Athugið að þessi frétt er meira en ársgömul
Almennar fréttir - 25.01.2021
Ár frá vinnutímastyttingu félagsmanna VR
Vinnutímastytting hjá félagsmönnum VR tók gildi fyrir rúmu ári síðan, þann 1. janúar 2020, en samið var um fasta 45 mínútna styttingu á viku í kjarasamningum félagsins árið 2019. Það er von okkar að útfærslan á vinnustöðum hafi tekist vel en hún var í höndum hvers vinnustaðar fyrir sig og var samkomulag milli atvinnurekenda og starfsfólks á grundvelli eftirfarandi kosta:
- Hver dagur styttist um 9 mínútur
- Hver vika styttist um 45 mínútur
- Safnað upp innan ársins
- Vinnutímastyttingu með öðrum hætti.
VR réðst í mikla kynningarherferð á vinnutímastyttingu á sínum tíma og opnaði vefsíðu með öllum helstu upplýsingum fyrir félagsmenn sína. Þar má finna spurt og svarað um vinnutímastyttingu, tillögur að útfærslum, greinar og viðtöl ásamt öðru fróðlegu efni.
