Atburðadagatalið

Frídagur verslunarmanna 2020
03
ágú
Tilkynningar 03.08.2020

Frídagur verslunarmanna 2020

Frídagur verslunarmanna var haldinn hátíðlegur fyrst fimmtudaginn 13. september 1894, skömmu eftir að tilkynnt var á félagsfundi Verzlunarmannafélags Reykjavíkur að allir kaupmenn og verslunarstjórar stærri verslana í Reykjavík hefðu boðist til að gefa starfsmönnum sínum frídag til að þeir gætu skemmt sér. Frídagur verslunarmanna varð almennur frídagur uppúr miðri síðustu öld. Í ár fellur hann á mánudaginn 3. ágúst.

Dagurinn er stórhátíðardagur

Frídagur verslunarmanna er stórhátíðardagur og ber að greiða fyrir vinnu þann dag samkvæmt því. Vinnuskylda er ekki á frídögum og stórhátíðardögum. Sjá nánar um stórhátíðarálag.

Nánar
Rafrænn hádegisfyrirlestur - Símenntun sem verkfæri í persónulegum og faglegum vexti
31
ágú
Hádegisfyrirlestur

Rafrænn hádegisfyrirlestur - Símenntun sem verkfær...

Athugið: Þessi rafræni fyrirlestur er opinn í allt sumar inni á Mínum síðum undir "Meira" og "Rafrænir viðburðir".

Leiðbeinandi er Rakel Heiðmarsdóttir hjá Birki ráðgjöf. Hún er með doktorsgráðu í Ráðgjafarsálfræði og hefur mikla reynslu af ráðgjöf, markþjálfun og mannauðsstjórnun.

Það getur stundum verið gott að staldra við í dagsins önn og hugleiða hvar við erum stödd og hvert viljum við stefna. Þessi fyrirlestur er hugvekja um mikilvægi þess að efla stöðu okkar á atvinnumarkaðnum með markmiðasetningu og símenntun. Hvort sem við erum í starfi eða að leita að starfi geta markmið og frekari menntun eða fræðsla gefið okkur vind í seglin til meiri árangurs í starfi og atvinnuleit. Á tímum sem þessum geta falist tækifæri til vaxtar ef við sýnum seiglu og úthald til að ná settum markmiðum eða sækja okkur frekari menntun til að auka möguleika.

Fyrirlesturinn verður aðgengilegur til 31. ágúst 2020 á Mínum síðum.

Skrá mig
Næstu skref eftir atvinnumissi - Rafrænt örnámskeið á Mínum síðum
31
ágú
Námskeið 31.08.2020

Næstu skref eftir atvinnumissi - Rafrænt örnámskei...

Athugið: Þessi rafræni fyrirlestur er opinn í allt sumar inni á Mínum síðum undir "Meira" og "Rafrænir viðburðir".

Félagsmönnum VR býðst að horfa á rafrænt örnámskeið en námskeiðið er hugsað fyrir þá sem sagt hefur verið upp störfum af hálfu atvinnurekanda og er um 90 mínútur.

Námskeiðið verður aðgengilegt til 30. september á Mínum síðum á vr.is.

Í upphafi fyrirlesturs fer sérfræðingur af kjaramálasviði yfir réttarstöðu einstaklings gagnvart starfslokum af þessu tagi og mikilvæg atriði varðandi umsókn um atvinnuleysisbætur til Vinnumálastofnunar eftir að uppsagnartímabili lýkur.

Því næst fjallar Jóhann Ingi Gunnarsson, sálfræðingur, um hvernig við getum unnið með og breytt viðhorfum okkar og venjum til að ná fram okkar besta þegar á reynir. Lögð er áhersla á gagnlegar aðferðir til að takast á við breytingar við krefjandi aðstæður.

Jóhann Ingi Gunnarsson hefur áratugareynslu af klínískri vinnu með einstaklinga auk þess sem hann hefur haldið fjölda námskeiða og fyrirlestra fyrir fyrirtæki og stofnanir bæði hér heima og erlendis. Einnig má nefna að hann hefur lengi starfað á vettvangi íþrótta, t.d. sem landsliðsþjálfari auk þess að vera andlegur styrktarþjálfari margra af okkar fremstu íþróttamönnum.

Nánar
Hádegisverður með nýjum trúnaðarmönnum
02
sep
Trúnaðarmannanámskeið 02.09.2020 kl. 12:00-13:00

Hádegisverður með nýjum trúnaðarmönnum

Leiðbeinandi: Ragnar Þór Ingólfsson og starfsmenn VR

Ragnar Þór Ingólfsson, formaður VR, tekur á móti nýjum trúnaðarmönnum. Farið verður yfir helstu atriði varðandi starfsemi og sögu VR auk þess sem starfsmaður VR, mun ræða um hlutverk trúnaðarmanna. Þá mun Bryndís Guðnadóttir, forstöðumaður kjaramálasviðs, koma inn á fundinn og svara spurningum tengdum kjaramálum.

Fundurinn verður haldinn í sal VR á 0. hæð í Húsi verslunarinnar. Léttur hádegisverður í boði.

Athugið að námskeiðið er aðeins ætlað trúnaðarmönnum VR.

 

Nánar
Rafrænn hádegisfyrirlestur - Í blíðu og stríðu með okkur sjálfum
03
sep
12.00-13.00
Hádegisfyrirlestur

Rafrænn hádegisfyrirlestur - Í blíðu og stríðu með...

Leiðbeinandi: Rakel Heiðmarsdóttir, Ph.D., ráðgjafi hjá Birki ráðgjöf ehf.

Hugvekja um mikilvægi þess að standa með okkur sjálfum sama hvað á dynur. Hvaða skilaboð sendum við til okkar sjálfra ef illa gengur? Hvaða viðhorfsgleraugu er okkur tamast að nota og hvernig getum við ræktað ný og jákvæðari gildi þegar við þurfum virkilega á að halda? Farið verður yfir leiðir til að finna hvað drífur okkur áfram og eru í takt við okkar persónulegu gildi.

Hádegisfyrirlesturinn verður haldinn í streymi. 

Skrá mig
Hópmarkþjálfun fyrir atvinnuleitendur
07
sep
Námskeið 07.09.2020 kl. 9:00 - 10:30

Hópmarkþjálfun fyrir atvinnuleitendur

Leiðbeinandi: Örn Haraldsson, markþjálfi og frumkvöðull

Langar þig að ná fram því besta í þér á krefjandi tímum? Skerpa áherslur, móta framtíðarsýn og virkja styrkleikana þína til að takast á við atvinnumissi og atvinnuleit? Þá er þetta námskeið eitthvað fyrir þig.

Hópmarkþjálfun er námskeið þar sem hópur einstaklinga kemur saman til að vinna með tiltekið viðfangsefni. Á námskeiðinu verður notast við aðferðir markþjálfunar þar sem hver þátttakandi vinnur og tekur þátt á sínum forsendum. Markþjálfi kennir námskeiðið og heldur utan um ferlið. Á námskeiðinu læra þátttakendur með og af hverjum öðrum. Í hópmarkþjálfun getur oft skapast góð liðsheild og traust sem eykur persónulegan vöxt. Tilgangur þessa námskeiðs er að styðja við félagsmenn VR, sem hafa misst vinnuna sökum sviptinga á vinnumarkaði, til að takast á við breytingar, finna hvað einstaklingar vilja varðandi atvinnu og finna leiðir til að ná þeim markmiðum. 

Örn er PCC vottaður markþjálfi, starfar sjálfstætt og hefur mikla reynslu af teymis- og leiðtogaþjálfun hjá fyrirtækjum, t.d. Marel, GRID og CIRCULAR solutions. Hann kennir markþjálfun hjá Profectus, hefur viðamikla reynslu úr hugbúnaðargeiranum og unnið sem frumkvöðull en hann stofnaði til að mynda fyrirtækið Arctic running.

Námskeiðið með Erni verður haldið í sal VR á 0. hæð í Húsi verslunarinnar. Það er alls 6,5 klukkustundir og verður dagana 7., 14., 21. og 28. september frá kl. 09:00-10:30 (fyrsti tíminn er frá 9:00-11:00).

Námskeiðið er fullgildum félagsmönnum VR að kostnaðarlausu. Létt snarl verður í boði. 

 

 

Nánar
Hópmarkþjálfun fyrir atvinnuleitendur
08
sep
Námskeið 08.09.2020 kl. 13:00 - 15:00

Hópmarkþjálfun fyrir atvinnuleitendur

Leiðbeinandi: Kristín Þórsdóttir, markþjálfi og eigandi Eldmóður fræðsluseturs

Langar þig að ná fram því besta í þér á krefjandi tímum? Skerpa áherslur, móta framtíðarsýn og virkja styrkleikana þína til að takast á við atvinnumissi og atvinnuleit? Þá er þetta námskeið eitthvað fyrir þig.

Hópmarkþjálfun er námskeið þar sem hópur einstaklinga kemur saman til að vinna með tiltekið viðfangsefni. Á námskeiðinu verður notast við aðferðir markþjálfunar þar sem hver þátttakandi vinnur og tekur þátt á sínum forsendum. Markþjálfi kennir námskeiðið og heldur utan um ferlið. Á námskeiðinu læra þátttakendur með og af hverjum öðrum. Í hópmarkþjálfun getur oft skapast góð liðsheild og traust sem eykur persónulegan vöxt. Tilgangur þessa námskeiðs er að styðja við félagsmenn VR, sem hafa misst vinnuna sökum sviptinga á vinnumarkaði, til að takast á við breytingar, finna hvað einstaklingar vilja varðandi atvinnu og finna leiðir til að ná þeim markmiðum. 

Kristín Þórsdóttir starfar sem vottaður ACC markþjálfi ásamt því að vera markþjálfi hjá Krafti, stuðningsfélagi ungs fólks með krabbamein. Kristín hefur mikla reynslu af því að halda fyrirlestra og að vinna með fólki á fjölbreyttan og opinn hátt en það er ástríða hennar að sjá fólk vaxa og eflast.

 

Námskeiðið með Kristínu verður haldið í sal VR á 0. hæð í Húsi verslunarinnar. Það er alls 6 klukkustundir og verður dagana 8., 15. og 22. september frá kl. 13:00-15:00.

 

Námskeiðið er fullgildum félagsmönnum VR að kostnaðarlausu. Létt snarl verður í boði. 

 

Nánar
Trúnaðarmaðurinn – hlutverk og erfiðu málin
16
sep
Trúnaðarmannanámskeið 16.09.2020 kl. 9:00-12:00

Trúnaðarmaðurinn – hlutverk og erfiðu málin

Leiðbeinandi: Eyþór Eðvarðsson, M.A í vinnusálfræði og þjálfari hjá Þekkingarmiðlun

Það er algengt að leitað sé til trúnaðarmanna með hin ýmsu mál sem upp koma á vinnustöðum. Á námskeiðinu verður farið yfir yfir hlutverk trúnaðarmannsins, hvernig er hægt að vera faglegur en jafnframt þekkja sín mörk, bæði gagnvart vinnuveitanda og starfsmönnum. Trúnaðarmönnum verður gefinn kostur á því að taka þátt í umræðum. Þátttakendur geta komið með mál sem þeir eru að glíma við en ekki er þörf á að vera með sérstök mál til að taka þátt. Dæmi um atriði sem eru rædd eru eineltismál, samskiptaerfiðleikar, vantraust starfsmanna á yfirmann, kynferðisleg áreitni, erfiðar og umdeildar uppsagnir og ágreiningur samstarfsmanna.

Eyþór Eðvarðsson er með M.A. í vinnusálfræði og starfar sem þjálfari og stjórnendaráðgjafi hjá Þekkingarmiðlun ehf.
Námskeiðið verður haldið í sal VR á 0. hæð í Húsi verslunarinnar. Léttur morgunverður í boði.

Athugið að námskeiðið er aðeins ætlað trúnaðarmönnum VR.

Nánar

Leit

Veldu flokk

Hádegisfyrirlestrar

VR býður fullgildum félagsmönnum á skemmtilega og fróðlega hádegisfyrirlestra. Allir fyrirlestrar eru haldnir í sal VR á 0. hæðinni í Húsi verslunarinnar.

Í boði eru léttar veitingar. Félagsmenn utan höfuðborgarsvæðisins geta skráð sig á fyrirlestrana með því að senda tölvupóst á vr@vr.is.

Vinsamlega skráið ykkur rafrænt á fyrirlesturinn eða með því að hringja í þjónustuver VR í síma 510 1700.

Skráðu þig á Mínar síður til þess að sjá ef þú ert skráð/ur á viðburðinn og einnig ef þú vilt afskrá þig.

Skrá mig á póstlista VR