Trúnaðarmannanámskeið

Trúnaðarmannanámskeið - Allt um VR

Leiðbeinendur: Kjaramálasvið VR og sérfræðingar hjá sjóðum VR    

Athugið að námskeiðið er aðeins ætlað trúnaðarmönnum VR    

VR leggur áherslu á að trúnaðarmenn fái allar helstu upplýsingar er snúa að kjaramálum og þjónustu VR. Á námskeiðinu er farið yfir helstu atriði kjarasamninga svo sem veikindarétt, uppsagnir, orlof, vinnutíma og áunnin réttindi. Einnig er farið yfir þjónustuliði eins og VR varasjóð, Sjúkrasjóð, Orlofssjóð, Starfsmenntasjóð og VIRK.   

Allt sem farið er yfir á námskeiðinu er gagnlegt fyrir trúnaðarmenn og því vill VR að allir trúnaðarmenn félagsins fari í gegnum þennan námskeiðsdag. Einnig læra trúnaðarmenn aðferðir við leit á vef VR og hvernig er hægt að leiðbeina samstarfsfólki sínu sem eru félagar í VR hvar hægt er að nálgast mikilvægar upplýsingar um réttindi sín og þjónustu á vef VR.   

Námskeiðið er haldið í sal VR á 9.hæð í Húsi verslunarinnar, Kringlunni 7 en einnig er hægt að vera með á Teams. Morgunmatur og hádegismatur í boði fyrir þau sem mæta á staðinn. Veldu þann möguleika sem hentar þér hér að ofan.   

Við skráningu er sendur tölvupóstur á netfangið sem þú ert með skráð hjá VR. Þú getur séð hvaða netfang þú ert með skráð á Mínum síðum á vr.is.