Aðalfundur VR verður haldinn fimmtudaginn 21. mars 2024 kl. 19:30 í salnum Gullfoss á Fosshótel Reykjavík. Fundurinn fer fram bæði sem staðfundur og fjarfundur í senn.
Félagsfólk sem ætlar að sækja fundinn verður að skrá sig fyrirfram á vef VR fyrir kl. 12:00 á hádegi á fundardegi og skrá sig annað hvort á stað- eða fjarfund.
Túlkun á ensku verður einungis í boði í fjarfundi.
Vegna fyrirkomulags fundarins verða allar kosningar rafrænar og fundargögn sömuleiðis. Fundargestir auðkenna sig inn á fundinn með rafrænum skilríkjum. Mikilvægt er að öll sem mæta á fundinn hafi meðferðis viðeigandi búnað (tölvu eða snjalltæki) til þess að geta tekið þátt í kosningum. Ef félagsfólk lendir í tæknilegum vandræðum er hægt að hafa samband í síma 820 1700 frá kl. 19:00. Við hvetjum fólk til að skrá sig tímanlega á fjarfundinn.
Smelltu hér til að skoða leiðbeiningar um rafrænan fund.
Varðandi bílastæði bendum við fundargestum á bílastæðahús Höfðatorgs sem staðsett er við hlið/undir Fosshótel Reykjavík með aðkomu úr Katrínartúni og frá Þórunnartúni.
Dagskrá aðalfundar
- Kosinn fundarstjóri.
- Kosinn ritari.
- Skýrsla stjórnarinnar um störf félagsins undanfarið starfsár.
- Reikningar félagsins fyrir liðið starfsár lagðir fram til samþykktar.
- Tillaga um framlag í VR varasjóð.
- Lagabreytingar.
- Reglugerðarbreytingar á Reglugerð Sjúkrasjóðs VR.
- Lýst kjöri stjórnar og trúnaðarráðs.
- Kosning löggilts endurskoðanda eða endurskoðunarstofu og tveggja félagslega kjörinna skoðunarmanna.
- Ákvörðun félagsgjalds.
- Ákvörðun um laun stjórnarmanna og skoðunarmanna.
- Önnur mál.
