Fréttir og greinar
Aðgerðaleysi eykur líkur á að kjarasamningum verði sagt upp
Um langa hríð hefur því verið haldið á lofti hér á landi að verðbólgu megi að stofninum til rekja til launahækkana. Sagan er nokkuð einföld og auðskiljanleg: þegar laun hækka þurfa fyrirtækjaeigendur að hækka verð og verðhækkanir leiða til verðbólgu. Við einföldum vandamálum eru einfaldar lausnir og því mætti komast hjá verðbólgu með því að sporna gegn launahækkunum, eða jafnvel lækka laun. En er þetta svo einfalt í raun?
Hækkanir launa hafa lítil áhrif á verðbólgu
Mikill áhugi var á morgunverðarfundi VR, LÍV og Fagfélaganna sem haldinn var í sal Fagfélaganna á Stórhöfða 31 þann 11. júní. Yfirskrift fundarins var „Eggið eða hænan?“ Þar var fjallað um samspil verðbólgu, verðlags og launa á tímum þegar blikur eru á lofti í efnahagsmálum og margt bendir til að forsendur núgildandi kjarasamninga bresti við endurskoðun samningana í haust.
Eggið eða hænan? Takið daginn frá! Opinn fundur um verðbólgu, verðlag og laun 11. júní
Blikur eru á lofti í efnahagsmálum og allt bendir til þess að forsendur kjarasamninga bresti í haust. Verðbólga hefur farið vaxandi, atvinnuleysi aukist og stýrivextir hækkað. Drifkraftar verðbólgu eru margir og samsetning hennar flókin en eigi að nást árangur í baráttunni er mikilvægt að auka skilning á eðli og orsökum hennar.
Við krefjumst þess að bankarnir dragi vaxtahækkanir til baka
VR, LÍV og Fagfélögin fordæma vaxtahækkanir viðskiptabankanna sem tilkynntar voru fyrir helgi. Viðskiptabankarnir skiluðu hátt í 100 milljarða króna hagnaði á síðasta ári eftir skatta. Það samsvarar yfir 320 þúsund krónum á hvern fullorðinn landsmann. Þarna er svigrúm og þarna liggur samfélagsleg ábyrgð bankanna. Bankarnir eiga að taka á sig hluta af byrðum efnahagsástandsins.
Stýrivextir hækka og allir eru að græða – nema þú
Á sama tíma og Seðlabankinn hækkar stýrivexti vegna þrálátrar verðbólgu berast tölurnar úr ársfjórðungsuppgjöri bankanna. Samanlagður hagnaður viðskiptabankanna og Kviku er tæpir 30 milljarðar króna. Hagnaðurinn hefur aukist um þriðjung milli ára og hreinar vaxtatekjur um 29%. Þessar fyrirsagnir eru svo gott sem hættar að vekja furðu.
Breytingar á leikskólum kalla á breyttan vinnutíma
Niðurstöður nýrrar könnunar VR sýna að breytingar sem gerðar hafa verið á leikskólastiginu hafa haft mikil áhrif á daglegt líf margra fjölskyldna innan félagsins . Könnunin sýnir jafnframt að fjárhagsleg staða barnafólks er í mörgum tilfellum þung — um þriðjungur svarenda segir erfitt fyrir heimilið að ná endum saman.
Fyrirtæki og stjórnvöld - þið eigið leik
Alþjóðlegur baráttudagur launafólks er runninn upp! Um allan heim safnast launafólk saman, fagnar sigrum fortíðar og skerpir á kröfum til framtíðar. Hér á landi eru haldnir baráttufundir víða um land þar sem launafólk sýnir fram á mátt samstöðunnar. Ljóst er að ástand efnahagsmála verður ofarlega á baugi.
Við krefjumst!
VR, LÍV og Fagfélögin hafa tekið höndum saman og ávarpa stjórnvöld, sveitarfélögin og fyrirtækin í landinu í nýrri auglýsingaherferð. Allt stefnir í að kjarasamningar losni í haust, með ófyrirsjáanlegum afleiðingum. Launafólk hefur borið hitann og þungan af þrálátri verðbólgu, háum stýrivöxtum og vaxandi atvinnuleysi. Allt hækkar og hækkar – og launafólk fær ekki rönd við reist.