Hádegisfyrirlestrar

Rafrænn hádegisfyrirlestur - Stytting til framtíðar

5. október kl. 12:00-12:45
Fyrirlesari: Victor Karl Magnússon, sérfræðingur í rannsóknum og greiningum hjá VR

VR og LÍV krefjast þess að almenn vinnuvika verði stytt í 32 stundir á viku án skerðingar launa. Hvers vegna? Ástæðurnar eru þrjár:

1. Rannsóknir benda til þess að stytting vinnutíma hafi jákvæð áhrif á líkamlega og andlega heilsu starfsfólks og starfsánægjuna.
2. Framleiðni minnkar sjaldnast við styttingu vinnutíma vegna þess að starfsfólk sem er ánægt, úthvílt og heilbrigt afkastar meira en ella.
3. Stytting vinnuvikunnar er nauðsynleg forsenda þess að hægt sé að takast á við þær samfélagsbreytingar sem tækniframfarir bera í skauti sér.

Markmið þessa erindis er að gera skil á ofangreindum áherslum VR í komandi kjaraviðræðum. Þá verður umræðan um styttingu vinnuvikunnar líka sett í sögulegt samhengi. Baráttan fyrir styttum vinnutíma er alls ekki ný og fróðlegt að skoða þá þróun sem hefur átt sér stað í þeim efnum á síðustu 100 árum. Victor Karl Magnússon starfar sem sérfræðingur í rannsóknum og greiningum hjá VR. Áður starfaði hann við rannsóknir hjá Háskóla Íslands en hann er með meistarapróf í rökfræði og vísindaheimspeki frá háskólanum í München.

Fyrirlesturinn verður einungis aðgengilegur rafrænt. Honum verður streymt á auglýstum tíma, opinn út daginn á hlekknum en fer svo inn á Mínar síður og verður þar aðgengilegur í 30 daga. Þessi fyrirlestur verður með enskum texta.

Með því að skrá þig á hádegisfyrirlestur færðu áminningu þegar nær dregur viðburði á tölvupóstfangið sem þú ert með skráð hjá VR. Þú getur séð hvaða netfang þú ert með skráð á Mínum síðum. Einnig er hægt að setja viðburðinn í dagatalið sitt með því að smella á hnapp sem birtist við skráningu.