Starfsmenntanefnd VR var stofnuð með það meginmarkmið að efla framgang starfsmenntunar félagsmanna. Hlutverk nefndarinnar er að móta skýra stefnu og verkferla VR í starfsmenntamálum. Nefndin skal sjá til þess að þekking liggi fyrir á stöðu menntunar félagsmanna VR í samhengi við þarfir atvinnulífsins á hverjum tíma.
Menntastefna VR 2020-2022
VR leggur áherslu á að félagsmönnum VR sé tryggður sá möguleiki að þróast í starfi á íslenskum vinnumarkaði, hvort um sé að ræða grunnnám, framhaldsnám, háskólanám eða annað sérhæft nám. VR kappkostar að félagsmönnum gefist kostur á að bæta við sig aukinni hæfni í takt við tæknibreytingar og stafræna þróun í íslensku samfélagi. VR tekur virkan þátt í þeim verkefnum í íslensku samfélagi sem talin eru til framdráttar varðandi frekari menntun og hæfni félagsmanna VR.
Helstu áhersluþættir VR er varða menntastefnu VR 2020-2022 eru:
- Aukin hæfni félagsmanna
a. VR vill stuðla að aukinni menntun meðal félagsmanna sem ekki hafa lokið við
grunnmenntun.
b. VR leggur áherslu á að félagsmönnum gefist ávallt kostur á að auka hæfni sína með sí- og endurmenntun.
c. VR hvetur félagsmenn sína til að undirbúa sig fyrir frekari breytingar og leiðir til að takast á við mögulegar breytingar á störfum í framtíðinni. - Samvinna innan skólasamfélagsins í heild sinni
a. VR er virkur þátttakandi í framþróun náms og námsúrræða fyrir félagsmenn.
b. VR tekur þátt í verkefnum á öllum skólastigum.
c. VR stuðlar að aukinni samvinnu við símenntunarmiðstöðvar.
d. VR vinnur með hagsmunaaðilum til aukinnar hæfni fyrir félagsmenn sína - Síbreytileg og uppfærð upplýsingagjöf til félagsmanna
a. VR tryggir skýrt aðgengi félagsmanna að upplýsingum um frekara nám.
b. VR upplýsir félagsmenn um hvaða breytingar geta orðið á vinnumarkaði og störf þeirra. - Raunfærnimat og náms- og starfsráðgjöf?
a. VR stuðlar að því að hæfni sem félagsmaður hefur áunnið sér verði metin/skrásett.
b. VR stuðlar að því að aðgengi í raunfærnimat í almennri starfshæfni verði gott
c. VR stuðlar að því að raunfærnimat skili félagsmönnum ávinningi til styttingar á formlegu námi.