maríanna Traustadóttir, sérfræðingur í jafnréttismálum hjá ASÍ, Ragnar Þór Ingólfsson, formaður VR og Eiríkur Þór Theódórsson varaformaður ASÍ-UNG.

Vilt þú starfa í forystu VR?

Almennar fréttir

01.02.2018

Samkvæmt 20. gr. laga VR auglýsir kjörstjórn félagsins eftir einstaklingsframboðum í stjórn félagsins og listaframboðum í trúnaðarráð. Framboðsfrestur er til kl. 12:00 á hádegi, föstudaginn 9. febrúar 2018.

Kaupmáttarreiknivél VR fyrir heimilin kynnt

Almennar fréttir

25.01.2018

Undanfarna mánuði hefur mikið verið fjallað um kaupmáttaraukningu á Íslandi síðustu ár sem eigi sér vart hliðstæðu. Þessi umfjöllun byggir á kaupmáttarvísitölu Hagstofunnar sem sýnir meðaltalsbreytingu á kaupmætti launafólks á íslenskum vinnumarkaði. VR hefur nú birt kaupmáttarreiknivél sem sýnir þróun kaupmáttar heimila að teknu tilliti til fjölskyldugerðar og húsnæðis. Þetta er í fyrsta skipti sem fjölskyldur geta skoðað eigin kaupmáttarþróun og borið saman við vísitölu Hagstofunnar.

Kjaramálasvið lokað 24. janúar 2018

Almennar fréttir

23.01.2018

Félagsmenn vinsamlega athugið! Vegna vinnufundar, þann 24. janúar verður kjaramálasvið lokað. Þjónustuver VR verður opið. Við biðjumst velvirðingar á þeim óþægindum sem þetta kann að valda.

Nýr kynningarvefur um sjálfboðaliðastarfsemi opnaður

Almennar fréttir

19.01.2018

ASÍ hefur opnað kynningarvef fyrir erlent fólk sem hyggst koma hingað til lands til sjálfboðastarfa, volunteering.is. Verkalýðshreyfingin hvetur fólk til að kynna sér vinnumarkaðinn á Íslandi, en sjálfboðaliðastörf eru hluti af mannúðar- og sjálfboðaliðastarfsemi sem eru ekki hluti af hinum almenna vinnumarkaði á Íslandi. Ekki er leyfilegt að semja um lægri kjör en gildandi kjarasamningar segja til um. Verkalýðshreyfingin vill einnig vekja athygli á því lögbroti sem felst í því að skipta starfsfólki út fyrir sjálfboðaliða á hinum almenna vinnumarkaði.