Matar-og kaffitímar

Matartími er 0,5 - 1 klst. á dag á tímabilinu frá kl. 12:00 til kl. 14:00. Þau sem vinna a.m.k. 5 klst. á dagvinnutímabilinu öðlast rétt til þessa matartíma og telst hann ekki til vinnutíma, er því ekki greiddur.

Kaffitími afgreiðslufólks er 35 mínútur á dag miðað við fullt starf í dagvinnu. Dagvinnutími afgreiðslufólks er samkvæmt kjarasamningi milli kl. 9:00 og 18:00. Kaffitíminn telst til vinnutíma og því greiddur tími. 
Fella má niður eða stytta kaffitíma með samkomulagi á vinnustað og styttist þá vinnutíminn sem því nemur, án skerðingar á launum. Þau sem vinna hluta úr degi eiga rétt á hlutfallslegum kaffitíma. 

Hér má sjá töflu yfir viðveru starfsfólks á dagvinnutíma afgreiðslufólks og rétt þeirra til kaffitíma.

Matar- og kaffitímar utan dagvinnutíma

Kvöldmatartími er frá kl. 19:00 til kl. 20:00 alla daga. 
Ef unnir eru 4,5 klst. eða lengur öðlast starfsfólk rétt til kvöldmatarhlés. Þessi tími telst til vinnutíma og greiðist með eftir-/yfirvinnukaupi eftir því sem við á. 
Ef starfsfólk fær ekki þetta neysluhlé og sá tími er unninn eða hluti af honum greiðist fyrir þann tíma tilsvarandi yfirvinna. 
Dæmi: Unnið er til kl. 19:10. Greiddar eru 10 mínútur á eftir-/yfirvinnukaupi eftir atvikum vegna vinnutíma til kl. 19:10. Einnig er greiddar aukalega 10 mínútur í yfirvinnu vegna unnins matartíma.

Eftirtalin neysluhlé teljast til vinnutíma og sé unnið í þeim greiðist tilsvarandi lengri yfirvinna.  
Kvöldkaffi frá kl. 22:00 og 22:20, á Þorláksmessu er þó heimilt að veita 20 mínútna hlé á tímabilinu 21:40 og 22:20.
Matartími frá kl. 3:00-4:00 
Kaffitími frá kl.6:15-6:30

Vinna hefst kl. 16:00 og síðar
Starfsfólk í verslunum sem mætir til vinnu kl. 16:00 eða síðar, skal fá greiddar 5 mínútur fyrir hverja unna klst., þó að lágmarki 15 mínútur vegna neysluhléa sem ekki eru tekin. 
Vinni starfsfólk 4½ klst. eða lengur, á það hins vegar rétt á óskertu 1 klst. kvöldmatarhléi.

Ef starfsfólk vinnur í matar- eða kaffitímum á dagvinnutímabili á sá tími að greiðast með eftir- / yfirvinnukaupi eftir því sem við á eða með styttri vinnutíma samsvarandi án skerðingar launa. 

Allar ofangreindar upplýsingar eiga einnig við um matar- og kaffitíma þegar unnið er á laugardögum, sunnudögum sem og á lögbundnum frídögum (spurning að hafa hlekk í hvaða daga það eru).

Matartími er 0,5 - 1 klst. á dag á tímabilinu frá kl. 12:00 til kl. 14:00. Þeir sem vinna a.m.k. 5 klst. á dagvinnutímabilinu öðlast rétt til þessa matartíma og telst hann ekki til vinnutíma, er því ekki greiddur

Kaffitími skrifstofu og sölufólks er 15 mínútur á dag miðað við fullt starf í dagvinnu, þetta er greiddur tími og telst til vinnutíma. Fella má niður eða stytta kaffitíma með samkomulagi á vinnustað og styttist þá vinnutíminn sem því nemur, án skerðingar á launum. 
Þau sem vinna hluta úr degi eiga rétt á hlutfallslegum kaffitíma. 

Hér má sjá töflu yfir dagvinnutíma skrifstofu- og sölufólks og rétt þeirra til neysluhléa.

Matar- og kaffitímar utan dagvinnutíma

Kvöldmatartími er frá kl. 19:00 til kl. 20:00 alla daga. Þessi tími telst til vinnutíma og greiðist með eftir-/yfirvinnukaupi eftir því sem við á. Ef starfsfólk fær ekki þetta neysluhlé og sá tími er unninn eða hluti af honum greiðist fyrir þann tíma tilsvarandi yfirvinna. 
Dæmi: Unnið er til kl. 19:10. Greiddar eru 10 mínútur á eftir-/yfirvinnukaupi eftir atvikum vegna vinnutíma til kl. 19:10. Einnig er greiddar aukalega 10 mínútur í yfirvinnu vegna unnins matartíma.

Eftirtalin neysluhlé teljast til vinnutíma og sé unnið í þeim greiðist tilsvarandi lengri yfirvinna.  
Kvöldkaffi frá kl. 22:00 og 22:20
Matartími frá kl. 3:00-4:00 
Kaffitími frá kl.6:15-6:30

Ef starfsfólk vinnur í matar- eða kaffitímum á dagvinnutímabili á sá tími að greiðast með eftir- / yfirvinnukaupi eftir því sem við á eða með styttri vinnutíma samsvarandi án skerðingar launa. 

Allar ofangreindar upplýsingar eiga einnig við um matar- og kaffitíma þegar unnið er á laugardögum, sunnudögum sem og á lögbundnum frídögum.

Neysluhlé skulu vera sem svarar 5 mín. fyrir hvern unninn klukkutíma og skiptast eftir samkomulagi starfsfólks og atvinnurekanda. Því er matartími í hádeginu hluti af vinnutíma hjá þessum hóp en ekki dregin frá eins og er hjá afgreiðslu og skrifstofufólki. 
Neysluhlé skulu jafnan miðast við að vera 15 mínútur samfellt.

Dæmi: Ef unnin er 12 tíma vakt þá er réttur viðkomandi til 55 mínútna neysluhlés sem er greitt og miðast við að vera 15 mínútur samfellt í samráði við yfirmann. 

Ef unnin er 6 tíma vakt þá er réttur viðkomandi til 25 mínútna neysluhlés sem er greitt og miðast við að vera 15 mínútur samfellt í samráði við yfirmann. 

Vinna í neysluhléum greiðist með yfirvinnukaupi eða styttir vinnutíma samsvarandi.

Starfsfólk á rétt á vinnuhléi sem nemur að minnsta kosti 0,5 klst. alls á dag, nema að um annað sé samið. 
Daglegur tími sem fer í vinnuhlé má ekki fara fram úr 1 klst. nema vinnudagur fari fram yfir 8 klst. á dag, þá má vinnuhlé fara í 1,5 klst. á dag.
Á þeim dögum sem vinnutíma lýkur fyrir kl. 14:00 er heimilt að semja um að ekki skuli tekið vinnuhlé.

Kvöldmatartími skal vera á tímabilinu kl. 19:00 til 20:00 og greiðast með yfirvinnukaupi. 
Sé matartíminn unninn eða hluti af honum greiðist til viðbótar vinnutímanum, með sama kaupi, ein klst. Það skal greiða þó unnið sé skemur.

Ef unnin er yfirvinna að nóttu skal matartími vera frá kl. 03:00 til 04:00.