Fyrirtæki ársins 2021 - VR stéttarfélag

Alls eru Fyrirtæki ársins 2021 sextán talsins í ár, fimm í flokki stórra og lítilla fyrirtækja en sex í flokki meðalstórra fyrirtækja. Ástæðan er sú að ekki var munur á einkunnum fyrirtækjanna í fimmta og sjötta sæti í þeim stærðarflokki.

Eingöngu fyrirtæki sem bjóða öllum starfsmönnum sínum þátttöku koma til greina í valinu á Fyrirtæki ársins. Hér að neðan eru fyrirtækin í stafrófsröð í hverjum flokki fyrir sig. Sjá nánari umfjöllun um fyrirtækin með því að smella á nöfnin.

Fyrirtæki ársins 2021 í flokki stórra fyrirtækja, með 70 eða fleiri starfsmenn, eru:
LS Retail, Nova, Opin kerfi, Sjóvá og Vörður tryggingar.

Fyrirtæki ársins 2021 í flokki meðalstórra fyrirtækja, með 30 – 69 starfsmenn, eru:
Hringdu, Hvíta húsið, Miðlun, Reykjafell, Tengi og Toyota

Fyrirtæki ársins 2021 í flokki fyrirtækja með færri en 30 starfsmenn eru:
Artasan, Egill Árnason, Hagvangur, Rekstrarfélag Kringlunnar og Reon.

Stór fyrirtæki

LS Retail

4,59

Nova

4,53

Opin kerfi

4,55

Sjóvá

4,55

Vörður tryggingar

4,55

Meðalstór fyrirtæki

Hringdu

4,69

Hvíta húsið

4,67

Miðlun

4,66

Reykjafell

4,55

Tengi

4,54

Toyota

4,54

Lítil fyrirtæki

4,84

4,82

4,77

4,86

4,79

Happdrættið

Vinningsnúmerin eru:
21035909, 21002646, 21029862

Fyrirmyndarfyrirtæki 2021

Fyrirtækin í fimmtán efstu sætunum í hverjum stærðarflokki fá viðurkenninguna Fyrirmyndarfyrirtæki 2021 og er ástæða til að vekja sérstaka athygli á frammistöðu þeirra. Mörg þessara fyrirtækja eru ofarlega á lista ár eftir á, hvernig sem gengur, sem ber vott um öfluga mannauðsstjórnun.

Listi yfir fyrirtæki 2021

Í könnun á Fyrirtæki ársins eru starfsmenn beðnir um að leggja mat á nokkra lykilþætti í vinnuumhverfinu, sjá lista í töflunum að neðan. Hver þáttur fær einkunn frá 1 til 5 og saman mynda þær heildareinkunn fyrirtækisins. Svarhlutfall miðar við fjölda útsendra spurningalista fyrirtækis.

Framkvæmdin

Gallup sá um framkvæmd könnunar VR á Fyrirtæki ársins 2021 og úrvinnslu niðurstaðna. VR hefur staðið fyrir könnun á fyrirtæki ársins í rúm 20 ár.

Lykilþættirnir níu

Í könnun VR er spurt um viðhorf til helstu lykilþátta í starfsumhverfi fyrirtækja. Þessir þættir eru stjórnun, starfsandi, launakjör, vinnuskilyrði, sveigjanleiki vinnu, sjálfstæði í starfi, ímynd fyrirtækis, jafnrétti og ánægja og stolt af fyrirtæki. Einkunnir fyrir lykilþættina mynda heildareinkunn fyrirtækis. Hæsta einkunn er fimm og á það bæði við um heildareinkunn og lykilþætti.

Allir geta verið með

Á listum yfir Fyrirtæki ársins 2021 eru rúmlega 100 fyrirtæki sem eru stjörnumerkt. Þessi merking þýðir að fyrirtækið hafi tryggt öllum starfsmönnum sínum þátttökurétt í könnuninni, óháð því hvort viðkomandi starfsmaður er í VR eða ekki og óháð starfshlutfalli viðkomandi.