Starfsfólk á vinnustaðnum kýs sér trúnaðarmanna til tveggja ára í senn. Kosning verður að fara fram í samráði við VR þar sem trúnaðarmaðurinn fær staðfestingu á kjöri og umboðs sitt frá félaginu.
Allir vinnustaðir með fimm eða fleiri VR félaga mega kjósa trúnaðarmann, ef þeir eru fleiri en 50 má kjósa tvo og ef fjöldi félagsfólks er fleiri en 120 á sömu starfsstöð er heimilt að kjósa þrjá trúnaðarmenn.
Kosningar trúnaðarmanna
Ef þú vilt koma á kosningu á þínum vinnustað hafðu samband við þjónustuver VR í síma 510 1700 og starfsfólk VR mun aðstoða þig.
Í samningum og lögum eru ekki fyrirmæli um kosningu trúnaðarmanns, en það er þó talið æskilegt að fram fari skrifleg, leynileg kosning á áður auglýstum tíma þannig að allir sem eiga rétt á að kjósa geti kosið. Til að tryggja að kosning fari rétt fram og gæta trúnaðar þarf fulltrúi VR að hafa umsjón með kosningunni. Þegar kosningu er lokið er val trúnaðarmanns lagt fyrir stjórn félagsins sem staðfestir kjör hans. Fyrirtækinu og trúnaðarmanninum sjálfum er sent bréf þessu til staðfestingar.
Ef aðeins er stungið upp á einum starfskrafti til að gegna starfi trúnaðarmanns er hann sjálfkjörinn. Ef um fleiri er að ræða skal fara fram kosning milli aðila.
Mikilvægt að hafa í huga varðandi kosningaferlið/fyrirkomulag kosninga:
- Atvinnurekandi fær senda auglýsingu frá VR þar sem auglýst er eftir framboðum í stöðu trúnaðarmanns hjá fyrirtækinu.
- Atvinnurekandi aðstoðar VR þannig að birta auglýsinguna þeim félagsmönnum VR sem starfa hjá fyrirtækinu.
- Öll framboð verða að berast skriflega með tölvupósti áður en framboðsfresti lýkur á netfangið trunadarmenn@vr.is
- Framboðsfrestur er allt frá viku upp í 10 dagar og lýkur á hádegi daginn fyrir áætlaða kosningu. Dagsetning á auglýsingu.
- Ef tilnefningar berast þá verður haft samband við þá aðila ef nægilega mörg framboð hafa ekki borist.
- Hafa skal í huga að dagsetning á auglýsingu fyrir áætlaða kosningu er viðmið. Sú dagsetning getur færst til ef afla þarf frekari gagna til uppsetningar á kosningu. Framboðsfresturinn miðast þó ávallt við áætlaða dagsetningu.
Sá aðili sem er kosinn fyllir út eyðublað frá VR þar sem fram koma upplýsingar um vinnustaðinn, hvenær kjör fór fram og nafn, símanúmer og netfang trúnaðarmannsins. Eyðublaðið er lagt fyrir stjórn VR til samþykktar.
Nánari upplýsingar veita tengiliðir trúnaðarmanna. Hægt er að senda þeim tölvupóst á netfangið trunadarmenn@vr.is