Almennar fréttir - 12.03.2021

Niðurstöður allsherjaratkvæðagreiðslu til formanns og stjórnar VR

Allsherjaratkvæðagreiðslu vegna kosninga til formanns og stjórnar VR, sem stóð frá 8. mars 2021 til kl. 12:00 á hádegi þann 12. mars 2021 er nú lokið. Atkvæði greiddu 10.346. Á kjörskrá voru alls 35.919 félagsmenn. Kosningaþátttaka var því 28,8%.

Niðurstöður kosninganna eru sem hér segir:

Formaður VR - til tveggja ára

Ragnar Þór Ingólfsson

Sjö stjórnarmenn – til tveggja ára skv. fléttulista eins og kveðið er á um í 20. gr. laga VR.

Svanhildur Ólöf Þórsteinsdóttir
Jón Steinar Brynjarsson
Helga Ingólfsdóttir
Sigurður Sigfússon 
Kristjana Þorbjörg Jónsdóttir
Þórir Hilmarsson
Harpa Sævarsdóttir

Þrír varamenn í stjórn VR – til eins árs

Jónas Yngvi Ásgrímsson
Sigríður (Sirrý) Hallgrímsdóttir
Arnþór Sigurðsson

Þessir aðilar eru því réttkjörnir skv. 20. gr. laga félagsins og hefst kjörtímabil þeirra á aðalfundi VR fyrir árið 2021 sem haldinn verður í lok mars.

Úrslit kosninganna eru sem hér segir:

Kosning um formann

Kosning til stjórnar

Kjörsókn var með mesta móti í kosningunum nú en eins og áður sagði var kosningaþátttaka 28,80% en í síðustu formannskosningum, árið 2017, greiddu 5.706 atkvæði en þá voru 33.383 á kjörskrá og var kosningaþátttaka því 17,09%.