Orð skulu standa

Þegar kjarasamningar voru undirritaðir árið 2024 tók launafólk mikla áhættu með því að fallast á lágar launahækkanir á verðbólgutímum. Á móti ætluðu fyrirtæki að halda aftur af verðhækkunum og sveitarfélög að stilla gjaldskrárhækkunum í hóf til að ná niður verðbólgu og vöxtum. En verð og gjaldskrár hafa hækkað látlaust og vextir eru svimandi háir. 

Forsendur kjarasamninga eru brostnar. VR, LÍV og Fagfélögin hafa hrundið af stað herferð í fjölmiðlum þar sem sjónum er beint að aðgerðarleysi fyrirtækja og stjórnvalda sem leitt hefur til þessarar stöðu. Launafólk hefur verið svikið um samstöðu og það stendur eftir með Svarta Pétur.

VR, LÍV og Fagfélögin hafa einnig sent verðmótandi fyrirtækjum og stærstu sveitarfélögum bréf og óskað svara um hvað þau ætli að leggja af mörkum svo að kjarasamningar geti haldið gildi sínu.

Óbreytt ástand er ekki valkostur.

Bréf til fyrirtækja

Bréf til sveitarfélaga