Kjarasamningar 2026

Þegar kjarasamningar voru undirritaðir tók launafólk mikla áhættu með því að fallast á lágar launahækkanir á verðbólgutímum. Á móti ætluðu fyrirtæki að halda aftur af verðhækkunum og sveitarfélög að stilla gjaldskrárhækkunum í hóf til að ná niður verðbólgu og vöxtum. En verð og gjaldskrár hafa hækkað látlaust og vextir eru svimandi háir. Forsendur kjarasamninga eru brostnar og þeir gætu losnað 8. október nk.

VR, LÍV og Fagfélögin hafa sent verðmótandi fyrirtækjum og stærstu sveitarfélögum bréf og óskað svara um hvað þau ætli að leggja af mörkum svo að kjarasamningar geti haldið gildi sínu. Óbreytt ástand er ekki valkostur.

Hér fyrir neðan má nálgast bréfin og lista yfir fyrirtæki og sveitarfélög sem fengu þau.

Bréf til fyrirtækja

Bréf til sveitarfélaga