Skrifað hefur verið undir kjarasamninga VR við Samtök atvinnulífsins og Félag atvinnurekenda sem fela í sér nýja nálgun til bættra lífskjara. Áhersla á kjarabætur til þeirra sem hafa lægstu launin er rauði þráðurinn í samningnum en um það er almenn sátt í samfélaginu.
Kjarasamningur VR við SA var samþykktur með 88,35% atkvæða og kjarasamningur VR við FA var samþykktur með 88,47% atkvæða.
Rafræn atkvæðagreiðsla um kjarasamningana fór fram á vef VR dagana 11.- 15. apríl sl.
Nýir kjarasamningar
Samið var um krónutöluhækkanir eins og lagt var upp með í upphafi samningaviðræðna en auk þess eru launahækkanir að hluta tengdar þróun hagvaxtar og er gert ráð fyrir árlegri endurskoðun taxtalauna í ljósi launaþróunar á almennum vinnumarkaði. Þá er vinnuvikan stytt, en það var eitt helsta áherslumál VR í samningaviðræðunum, og sveigjanleiki aukinn. Eitt meginmarkmið samningsins er að stuðla að vaxtalækkun sem eykur ráðstöfunartekjur heimilanna. Gildistími samningsins er frá 1. apríl 2019 til 1. nóvember 2022.
-
icn-linkSjá kjarasamning VR og SA
-
icn-linkSjá kjarasamning við VR og FA
-
icn-linkSjá lífskjarasamning
-
icn-linkSjá sérkjarasamning starfsfólks í afþreyingar-og ferðaþjónustu