Fyrirtæki ársins 2025

Niðurstöður úr könnun VR um Fyrirtæki ársins 2025 liggja nú fyrir. Heildareinkunn fyrirtækja er reiknuð út frá viðhorfi starfsfólks til ólíkra þátta starfsumhverfis. Spurt er um stjórnun, launakjör, starfsanda, jafnrétti, starfsánægju, og fleira (sjá nánar um aðferðafræði hér). Þau fyrirtæki sem skara fram úr í könnuninni hljóta formlega viðurkenningu, enda ærin ástæða til að vekja athygli á frammistöðu þeirra.

Þrjú efstu fyrirtækin í hverjum stærðarflokki eru útnefnd Fyrirtæki ársins 2025, að undanskildum fyrirtækjum í hópi stórra fyrirtækja en þau eru fjögur í ár þar sem ekki er munur á einkunn tveggja fyrirtækja í sætum þrjú og fjögur. Eru Fyrirtæki ársins 2025 því tíu í heildina. Eingöngu fyrirtæki sem bjóða öllu starfsfólki sínu þátttöku í könnuninni koma til greina.

Hér má sjá lista í stafrófsröð yfir Fyrirtæki ársins 2025, í hverjum stærðarflokki fyrir sig. VR óskar þeim innilega til hamingju með árangurinn.

Stór fyrirtæki

APRÓ

NetApp

Límtré Vírnet

Sjóvá

Meðalstór fyrirtæki

Orkan

Hringdu

Reykjafell

Lítil fyrirtæki

Mjúk Iceland

Arango

Hótel Vellir

Niðurstöður úr könnun VR um Fyrirtæki ársins liggja nú fyrir. Heildareinkunn fyrirtækja er reiknuð út frá viðhorfi starfsfólks til ólíkra þátta starfsumhverfis. Spurt er um stjórnun, launakjör, starfsanda, jafnrétti, starfsánægju, og fleira.

Listi yfir fyrirtæki 2025

Heildarniðurstöður í Fyrirtæki ársins 2025.

Fyrirmyndarfyrirtæki 2025

Fimmtán efstu fyrirtækin í hverjum stærðarflokki eru útnefnd Fyrirmyndarfyrirtæki 2025 og eru því 45 í heildina. Mörg þessara fyrirtækja eru ofarlega á lista ár eftir ár, hvernig sem gengur, sem ber vott um öfluga mannauðsstjórnun.

Fjölskylduvænustu fyrirtækin

Í ár verða þrjú fyrirtæki, eitt í hverjum stærðarflokki, útnefnd Fjölskylduvænustu fyrirtækin 2025. Val þeirra byggir á viðhorfi starfsfólks til þátta eins og sveigjanleika og getu til þess að samræma vinnu og einkalíf.

Fræðsluviðurkenning VR

Í ár hljóta þrjú fyrirtæki, eitt í hverjum stærðarflokki, Fræðsluviðurkenningu VR 2025. Val þeirra byggir á viðhorfi starfsfólks til sí- og endurmenntunarmála og getu þeirra til þess að þróast í starfi.

Framkvæmdin

Í könnun VR á Fyrirtæki ársins er viðhorf starfsfólks til lykilþátta í starfsumhverfi vinnustaðarins metið. Könnunin er vettvangur fyrir félagsfólk til að koma skoðunum sínum á framfæri og láta stjórnendur vita af því sem vel er gert og hvað betur má gera.

Lykilþættirnir níu

Í könnun VR á Fyrirtæki ársins er spurt um viðhorf til níu lykilþátta í innra starfsumhverfi fyrirtækja og má sjá þróun þeirra í töflunni hér að neðan.